ಎಫೆಸ 5:8 - ದೇವ್ನಿ ಖ್ಹಾಚಿ ವಚನ್

⁸ ಶನಕತೊ ತುಮೆ ಯೋಹಗಾಮ್ಮ ಅಂಧಾರಮ ಥಾ, ಕತೋಬಿ ಹಮ್ಕೆ ತುಮೆ ಪ್ರಭುನ ಅದ್ಮಿ ಹುಯಿರ‍್ಹಿನ್ ಉಜಾ಼ಳವಾಳ ಹುಯಿರ‍್ಹಾಸ್. ಉಜಾ಼ಳವಾಳನಿತರ ಚಾ಼ಲಿಲೆವೊ.

ಎಫೆಸ 5:8 ပူးပေါင်းရင်းမြစ်များ

ಮತ್ತಾಯ 3:8

ಇಮ್‍ಕತೊ, ತುಮೆ ಪಾಪ್ನ ಮ್ಹೇಲಿನ್ ಫರಿಗಯಕರಿ ವತಾಳನಖ್ಹಾಜೆ ಬರೋಬರ್‌ಥಿ ಚಾ಼ಲ್‌ಮ ವತಾಳೊ.

ಮತ್ತಾಯ 4:16

ಅಮ್ ಅಂಧಾರಾಮ ಜಿವ್‍ಕರ್ತುಥೂತೆ ಆ ತಬರ್‌ಖಾನು ಅದ್ಮಿಖ್ಹಾರು ಮೋಟು ಉಜಾ಼ಖ್ಹ್‌ ದೆಖಾಯು. ಮರಣ್ಣಿ ಛಾ಼ಳೊ ಢಪೈರ‍್ಹುಥುತೆ ತಬರ್‌ಖಾಮ ಜಿವ್‍ಕರ್ತುಥೂತೆ ಇವ್ಣಾಪರ್ ಉಜಾ಼ಳು ಘೈಗೈಗು.”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:79

ಅಜು಼ ಅಂಧಾರಮಾಬಿ, ಮರಣ್ಣಿ ಛಾ಼ಳಿಮ ರ‍್ಹವಾಳ ಖ್ಹಾರಾನ ಉಜಾ಼ಳು ದಿಶೆ, ಅಪ್ಣುನ ಸಮಾಧಾನ್ನಿ ವಾಟ್‌ ವತಾಳಿನ್ ಚ಼ಲಾವ್‌ಷೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:8

ತದೆ ಇನ ಯಜಮಾನ್ನೆ ಅನಿ ಬಾರೇಮ ಖ್ಹಮ್‌ಜಿನ್‌, ಯೋ ಠಗಾರ‍್ಯೊ ಹುಯಿರೋತೆ ಘರ‍್ನೊಸೇವಕ್‌ನ, ‘ತುನೆ ಚಾ಼ತುರ್‌ನು ಕಾಮ್ ಕರ‍್ಯೊ’ ಕರಿ ಬೋಲಿನ್ ಖ್ಹರಾಯೊ. ಶನಕತೊ, ಆ ಜಗತ್‌ನು ಅದ್ಮಿ ಇವ್ಣಿ ಬಾರೇಮ, ಉಜಾ಼ಖ್ಹ್‌ನು ರಾಜ್ಯನ ಅದ್ಮಿಥೀಬಿ ಚಾ಼ತುರ್ ಹುಯಿರ‍್ಹೂಸ್.

ಯೋಹಾನ 1:9

ಯೊ ಖ್ಹಾಚು಼ ಉಜಾ಼ಳು ಹುಯಿರುಥು ಅಜು಼ ಯೊ ಜಗತ್‌ಮ ಆವಾಳು ಥು, ಯೊ ಅಖ್ಖಾ ಅದ್ಮಿನ ಉಜಾ಼ಖ್ಹ್‌ ದೆವಾಳು ಹುಯಿರ‍್ಹುಥು.

ಯೋಹಾನ 12:35

ತದೆ ಯೇಸುನೆ ಇವ್ಣುನ ಬೋಲ್ಯೊ, “ಬಿಜು಼ ಥೋಡ ದನ್ನಸ್‌ ಉಜಾ಼ಳು ತುಮಾರಾಮ ರ‍್ಹಿಶೆ, ಅಂಧಾರು ತುಮಾರಪರ್ ಢಪಾವನ ಅಗಾಡಿಸ್ ಉಜಾ಼ಳು ರ‍್ಹವಾನಿವಖ್ಹ್‌ತೆಸ್ ಚಾ಼ಲೊ. ಅಂಧಾರಾಮ ಚಾ಼ಲವಾಳಾನ ಯೋ ಕಿಜ಼್ಜಾ ವಳ್ಯೊಜಾ಼ಸ್ ಕರಿ ಮಾಲುಮ್‌ ಕೋಪಡಾನಿ.

