ಗಲಾತ್ಯ 5:3 - ದೇವ್ನಿ ಖ್ಹಾಚಿ ವಚನ್

³ ಖ್ಹತ್ನ ಕರೈಲಾವಳ ಹರೇಕ್ ಜ಼ಣಾನ, ತೂ ಧರ್ಮಶಾಸ್ತ್ರಮ ಬೋಲಿರಾಖ್ಯುಸ್ತೆ ಕರ್ನಿನ ಚ಼ಲಾವವಾಳೊ ಹುಯಿರ‍್ಹೊಸ್ ಕರಿ ಪಾಛು಼ ಮೆ ಖ್ಹಾಚ಼ಮಾಬಿ ಬೋಲುಸ್.

ಗಲಾತ್ಯ 5:3 ပူးပေါင်းရင်းမြစ်များ

ಮತ್ತಾಯ 23:16

ವಾಟ್‌ ವತಾಳವಾಳ ಕಾಣ ಅದ್ಮಿಯೆ, ತುಮಾರಿ ಹಾಲ್ನ ಶಾತ್‌ ಬೋಲು! ಏಕ್‌ ಜ಼ಣೊ ಮಂದಿರ್‌ಪರ್ ಆಣ್ ಲಿದೋತೊ, ಯೋ ಶಾತ್ ಆಣ್ ಕಾಹೆ, ಕತೋಬಿ ಏಕ್‌ ಜ಼ಣೊ ಮಂದಿರ್‌ನು ಖ್ಹೊನ್ನಾಪರ್‌ ಆಣ್ ಲಿದೋತೊ, ಇನ ಚ಼ಲಾವ್ಣುಸ್ ಚ಼ಲಾವ್ಣು’ ಕರಿ ಬೋಲೋಸ್.

ಮತ್ತಾಯ 23:18

ಎತ್ರೇಸ್ ಕಾಹೆತೆ, ‘ಏಕ್‌ ಜ಼ಣೊ ಚಾ಼ಚ಼ರ್‌ಪರ್ ಆಣ್ ಲಿದೋತೊ, ಯೋ ಶಾತ್ ಆಣ್ ಕಾಹೆಕರಿ ಬೋಲೊಸ್‍, ಕತೋಬಿ ಇನಮಾನಿ ಕಾಣ್ಕೆಪರ್‌ ಆಣ್ ಲಿದುತೋ ಇನ ಚ಼ಲಾವ್ಣುಸ್ ಚ಼ಲಾವ್ಣು’ ಕರಿ ತುಮೆ ಬೋಲೋಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:28

ಮನ ಪಾಚ಼್ ಭೈಯೇ ಛಾ಼. ಇವ್ಣೆತೋಬಿ ಆ ಖ್ಹತಾಪ್ಣಿನಿ ಝ಼ಗೋಪರ್ ನಾ ಆವ್ಣುತೆ ಇಮ್‌, ಲಾಜ಼ರ್‌ ಜೈ಼ನ್, ಇವ್ಣುನ ಝೇತಾವಾದೆ’ ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:1

ತದೆ ಥೋಡು ಅದ್ಮಿಖ್ಹಾರು ಯೂದಾಯಥು ಅಂತಿಯೋಕ್ಯ ಖ್ಹಯೇರ‍್ನ ಆಯು. ‘ಮೋಶೆನಿ ದಪ್ತರ್‌ಮ ಬೋಲೈರ‍್ಹಯುತೆ ಪರಕ್ಮ ತುಮೆ ಖ್ಹತ್ನ ನಾ ಕರಾಯತೊ ತುಮೂನ ರಕ್ಷಣೆ ಕೊಉಷೇನಿ’ ಕರಿ ಯೆಹೂದ್ಯರ್ ಕಾಹೆತೆ ಭೈಯೇನ ಬೋಲಿ ಒತಾಳು ಕರ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:40

ಪೇತ್ರನೆ ಅಜೂ಼ಬಿ ಕೈಏಕ್ ವಾಥ್ಥಿ ಖ್ಹಮ್‌ಜಾ಼ಡ್ತೊ ಹುಯಿನ್, “ಆ ಖರಾಬ್ ಪಿಳ್ಗಿವಾಳಥಿ ತುಮೂನ ಬಚಾ಼ಡಿಲೆವೊ” ಕರಿ ಝೇತಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:21

ಯೆಹೂದ್ಯರ್‌ನ ಅಜು಼ ಗ್ರೀಕ್‍ವಾಳು ಪಾಪ್ನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣು ಅಜು಼ ಪ್ರಭು ಯೇಸುನ ನಾಮ್‌ಪರ್‌ ವಿಶ್ವಾಸ್ ರಾಕ್ಣುಕರಿ ಮೇ ಬೋಲಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:25

ತೂ ಧರ್ಮಶಾಸ್ತ್ರನ ವಿಧೇಯ ಹುಯಿನ್ ಚಾ಼ಲ್ಯೊತೊ ತುನೆ ಕರೈರಾಖ್ಯೊತೆ ಖ್ಹತ್ನನ ಫಾಯಿದೊ ಹುಯಿರ‍್ಹಿಶೆ; ಕತೋಬಿ ತೂ ಧರ್ಮಶಾಸ್ತ್ರ ಮೀರಿನ್ ಚಾ಼ಲವಾಳೊ ರ‍್ಹಯೋತೊ, ತುನ ಖ್ಹತ್ನ ಹುಯಿರ‍್ಹುತೋಬಿ ಹುಯುಕೊಂತೆ ತಿಮ್ ಹುವಾಸ್.

