ಗಲಾತ್ಯ 5:6 - ದೇವ್ನಿ ಖ್ಹಾಚಿ ವಚನ್

⁶ ಕ್ರಿಸ್ತ ಯೇಸುಮ ರ‍್ಹವಾಳನ ಖ್ಹತ್ನ ಹುಯುತೋಬಿ ನಾಹುಯುತೋಬಿ ಫಾಯಿದೊ ಕೊಯ್ನಿ. ಕತೋಬಿ ಪ್ಯಾರ್‌ಥಿ ರ‍್ಹೇಸ್ತೆ ವಿಶ್ವಾಸಸ್ ಫಾಯಿದಾನು ಹುಯಿರ‍್ಹುಸ್.

ಗಲಾತ್ಯ 5:6 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:5

ಯೋ ಅಪ್ಣ ಅದ್ಮಿನ ಪ್ಯಾರ್ ಕರಾವಾಳೊ ಹುಯಿರ‍್ಹೋಸ್ ಅಜು಼ ಇನೇಸ್‌ ಅಪ್ಣಖ್ಹಾಜೆ ಸಬೆ ಭರಾವನು ಮಂದಿರ್‌ನ ಭಂದೈದಿದೊತೆ” ಕರಿ ಬೋಲಿನ್ ಯೇಸುನ ಗಿಂಗಾವಲಗಾಖ್ಹತರ್‌,

1 ಕೊರಿಂಥ 13:13

ಅನಖ್ಹಾಜೆ ಹಮ್ಕೆ ವಿಶ್ವಾಸ್, ಟಿವೈರ‍್ಹವಾನು, ಪ್ಯಾರ್ ಆ ತೀನಸ್ ಬಚಿರ‍್ಹೇಸ್. ಆ ಅಖ್ಖಾಮ ಮೋಟು ಪ್ಯಾರಸ್.

1 ಕೊರಿಂಥ 7:19

ಖ್ಹತ್ನ ಕರಾವನುಕಿ ನತರ್ ಖ್ಹತ್ನ ಕರಾವ್ಣುಕರಿ ಯೋಸ್ ಮುಖ್ಯ ಕಾಹೆ. ದೇವ್ನು ಹುಕುಮ್‌ನ ಪಾಡಿನ್ ಚಾ಼ಲನೂಸ್ ಮುಖ್ಯ ಹುಯಿರ‍್ಹುಸ್.

2 ಕೊರಿಂಥ 5:14

ಕ್ರಿಸ್ತನಿ ಪ್ಯಾರ್‌ ಅಪ್ಣುನ ಖ್ಹೂಜ಼್‌ ಕರಾವಸ್, ಶನಕತೊ ಅಖ್ಖಾ ಅದ್ಮಿನಖ್ಹಾಜೆ ಏಕ್‌ ಅದ್ಮಿ ಮರ‍್ನುಕರಿ ಹಮೂನ ಮಾಲುಮ್‌ಛಾ಼. ಇನಾಖ್ಹಾಜೆ ಅಪ್ಣೆ ಅಖ್ಖುಜ಼ಣು ಮರಿಗಯಹುಯಾಮ ಭಾಗ್‌ ಹುಯಿರ‍್ಹಾಸ್.

ಗಲಾತ್ಯ 3:26

ಶನಕತೊ ಕ್ರಿಸ್ತ ಯೇಸುಮ ತುಮೆಖ್ಹಾರು ವಿಶ್ವಾಸ್‍ಥಿ ದೇವ್ನ ಲಡ್ಕಹುಯಿರ‍್ಹಾಸ್.

ಗಲಾತ್ಯ 3:28

ತುಮೆ ಅಖ್ಖುಜ಼ಣು ಕ್ರಿಸ್ತ ಯೇಸುಮ ಎಕ್ಕಸ್ ಹುಯಿರ‍್ಹಾಸ್ತೆಖ್ಹಾಜೆ ಮೆ ಯೆಹೂದ್ಯರ್‌ವಾಳೊ ನತರ್ ಯೆಹೂದ್ಯಕಾಹೇತೆ ಕರಿ ರ‍್ಹವೊ, ಛುಟ್ಕಾರ್‌ವಾಳ ನತರ್ ದಾಸರ್‌ ಕರಿ ರ‍್ಹವೊ, ಪರ್ಖ್ಹೊ ಅಜು಼ ತಯೇಡ ಕರಿ ರ‍್ಹವೊ ಫರಕ್ ಕೊಯ್ನಿ.

ಗಲಾತ್ಯ 6:15

ಶನಕತೊ ಖ್ಹತ್ನ ಹುಯುತೋಬಿ ನತರ್ ನಾಹುಯುತೋಬಿ ಯೋ ಮುಖ್ಯ ಕಾಹೆ. ಕತೋಬಿ ನವೇಥಿ ಪೈದಾಹುವಾನುಸ್ ಮುಖ್ಯ ಹುಯಿರ‍್ಹುಸ್.