ಯೋಹಾನ 12:36

ತುಮಾರಕನ ಉಜಾ಼ಳು ರ‍್ಹವಾನಿ ವಖ್ಹತ್‌ಮಾಸ್‌ ಉಜಾ಼ಳಾನ ನಂಬೊ, ನಂಬ್ಯಾತೊ, ತದೆ ತುಮೆ ಉಜಾ಼ಳವಾಳ ಹುಯಿರ‍್ಹೀಶು” ಕರಿ ಬೋಲ್ಯೊ. ಆ ಬೋಲಾನ ಬಾದ್‌ಮ, ಯೇಸುನೆ ಇವ್ಣ ಖ್ಹಾಮೇಥೊ ಓಠೆಚ಼ಲೆಗಯೊ.

ಯೋಹಾನ 12:46

ಮೇ ಉಜಾ಼ಳು ಹುಯಿನ್ ಆ ಜಗತ್‌ಮ ಐರ‍್ಹೋಸ್ತೆ, ಮನ ನಂಬವಾಳು ಏಕ್‌ಬಿ ಅಂಧಾರಾಮ ನಾ ರ‍್ಹೇವ್ಣುಕರಿಸ್.

ಯೋಹಾನ 8:12

ಅನ ಬಾದ್‌ಮ ಯೇಸು ಪಾಛೊ಼ ಅದ್ಮಿಖ್ಹಾರನ ವಾತೆ ಬೋಲ್ತೊಹುಯಿನ್, “ಮೇಸ್ ಜಗತ್ನ ಉಜಾ಼ಳು ಹುಯಿರ‍್ಹೋಸ್, ಮಾರಪೀಠೆ ಆವಾಳು ಅಂಧಾರಮ ಚಾ಼ಲ್‌ಶೆಸ್‌ ಕೊಯ್ನಿ ಅಜು಼ ಯೊ ಜಾನ್ನು ಉಜಾ಼ಳು ಲೀರ‍್ಹಾವಳೊ ಹುಯಿರೊಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:30

ಗಯೂತೆ ಹಗಾಮ್ಮ ಅದ್ಮಿಖ್ಹಾರು ದೇವ್ನ ಮಾಲುಮ್ ಕರ‍್ಯುಕೊಯ್ನಿ. ಕತೋಬಿ ದೇವ್ನೆ ಯೊ ಶಾತ್ಬಿ ಕರ‍್ಯೊಕೊಯ್ನಿ. ಹಮ್ಕೆತೋಬಿ ಜಗತ್ನಿ ಅಖ್ಖಿಬಾಜು಼ಮ ರ‍್ಹವಾಳು ಅದ್ಮಿಖ್ಹಾರು ಖರಾಬ್ ಮಾರಗ್‌ನ ಮ್ಹೇಲಿನ್ ಇನಾಭಣಿ ಫರ್‌ನುಕರಿ ಹುಕುಮ್ ದೆವುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:21

ಶನಕತೊ ಇವ್ಣೆ ದೇವ್ನ ಮಾಲುಮ್ ಕರಿರಾಖ್ಯುತೋಬಿ ಇನ ದೇವ್‌ಕರಿ ಖ್ಹರಾಯುಕೊಯ್ನಿ ಇನಿ ಮದತ್‍ನ ಯಾದ್‌ಕರಿನ್ ಧನ್ಯವಾದ್ ಕರ‍್ಯುಕೊಯ್ನಿ. ಇನ ಬದಲ್ ಇವ್ಣ ಕೊಂತೆಕಾಮ್ಮ ಮಘನ್ ಹುಯಿಗು. ಅಕ್ಕಲ್‌ಕೊಂತೆ ಇವ್ಣೊ ದಿಲ್‌ ಅಂಧಾರೇಥಿ ಭರೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:12

ಘಣೇಥಿ ರಾತ್ ನಿಕ್ಳಿಜೈ಼ನ್ ವ್ಹಾಣು ಖನ್ನೆ ಅಯಿಗು. ಇನಖ್ಹಾಜೆ ಅಪ್ಣೆ ಅಂಧಾರನು ಖ್ಹಾರು ಕಾಮ್ನ ಫೇಕಿನ್ ಉಜಾ಼ಳಾಮ ಜಂಗ್ ಭೀಡಾನು ಕಫ್ಫನ್ನ ಫೆರ‍್ಹಿಲಿಯೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:19

