ಎಫೆಸ 6:10 - ದೇವ್ನಿ ಖ್ಹಾಚಿ ವಚನ್

¹⁰ ಖ್ಹರ್ತಿಮ, ತುಮೆ ಪ್ರಭುಮಾಬಿ ಇನಿ ಘಣಿ ಮೋಟಿ ಶಕತ್‍ಮಾಬಿ ತಾಖತ್‍ವಾಳ ಹುವೊ.

ಎಫೆಸ 6:10 ပူးပေါင်းရင်းမြစ်များ

1 ಕೊರಿಂಥ 16:13

ಜ಼ತನ್‍ರ‍್ಹೇವೊ, ವಿಶ್ವಾಸ್‌ಮ ಘಟ್‍ಭೀರ‍್ಹೆವೊ ದಿಲ್‍ಪಥಿ ರ‍್ಹವೊ, ಅಜು಼ ತಾಖತ್‍ವಾಳ ಹುವೊ.

2 ಕೊರಿಂಥ 13:11

ಖ್ಹರ್ತಿನಿ ವಾತೆ ಶಾತ್‍ಕತೊ ಭೈಯೇ ಭೇನೆವೊ ಖ್ಹುಶಿಕರೊ, ತುಮುನ ಬರೋಬರ್ ಕರಿಲೆವೊ; ಭಾಲಿವಾಳ ಹುಯಿ‍ರ‍್ಹೆವೊ, ಎಕ್ಕಸ್ ದಿಲ್‌ವಾಳ ಹುಯಿರ‍್ಹೇವೊ, ಸಮಾಧಾನ್‌ಥಿ ರ‍್ಹವೊ; ಪ್ಯಾರ್‌ನಾಬಿ ಶಾಂತಿಬಿ ದ್ಯವಾಳೊ ದೇವ್ ತುಮಾರಿ ಜೋ಼ಡ್ಮ ರ‍್ಹಿಶೆ.

ಎಫೆಸ 1:19

ಅಜು಼ ವಿಶ್ವಾಸ್‌ಕರವಾಳ ಅಪ್ಣುನ ಇನಿ ತಾಖತ್ ಕೆತ್ರೆ ಊಚು಼ ಹುಯಿರ‍್ಹುಸ್, ಯೋ ಅಪ್ಣಾಮ ಕಾಮ್ ಕರಸ್. ಆ ಶಕತ್ ಅಪ್ಣಾಮ ಮೋಟಿ ಶಕತ್ನುಬಿ, ಕಾಮ್ ಕರಾನುಬಿ ಹುಯಿರ‍್ಹುಸ್.

ಎಫೆಸ 3:16

ಮೆ ದೇವ್ನ ಧನ್‌ದೌಲಥ್ಥಿ ರ‍್ಹವಾನು ಮಹಿಮೆಥಿ ಪ್ರಾರ್ಥನೆ ಕರುಕರೂಸ್. ಯೊ ಪವಿತ್ರಾತ್ಮಥಿ ದಿಲ್ನ ಮಹಿ ತಾಖತ್ ಹುವಾನ ವಿಶೇಷ್ ಶಕತ್‍ದ್ಯವಾದೆ,

ಫಿಲಿಪ್ಪಿ 3:1

ಖ್ಹರ್ತಿಮ ಮಾರ ಭೇನೆ ಭೈಯೇವೊ, ಪ್ರಭುಮ ಖುಷಿಕರೊ. ಪಹಿಲೆ ಖ್ಹಮ್‌ಜಾ಼ಡ್ಯೊಥೋತೆ ಯೋಸ್ ವಾತೇವ್ನ ಪಾಛು಼ ತುಮುನ ಲೀಖಾನ ಮನ ಶಾತ್ಬಿ ಬೇಜಾರ್‌ಕೊಯ್ನಿ. ಆ ತುಮುನ ಘಟ್‌ಕರಸ್.

ಫಿಲಿಪ್ಪಿ 4:13

ಮನ ತಾಖತ್ ದ್ಯವಾಳೊ ಕ್ರಿಸ್ತಥಿ ಮೆ ಅಖ್ಖಾಸ್ನ ಕರಾನ ಶಕತ್‌ವಾಳೊ ಹುಯಿರೋಸ್.

ಫಿಲಿಪ್ಪಿ 4:8

ಕಡೇಶಿಮ ಮಾರ ಭೇನೆ ಭೈಯೇವೊ, ಖಿವು ಖ್ಹಾಚು಼ಕಿ, ನ್ಯಾವ್‌ನೂಕಿ, ಗಣ್ತಿನುಕಿ, ಪಾಕ್‌ನೂಕಿ, ಲಾಡ್ನೂಬಿ, ಖ್ಹಾಜ಼್‌ನುಬಿ ಹುಯಿರ‍್ಹುಸ್ಕಿ, ಖಿವು ಅಛ್ಛಿ ಚಾ಼ಲ್‌ಚ಼ಲಣ್‌ಬಿ, ಕೀರತ್ನ ಲ್ಹಾಯೇಕ್ಕಿ, ಯೊ ಅಖ್ಖಾನಿ ಬಾರೇಮ ಸೋಚಾವಳ ಹುಯಿ‍ರ‍್ಹೆವೊ.

