ಎಫೆಸ 5:26 - ದೇವ್ನಿ ಖ್ಹಾಚಿ ವಚನ್

²⁶ ದೇವ್ನೆ ಇನ ಶುದ್ದ ಕರಾನಖ್ಹಾಜೆ ಇನುಯೋಸ್ ಸಮರ್ಪಣ್‌ ಕರೈಲಿದೊ.

ಎಫೆಸ 5:26 ပူးပေါင်းရင်းမြစ်များ

ಯೋಹಾನ 13:10

ಯೇಸುನೆ ಇನ, “ಪಾಣಿ ನ್ಹೊಯಿರಾಖವಾಳನು‌ ಆಂಗ್‌ತನ್‌ ಅಖ್ಖುಸ್ ಪಾಕ್‌ ರ‍್ಹೇಸ್, ಖಲಿ ಗೋಡ ಧೋಯೂತೊ ಬಶ್‌. ತುಮೆ ಖ್ಹಾರು ಪಾಕ್‌ ಹುಯಿರ‍್ಹಾಸ್‌, ಕತೋಬಿ ತುಮಾರಾಮ ಹರೇಕ್ ಜ಼ಣೊ ಪಾಕ್‌ ಕಾಹೆ” ಕರಿ ಬೋಲ್ಯೊ.

ಯೋಹಾನ 15:3

ಮೇ ತುಮೂನ ಬೋಲ್ಯೊತೆ ವಚನ್‌ಥಿ ತುಮೆ ಅಗಾಡಿಸ್ ಪಾಕ್‌ ಹುಯಿರ‍್ಹಾಸ್‌.

ಯೋಹಾನ 15:8

ತುಮೆ ಜಾ಼ಖ್ಹತ್ ಪಂಡು ದಿಶುತೆ ಇನೇಥಿಸ್ ಮಾರ ಬಾನ ಮಹಿಮೆ ಉಶೆ; ಅಜು಼ ಅಮ್ ತುಮೆ ಮಾರ ಶಿಷ್ಯರ್‌ಉಶು.

ಯೋಹಾನ 17:7

ತುನೆ ಮನ ದಿದೋತೆ ಖ್ಹಾರುಸ್‌ ತಾರೆಥೀಸ್‌ ಆಯೂತೆ ಕರಿ ಹಮ್ಕೆ ಅವ್ಣೆ ಮಾಲುಮ್‌ ಕರಿರಾಖ್ಯುಸ್.

ಯೋಹಾನ 3:5

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಏಕ್‌ ಅದ್ಮಿ ಪಾಣಿಥೀಬಿ, ಆತ್ಮಥಿ ಪೈದಾ ನಾ ಹುಯೂತೊ, ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:16

ತೂ ಹಮ್ಕೆ ಶನ ಖ್ಹೊಪ್‍ರ‍್ಹೇಸ್ ಉಟ್? ಪ್ರಭುನ ನಾಮ್ನ ಬೋಲವಾಳೊಹುಯಿನ್, ಬ್ಯಾಪ್ತಿಸ್ಮ ಕರೈಲೀನ್ ತಾರ ಪಾಪ್ನ ದ್ಹೋಯಿಲೆ ಅಜು಼ ತು ಇನಖ್ಹಾಜೆ ಪ್ರಾರ್ಥನೆ ಕರ್‌ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:8

ಯೊ ಶಾತ್ ಬೋಲಾಸ್‍ಕತೊ, “ವಚನ್ ತಾರಕನ ಛಾ಼ ಯೋ ತಾರ ಮ್ಹೋಡಮಾಬಿ ದಿಲ್‌ಮಾಬಿ ಛಾ಼” ಯೋಸ್ ಅಪ್ಣೆ ಬೋಲಿವತಾಳಾನು ವಿಶ್ವಾಸ್‍ನು ವಚನ್.

