21 ಮಾರಿ ಬಾರೇಮ ಮಾರು ಕಾಮ್ ಖ್ಹಾರು ತುಮುನ ಮಾಲುಮ್ ಹೋಣುಕರಿ ಪ್ಯಾರ್ನೊ ಭೈಬಿ ಪ್ರಭುಮ ವಿಶ್ವಾಸ್ವಾಳೊ ಸೇವೆಮ ಛಾ಼ತೆ ತುಖಿಕ ತುಮುನ ಅಖ್ಖು ಬೋಲಿದಿಶೆ.
ತದೆ ಇನಿ ಜೋ಼ಡೆ ಬೆರೋಯಖ್ಹಯೇರ್ನೊ ಪುರ್ರನೊ ಛಿಯ್ಯೊ ಸೋಪತ್ರಾಬಿ, ಥೆಸಲೋನಿಕ ಖ್ಹಯೇರ್ನೊ ಅರಿಸ್ತಾರ್ಕ, ಅಜು಼ ಸೆಕುಂದ, ದರ್ಬೆ ಖ್ಹಯೇರ್ನೊ ಗಾಯ ಅಜು಼ ತಿಮೊಥೆ, ಯೋ ಕಾಹೆತೆ ಏಷ್ಯಾನ ತಬರ್ಖಾಮ ತುಖಿಕಬಿ, ತ್ರೊಫಿಮಾಬಿ, ಏಷ್ಯಾ ತಬರ್ಖಲಗೂಬಿ ಇನ ಜೋ಼ಡೆಗಯು.
ಆ ಕಾರಣ್ಥಿ ಪ್ರಭುಮ ಮಾರ ಪ್ಯಾರ್ನೊ ಅಜು಼ ವಿಶ್ವಾಸ್ನೊ ಛಿಯ್ಯೊ ಹುಯಿರ್ಹವಾಳೊ ತಿಮೊಥೆನ ತುಮಾರಕನ ಮೋಕ್ಲಿರಾಖ್ಯೊಸ್. ಯೊ ತುಮೂನ ಕ್ರಿಸ್ತಯೇಸುಮ ಮಳಿರ್ಹವಾಮ ನವ ಜಿವ್ಣಮ ಅಜು಼ ಅಖ್ಖೀಸ್ ಬಾಜೂ಼ಮ ಮೇ ಹರೇಕ್ ಸಬೆಮಾಬಿ ಶಿಕಾಡನು ಚಾ಼ಲ್ಚ಼ಲಣ್ ಯೋ ತುಮಾರ ಖ್ಹಯಾಲ್ಮ ಲೀನ್ ಆವ್ಶೆ.
ಭೈಯೇ ಭೇನೆವೊ, ಮನ ಹುಯೂತೆ ಅಖ್ಖೂಬಿ ಸುವಾರ್ತೆನ ಭಡಾವನ ಮದತ್ ಹುಯಿಕರಿ ತುಮೆ ಮಾಲುಮ್ ಕರಿಲೇವ್ಣುಕರಿ ಮೆ ಹರ್ಖ್ಹುಸ್.
ಅನ ತುಮೆ ಹಮಾರ ಜೋ಼ಡ್ಮ ಪ್ಯಾರ್ನೊ ಸೇವಕ್ ಹುಯಿರ್ಹೋತೆ ಎಪಫ್ರಥಿ ಶಿಕಿಲಿದ. ಯೋ ತುಮಾರ ಖ್ಹಾಜೆ ಕ್ರಿಸ್ತನೊ ವಿಶ್ವಾಸ್ವಾಳೊ ಸೇವಕ್ ಹುಯಿರ್ಹೋಸ್.
