ಎಫೆಸ 5:4 - ದೇವ್ನಿ ಖ್ಹಾಚಿ ವಚನ್

⁴ ಗಲೀಜ಼್ ವಾತೆ, ಬೇಕಾರ‍್ನಿ ವಾತೆ, ನಕ್ಲೆಕಾಡಿ ಹಾಖ್ಹಾನು ಆಖ್ಹಾರು ನಕೊ. ಆ ಅಖ್ಖು ಖ್ಹಾಜ಼ಕೊಂತೆ ಹುಯಿರ‍್ಹುಸ್. ಅನಬದಲ್, ತುಮೆ ದೇವ್ನ ಧನ್ಯವಾದ್ ಕರೊ.

ಎಫೆಸ 5:4 ပူးပေါင်းရင်းမြစ်များ

ಮಾರ್ಕ 7:22

ವ್ಯಬಿಚಾರ್, ಪೈಶಾನಿ ಲಾಲಚ್‌, ಬಿಜಾ಼ನ ಖರಾಬ್ ಕರಾನು, ಠಗಾವಾನು, ಪಾಪೇಲಿಆದತ್‌, ಬಳಾಪೊ ಕರಾನು, ಗಾಳೆ ದ್ಯವಾನು, ಹಂಕಾರ್, ಝ಼ಲಕ್‌ಭರ್‍ಯಾನಿ ಘೋಣಿ ಕರಾನು, ಅಮ್ನು ಖ್ಹಾರು ಖರಾಬ್ ಖ್ಹಯಾಲ್ ಭಾರ್‌ ನಿಕ್ಳಾಸ್‌.

ಯೋಹಾನ 6:23

ಎತ್ರಾಸ್‌ಮ, ಬಿಜಿ ಡೋಣ್‌ ಖ್ಹಾರು ತಿಬೇರಿಯಾಥು ಐನ್, ಪ್ರಭುನೆ ಧನ್ಯವಾದ್ ಕರೀನ್, ಅದ್ಮಿನ ರೋಟ ಖಡಾಯೋತೆ ಝ಼ಗೋಕನಾಸ್‌ ಆಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:28

ಶನಖ್ಹಾಜೆಕತೊ ಯೊ ಅದ್ಮಿಖ್ಹಾರು ದೇವ್ನಿ ಗ್ಯಾನ್ನ ಝಿಟ್ಕಾರ‍್ಯುತೆ ಇನಖ್ಹಾಜೆ ಇವ್ಣುನ ಪಾಪ್ನುಕಾಮ್‍ ಕರಾನ ಮ್ಹೆಲಿದಿದೊ.

2 ಕೊರಿಂಥ 1:11

ಆ ನಾಹುಯಿನ್ ತುಮೆ ತುಮಾರಿ ಪ್ರಾರ್ಥನೆಥಿ ಹಮೂನ ಮದತ್ ಕರುಕರಸ್. ತದೆ ತುಮಾರಿ ಪ್ರಾರ್ಥನೆಥಿ ದೇವ್ ಹಮೂನ ಆಶೀರ್ವಾದ್‌ ಕರಿರಾಖ್ಯೋತೆ ದೇಖಿನ್ ಕೈಏಕ್ ಜ಼ಣು ಹಮಾರ ಭಣೀಥು ದೇವ್ನ ಧನ್ಯವಾದ್‍ನಿ ಸ್ತುತಿ ಕರ್ಶೆ.

2 ಕೊರಿಂಥ 9:15

ಖ್ಹರಾವಾನ ಹೋಯಿಕೊಂತೆ ಎತ್ರು ದೇವ್ನ ವಾರ್ಖ್ಹಾನಿ ವರನಖ್ಹಾಜೆ ಇನ ಧನ್ಯವಾದ್ ಹುವಾದೆ.