1 ಕೊರಿಂಥ 6:11

ತುಮಾರಮ ಕೈಯೇಕ್‌ಜ಼ಣು ಇಮ್ಮಸ್ ಹುಯಿರ‍್ಹುಥು. ಕತೋಬಿ ತುಮೆ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್‌ಥಿಬಿ ಅಜು಼ ಅಪ್ಣ ದೇವ್ನ ಆತ್ಮಥೀಬಿ ಧೊವೈನ್ ಶುದ್ಧಹುಯಿರ‍್ಹುಸ್. ದೇವ್‍ಥಿ ನೀತಿವಾಳಕರಿ ಚೂ಼ಣೈರ‍್ಹಾಸ್.

2 ಕೊರಿಂಥ 11:2

ಶನಕತೊ ದೇವ್‌ಮ ಛಾ಼ತೆ ಬಳಾಪಥೀಸ್ ಮೇ ತುಮಾರಿ ಬಾರೇಮ ವೆಚ಼್‌ಣೆಕರೂಸ್. ತುಮುನ ಕ್ರಿಸ್ತ ಕರಿ ಬೋಲೈರ‍್ಹೋತೆ ಎಕ್ಕಸ್ ಪರ್ಖ್ಹಾನ ಶುದ್ಧಕವಾರಿ ಬಣೈನ್ ತುಮುನ ಇನ ಹಾತ್ಮ ದೇವ್ಣುಕರಿ ತೀರ್ಮಾನ್ ಕರಿರಾಖ್ಯೊಸ್ನಿ.

ಎಫೆಸ 6:17

ಆಬಿ ಕಾಹೆತೆ ರಕ್ಷಣೆಕರಿ ಮುಡ್‌ಕ್ಯಾನು ಕವಚ್‌ನ ಘಾಲಿಲೀನ್‌ ಪವಿತ್ರಾತ್ಮ ದೇಸ್ತೆ ದೇವ್ನಿ ವಚನ್ ಕರಿಬೋಲಾನು ತಲ್ವಾರ್‌ನ ಧರಿಲೆವೊ.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಇಬ್ರಿ 10:10

ಶನಕತೊ ಕ್ರಿಸ್ತಯೇಸು ಎಕ್ಕಸ್ ಬಾರ್ ಅಖ್ಖಾನಖ್ಹಾಜೆ ಇನ ಶರೀರ್‌ನ ಸಮರ್ಪಣ್‌ ಕರಿನ್ ದೇವ್ನಿಖ್ಹೂಜ್‍಼ನ ಚ಼ಲಾಯೊತೆ ಇನಖ್ಹಾಜೆ ಅಪ್ಣೆ ಅಖ್ಖಾ ಪಾಪ್‌ಥಿ ಪಾಕ್‌ಹುಯಿಗ.

ಇಬ್ರಿ 10:14

ಇನಿ ಎಕ್ಕಸ್ ಬಲಿಥಿ ಪಾಪ್ನ ಪಾಕ್‌ಕರಿನ್ ಪೂರಕರಿರಾಖ್ಯೊಸ್.

ಇಬ್ರಿ 10:22

ಇನಖ್ಹಾಜೆ ಖರಾಬ್ ದಿಲ್ನಿಸಾಕ್ಷಿನ ಮ್ಹೆಲ್ಯಹುಯ ದಿಲ್‌ಥೀಬಿ ನೀರ್ಛೊ಼ಳ್‍ ಪಾಣಿಥಿ ಪಾಕ್‌ಹುಯ ಶರೀರ್‌ಥೀಬಿ ಖ್ಹಾಚಆತ್ಮಥಿ ಪೂರ ವಿಶ್ವಾಸ್‍ಥಿ ದೇವ್‌ಕನ ಅಯ್ಯೆ.

ಇಬ್ರಿ 10:29

ಅಮ್‍ರ‍್ಹವಾಪರ್ ದೇವ್ನ ಛಿಯ್ಯಾನ ಖುಂದ್ಲೀನ್, ಇನ ಪಾಕ್‌ಕರಿಲಿದೂತೆ ಒಪ್ಪಂದಾನು ಲ್ಹೋಯಿನ ಅಶುದ್ದಕರಿ ಜಾ಼ಣಿಲೀನ್ ದೇವ್ನಿ ವಾರ್‌ಖ್ಹಾನಿ ವರಾನ ಆತ್ಮಾನ ಝಿಟ್ಕಾರವಾಳೊ ಉಶೆ, ಬಿಜು಼ ಕೆಥ್ರಾನು ಕಠೋರ್ ನಿಶತ್ನ ಯೋ ಖ್ಹಣೇದ್ ಹುಯೆಜಾ಼ಯ್‍ಕರಿ ತುಮೇಸ್ ಸೋಚಿದೇಖೊ.

