ಎಫೆಸ 6:1 - ದೇವ್ನಿ ಖ್ಹಾಚಿ ವಚನ್

¹ ಲಡ್ಕಾವೊ, ತುಮೆ ಪ್ರಭುಮ ರ‍್ಹಾವವಾಳನಿತರಸ್ ತುಮಾರ ಆಯಬಾನ ಹೇಟು ಹುಯಿ‍ರ‍್ಹೆವೊ. ಆ ನ್ಯಾವ್‌ನು ಹುಯಿರ‍್ಹುಸ್.

ಎಫೆಸ 6:1 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:51

ಬಾದ್‌ಮ ಯೇಸು ಇವ್ಣ ಜೋ಼ಡೆ ನಜ಼ರೇತ್‌ನ ಗಾಮ್‌ನ ಐನ್, ಹಿಜ್ಜಾ಼ ಇವ್ಣಿ ವಾತೆನ ಖ್ಹಮ್‌ಜಿನ್‌ ಥೊ. ಕತೋಬಿ ಇನಿ ಆಯ ಆ ಖ್ಹಾರಿ ವಾತೇನ ಇನ ಮನ್‌ಮ ರಾಖಿರಾಖಿಥಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:2

ಆ ಜಗತ್‌ವಾಳು ಚಾ಼ಲ್ ಚ಼ಲಣ್ಣಾ ನಾ ಪಾಡಿಚಾ಼ಲ್ನುತೆ ನವ ದಿಲ್‌ಥಿ ಬದ್ಲಿನ್ ಪರಲೋಕ್‌ನ ಖ್ಹಯಾಲ್‌ವಾಳ ಹುಯಿ‍ರ‍್ಹೆವೊ. ಅಮ್ ರ‍್ಹಿಯಾತೊ ದೇವ್ನ ಪರ್ಖಿನ್‌ ಅಛ್ಛಾ಼ನಾಬಿ, ಇಷ್ಟರ‍್ಹವಾನುಬಿ ಕಳಂಕ್‌ ಕೊಂತೇಬಿ ಖಿವುಕರಿ ಮಾಲುಮ್‌ ಕರ‍್ಲಿಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:2

ಪ್ರಭುಮ ದೇವ್ನ ಅದ್ಮಿವ್‍ನ ಯೋಗ್ಯಹುಯಿರೂತೆ ಪರಕ್ಮ ಯೋ ಹೈರಿತೆ ಇನ ಸ್ವೀಕಾರ್‌ಕರೊ, ಶನಕತೊ ತುಮೂನ ಶನಿ ಜ಼ರೂರತ್ ರ‍್ಹಿತೋಬಿ ಇನ ಹೋಣುತೆತ್ಯೊ ದೇವೊ. ಹೈರಿತೆ ಯೋ ಕೈಏಕ್ ಜ಼ಣನಾಬಿ ಮನಾಬಿ ಘಣು ಮದತ್ ಕರೀರಾಖಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:12

ಅಮ್‍ರ‍್ಹವಾಪರ್, ಧರ್ಮಶಾಸ್ತ್ರ ಪರಿಶುದ್ ಹುಯಿರ‍್ಹೂಸ್, ಹುಕುಮ್‌ಬಿ, ಪರಿಶುದ್‌ಬಿ, ನ್ಯಾವ್‍ಬಿ, ಅಛ಼್ಛುಬಿ ಹುಯಿರ‍್ಹೂಸ್.

1 ಕೊರಿಂಥ 15:58

ಇನಾಖ್ಹಾಜೆ ಮಾರ ಪ್ಯಾರ್‌ನ ಭೇನೆ ಭೈಯೇವೊ, ಘಟ್‍ಥಿ ಭೀರ‍್ಹೆವೊ. ಕೆಹೂಬಿ ತುಮುನ ಹಲಾವದೆ ನಕೊ. ಪ್ರಭುಮ ತುಮಾರೊ ವಾಖ್ಯೊ ಬಿಣ್‌ಫಾಯಿದೊ ಉಶೆಕೊಯ್ನಿ ಕರಿ ಖ್ಹಮ್‌ಜಿನ್‌, ಪ್ರಭುನ ಕಾಮ್ನಖ್ಹಾಜೆ ಕದೇಬಿ ತುಮಾರು ತುಮೆ ಪೂರ ಅರ್ಪಣ್‍ ಕರಿಲೆವೊ.

1 ತಿಮೊ 5:4

ಕತೋಬಿ ಏಕ್‌ ಮುಂಡಚ್ಚಿನ ಲಡ್ಕಾ ನತರ್ ನಾತಿಪೋತಿ ರ‍್ಹಯೂತೊ, ಇವ್ಣೆಸ್ ಪಹಿಲೆ ಭಕ್ತಿನ ಜಿವ್ಣಮ ಚಾ಼ಲಿಲಿನ್, ಇನ ಘರ್‌ವಾಳಾನ ದೇಖಿಲ್ಯವಾನು ಶಿಕಿಲೇವ್ಣು. ಇವ್ಣುನ ಹೋಣುತೆ ಆಯ-ಬಾನ ಅಜು಼ ಇನ ಅಜ್ಜ ಅಜ್ಜಿನ ಚಾ಼ಕ್ರಿ ಕರಾವಾಳ ಹುಯಿರ‍್ಹೇಣು ಆ ದೇವ್ನ ಪಸಂದ್‍ನು ಹುಯಿರುಸ್.

1 ಪೇತ್ರ 2:13

ಆ ಜಗತ್‌ನು ಅದಿಕಾರಿ ನೇಮಕ್ ಕರ‍್ಯುತೆ ಹರೇಕ್ ಒಪ್ಪಂದನಾಬಿ ಪ್ರಭುನಖ್ಹಾಜೆ ತುಮೆ ಅಧೀನ್‍ಹುವೊ. ಅಖ್ಖಾಸ್‌ಪರ್ ಅದಿಕಾರಿ ಹುಯಿರೋತೆ ರಾಜ಼ನಾಬಿ ಅಧೀನ್‌ರ‍್ಹವೊ,