12 ಮೇ ಇನ ಅದ್ಮಿಥಿ ಲಿದೊಕೊಯ್ನಿ, ಮನ ಕೋಣ್ ಭೋಧನ್ಬಿ ಕರ್ಯುಕೊಯ್ನಿ ಬದಲ್ಥಿ ಯೇಸು ಕ್ರಿಸ್ತಾಥೀಸ್ ಯೊ ಮನ ಬೋಲಿವತಾಳಯು.
ಮೇ ಪ್ರಭುಥಿ ಲೀಲಿದೋತೆ ಯೊ ತುಮೂನ ದಿನಾಖ್ಯೊ; ಪ್ರಭು ಹುಯಿರೋತೆ ಯೇಸು ಯೊ ಧರೈ ದೆವೈಗಯೋತೆ ರಾತ್ಮ ರೋಟಾನ ಪಾಡಿನ್,
ಕತೋಬಿ ದೇವ್ನೆ ಇನ ಪವಿತ್ರಾತ್ಮಥಿ ಆ ಗಪ್ಲತ್ನ ಬೋಲಿವತಾಳ್ಯೊ. ಯೊ ಪವಿತ್ರಾತ್ಮಸ್ ಆ ಅಖ್ಖು ದೇವ್ನಿ ಗಪ್ಲತ್ನಿ ವಿಚಾರ್ನ ಗಧಾರ್ಥಿ ಢೂಂಢವಾಳೊ ಹುಯಿರ್ಹೋಸ್.
ತುಮೆ ಖಲಿ ಭಾರ್ ದೆಖಾವನು ದೇಖೊಸ್, ಕೋಣ್ ತೋಬಿ ಇನ ಕ್ರಿಸ್ತವಾಳೋಕಿ ಇಮ್ಮಸ್ ಹಮೇಬಿ ಕ್ರಿಸ್ತವಾಳಕರಿ ಮಾಲುಮ್ ಕರಿಲ್ಯಾವಾದೆ.
ಮೇ ಖ್ಹರೈಲ್ಯಾವಾನು ಅಛ್ಛು಼ ಕಾಹೆ, ಕತೋಬಿ ಖ್ಹರೈಲ್ಯಾವಾನು ಮನ ಜ಼ರೂರತ್ ಛಾ಼. ಇನಖ್ಹಾಜೆ ಪ್ರಭುನೆ ಮನ ದಿದೋತೆ ದರ್ಶನನಾಬಿ ಅಜು಼ ಮಾಲುಮ್ಕರಾಯೊತೆ ಪ್ರಕಟಣೆನಿ ಬಾರೇಮ ಬೋಲುಸ್.
ಅದ್ಮಿಖ್ಹಾರಥಿ ರ್ಹವೊ ಅದ್ಮಿವ್ನ ಅದಿಕಾರ್ಥಿ ರ್ಹವೊ ಮೋಕ್ಲಾಯೊಕೊಂತೆ ಯೇಸು ಕ್ರಿಸ್ತಥಿಬಿ ಅಜು಼ ಇನ ಮರ್ಯಮಾಥು ಉಠಾಡ್ಯೊತೆ ಬಾ ದೇವ್ಥಿಬಿ ಅಪೊಸ್ತಲರ್ನಕರಿ ಬೋಲೈರ್ಹೋತೆ ಪೌಲಕರಿ ಮೇಬಿ,
ಅಮ್ ಮೇ ಯೆಹೂದ್ಯರ್ಕಾಹೆತೆ ಅದ್ಮಿವ್ನ ಇನಿ ಛಿಯ್ಯಾನಿ ಬಾರೇಮ ಸುವಾರ್ತೆನ ಖ್ಹಮ್ಜಾ಼ಡ್ನುಕರಿ ದೇವ್ನಿ ಮರ್ಜಿ ಹುಯಿರ್ಹೀಥಿ. ಇನಖ್ಹಾಜೆ ದೇವ್ನೆ ಇನ ಛಿಯ್ಯಾನ ಮನ ವತಾಳ್ಯೊ. ಯೊ ಮನ ಬುಲಾವಖ್ಹತರ್ ಮೆ ಅದ್ಮಿಯೇವ್ನಿ ಖ್ಹೂಜ಼್ನ ಫುಛಾ಼ಯೊ ಕೊಯ್ನಿ.
ದೇವ್ನಿ ಖ್ಹೂಜ಼್ನಿತರ ಜಾ಼ವ್ಣುಥೂತೆ ಇನಖ್ಹಾಜೆ ಯೆಹೂದ್ಯರ್ಕಾಹೆತೆ ಅದ್ಮಿಮ ಮೆ ಬೋಲಿವತಾಳನು ಸುವಾರ್ತೆ ಶಾತ್ಕರಿ ಹಿಜ಼್ಜಾಥೂತೆ ಗಲ್ಢಾವ್ನಾಸ್ ಖ್ಹಮ್ಜಾ಼ಡ್ಯೊ. ಶನಕತೊ ಮೆ ಸುವಾರ್ತೆನಖ್ಹಾಜೆ ಪಡ್ಯೋತೆ ಕಾಮ್ರ್ಹೆವೊ, ಮೇ ಹಮ್ಕೆ ಕರುಕರುಸ್ತೆ ಕಾಮ್ಖ್ಹಾರು ಬಿಣ್ಫಾಯಿದಾನು ನಾಹೊಣುಕರಿ ಮಾರಿ ಆಖ್ಹ್.
ದೇವ್ನೆ ಇನ ದಿಲ್ನ ಮಾಯ್ನನ ಬೋಲಿದಿದೊ. ಅನಿಬಾರೇಮ ಮೆ ಪಹಿಲೆಸ್ ತುಮುನ ಥೋಡಿ ವಾತೆಥಿ ಲೀಖಿನ್ ಮೋಕ್ಲಿರಾಖ್ಯೊಸ್.
ಹಮ್ಕೆ ಹಮೆ ಶಿಕಾಡುಕರೇತೆ ಆ ವಾತೆ ಪ್ರಭೂನೀಸ್ ಉಪದೇಶ್ ಹುಯಿರ್ಹೀಸ್. ಪ್ರಭು ಪಾಛೊ಼ ಆವ್ಶೇತೆ ವಖ್ಹತ್ಮ, ಜಿವ್ತಾ ಛಿಯ್ಯೇತೆ ಅಪ್ಣೆ ಮರಿಗಯೂತೆ ಇವ್ಣೇಥಿ ಪಹಿಲೆ ಕೋ ಜಾ಼ಶುನಿ.