ಇಬ್ರಿ 13:12

ಇನಖ್ಹಾಜೆ ಯೇಸುಬಿ ಜಿನು ಶೊಂತ್‌ ಲ್ಹೋಯಿಥಿ ಇನ ಅದ್ಮಿಯೇವ್‍ನ ಪಾಕ್‌ ಕರಾನಖ್ಹಾಜೆ ಖ್ಹಯೇರ‍್ನ ಭಾರ್‌ ಮರ‍್ಯೊ.

ಇಬ್ರಿ 4:12

ದೇವ್ನಿ ವಚನ್ ಜಿವ್ತಜಾನ್ನು, ಕಾಮ್ ಕರ್ತುರ‍್ಯವಾನುಬಿ ಅಜು಼ ಖಿವಿ ಬೇಮ್ಹೋಡಾನಿ ತಲ್ವಾರ್‌ಥೀಬಿ ಚಾ಼ಲ್ತು ರ‍್ಹೀನ್, ಜಾನ್ನಬಿ ಆತ್ಮಾನ, ಕೀಲ್ ಬಿಶ್ಶಾನಾಬಿ ಅಲಕ್‍ ಕರಾಯೆತ್ರೆ ಪರಕ್ಮ ಪೇಶಿ ನಿಕ್‌ಳ ಎತ್ರೆಬಿ, ದಿಲ್ನಿಖ್ಹೂಜ್‍ನಾಬಿ ಸೋಚ್ ಸಮಜ್‌ನಾಬಿ ಪರ್ಖಾನು ಹುಯಿರ‍್ಹುಸ್.

ಇಬ್ರಿ 9:14

ಅಜು಼ ಆ ಖ್ಹಾಚು಼ಕರಿ ಬೋಲಾನು ರ‍್ಹಯೂತೊ ಹಮೇಶಾನ ಆತ್ಮಥಿ ಇನುಯೋಸ್ ದೇವ್ನ ಕಳಂಕ್‌ಕೊಂತೆ ಬಲಿಹುಯಿನ್ ಸಮರ್ಪಣ್‌ ಕರಿಲಿದೊತೆ ಕ್ರಿಸ್ತನು ಲ್ಹೋಯಿ ಕೆತ್ರೇಕ್ಕಿ ಅಪ್ಣುನ ಜಾನ್‍ಕೊಂತೆ ಕಾಮ್‍ಥಿ ಛೋ಼ಡೈನ್, ಅಪ್ಣೆ ಜಿವ್ತೊಜಾನ್ನೊ ದೇವ್ನ ಆರಾದನೆ ಕರ್‌ಯೇತೆ ತಿಮ್ ಅಪ್ಣೆ ಮನ್ನಿಸಾಕ್ಷಿನ ಪಾಕ್‌ ಕರ‍್ಯಕೊಯ್ನಿಕಿಶು?

ಯಾಕೋಬ 1:18

ದೇವ್ ಇನಿ ಅಛ್ಛಿ ಖ್ಹೂಜ಼್‌ನಿ ಪರಕ್ಮ ಖ್ಹಾಚಿವಚನ್‍ಥಿ ಅಪ್ಣುನ ಜಾನ್‍ದೀರಾಖ್ಯೊತೆ ಇನಖ್ಹಾಜೆ ಅಪ್ಣೆ ಇನಿ ಖ್ಹಾರಿಸ್ ಉಬ್‌ಜಾ಼ವ್ಣಿಮ ಫಹಿಲಫಲ್‍ ಹುಯಿರ‍್ಹಾಸ್.

