ಗಲಾತ್ಯ 5:10 - ದೇವ್ನಿ ಖ್ಹಾಚಿ ವಚನ್

¹⁰ ಕತೋಬಿ ತುಮಾರಮ ಬಿಜಿ ಸೋಚ್ ಕೊರ‍್ಹಿಶೇನಿ ಕರಿ ಪ್ರಭುಮ ತುಮಾರಿ ಬಾರೇಮ ಮನ ಭರೋಖ್ಹೊ ಛಾ಼. ತುಮಾರಮ ಗುಂಝ಼್‌ಲಾವ್ಣಿ ಕರಾವಾಳೊ ಕೋಣ್‌ಬಿ ರ‍್ಹವೊ ದೇವ್ನಿ ನಿಶತ್‌ ಲಿಶೆ.

ಗಲಾತ್ಯ 5:10 ပူးပေါင်းရင်းမြစ်များ

ಗಲಾತ್ಯ 5:12

ತುಮುನ ಕಲಾವ್ಣಿ ಕರವಾಳು ಇವ್ಣು ಇವ್ಣೇಸ್ ಖ್ಹಂದೊ ವ್ಹಾಡಿಲಿದುತೊಬಿ ಅಛ್ಛೂ಼ಸ್.

ಫಿಲಿಪ್ಪಿ 3:15

ಅಪ್ಣಾಮ ಪುರ್ಗುಲ್ ಹುಯಿರ‍್ಹವಾಳ ಖ್ಹಾರಸ್ ಜ಼ಣ ಆ ಬಾರೇಮ ಪೂರ ಹುಯಿರ‍್ಹೇವ್ಣು. ಅಜು಼ ಖಿವುತೋಬಿ ಏಕ್‌ ವಾತೆವ್ಮ ತುಮೆ ಅಲಕ್ ಸೋಚ್‌ವಾಳ ಹುಯಿರ‍್ಹಾತೊ ಇನ ದೇವ್ ತುಮುನ ವತಾಳಿ ದಿಶೆ.

ಗಲಾತ್ಯ 1:7

ಬೋಲ್ನುಕತೊ ಸುವಾರ್ತೆ ಬಿಜು಼ ಕೊಯ್ನಿ ಕತೋಬಿ ಥೋಡುಜ಼ಣು ತುಮಾರಮ ಘುಂಜ್ಲಾ಼ವ್ಣಿಕರೀನ್ ಕ್ರಿಸ್ತನಿ ಸುವಾರ್ತೆನ ಬದ್ಲಾವನ ಕೋಶಿಶ್ ಕರುಕರಸ್.

2 ಕೊರಿಂಥ 2:3

ಅನೇಥಿ ಮೇ ಆ ಚಿಟ್ಟಿನ ಲಿಖ್ಯೋತೆ ಮನ ಖ್ಹುಶಿ ಕರಾವಾಳಸ್ ಮನ ದುಖ್‍ಮ ನಾ ನಾಖಿಲೇವ್ಣು ಕರಿ ಲಾಝು಼ಸ್. ಮಾರಿ ಖ್ಹುಶಿಸ್‍ ತುಮಾರಿ ಖ್ಹುಶೀಕರಿ ತುಮೆ ಲಾಝ಼ಸ್‍ ಕರಿ ಮೇ ವಿಶ್ವಾಸ್ ಕರುಸ್.

1 ತಿಮೊ 1:20

ಹುಮೆನಾಯಬಿ ಅಲೆಕ್ಸಾಂಡರ‍್ನೆ ಅಮ್ಮಸ್ ಕರ‍್ಯಾಥ. ಅವ್ಣೆ ದೇವ್ನ ವಿರೋದ್ ನಾ ಬೋಲ್ನುತೆ ಬರೋಬರ್‌ನಿ ಅಕ್ಕಲ್ ಶಿಕಾದೆಕರಿ ಮೇ ಇವ್ಣುನ ಶೈತಾನ್ನ ಹಾತ್‌ಮ ಒಪ್‌ಶೈದಿದೊ.

ಗಲಾತ್ಯ 6:17

ಅನೇಥಿ ಪಾರ್ ಮನ ಕೋಣ್‌ಬಿ ಖ್ಹತಾವ್ಣುನಾ. ಮಾರ ಶರೀರ್‌ಮ ಯೇಸು ಕ್ರಿಸ್ತನು ಖ್ಹಣೇದ್ನ ನಖೈರಾಖ್ಯೊಸ್.

