ಎಫೆಸ 5:11 - ದೇವ್ನಿ ಖ್ಹಾಚಿ ವಚನ್

¹¹ ಕಾಯ್‌ಕೊಂತೆ ಅಂಧಾರನ ಕಾಮ್ಮ ವಾಟೊವಾಳ ನಾ ಹುಯಿರ‍್ಹೇಣುತೆ ಅನಬದಲ್ ಉಜಾ಼ಳಮ ದೆಖಾವನಿ ಘೋಣಿ ಕರೊ.

ಎಫೆಸ 5:11 ပူးပေါင်းရင်းမြစ်များ

ಮತ್ತಾಯ 18:15

ತಾರೊ ಭೈ ತಾರಿ ವಿರೋದ್ ಗಲತ್‌ ಕರ‍್ಯೋತೊ, ತೂ ಜೈ಼ನ್, ಯೋ ಎಕ್ಲೋಸ್ ರ‍್ಹವಾನಿ ವಖ್ಹತ್‌ಮ, ಇನಿ ಗಲ್ತಿನ ಇನ ಬೋಲಿವತಾಳ್. ಯೋ ತಾರಿ ವಾತೇನ ಖ್ಹಮ್‌ಜಿಗಯೋತೊ ತಾರ ಭೈನ ತೂ ಪಾಛೊ಼ ಕಮೈಲಿದೊ ಕರಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:19

ರಾಜ್ಯಪಾಲ್ ಹುಯಿರ‍್ಹೋತೆ ಹೆರೋದನೆ ಇನಿ ಭೈನಿ ಬಾವಣ್‍ ಹುಯಿರ‍್ಹೀತೆ ಹೆರೋದ್ಯನ ಕರಿಲಿದೊಥೋತೆ ಅಜು಼ ಇನೆ ಕರ‍್ಯೊಥೋತೆ ಬಿಜಾ಼ಖ್ಹಾರ ಖರಾಬ್ ಕಾಮ್ನಟೇಕೆ ಯೋಹಾನನೆ ಇನ ಬರಾಬರ್‌ಥಿ ಗುರ್‌ಕಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:12

ಘಣೇಥಿ ರಾತ್ ನಿಕ್ಳಿಜೈ಼ನ್ ವ್ಹಾಣು ಖನ್ನೆ ಅಯಿಗು. ಇನಖ್ಹಾಜೆ ಅಪ್ಣೆ ಅಂಧಾರನು ಖ್ಹಾರು ಕಾಮ್ನ ಫೇಕಿನ್ ಉಜಾ಼ಳಾಮ ಜಂಗ್ ಭೀಡಾನು ಕಫ್ಫನ್ನ ಫೆರ‍್ಹಿಲಿಯೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:17

ಭೇನ್ ಭೈಯೇವೊ, ತುಮೆ ಶಿಕಿರಾಖ್ಯಾತೆ ಬೋಧನೆನ ವಿರೋದ್ ಹುವಾಳೂಬಿ ತುಮಾರಿ ಒಗ್ಗಟ್ ಫುಟಾಖ್ಹರ್ಕು ತುಮಾರಮ ಕಚ಼್ಚರ್‌ ಹುವಾನಿತರ ಕರವಾಳನಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಎಥ್ರಾನವಾಳಥಿ ದೂರ್ ರ‍್ಹೇವೊಕರಿ ಗಿಂಗೈಲೆವುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:21

ತುಮೆ ಖರಾಬ್ ಕಾಮ್‍ಕರ‍್ಯ, ಹಮ್ಕೆ ತುಮೆ ಯೋ ಕಾಮ್ನಿಬಾರೇಮ ಖ್ಹರ್‌ಮಾವಸ್ನಿ? ಯೋ ಕಾಮ್‍ಥಿ ತುಮೂನ ಮರಣಸ್ ಹುಯಿರ‍್ಹುಸ್.

ಗಲಾತ್ಯ 6:8

ಇನು ಶರೀರ್‌ನು ಲಾಲಚ್‌ನಿ ತರಾನು ಬಿತ್ತವಾಳೊ ಯೋ ಯೊ ಖ್ಹಯಾಲ್‍ಥೀಸ್ ನಾಶನನ ವ್ಹಾಡವಾಳೊ ಹುಯಿರ‍್ಹೋಸ್. ಪವಿತ್ರಾತ್ಮನಿ ಬಾರೇಮ ಬಿತ್ತವಾಳೊ ಪವಿತ್ರಾತ್ಮಥಿ ಹಮೇಶಾನು ಜಾನ್ನ ಫಲ್ನ ವ್ಹಾಡ್‌ಶೆ.