ಎಫೆಸ 1:16

ಮೆ ತುಮಾರಖ್ಹಾಜೆ ಮಾರಿ ಪ್ರಾರ್ಥನೆಮ ಬಿಂತಿಕರಾನಿ ವಖ್ಹ್‌ತೆ ದೇವ್ನ ಲಗತ್ತರ್ ಧನ್ಯವಾದ್ ಕರುಸ್.

ಎಫೆಸ 4:29

ತುಮಾರ ಮ್ಹೋಡೆಥಿ ಖಿವು ಖರಾಬ್ ವಾತೆ ನಾ ಆವ್ಣು. ಕತೋಬಿ ಭಕ್ತಿನ ಭಡಾವಾನಿ ಯೋವೇಳ್ಮ ಬೋಲ್ನುತೆ ವಾತೆ ಹುಯಿರ‍್ಹೇಣು. ತುಮೆ ವಾತೆ ಬೊಲ್ಯಾತೊ ಖ್ಹಮ್‌ಜಾ಼ವಾಳನಾಬಿ ಅಛ಼್ಛು ದೆಖಾವ್‌ಶೆ.

ಫಿಲಿಪ್ಪಿ 4:6

ಖಿವಿ ಬಾರೇಮಾಬಿ ವೇಚ಼್‌ಣೆ ನಾಕರ‍್ನುತೆ ಅಖ್ಖೀಸ್ ವಿಚಾರ್‌ಮ ದೇವ್ನ ಖ್ಹಾಮ್ಣೆ ಧನ್ಯವಾದ್ನು ಪ್ರಾರ್ಥನೆಬಿ ಬಿಂತಿ ಕರ್ತಹುಯಿನ್ ತುಮುನ ಹೋಣುತೆಯಿನ ಪ್ರಭುನ ಖ್ಹಮ್‍ಜಾ಼ಡೊ.

ಕೊಲೊಸ್ಸೆ 3:8

ಹಮ್ಕೆತೋಬಿ ಇರಾದೊ, ದಾವೊ, ಬಳಾಪೊ, ಚಾ಼ವ್‌ಣ್ಯ, ತುಮಾರ ಮ್ಹೋಡೆಥಿ ನಿಕ್ಳಾತೆ ಖರಾಬ್‌ವಾತೆ ಯೋಅಖ್ಖಾನ ಮ್ಹೇಲಿದೆವೊ.

1 ಥೆಸ 3:9

ತುಮಾರ ದೇಶೆಥಿ ಹಮುನ ಮಳಿರ‍್ಹುಸ್ತೆ ಶಂತೋಖ್ಹ್‌ನಖ್ಹಾಜೆ ಕೆತ್ರು ದೇವ್ನ ಧನ್ಯವಾದ್ ಕರ‍್ಯುತೋಬಿ ಬಶ್‌ ಕೋಹುವಾನಿ.

1 ಥೆಸ 5:18

ಹರ್‌ಹಾಲ್‌ಮ ದೇವ್ನ ಧನ್ಯವಾದ್ ಕರೊ. ಆಸ್ ತುಮಾರಿ ಬಾರೇಮ ಕ್ರಿಸ್ತ ಯೇಸುಮ ದೇವ್‌ಮ ಹೋಣುತೆ ಮರ್ಜಿ ಹುಯಿರ‍್ಹುಸ್.

ಫಿಲೆಮೋನ 1:8

ಇನಖ್ಹಾಜೆ ತೂ ಕರ್ನುತೆ ಏಕ್‍ ಕಾಮ್ ಛಾ಼ ಇನ ತೂ ಬರಬರ್‌ಥಿ ಕರ್ನುಕರಿ ಹುಕುಮ್‌ ದ್ಯವಾನಖ್ಹಾಜೆ ಮನ ಕ್ರಿಸ್ತಮ ಪೂರ ಅಧಿಕಾರ್‌ ಛಾ಼.