ಗಲಾತ್ಯ 4:17

ಯೋ ಮಾರು ವಿರೋದಿ ಖ್ಹಾರು ತುಮುನ ದೋಸ್ತ್ ಕರಾವ್ಣುಕರಿ ದಿಲ್‌ ಲಗಾಡು ಕರಾಸ್ ಕತೋಬಿ ಅಛ್ಛಾ಼ನಖ್ಹಾಜೆ ಕಾಹೆ. ತುಮೆ ಇವ್ಣುನ ಕಿಮ್ ಮನ್‌ಲಗಾಡ್ಣುಕರಿ ಕರಸ್ಕಿ ಇಮ್ಮಸ್ ಇವ್ಣೇಬಿ ತುಮುನ ಮಾರೇಥಿ ಅಲಕ್ ಕರ್ನುಕರಿ ಕೋಶಿಶ್ ಕರುಕರಸ್.

ಗಲಾತ್ಯ 3:1

ಅಲ ಅಕ್ಕಲ್‌ಕೊಂತೆ ಗಲಾತ್ಯವಾಳ, ತುಮುನ ಮಂಕ್ ‌ಕೋಣ್‌ಕರ‍್ಯು? ಯೇಸು ಕ್ರಿಸ್ತ ಶಿಲ್‌ಬೇಪರ್ ಜಾನ್‌ಮ್ಹೆಲ್ಯೊತೆ ಯೊ ತುಮಾರ ಡೋಳಾನ ಖ್ಹಾಮ್ಣೆ ಛೋ಼ಡಿವತಾಳ್ಯುನಿ!

ಗಲಾತ್ಯ 2:6

ಕತೋಬಿ ಕೋಣ್ ಗಲ್‌ಢಕರಿ ದೆಖಾವಸ್ಕಿ ಮೇ ಬೋಲುಸ್ ಆ ಮಾರಮ ಅಜು಼ ಇವ್ಣಾಮ ಅನು ಫರಕ್ ಕೊಯ್ನಿ; ದೇವ್ ಅಖ್ಖಾ ಅದ್ಮಿವ್‌ನ ಎಕ್ಕಸ್ ತರ ದೇಖಸ್. ಯೊ ಗ‌ಲ್‌ಢಾವ್‌ಥಿ ಮನ ಶಾತ್ಬಿ ಮಳ್ಯು ಕೊಯ್ನಿ.

ಗಲಾತ್ಯ 2:4

ಕತೋಬಿ ಭಾಣೇಥಿ ಪೇಠುಥೂತೆ ವಿಶ್ವಾಸಿಖ್ಹಾರು ಗಪ್ಲಥ್ಥಿ ಹಮುನ ಧರ್ಮಶಾಸ್ತ್ರನಿ ಕಬ್‌ಜಾ಼ಮ ಖ್ಹಪ್‌ಡಾವ್ಣುಕರಿ, ಕ್ರಿಸ್ತ ಯೇಸುಮ ಛಾ಼ತೆ ಅಪ್ಣಿ ಛುಟ್ಕಾರ್‌ನ ಮಾಲುಮ್‌ಕೊಂತೆ ತಿಮ್ ಪುಛಾ಼ವನ ಐರ‍್ಹುಥು.

2 ಕೊರಿಂಥ 10:6

ತುಮಾರಿ ಹುಕುಮ್ನ ಮಾನಾನು ಪೂರಹುವಾನಿ ಬಾದ್ಮ ಅಖ್ಖುಸ್ ಹುಕುಮ್ನ ನಾ ಮಾನಾನು ದಾವ್‌ ಕಾಡನ ತಯಾರ್ ಹುಯಿರ‍್ಹಾಸ್.