ಎಫೆಸ 4:22

ಇನಖ್ಹಾಜೆ ತುಮುನ ಶಿಕಾಡ್ಯುತೆ ಭೋದನ್ ಶಾತ್‌ಕತೊ ತುಮೆ ತುಮಾರಿ ಅಗ್ಲಿ ಚಾ಼ಲ್‌ನಿತರಾನು ಜೂ಼ನಿ ಆದತ್‌ನ ಕಾಡಿನಾಖೊ; ಯೊ ಧೋಕ ಖೈರಾಖ್ಯಾಸ್ತೆ ಖರಾಬ್ ಆಖ್ಹ್‌ಥಿ ಭರೈರ‍್ಹುಸ್‌. ಯೊ ನಾಶ್‌ ಹುಯಿಜಾ಼ವನು ಹುಯಿರುಸ್.

ಎಫೆಸ 5:12

ಯೊ ಅದ್ಮಿಖ್ಹಾರು ಗಪ್ಲಥ್ಥಿ ಕರಾಸ್ತೆ ಕಾಮ್ನ ಅನಿಬಾರೇಮ ಬೋಲಾನು ಖ್ಹಾಚಮಾಬಿ ಖ್ಹರಮ್‍ಲಾಗಾನು ಹುಯಿರ‍್ಹುಸ್.

ಎಫೆಸ 5:7

ಇನಾಖ್ಹಾಜೆ ತುಮೆ ಇವ್ಣ ಜೋ಼ಡ್ಮ ಖ್ಹಂಗ್ ನಕೊ ಕರೊ.

ಕೊಲೊಸ್ಸೆ 1:12

ದೇವ್ನ ವಿಶ್ವಾಸಿಯೇವ್ನ ಉಜಾ಼ಳಮ ಛಾ಼ತೆ ಖ್ಹಾರಸ್‍ಮ ಭಾಗ್‍ಲ್ಯಾವಾನ ಖ್ಹಾಜೆ ಅಪ್ಣುನ ಲ್ಹಾಯೇಕ್ ಕರಿರಾಖ್ಯೋತೆ ಬಾ ದೇವ್ನ ಶಂತೋಖ್ಹ್‌ ಥಿ ಧನ್ಯವಾದ್ ಕರಿಯೇಸ್.

1 ಥೆಸ 5:7

ಖ್ಹುವ್ವಾಳು ಖ್ಹಾರು ರಾತ್ಮ ಖ್ಹುವ್ವಾಸ್. ಕಯೇಪ್ ಚ಼ಢೈಲೆವಾಳು ಖ್ಹಾರು ರಾತ್ಮ, ಕಯೇಪ್ ಚ಼ಢೈಲೇಸ್.

2 ಥೆಸ 3:14

ಆ ಚಿಟ್ಟೀಮ ಹಮೆ ತುಮೂನ ಬೋಲುಕರೇತೆ ಕೋಣ್ ಇನ ಮಾನಕೊಯ್ನಿಕಿ, ಇಮ್‌ನಾನಿ ಖ್ಹಣೇದ್ ಕರೀನ್, ಇನ ಖ್ಹರಮ್‌ ಲಾಗಾನಿಘೋಣಿ ಕೋಣ್‌ಬಿ ಇನಿ ಖ್ಹಂಗ್ ನಕೊ ಕರೊ.

2 ಥೆಸ 3:6

ಹಮಾರ ಭೈಯೆ ಭೇನೆವೊ, ಕಾಮ್ ಕರಾಕೊಂತೆ ಅಜು಼ ಹಮೆ ಬೋಲ್ಯಾತೆ ಪದತ್ತಿನ ಪಾಡಿನ್ ಚಾ಼ಲಕೊಂತೆ ವಿಶ್ವಾಸಿ ಖ್ಹಾರೇಥಿ ತುಮೆ ದೂರ್ ರ‍್ಹೇಣು. ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನ ನಾಮ್‌ಪರ್‌ ತುಮೂನ ಹುಕುಮ್ ದಿಯೇಸ್.

1 ತಿಮೊ 5:20

ಪಾಪ್ ಕರಾವಾಳನ ಖ್ಹಾರಾನ ಖ್ಹಾಮ್ಣೇಸ್ ಗುರ್‌ಕಾವ್, ಅನೇಥಿ ಬಿಜು಼ ಅದ್ಮಿ ಖ್ಹಾರುಬಿ ಡರ್‌ಶೆ.

