ಎಫೆಸ 6:6 - ದೇವ್ನಿ ಖ್ಹಾಚಿ ವಚನ್

⁶ ಅದ್ಮಿಖ್ಹಾರು ಪಸಂದ್ ಕರಾನಿತರ ಛಾ಼ರ್ವಣಿನಖ್ಹಾಜೆ ಯಜಮಾನ್ ದೇಖುಕರಾನಿ ವಖ್ಹ್‌ತೆ ಖಲಿ ಕಾಮ್ ನಾಕರ‍್ನುತೆ, ಕ್ರಿಸ್ತನಿ ಆಳ್‌ನಿಘೋಣಿ ದೇವ್ನಿ ಮರ್ಜಿನ ಪೂರ ಮನ್‌ಥಿ ಚಾ಼ಲಿಲೆವೊ.

ಎಫೆಸ 6:6 ပူးပေါင်းရင်းမြစ်များ

ಮತ್ತಾಯ 12:50

ಪರ್‌ಲೋಕ್‌ಮ ಛಾ಼ತೆ ಮಾರ ಬಾನಿ ಮರ್ಜಿನಿ ಘೋಣಿ ಕೋಣ್ ಚಾ಼ಲಾಸ್ಕಿ, ಯೋಸ್‌ ಮಾರೊ ಭೈ, ಮಾರಿ ಭೇನ್ ಅಜು಼ ಮಾರಿ ಆಯ ಹುಯಿರುಸ್‌” ಕರಿ ಬೋಲ್ಯೊ.

ಮತ್ತಾಯ 7:21

“ಮನ, ‘ಪ್ರಭು, ಪ್ರಭು’ ಕರಿ ಬೋಲವಾಳು ಖ್ಹಾರು ಸೊರ್ಗ ರಾಜ್ಯಮ ಜಾ಼ಶೆಕರಿ ನಕೊಲ್ಹಾವೊ. ಕತೋಬಿ ಸೊರ್ಗಾಮ ಛಾ಼ತೆ ಮಾರ ಬಾನಿ ಮರ್ಜಿನಿಘೋಣಿ ಚಾ಼ಲವಾಳುಸ್ ಸೊರ್ಗ ರಾಜ್ಯಮ ಜಾ಼ಶೆ.

ಮಾರ್ಕ 3:35

ಕೋಣ್ ದೇವ್ನಿ ಮರ್ಜಿನಿ ಘೋಣಿ ಚಾ಼ಲಾಸ್ಕಿ ಯೋಸ್‌ ಮಾರೊ ಭೈ, ಮಾರಿ ಭೇನ್, ಮಾರಿ ಆಯ ಹುಯಿರುಸ್‌” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:17

ಕತೋಬಿ ದೇವ್ನ ಧನ್ಯವಾದ್‌ಹುವಾದೆ! ಶನಕತೊ ತುಮೆ ಏಕ್‌ ವಖ್ಹತ್‌ಮ ಪಾಪ್ನ ಗುಲಾಮ್ ಹುಯಿರ‍್ಹತೋಬಿ, ತುಮೆ ಶಿಕಿಲಿದಾತೆ ಖ್ಹಾಚಿ ಬೋಧನೆಮ ಭರ್‌ಪೂರ್‌ ಮನ್‌ಥಿ ವಿಧೇಯ ಹುಯಿರ‍್ಹಾಸ್.

1 ಕೊರಿಂಥ 7:22

ಶನಕತೊ ಪ್ರಭುಥಿ ಬುಲಾವನಿ ವಖ್ಹ್‌ತೆ ಗುಲಾಮ್ ರ‍್ಹವಾಳೊ ಪ್ರಭುಮ ಛುಟ್ಕಾರ್ ಹುಯಿರ‍್ಹೊಸ್. ಪ್ರಭು ಬುಲಾವನಿ ವಖ್ಹ್‌ತೆ ಛು಼ಟೊರ‍್ಹವಾಳೊ ಹಮ್ಕೆ ಕ್ರಿಸ್ತನ ಗುಲಾಮ್ ಹುಯಿರ‍್ಹೋಸ್.