ಕಾಣಾನ ತೂ ಏಕ್‍ ಮಾರಗ್ ವತಾಳವಾಳೊ ಹುಯಿರೊಸ್‍ ಅಜು಼ ಅಂಧಾರಮ ರ‍್ಹವಾಳನ ಉಜಾ಼ಳು ಹುಯಿರೊಸ್ ಕರಿ ತುನ ಮಾಲುಮಸ್ ಛಾ಼.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

2 ಕೊರಿಂಥ 3:18

ಕತೋಬಿ ಅಪ್ಣೆಖ್ಹಾರು ಮುಚೈರ‍್ಹೇಯ್‌ಕೊಂತೆ ಮ್ಹೋಡೇಥಿ ಪ್ರಭುನಿ ಮಹಿಮೆನ ಐನಾಮ ದೆಖಾವನಿತರ ಇನ ದೆಕ್ತಹುಯಿನ್ ಅಪ್ಣೆಖ್ಹಾರು ಪ್ರಭುನಿ ಆತ್ಮನಿ ಮಹಿಮೆಥಿ ಜಾ಼ಖ್ಹತ್‌ಹುಯಿನ್ ಯೊ ಮಹಿಮೆನ ರೂಪ್ ಲ್ಯವಾಳ ಹುಯೆಸ್. ಆ ಆತ್ಮ ಹುಯಿರ‍್ಹೋತೆ ಪ್ರಭುನು ಕಾಮಸ್.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

2 ಕೊರಿಂಥ 6:14

ಕ್ರಿಸ್ತನಿ ವಿಶ್ವಾಸ್‌ಕೊಂತೆ ಅದ್ಮಿಮಾಬಿ ತುಮಾರಮಾಬಿ ಪರಕ್‍ಛಾ಼. ಇನಖ್ಹಾಜೆ ತುಮೆ ಇವ್ಣಿ ಜೋ಼ಡ್ಮ ಭಾಗಿ ನಕೊಹುವೊ. ಅಛ್ಛು಼ ಬಿಜು಼ ಖರಾಬ್ ಎಕ್ಟುಹುವಾನ ಉಶೇಕಿ ಶು? ಉಜಾ಼ಳು ಅಂಧಾರನಿ ಜೋ಼ಡ್ಮ ಲಾಡ್‍ಥಿರ‍್ಹಾವಾನ ಉಶೇಕಿ ಶು?

ಗಲಾತ್ಯ 5:25

ಅಪ್ಣೆ ಆತ್ಮಾಥಿ ಜಿವ್‌ಕರಸ್ತೆ ಇನಖ್ಹಾಜೆ ಆತ್ಮಾನ ಪಾಲನ್‍ ಕರಿ ಚಾ಼ಲ್ಯೆ.

ಎಫೆಸ 2:2

ಅಗ್ಗಳ್ ತುಮೆ ಆ ಜಗತ್ನಿ ರೀತಿಥೀಬಿ, ವಹಿರಾನ ಗೋಳಾಮ ಅದಿಕಾರ್ ಚ಼ಲಾವತೆ ಅದಿಪತಿನ ಕತೊ ವಿಧೇಯ ಕೊಹುವಾಂತೆ ಲಡ್ಕಾವ್‌ಮ ಹಮ್ಕೆ ಚ಼ಲಾವತೆ ಆತ್ಮನಿಘೊಣಿ ಜಿವ್ಣು ಚಾ಼ಲಾಯ.

ಎಫೆಸ 4:18

ಇವ್ಣ ದಿಲ್‌ ಅಂಧಾರಥಿ ಢಪೈರ‍್ಹೂಸ್, ಇವ್ಣೆ ಇವ್ಣಿ ಕಠೋರ್ ದಿಲ್‌ಥೀಬಿ ಅಜು಼ ಇವ್ಣಾಮ ಅಕ್ಕಲ್‌ಕೊಂತೆ ಖ್ಹಾಜೇಥಿಬಿ ದೇವ್ ದೇಸ್ತೆ ಜಾನ್‌ಥಿ ದೂರ್ ಹುಯಿರ‍್ಹೂಸ್.

ಎಫೆಸ 5:2

ಕ್ರಿಸ್ತನೆ ಅಪ್ಣುನ ಪ್ಯಾರ್‌ಕರೀನ್ ಅಪ್ಣಖ್ಹಾಜೆ ಇನುಯೋಸ್ ದೇವ್ನ ಢಪ್ಕಾರಬಿ ಕಾಣ್‌ಕೆ ಹುಯಿನ್, ಬಲಿ ಸಮರ್ಪಣ್‌ ಹುಯೋತೆ ಪರಕ್ಮಸ್ ತುಮೇಬಿ ಪ್ಯಾರ್‌ಥಿ ಜಿವೊ.