1 ತಿಮೊ 5:22

ಉತ್ವಾಳಿಥಿ ಕಿನ ಮಾಥಪರ್‌ಬಿ ಹಾತ್‌ ಮ್ಹೇಲಿನ್, ಪ್ರಭುನಿ ಸೇವೇನ ನೇಮಕ್ ನಕೊ ಕರೀಶ್. ಇಮ್‌ ನೇಮಕ್ ಕರ‍್ಯೊತೊ ಇವ್ಣ ಪಾಪ್‌ಮ ತೂಬಿ ಭಾಗ್‌ವಾಳೊ ಹುಯಿಜೈ಼ಶ್. ತಾರು ತೂ ಪಾಕ್‌ಥಿ ರ‍್ಹವಾನಿಘೋಣಿ ದೇಖಿಲೆ.

1 ತಿಮೊ 6:5

ಅತ್ರೇಸ್ ಕಾಹೆತೆ ಇಮ್ನ ಖ್ಹಾರ ಅದ್ಮಿಥಿ ಕದೇಬಿ ಖತಮ್ ಹುವ್ವಾಕೊಂತೆ ವಾದ್‌ವಿವಾದ್ ಪೈದಾ ಹುವಾಸ್. ಯೋ ಅದ್ಮಿಖ್ಹಾರು ಖ್ಹಾಚಿನ ಧಕೇಲಿದಿದುಹುಯು ಹುಯಿರ‍್ಹೂಸ್. ದೇವ್ನಿ ಸೇವೆ ಕತೊ ಧನ್‌-ದೌಲತ್ ಕಮಾವಾನೊ ಮಾರಗ್ ಕರಿ ಇವ್ಣೆ ಸೋಚಸ್.

2 ತಿಮೊ 3:5

ಯೊ ಅದ್ಮಿಖ್ಹಾರು ಅಪ್ಣ ಪದತ್ತಿ ಕಾಮ್ನಾಸ್ ಧರಿರಾಖಾಸ್ ಕತೋಬಿ ಇನ ಮಹಿನು ಖ್ಹಾಚಿನಿ ಶಕತ್ನ ಮ್ಹೇಲಿದೇಸ್ ಅಥ್ರಾನವಾಳೇಥಿ ದೂರ್ ರ‍್ಹೆ.

2 ತಿಮೊ 4:2

ದೇವ್ನಿ ಸುವಾರ್ತೆ ಅದ್ಮಿವೋನ ಅಛ್ಛಿ ವಖ್ಹತ್‌ಮ ಖಬರ್ ವಖ್ಹತ್‌ಮ ಬೋಲಿದೆ. ಅದ್ಮಿಖ್ಹಾರು ಕರ್ನುತೆ ಇನ ಇವ್ಣುನ ಬೋಲಿದೆ. ಇವ್ಣೆ ಗಲತ್‌ ಕರಾನಿ ವಖ್ಹ್‌ತೆ ಯೋ ಇನ ಒತಾಳ್, ಇವ್ಣುನ ಗುರ್‌ಕಾವ್, ಹುಮ್ಮಖ್ಹ್‌ರ‍್ಹಿನ್ ಘಣು ಖ್ಹಮಾಳಿರ‍್ಹೀನ್‌ ಅಜು಼ ಹೊಷಾರ್‌ಥಿ ಕರ್‌.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:15

ಆ ಖ್ಹಾರಿ ವಾತೆ ಶಿಕಾಡ್. ತಾರಿ ಅಖ್ಖೀಸ್ ಅದಿಕಾರ್‌ಥಿ ಇವ್ಣುನ ಭಾಲಿಬೋಲ್ ಅಜು಼ ಗುರ್‌ಕಾವ್ ಶನಕತೊ ಕೋಣ್‌ಬಿ ತುನ ‍ತಿರಸ್ಕಾರ್ ನಾ ಕರ್ನುತೆ ಇಮ್‌ ದೇಖಿಲೆ.

ಪ್ರಕಾಶಿತ್ 18:4

ಸೊರ್ಗಾಥು ಬೋಲಾನು ಅಜೇಕ್ ಅವಾಜ಼್‌ನ ಮೆ ಖ್ಹಮ್‌ಜ್ಯೊ, ಮಾರ ಅದ್ಮಿವೊ ಯೊ ನಂಗ್ರಿನ ಮ್ಹೇಲಿನ್ ಫಾದರ್ ಆವೊ, ಶನಕತೊ ಇನ ಪಾಪ್‌ಮ ವಾಟೊ ಕೊಉಷೂನಿ. ಇನ ಹುವಾನು ನಿಶತ್‌ ತುಮುನ ಕೊಉಷೇನಿ.