ಎಫೆಸ 6:23

ಬಾ ದೇವ್‌ಥಿಬಿ ಪ್ರಭು ಯೇಸು ಕ್ರಿಸ್ತಥಿಬಿ ಶಾಂತಿಬಿ, ವಿಶ್ವಾಸ್‍ಥಿ ರ‍್ಹವಾನಿ ಪ್ಯಾರ್ ಅಖ್ಖಾಸ್ ವಿಶ್ವಾಸಿ ಭೈಯೇ ಭೇನೆನ ಮಾಲುಮ್ ಹುವಾದೆ.

ಕೊಲೊಸ್ಸೆ 1:4

ಶನಕತೊ ಕ್ರಿಸ್ತ ಯೇಸುಮ ತುಮೆ ರಾಖಿರಾಖ್ಯತೆ ವಿಶ್ವಾಸ್ ಅಜು಼ ದೇವ್ನ ಅದ್ಮಿವ್‌ಪರ್ ಛಾ಼ತೆ ತುಮಾರಿ ಲಾಡ್ನ ಬಾರೇಮ ಹಮೆ ಖ್ಹಮ್‌ಜಿರಾಖ್ಯಾಸ್‌.

ಕೊಲೊಸ್ಸೆ 3:11

ಆ ನವ ಜಿವ್ಣಮ ಯೆಹೂದ್ಯಕಾಹೇತೆ ಅಜು಼ ಯೆಹೂದ್ಯವಾಳೊ ಕರಿ ಫರಕ್ ಕೊಯ್ನಿ, ಖ್ಹತ್ನ ಕರೈರಾಖವಾಳು, ಕರೈರಾಖಕೊಂತೆ ಕರಿ ಫರಕ್‌ಕೊಯ್ನಿ, ಮಾಲುಮ್‌ರ‍್ಹವಾಳು ನಾಮಾಲುಮ್‌ ರ‍್ಹವಾಳುಕರಿ ಫರಕ್ ಕೊಯ್ನಿ. ಆಳ್‌, ಯಜಮಾನ್‍ಕರಿ ಫರಕ್ ಕೊಯ್ನಿ. ಕತೋಬಿ ಕ್ರಿಸ್ತಸ್ ತಮಾಮ್‍ಬಿ ಹರೇಕ್‌ಮ ರ‍್ಹವಾಳೊ ಹುಯಿರ‍್ಹೋಸ್.

1 ಥೆಸ 1:3

ಅಜು಼ ವಿಶ್ವಾಸ್‍ಥಿ ತುಮೆ ಕರ‍್ಯಾತೆ ಕಠಣ್ ಕಾಮ್ನಾಬಿ, ಪ್ಯಾರ್‌ಥಿ ತುಮೆ ಕರ‍್ಯಾತೆ ಮ್ಹಿನತ್‌ನಾಬಿ, ಅಪ್ಣೊ ಪ್ರಭು ಯೇಸು ಕ್ರಿಸ್ತಪರ್‌ನಿ ತುಮಾರಿ ಭರೋಖ್ಹಾನಖ್ಹಾಜೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್ನ ಖ್ಹಾಮ್ಣೆ ಹಮೆ ಹಮೇಶ ಯಾದ್ ಕರಿಯೇಸ್.

ಇಬ್ರಿ 11:8

ವಿಶ್ವಾಸ್‌ಥೀಸ್ ದೇವ್ನೆ ವಾಗ್ದಾನ್ ಕರ‍್ಯೊತೆ ದೇಖ್ಹ್‌ನ ಇನೆ ಲೀಲೇವ್ಣುಕರಿ ಅಬ್ರಹಾಮ್‌ನೆ ವಿಧೇಯ ಹುವಾಳೊ ಹುಯಿನ್ ಯೋ ಹಕ್‌ಥಿ ಲೇವ್ಣುಥೂತೆ ದೇಖ್ಹ್‌ನ ನಿಕ್ಳಿಗಯೊ. ಇನೆ ಕಿಜ್ಜಾ಼ ಜಾ಼ವ್ಣುಕರಿ ಸೋಚ್ಯೊ ಕೊಯ್ನಿತೇಬಿ ಚ಼ಲೆಗಯೊ.

1 ಪೇತ್ರ 1:8

ತುಮೆ ದೇವ್ನ ಡೋಳೇಥಿ ನಾ ದೇಖ್ಯಾತೋಬಿ ಇನ ಪ್ಯಾರ್ ಕರೋಸ್. ತುಮೆ ಹಮ್ಕೆ ಇನ ನಾದೇಖ್ಯಾತೊಬಿ ಇನಾಮ ವಿಶ್ವಾಸ್‍ಥಿ ಖ್ಹುಶಿ ಕರ್ಶು. ಶನಕತೊ ತುಮಾರು ವಿಶ್ವಾಸ್‍ನು ಫಲ್‍ಹುಯಿರ‍್ಹುತೆ ಆತ್ಮನು ರಕ್ಷಣೇನ ಲಿಲ್ಯಾವವಾಳ ಹುಯಿನ್ ಮಹಿಮೆನಿ ಖ್ಹುಶಿಕರ್‌ಶು.