ಇಬ್ರಿ 13:15

ಇನಖ್ಹಾಜೆ ಯೇಸುಥೀಸ್ ಧನ್ಯವಾದ್‍ನಿ ಬಲೀನ ದೇವ್ನ ಲಗತ್ತರಸ್‌ ಸಮರ್ಪಣ್‌ ಕರಿಯೆ. ಇನ ಅಪ್ಣೆ ಪ್ರಭುಕರಿ ನಾಮ್ನ ನಂಬಿನ್ ಮ್ಹೋಡೇಖ್ಹು ಹರ್‌ಕೆ ಕರಿಯೆತೆಸ್ ಅಪ್ಣೆ ಅರ್ಪಣ್ ಕರಾನು ಬಲಿಹುಯಿರ‍್ಹುಸ್.

2 ಪೇತ್ರ 2:18

ಗಲತ್‌ ವಾಟ್‌ಪರ್ ಚಾ಼ಲವಾಳನಿ ಖ್ಹಂಗ್‌ಥಿ ಛು಼ಕಿಜಾ಼ವಳ ನವ ಅದ್ಮಿನಿ ಜೋ಼ಡ್ಮ ಅವ್ಣೆ ಫಾಯಿದೊಕೊಂತೆ ಪೋಲಿ ವಾತೆನ ಬೋಲಿನ್, ಶರೀರ್‌ನಿ ಖರಾಬ್ ಆಖ್ಹ್‌ಮ ನಾಖಿನ್ ಘಣಿ ಢೊಂಗಿನಿ ಬುದ್ಧಿಥಿ ಇವ್ಣುನ ಮಂಕ್‍ಕರ‍್ನಖಾಸ್.

2 ಪೇತ್ರ 2:7

ಕತೋಬಿ ದೇವ್ನೆ ಯೋ ಖರಾಬ್ ಅದ್ಮಿನ ಖರಾಬ್‌ಚಾ಼ಲ್‌ಥಿ ದಿಲ್‍ದುಖೈರ‍್ಹೊತೆ ನೀತಿವಾಳೊ ಲೋಟನ ಬಚಾ಼ಡ್ಯೊ,

ಯೂದನೆ ಲೀಖ್ಯೋತೆ ಚಿಟ್ಟಿ 1:10

ಕತೋಬಿ ಆ ಅದ್ಮಿಖ್ಹಾರು ಇವ್ಣುನ ಮಾಲುಮ್‌ಕೊಂತೆ ತಿನಿಬಾರೇಮ ದೂಷಣೆ ಕರಸ್. ಅಜು಼ ಇವ್ಣೆ ಅಕ್ಕಲ್‌ಕೊಂತೆ ಜಾನ್ವರ್‌ನಿತರ ಮಾಲುಮ್‌ ಕರಿಲೇಸ್. ಅಜು಼ ಇನೇಥಿ ಇವ್ಣು ಇವ್ಣೇಸ್ ನಾಶ್ ಕರಿಲೇಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:13

ಅವ್ಣೆ ದರ‍್ಯಾವ್‌ಮಾನು ಮೋಟ ಝೋ಼ಕಾಳ್ಯಾನಿತರ ರ‍್ಹೇಸ್. ಯೋ ಝೋ಼ಕಾಳ್ಯಮಾಥು ಫೇಖ್ಹಟ್‌ನ ಝ಼ಂಡಾ ಉಡಾತೆತಿಮ್‌ ಅವ್ಣೆ ಖ್ಹರಮ್‌ಕೊಂತೆ ಕಾಮ್‍ಕರಸ್, ಆ ಅದ್ಮೆವ್ ಆಕಾಶ್‌ಮ ವ್ಹವ್ತುಫಂಡಾತೆ ಶುಕ್ಕರ್‌ನಿತರ ಛಾ಼. ಅವ್ಣಖ್ಹಾಜೆ ಹಮೇಶಾನು ಅಂಧಾರಿನಪಾಳ್‍ನ ಖಾಯಮ್ ಕರಿರಾಖ್ಯೊಸ್.