1 ಕೊರಿಂಥ 5:5

ಅಜು಼ ಯೋ ಅದ್ಮಿನು ಶರೀರ‍್ನು ಸ್ವಭಾವ್ ನಾಶ್ ಹುವಾನಖ್ಹಾಜೆ ಇನ ಶೈತಾನ್ನ ಹಾತ್ಮ ಖ್ಹಪ್‍ಡಾವೊ ಶನಕತೊ ಪ್ರಭು ಯೇಸುನ ದನ್ಮ ಇನು ಆತ್ಮ ಬಚಾ಼ವನಖ್ಹಾಜೆ ಅಮ್‍ಕರ‍್ನು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:24

ಹಮಾರಕಂಥು ಆಯುತೆ ಥೋಡಜ಼ಣಾನೆ ಹಮಾರೇಥಿ ಖಿವಿ ಹುಕುಮ್‌ನ ಮಾನ್ಯುಕೊಂತೆ ಇವ್ಣಿ ವಾತೆಥಿ ತುಮರಾಮ ಸಮಾಧಾನ್‌ಕೊಂತೆ ಕರಿನಾಖಿನ್‌, ತುಮಾರ ದಿಲ್ನ ಕಲಾವ್ಣಿ ಕರ‍್ಯುಕರಿ ಹಮೂನ ಮಾಲುಮ್‌ ಪಡ್ಯು.

ಫಿಲೆಮೋನ 1:21

ತಾರಿ ವಿಧೇಯತೆಮ ಭರೋಖ್ಹೊಕರೀನ್ ಮೇ ತುನ ಲೀಖಿರಾಖ್ಯೊಸ್. ಮೇ ಬೋಲ್ಯೋತೆ ಇಂಥಿ ಜಾ಼ಖ್ಹತಸ್‍ ತೂ ಕರೀಶ್‌ಕರಿ ಮನ ಮಾಲುಮ್‌ ಛಾ಼.

2 ಥೆಸ 3:4

ಹಮೆ ಬೋಲ್ಯಾತೆ ಇಮ್‌ ತುಮೆ ಕರುಕರಸ್ ಅಜು಼ ಖ್ಹಾಮ್ಣೇಬಿ ತುಮೆ ಕರ್ಷುಕರಿಬಿ ಪ್ರಭುನೆ ಹಮೂನ ಭರೋಖ್ಹೊ ದೀರಾಖ್ಯೊಸ್.

ಗಲಾತ್ಯ 4:20

ತುಮಾರಿ ಬಾರೇಮ ಶಾತ್‌ಕರ‍್ನುಕರಿ ಮನ ಸೋಚಾನ ಕೊಹುಂಕರಾನಿ. ಬೋಲ್ನುಕತೊ, ತುಮಾರ ಬೀಚ್ಮಾಸ್ ರ‍್ಹೀನ್ ಮಾರ ವಾತೆನಿ ಲಬೂಜ಼್‌ನ ಬದ್ಲಾಯೊಹೊತ್ತೊ ಅಛ್ಛು಼ ರ‍್ಹಿಯುಹೊತ್ ಕಿಶುಕಿ!

ಗಲಾತ್ಯ 4:11

ಮೇ ತುಮಾರಖ್ಹಾಜೆ ಮ್ಹಿನತ್ ಕರ‍್ಯೊತೆ ಫಲ್‌ಕೊಂತೆ ಹುಯ್ಗುಕಿಶುಕಿ ಕರಿ ತುಮಾರಿ ಬಾರೇಮ ಡರ್‌ ಹುವಾಸ್.

2 ಕೊರಿಂಥ 13:10

ಅನಾಖ್ಹಾಜೇಸ್ ಮೇ ತುಮಾರಕನಕೊಂತೆ ವಖ್ಹತ್ ಆ ವಾತೆಖ್ಹಾರಿ ಲೀಖುಕರುಸ್. ತುಮುನ ರಡ್‍ಕೈನಾಖಾನ ಕಾಹೆ. ಭಾಂದಾನಖ್ಹಾಜೆ ಪ್ರಭು ಮನ ದೀರಾಖ್ಯೋತೆ ಅದಿಕಾರ್‌ಥಿ ತುಮೆ ಕಠಣ್‍ನ ವತಾಳನ ವಖ್ಹತ್‌ನ ರ‍್ಹೇವ್ಣುಕರಿ ಆಖ್ಹ್‌ಕರುಸ್.