1 ಪೇತ್ರ 1:2

ಪವಿತ್ರಾತ್ಮಥಿ ಅಭಿಷೇಕ್ ಕರೈಲಿದಹುಯಿನ್ ವಿಧೇಯ ಹುವಾನಖ್ಹಾಜೆ, ಯೇಸು ಕ್ರಿಸ್ತನ ಲ್ಹೋಯಿಥಿ ಛಿಡ್‍ಕೈನ್, ಬಾ ಹುಯಿರ‍್ಹೋತೆ ದೇವ್ನಿ ಭವಿಶ್ಯನಿ ಗ್ಯಾನ್‌ಥಿ ಚೂ಼ಣೈಗಯಹುಯಾನ ಲೀಖಾನು ಶಾತ್‍ಕತೊ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಘಣು ಮಳಾದೆ.

1 ಪೇತ್ರ 3:21

ಯೋ ಹಮ್ಕೆ ತುಮುನ ಬಚಾ಼ಡನು ಬ್ಯಾಪ್ತಿಸ್ಮನು ಏಕ್‌ ರೂಪ್ ಹುಯಿರ‍್ಹುಸ್. ಆ ಖಲಿ ಶರೀರ್‌ನು ಮೇಲೊ ಧೊವಾಕೊಯ್ನಿ. ಕತೋಬಿ ಆ ಅಛ಼್ಛು ದಿಲ್ನಿಸಾಕ್ಷಿಥಿ ದೇವ್ನಿ ಜೋ಼ಡ್ಮಕರಾನಿ ವಾಗ್ದಾನ್‌ ಹುಯಿರ‍್ಹೀಸ್. ಅಜು಼ ಯೇಸುಕ್ರಿಸ್ತ ಪಾಛು಼ಜಿವ್ತು ಉಠಾಥಿಸ್ ಹಮ್ಕೆ ಆ ಅಪ್ಣುನ ರಕ್ಷಣೆದಿಶೆ.

2 ಪೇತ್ರ 1:9

ಕತೋಬಿ ಆ ಖ್ಹಾರಿ ಗುಣ್‌ಕೊಂತೆ ಅದ್ಮಿ ಅಂಧು ಹುಯಿರ‍್ಹುಸ್‍, ಅಜು಼ ಇನ ದೂರ್‌ಲಿ ಜೋ಼ತ್‌ಕೊಂತೆ, ಇನು ಅಗ್‌ಲ್ಯು ಪಾಪ್‌ಖ್ಹಾರು ಮಾಪ್‌ ಹುಯಿಜೈ಼ನ್‌, ಯೋ ಶುದ್ದಿ ಹುಯಿಗಯು ಕರಿ ಯೋ ಭೈಕಿಗಯೊ.

1 ಯೋಹಾನ 5:6

ಪ್ರಭು ಯೇಸುಸ್ ಪಾಣಿಥಿ ಅಜು಼ ಲ್ಹೋಯಿಥಿ ಆಯಿರ‍್ಹೋಸ್. ಖಾಲಿ ಪಾಣಿಥೀಸ್‍ ಕಾಹೆ, ಕತೋಬಿ ಪಾಣಿಥೀಬಿ ಲ್ಹೋಯಿಥಿಸ್‍ ಆಯಿರ‍್ಹೊಸ್ತೆ. ಅನ ಪವಿತ್ರಾತ್ಮಸ್ ಸಾಕ್ಷಿ. ಶನಕತೊ ಪವಿತ್ರಾತ್ಮಸ್ ಖ್ಹಾಚೊ಼ ಹುಯಿರೋಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ಸೇವಕ್‌ಬಿ, ಯಾಕೋಬನೊ ಭೈಬಿ ಹುಯಿರೋತೆ ಯೂದ ಬುಲೈ ರ‍್ಹವಾಳಾನ, ಬಾ ಹುಯಿರೋತೆ ದೇವ್‌ಮ ಪ್ಯಾರ್‌ನ ಹುಯಿರಾತೆ ಅಜು಼ ಯೇಸು ಕ್ರಿಸ್ತನಖ್ಹಾಜೆ ಬಚಿರ‍್ಹಾತೆ ಇವ್ಣುನ ಶಾತ್ ಲೀಖುಸ್‌ಕತೊ,