ಎಫೆಸ 6:12

ಶನಕತೊ ಅಪ್ಣೆ ಲಡಾನು ಖಲಿ ಅದ್ಮಿನ ಜೋ಼ಡೆ ಕಾಹೆ. ಕತೋಬಿ ಅಪ್ಣಿ ಖ್ಹೂಜ಼್‌ ರಾಜ಼್‌ನ ಉಪ್ಪರ್‌ಬಿ, ಅದಿಕಾರಿನ ಉಪ್ಪರ್‌ಬಿ, ಆ ಅಂಧಾರನಿ ಜಗತ್ನಿ ಅದಿಪತಿನ ಉಪ್ಪರ್‌ಬಿ, ಆಸ್ಮಾನ್ನ ಗೋಳಾಮ ಛಾ಼ತೆ ನಾಶ್ ಕರಾನಿ ಆತ್ಮಾನಿ ದಂಡ್ ಉಪ್ಪರ್‌ಬಿ, ಅಪ್ಣೆ ಲಡವಾಳ ಹುಯಿರ‍್ಹಾಸ್.

ಕೊಲೊಸ್ಸೆ 1:12

ದೇವ್ನ ವಿಶ್ವಾಸಿಯೇವ್ನ ಉಜಾ಼ಳಮ ಛಾ಼ತೆ ಖ್ಹಾರಸ್‍ಮ ಭಾಗ್‍ಲ್ಯಾವಾನ ಖ್ಹಾಜೆ ಅಪ್ಣುನ ಲ್ಹಾಯೇಕ್ ಕರಿರಾಖ್ಯೋತೆ ಬಾ ದೇವ್ನ ಶಂತೋಖ್ಹ್‌ ಥಿ ಧನ್ಯವಾದ್ ಕರಿಯೇಸ್.

ಕೊಲೊಸ್ಸೆ 1:13

ದೇವ್ನೆ ಅಪ್ಣುನ ಅಂಧಕಾರ‍್ನಿ ಅದಿಕಾರ್‌ಮಾಥು ಛೋ಼ಡೈನ್ ಇನ ಪ್ಯಾರ್‌ನ ಛಿಯ್ಯಾನಿ ರಾಜ್ಯಮ ಮಳೈಲಿದೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:3

ಶನಕತೊ ಏಕ್‌ ಹಗಾಮ್‌ಥು ತದೆ ಅಪ್ಣೇಬಿ ಅಗಾಡಿ ಖ್ಹಯಾಲ್‌ಭರ‍್ಯಾ ಹುಯಿರ‍್ಹಾಥ, ಹುಕುಮ್‌ನ ತೋಡಾವಾಳ ಹುಯಿರ‍್ಹಾಥ ಅಜು಼ ಘುಂಜ್‌ಳಾವ್ಣಿಮ ಥಾ. ಖ್ಹಾರಿಸ್ ತರ‍್ಹಾನಿ ಲಾಲಚ್‌ಬಿ ಅಜು಼ ಭೋಗ್‌ನ ಗುಲಾಮ್ ಥಾ. ಅಪ್ಣ ಖರಾಬ್ ಖ್ಹಯಾಲ್ ಅಜು಼ ಗಲ್ತಿಕರಾಸ್ಮ ಅದ್ಮಿಖ್ಹಾರು ಅಪ್ಣುನ ದಾವೊ ಕರ್ತುಥು.ಅಪ್ಣೇಬಿ ಏಕ್‌ಥಿಏಕ್ ದಾವೊ ಕರ‍್ಯಾ.

1 ಯೋಹಾನ 1:7

ಕತೋಬಿ ದೇವ್ ಉಜಾ಼ಳಮ ರ‍್ಹಾವನಿತರಸ್‍ ಅಪ್ಣೇಬಿ ಉಜಾ಼ಳಮ ಚಾ಼ಲ್ಯಾತೊ ಅಪ್ಣೆ ಏಕ್‌ಥಿಏಕ್ ಗಳ್‍ಜೋ಼ಡ್‍ಥಿ ರ‍್ಹಯೇಜಾ಼ಯ್ ತದೆ ಇನೊ ಎಕ್ಕಸ್ ದೇವ್‌ನೊ ಛಿಯ್ಯೊ ಯೇಸುನು ಲ್ಹೋಯಿ ಅಪ್ಣುನ ಅಖ್ಖಾ ಪಾಪ್‌ಥಿ ಛೋ಼ಡೈನ್ ಪಾಕ್‍ಕರಾಸ್.