ಗಲಾತ್ಯ 3:10

ಮೋಶೆನಿ ರೀತಿರಿವಾಜ್‌ಥಿ ಚಾ಼ಲವಾಳು ಶಾಪ್ ಲೀರಾಖವಾಳು ಹುಯಿರ‍್ಹುಸ್. ಕಿಮ್‌ಕತೊ ಧರ್ಮಶಾಸ್ತ್ರನ ನಿಯಮ್ಮ “ಲೀಖೈರ‍್ಹೂಸ್ತೆ ಅಖ್ಖಾಸ್ನ ಪಾಡಿನ್ ದನ್‌ಪರ್‌ರೋಜ಼್ ಕೋಚಾ಼ಲನಿತೆ ಹರೇಕ್ ಜ಼ಣು ಶಾಪ್‌ವಾಳೊ ಹುಯಿರ‍್ಹೊಸ್” ಕರಿ ಪವಿತ್ರ ಪುಸ್ತಕ್‌ಮ ಲಿಖೈರ‍್ಹುಸ್.

ಗಲಾತ್ಯ 5:2

ದೇಖೊ, ಪೌಲಕರಿ ಮೇ ತುಮುನ ಬೋಲುಕರುಸ್, ತುಮೆ ಖ್ಹತ್ನ ಕರಾವನ ತುಮಾರು ತುಮೇಸ್ ಮಾನಿಲಿದಾತೊ ಕ್ರಿಸ್ತಥಿ ತುಮುನ ಶನೂಬಿ ಫಾಯಿದೊ ಕೊಯ್ನಿ.

ಗಲಾತ್ಯ 5:6

ಕ್ರಿಸ್ತ ಯೇಸುಮ ರ‍್ಹವಾಳನ ಖ್ಹತ್ನ ಹುಯುತೋಬಿ ನಾಹುಯುತೋಬಿ ಫಾಯಿದೊ ಕೊಯ್ನಿ. ಕತೋಬಿ ಪ್ಯಾರ್‌ಥಿ ರ‍್ಹೇಸ್ತೆ ವಿಶ್ವಾಸಸ್ ಫಾಯಿದಾನು ಹುಯಿರ‍್ಹುಸ್.

ಎಫೆಸ 4:17

ಇನಾಖ್ಹಾಜೆ ಮೆ ಪ್ರಭುಮ ತುಮುನ ಶಾತ್‌ ಬೋಲುಸ್‌ಕತೊ ಅಲಕ್‌ ಅದ್ಮಿಖ್ಹಾರು ಚಾ಼ಲಾನಿಘೋಣಿ ಅನ ಅಗ್ಗಳ್ ನಾಚಾ಼ಲ್ನು. ಇವ್ಣೆ ಕಾಯ್‌ ಫಾಯಿದೊಕೊಂತೆ ಅಕ್ಕಲ್‌ವಾಳನಿತ್ರ ಚಾ಼ಲಿಲೆಸ್.

1 ಥೆಸ 4:6

ಅಜು಼ ಆ ಬಾರೇಮ ಜಿನುಕು ಕೋಣ್‌ಬಿ ಕ್ರಿಸ್ತನ ಮಹಿ ಇವ್ಣ ಭೈಯೇ ಹುಯಿರ‍್ಹಾತೆ ಅದ್ಮಿನ ಠಗಾವ್ಣುಕರಿ ಝೇತೈನ್‌, ಖರಾಬ್ ನಾ ಕರ‍್ನು. ಆ ಖ್ಹಾರಿ ಬಾರೇಮ ಪ್ರಭು ನಿಶತ್ ದಿಶೆಕರಿ ಹಮೆ ತುಮುನ ಬೋಲಿರಾಖ್ಯಾಸ್.

1 ಯೋಹಾನ 4:14

ಬಾನೆ ಇನ ಛಿಯ್ಯಾನ ಜಗತ್ನೊ ರಕ್ಷಕ್ ಕರೀನ್ ಮೋಕ್ಲಿರಾಖ್ಯೊತೆ ಅಪ್ಣೆ ದೇಖಿರಾಖ್ಯಸ್. ಅಜು಼ ಇನಿ ಬಾರೇಮ ಅಪ್ಣೆ ಸಾಕ್ಷಿ ಬೋಲಿಯೇಸ್.