ಗಲಾತ್ಯ 1:10

ಮೆ ಹಮ್ಕೆ ಖ್ಹಮ್‌ಜಾ಼ಡಿನ್ ಕಿನೊ ದಿಲ್‌ ಜೂತಾನ ಕೋಶಿಶ್ ಕರುಸ್? ಅದ್ಮಿನೋಕಿ? ದೇವ್ನೊಕಿ? ಮೆ ಅದ್ಮಿವ್‌ನ ಪಸಂದ್ ಕರಾವನ ಕೋಶಿಶ್ ಕರುಕರುಸ್ಕಿ? ಮೆ ಬಿಜೂ಼ಬಿ ಅದ್ಮಿವ್‌ನ ಪಸಂದ್ ಕರಾವನ ಕೋಶಿಶ್ ಕರ‍್ಯೊತೊ ಮೇ ಕ್ರಿಸ್ತನೊ ಸೇವಕ್ ಕಾಹೆ.

ಎಫೆಸ 5:17

ಅಜು಼ ಅಕ್ಕಲ್‌ಕೊಂತೆ ಇವ್ಣಿನಿತರ ನಾಚಾ಼ಲ್ನುತೆ ಪ್ರಭುನಿ ಮರ್ಜಿನ ಶಾತ್‌ಕರಿ ಮಾಲುಮ್ ಕರಿಲೆವೊ.

ಫಿಲಿಪ್ಪಿ 2:12

ಅಮ್ ರ‍್ಹವಾಪರ್ ಮಾರ ಪ್ಯಾರ್‌ನ ದೋಸ್ತಿವೊ, ತುಮೆ ಮಾರಿ ವಾತೇನ ಕೆದೇಬಿ ಪಾಡಿಚಾ಼ಲ್ಯತೆ ತಿಮ್ ಹಮ್ಕೇಬಿ ಪಾಡಿಚಾ಼ಲೊ. ಮೆ ತುಮಾರಮ ರ‍್ಹವಾನಿವಖ್ಹ್‌ತೆಸ್ ಖಲಿಕಾಹೆತೆ, ಮೇ ನಾ ರ‍್ಹವಾಮಾಬಿ ಘಣು ಜಾ಼ಖ್ಹತ್ ದಿಲ್ಮ ಡರ್‌ಥಿ ಕಾಪವಾಳ ಹುಯಿನ್ ತುಮಾರಿ, ತುಮಾರಿ ರಕ್ಷಣೆನ ಲೀಲೆವೊ.

ಕೊಲೊಸ್ಸೆ 1:9

ಇನಖ್ಹಾಜೆ ಹಮೇಬಿ ತುಮಾರಿ ಬಾರೇಮ ಖ್ಹಮ್‍ಜ್ಯಾತೆ ದನ್‌ಥು ತುಮಾರಖ್ಹಾಜೆ ಪ್ರಾರ್ಥನೆಕರಾನು ಭೀರಾಖ್ಯಕೊಂತೆ ತುಮೆ ಹರೇಕ್ ಆತ್ಮೀಕ ಖ್ಹಯಾಲ್‌ಥೀಬಿ ಅಕ್ಕಲ್‍ಥಿ ಭರೈಜಾ಼ವ್ಣು ಕರಿ ದೇವ್ನ ಗಿಂಗೈಲೆವ್‌ ಕರಿಯೇಸ್.

ಕೊಲೊಸ್ಸೆ 4:12

ತುಮಾರಮ ಕ್ರಿಸ್ತ ಯೇಸುನೊ ದಾಸ ಹುಯಿರ‍್ಹೋತೆ ಎಪಫ್ರಬಿ ತುಮುನ ಖ್ಹಲಾಮ್ ಬೋಲಸ್, ತುಮೆ ಪುರ್ಗುಲ್ ಹುಯಿರ‍್ಹೇಣು ಕರೀಬಿ ಖ್ಹಾರಾಸ್ ಕಾಮ್ಮ ದೇವ್ನಿ ಅಖ್ಖಿ ಖ್ಹೂಜ಼್‌ನಿ ಬಾರೇಮ ಪೂರ ಮಾಲುಮ್‌ ಕರಿರಾಖವಾಳ ಹುಯಿರ‍್ಹೇವ್ಣುಕರಿ ಹೈರೋತೆ ತುಮಾರಖ್ಹಾಜೆ ಮನ್‍ಲಗಾಡಿನ್ ಕದೇಬಿ ಪ್ರಾರ್ಥನೆಮ ಹುಮ್ಮಖ್ಹ್‌ ಲೀರಾಖವಾಳೊ ಹುಯಿರ‍್ಹೋಸ್.