ಏಕ್ ವೇಳ್ಮ ಹಿಜ಼್ಜಾನು ವಿಶ್ವಾಸಿ ಭೇನೆಭೈಯೇವ್ನ ಬೋಲಿದೆವ್ಣುಕತೊ ತೂ ಕ್ರಿಸ್ತಯೇಸುನೊ ಅಛ್ಛೊ಼ ಸೇವಕ್ ಹುಯಿರ್ಹೀಶ್. ಇನ ಪಾಳಿ ಪರ್ವೇಶಿ ಕರಾನು ವಿಶ್ವಾಸ್ಥಿ ಖ್ಹಾಚಿ ಬೋಧನೆಥಿ ಹುವಾಸ್. ಇನ ತೂ ಲೀರಾಖ್ಯೊಸ್.
ಹಮ್ಕೆ ಮೇ ತುಖಿಕನ ಅಖ್ಖಿ ಅದಿಕಾರ್ಥಿ ಎಫೆಸ ಖ್ಹಯೇರ್ನ ಮೋಕ್ಲಿರಾಖ್ಯೊಸ್.
ಠಣ್ಣಾ ದನ್ಮ ಮೇ ನಿಕೋಪೊಲಿಮ ಠಣ್ಣಾ ಹಗಾಮ್ನ ಕಾಡ್ನುಕರಿ ಖ್ಹೂಜ಼್ಕರಿ ರಾಖ್ಯೋತೆ ಇನಖ್ಹಾಜೆ, ಅರ್ತೆಮನ್ನ ರ್ಹವೊ ತುಖಿಕನ ರ್ಹವೊ ತಾರಕನ ಮೋಕಲ್ತಾಸ್ ತೂ ಮಾರಕನ ಆವಾನ ದೇಕ್ಜೊ.
ಅನಪಾರ್ ಯೋ ಗುಲಾಮ್ ನಾಹುಯಿರ್ಹೇವ್ಣುತೆ, ಕತೋಬಿ ಯೊ ಗುಲಾಮ್ಥೀಬಿ ಘಣೊ ಊಚೊ಼ ಛಾ಼. ಯೋ ವಿಶೇಷ್ಪರಕ್ಮ ಮನ ಘಣೊ ಪ್ಯಾರ್ನೊ ಭೈ ಹುಯಿರೋಸ್ ಅಮ್ ರ್ಹವಾಪರ್ ಏಕ್ ಜಗತ್ನೊ ಭೈಹುಯಿನ್ ಪ್ರಭುನ ಸಂಬಂದಾಮ ಬಿಜೂ಼ಬಿ ಕೆತ್ರೇಕ್ಕಿ ಮನಾಬಿ ತುನ ಪ್ಯಾರ್ನೊ ಹುಯಿರ್ಹಿಶೆ ಕೊಯ್ನಿಕಿ ಶು?
ಮೇ ತುಮೂನ ಹುಮ್ಮಖ್ಹ್ ದೆವಾನಾಬಿ ಅಜು಼ ದೇವ್ನಿ ಖ್ಹಾಚಿಕೃಪೆ ಕರಿ ಸಾಕ್ಷಿ ಬೋಲಾನಾಬಿ ಮೇ ನ್ಹಾನೇಥಿ ಚಿಟ್ಟಿ ಲೀಖಿನ್, ವಿಶ್ವಾಸ್ನೊ ಭೈಕರಿ ಗಣ್ತಿಕರಿರಾಖ್ಯೊತೆ ಸಿಲ್ವಾನನ ಹಾತ್ಮ ಮೋಕ್ಲಿರಾಖ್ಯೊಸ್. ಆ ಖ್ಹಾಚಿ ಕೃಪೆಥಿ ಭೀರೆವೊ.
ಅಪ್ಣೊ ಪ್ರಭುನಿ ದೀರ್ಘಶಾಂತಿ ಅಪ್ಣ ಬಚಾ಼ಡನ ಖ್ಹಾಜೆಸ್ಕರಿ ಮಾಲುಮ್ಕರಿಲೆವೊ. ಅಪ್ಣೊ ಪ್ಯಾರ್ನೊ ಭೈ ಹುಯಿರ್ಹೋತೆ ಪೌಲಜಿನು ದೇವ್ನೆ ದಿದೊತೆ ಗ್ಯಾನ್ನಿ ಪರಕ್ಮ ತುಮೂನ ಲೀಖಿರಾಖ್ಯೊಸ್.