2 ಕೊರಿಂಥ 10:2

ತುಮುನ ಗಿಂಗೈಲ್ಯವಾನು ಶಾತ್‍ಕತೊ; ಮೇ ತುಮಾರಕನ ಆವಾನಿ ವಖ್ಹತ್‌ಮ ಕಠಣ್‍ಥಿ ಚಾ಼ಲಿಲ್ಯಾವನ ಮನ ವಖ್ಹತ್ ನಕೊದೆವೊ. ಹಮೆ ಜಗತ್‌ವಾಳನಿ ತರ ಜಿವಿಯೇಸ್‍ಕರಿ ಥೋಡು ಜ಼ಣು ಖ್ಹಮ್‍ಜ಼ಸ್ ಇವ್ಣ ಜೋ಼ಡೆ ಹಿಮ್ಮಥ್ಥಿ ರ‍್ಹೇವ್ಣುಕರಿ ಛೂ಼.

2 ಕೊರಿಂಥ 8:22

ಅನಾಹುಯಿನ್ ಮದತ್ ಕರಾನ ಕದೇಬಿ ತಯಾರ್ ಹುಯಿರ‍್ಹವಾಳ ಅಪ್ಣ ಭೈನ ಇವ್ಣಿಜೋ಼ಡ್ಮ ಮೋಕ್ಲುಕರಿಯೇಸ್, ಯೋ ಕೈಯೇಕ್ ತರಾಮ ಇನುಯೋಸ್ ವತಾಳಿರಾಖ್ಯೊಸ್. ಹಮ್ಕೆ ಇನ ತುಮಾರಪರ್ ಘಣು ಭರೋಖ್ಹೊ ಛಾ಼ತೆ ಇನಾಖ್ಹಾಜೆ ಬಿಜೂ಼ಬಿ ಮದತ್ ಕರಾನ ಆಖ್ಹ್‌ಕರಸ್.

2 ಕೊರಿಂಥ 7:16

ಖ್ಹಾರೀಸ್‍ ವಾತ್ನಿ ಬಾರೇಮ ತುಮಾರಾಪರ್ ಮನ ಭರೋಖ್ಹೊ ಛಾ಼ತೆ ಇನಾಖ್ಹಾಜೆ ಖ್ಹುಶಿಕರೂಸ್.

2 ಕೊರಿಂಥ 5:16

ಅಮ್‍ರ‍್ಹವಾಪರ್ ಲೋಕ್ ಅದ್ಮಿನಿ ಬಾರೇಮ ಸೋಚಾನಿತರ ಹಮ್ಕೆಥು ಹಮೆ ಕಿನಿ ಬಾರೇಮಾಬಿ ಸೋಚಿಯೆಕೊಯ್ನಿ. ಲೋಕ್ ಸೋಚಾನಿತರ ಅಗ್‍ಲ್ಯ ಹಗಾಮ್ಮ ಹಮೆ ಕ್ರಿಸ್ತನಿ ಬಾರೇಮ ಸೋಚಿಲಿದಾಥ. ಕತೋಬಿ ಹಮ್ಕೆಥು ಕಿನಾಬಿ ಯೋ ಪರಕ್ಮ ಸೋಚಿಯೆಕೊಯ್ನಿ.

2 ಕೊರಿಂಥ 2:6

ತುಮೆ ಖ್ಹಾರು ಮಳೀನ್‍ ದಿದಾತೆ ನಿಶತಸ್‍ ಬಶ್‌.

2 ಕೊರಿಂಥ 1:15

ಮೇ ಆ ಅಖ್ಖೀಸ್ ವಾತೆನ ಘಣು ವಿಶ್ವಾಸ್ ಕರಿ ರಾಖ್ಯೋಥೊ. ಇನಾಖ್ಹಾಜೆ ತುಮೂನ ಪಹಿಲೆ ಮಳಾನ ಮೇ ಅಖ್ಖಿ ಖ್ಹೂಜ಼್ ಕರಿರಾಖ್ಯೋಥೊ. ತದೆ ತುಮೂನ ಬೇಪಟ್ ಆಶೀರ್ವಾದ್‌ ಹುವಾನುಥು.

ಗಲಾತ್ಯ 5:7

ತುಮೆ ಅಛ್ಛಿನಿತರ ಮಿಲವ್‌ ಕರಸ್ ಕತೋಬಿ ಖ್ಹಾಚ಼ನ ನಾ ಪಾಡಿಚಾ಼ಲ್ನುಕರಿ ತುಮುನ ಠೆರಾಯುತೆ ಕೋಣ್?