ಕೊಲೊಸ್ಸೆ 1:11

ಇನಿ ಮಹಿಮೆನಿ ಶಕತ್ನಿ ಪರಕ್ಮ ಖ್ಹಾರೀಸ್‍ ತಾಖತ್ನಿ ಶಕತ್‍ ಲೀನ್, ಖ್ಹಾರೀಸ್‍ ತರಾಮ ಖ್ಹಮಾಳಥೀಬಿ ಅಜು಼ ಘಣಿ ಖ್ಹುಶಿಥಿಬಿ ರ‍್ಹಾವವಾಳ ಕರೀಬಿ,

2 ತಿಮೊ 2:1

ತಾರಿ ಬಾರೇಮ ಬೋಲ್ನುಕತೊ; ಮಾರ ಛಿಯ್ಯಾ, ತೂ ಅಪ್ಣ ಕ್ರಿಸ್ತ ಯೇಸುಮ ಛಾ಼ತೆ ಹಮಾರ ಖ್ಹಂಗ್‌ಮ ಮಳಾನಿ ವಾರ್‌ಖ್ಹೇಥಿ ಘಟ್ ಹೂ.

2 ತಿಮೊ 4:17

ಕತೋಬಿ ಪ್ರಭುನೆ ಮಾರ ಜೋ಼ಡೆಸ್ ರ‍್ಹೀನ್, ಮನ ಭಾಲಿದಿದೊ. ಅಜು಼ ಮೇ ಪರೈಜಾ಼ತ್‌ವಾಳು ಖ್ಹಾರು ಪೂರಿ ತರಿಕಾಥಿ ಖ್ಹಮ್‌ಜಾ಼ನಿಮತ್ ದೇವ್ನಿ ಸುವಾರ್ತೆನ ಬೋಲಾನಿಘೋಣಿ ಕರ‍್ಯೊ. ಎತ್ರೇಸ್ ಕಾಹೆತೆ ಇನೆ ಮನ ಶುಂಭಾನ ಮ್ಹೋಡಮಾಥು ಛೋ಼ಡಾಯೊ.

1 ಪೇತ್ರ 3:8

ಇನಖ್ಹಾಜೆ ತುಮೆಖ್ಹಾರು ಏಕ್‌ ದಿಲ್‌ವಾಳ ಹುಯಿರ‍್ಹಿನ್ ಆರ್‌ಗೋರ್‌ ಕರಾವಾಳ ಹುಯಿನ್ ಜಿವೊ; ಏಕ್‌ಥಿ ಏಕ್‌ ಮಾಲುಮ್ ಕರಿಲ್ಯಾವಾನ ಕೊಶೀಷ್ ಕರೊ. ಏಕ್‌ಥಿ ಏಕ್‌ ಭೈಯೆ ಭೇನೆನಿತರ ಪ್ಯಾರ್‌ಕರೊ. ಅಜು಼ ಗೋರ್‌ ಕರವಾಳು ಶೇದೇವ್‍ಬಿ ಹುಯಿರ‍್ಹೇವೊ.

1 ಪೇತ್ರ 4:11

ಏಕ್ಜ಼ಣೊ ಬೋಧನೆಕರಾವಳೊ ರ‍್ಹಯೊತೊ ದೇವ್ನಿ ವಚನ್ನ ಪಾಡಿಬೋಲವಾಳೊ ಹುಯಿನ್ ಬೋಧನೆ ಕರಾದೆ. ಏಕ್‍ಜ಼ಣೊ ಸೇವೆ ಕರಾವಾಳೊ ರ‍್ಹಯೋತೊ ದೇವ್ ದೇಸ್ತೆ ಶಕತ್ನಿಪರಕ್ಮ ಕರಾದೆ. ಆ ಅಖ್ಖೇಥಿಬಿ ಕ್ರಿಸ್ತಯೇಸುಥಿ ದೇವ್ನ ಧನ್ಯವಾದ್ ಹುವಾಸ್. ಕ್ರಿಸ್ತ ಯೇಸುನ ರಾಜ಼್‌ಭಾರ್‌ಬಿ ಮಹಿಮೆಬಿ, ಶಕತ್‌ಬಿ ಜ಼ಗ್‌ಜ಼ಮಾನಮಾಬಿ ಇನಾಸ್ ರ‍್ಹವಾದೆ ಆಮೆನ್.

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.

1 ಯೋಹಾನ 2:14

ಲಡ್ಕಾವೊ, ತುಮೆ ಬಾನ ಮಾಲುಮ್‌ ಕರಿರಾಖ್ಯತೆ ಇನಖ್ಹಾಜೆ ತುಮೂನ ಲೀಖುಕರುಸ್. ತುಮೆ ಶಕತ್‌ವಾಳ ಹುಯಿರಾತೆ ಇನಖ್ಹಾಜೇಬಿ ದೇವ್ನಿ ವಚನ್‍ ತುಮಾರಮ ಜಿವಿರ‍್ಹುಸ್ತೆ ಇನಖ್ಹಾಜೇಬಿ ಕೇಡ್‌ ಕರವಾಳನ ಹರೈರಾಖ್ಯಾತೆ ತುಮೂನ ಮೇ ಲೀಖುಕರುಸ್.