1 ಥೆಸ 2:4

ಅನಬದಲ್ ದೇವ್ ಕದೇಬಿ ಶನ ಲ್ಹಾಯಕ್ ಕರಸ್ಕಿ ಇನಾಸ್ ಅಪ್ಣೆ ಬೋಲಿಯೇಸ್. ಶನಕತೊ ಯೋ ಅಪ್ಣುನ ತರೀಪ್‌ಶ ಕರೀನ್ ಹಮೆ ಯೋಗ್ಯಹುಯಿರಾತೆ ಅದ್ಮಿಕರಿ ಇನಿ ಅಛ್ಛಿ ಸಂದೇಶ್ನ ಇನೆ ಅಪ್ಣುನ ದೀರಾಖ್ಯೊಸ್. ಹಮೆ,ದಿಲ್ನ ತರೀಪ್ಷ ಕರಾವಾಳ ದೇವ್ನ ಖ್ಹಾಜ಼ನುಸ್ ಕರಿಯೇಸ್.

1 ಥೆಸ 4:3

ದೇವ್ನಿ ಮರ್ಜಿ ಶಾತ್‌ಕತೊ ತುಮೆ ಪವಿತ್ರ ರ‍್ಹೇಣುಸ್ ಕರಿ. ಇನಖ್ಹಾಜೆ ವ್ಯಬಿಚಾರ್‌ಥಿ ದೂರ್ ರ‍್ಹವೊ.

ಇಬ್ರಿ 10:36

ತುಮೆ ದೇವ್ನಿ ಮರ್ಜಿನ ಚ಼ಲೈಹುಯಿಗುತೆ ತದೆ ವಾಗ್ದಾನ್ನ ಲೀಲೇವ್ಣುಕತೊ ತುಮೆ ಖ್ಹಮಾಳಿನ್ ರ‍್ಹೇವ್ಣು.

ಇಬ್ರಿ 13:21

ತುಮೆ ಇನಿ ಮರ್ಜಿನ ಚ಼ಲಾವನಿತರ ಹರೇಕ್ ಅಛ್ಛಿ ಫಣೈಮಾಬಿ ಭರ್‌ಪೂರ್‌ ಕರಾದೆ, ಯೊ ಅಪ್ಣ ಬೀಚ್ಮ ಯೇಸು ಕ್ರಿಸ್ತಥಿ ಇನ ನಜ಼ರ‍್ಮ ಪಸಂದ್ ಹುವಾನಿತರ ಕಾಮ್ ಕರಸ್ ಇನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಹುವಾದೆ! ಇಮ್ಮಸ್ ಹುವಾದೆ. ಆಮೆನ್.

1 ಪೇತ್ರ 2:15

ತುಮೆ ಅಛ್ಛು಼ಕರಾನಿ ವಖ್ಹ್‌ತೆ ತುಮಾರಿ ಬಾರೇಮ ಖರಾಬ್ ವಾತೆಬೋಲಾನು ಬಿಣ್‍ಅಕ್ಲಿ ಅದ್ಮಿವ್‌ನ ಮ್ಹೋಡು ಮುಚಾ಼ನಿತರ ಕರಾನುಸ್ ದೇವ್ನಿ ಖ್ಹೂಜ಼್ ಹುಯಿರ‍್ಹಿಸ್.

1 ಪೇತ್ರ 4:2

ಇನಖ್ಹಾಜೆ ಛಾ಼ತೆ ಇನ ಜಿವ್ಣನ ಹಗಾಮ್ಮ ಬಿಜೂ಼ಬಿ ಅದ್ಮಿಯೇವ್‌ನಿ ತರಖ್ಹ್‌ನಿ ಪರಕ್ಮ ಜಿವ್ಣುನಾತೆ ದೇವ್ನಿ ಮರ್ಜಿನಿ ಪರಕ್ಮ ಜಿವ್ಣುಕರ‍್ನು.

1 ಯೋಹಾನ 2:17

ಜಗತ್‍ಬಿ ಇನು ಹರಖ್ಹ್‌ಬಿ ಮಟಿಜಾ಼ಶೆ. ಕತೋಬಿ ದೇವ್ನು ಮರ್ಜಿನ ಚಾ಼ಲವವಾಳೊ ಕದೆಕದೇಬಿ ಜಿವಿರ‍್ಹಿಶೆ.