ಎಫೆಸ 4:6 - ದೇವ್ನಿ ಖ್ಹಾಚಿ ವಚನ್

⁶ ಬಾ ಹುಯಿರ‍್ಹೊಸ್ತೆ ಎಕ್ಕಸ್ ದೇವ್‌ಬಿ, ಅಖ್ಖಾನ ಪ್ರಭು ಹುಯಿರ‍್ಹವಾಳೊ, ಖ್ಹಾರೇಥಿಸ್ ಕಾಮ್ ಕರಾವವಾಳೊಬಿ, ಖ್ಹಾರಮಸ್ ಜಿವ್ಣುಕರವಾಳೊ ಹುಯಿರ‍್ಹೋಸ್.

ಎಫೆಸ 4:6 ပူးပေါင်းရင်းမြစ်များ

ಮತ್ತಾಯ 6:13

ಹಮೂನ ಶೋದನೆಮ ನಕೊನಾಕ್‌, ಕತೋಬಿ ಶೈತಾನ್‌ಥಿ ಹಮೂನ ಛೋ಼ಡಾವ್.’

ಮತ್ತಾಯ 6:9

ಇನಖ್ಹಾಜೇಸ್, ತುಮೆ ಸೊರ್ಗಾನ ಬಾನ ಅಮ್ ಪ್ರಾರ್ಥನೆ ಕರ‍್ನು:

ಯೋಹಾನ 14:23

ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು.

ಯೋಹಾನ 17:26

ಮೇ ಅವ್ಣುನ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್, ಬಿಜೂ಼ಬಿ ಇನ ಮಾಲುಮ್‌ ಕರವ್‌ಸ್ ಕರೀಶ್, ತುನೆ ಮಾರಪರ್ ಖಿವಿ ಪ್ಯಾರ್ ವತಾಳ್ಯೊಕಿ ಮೇಬಿ ಇವ್ಣಾಮ ರ‍್ಹೇವ್ಣುಕರಿ ಪ್ರಾರ್ಥನೆ ಕರುಸ್” ಕರಿ ಬೋಲ್ಯೊ.

ಯೋಹಾನ 20:17

ಯೇಸುನೆ ಇನ, “ಮನ ಧರ್‌ನಕೊ, ಶನಕತೊ ಮೇ ಬಿಜೂ಼ಬಿ ಬಾಕನ ಕೋ ಜೈ಼ರ‍್ಹೋನಿ. ಕತೋಬಿ ತೂ ಮಾರ ಭೈಯೇಕನ ಜೈ಼ನ್‌, “ಮೇ ಮಾರೊ ಬಾ ಅಜು಼ ಇವ್ಣೊ ಬಾ, ಮಾರೊ ದೇವ್ ಅಜು಼ ಇವ್ಣೊ ದೇವ್ ಹುಯಿರ‍್ಹೋತೆ ಇನಕನ ಪಾಛೊ಼ ವಳ್ಯೊಜ಼ವುಸ್‌ ಕರಿ ಬೋಲ್” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:36

ಶನಕತೊ ದೇವ್‍ಥಿ ತಮಾಮ್‍ನಾಸ್ ಉಬ್ಜಿರ‍್ಹುಸ್.ಖ್ಹಾರುಸ್ ಇನೇಥಿಸ್ ಇನಖ್ಹಾಜೇಸ್ ರ‍್ಹೇಸ್. ದೇವ್ನ ಜ಼ಗ್‌ಜ಼ಮಾನಮಾಬಿ ಮಹಿಮೆಹುವಾದೆ! ಆಮೆನ್.

1 ಕೊರಿಂಥ 12:6

ಅಖ್ಖಕಾಮ್ನಿ ಪರಕ್ಮ ಅಲಕ್ ಅಲಕ್ ತರ ಛಾ಼ ಖ್ಹಾರಾಸ್‌ಮ ಅಖ್ಖಾಸ್ ಕಾಮ್ನ ಕರಾನ ಶಕತ್ ದ್ಯವಾಳೊ ದೇವ್ ಎಕ್ಕಸ್‍ಜ಼ಣೊ.

1 ಕೊರಿಂಥ 8:6

ಅಪ್ಣುನತೋಬಿ ಎಕ್ಕಸ್ ದೇವ್ ಛಾ಼. ಯೋ ಬಾಕರಿ ಬೋಲೈಲ್ಯಾವಾಳೊ; ಅಖ್ಖೂಸ್ ಉಬ್‍ಜ್ಯೊತೆ ಇನೇಥಿ ಹಮೆ ಇನಖ್ಹಾಜೆ ಜಿವೇಸ್ ಅಜು಼ ಏಕ್‍ನೊ ಏಕ್ಕಸ್‍ಜ಼ಣೊ ಪ್ರಭು ಛಾ಼. ಯೋಸ್ ಯೇಸು ಕ್ರಿಸ್ತ ಇನೇಥಿಸ್ ಹರೇಕ್ ತಯಾರ್‌ಹುಯು. ಇನೇಥಿಸ್ ಹಮೇಬಿ ಇನೇಥಿಸ್ ಛಿಯ್ಯೆ಼.

2 ಕೊರಿಂಥ 6:16

ದೇವ್ನ ಮಂದಿರ್‌ನಾಬಿ ಮೂರತ್‌ನಾಬಿ ಏಕ್‍ಕರಾನ ಉಶೇಕಿ ಶು? ಅಪ್ಣೆ ದೇವಸ್ ಬೋಲಿರಾಖ್ಯುತೆ ತಿಮ್ ಜಿವ್ತಜಾನ್ನೊ ಮಂದಿರ್‌ ಹುಯಿರಾಸ್ನಿ. ಮಾರ ಅದ್ಮಿವೋಮ ಮೇಸ್ ಘರ್ ಕರೀಶ್, ಇವ್ಣಾಮ ಮೇಸ್ ಜಿವ್ಣು ಕರ್ತೊಹುಯಿನ್ ಇವ್ಣಿಜೋ಼ಡೆ ಫರ್ತೊರ‍್ಹಿಶ್, ಮೇಸ್ ಇವ್ಣೊ ದೇವ್ ಹುಯಿರ‍್ಹಿಶ್. ಇವ್ಣೆ ಮನ ಪ್ರಜೆಹುಯಿರ‍್ಹಿಶೆ ಕರಿ ಬೋಲ್ಯೊ.

ಎಫೆಸ 1:21

ಕ್ರಿಸ್ತನಿ ಅದಿಕಾರ್‌, ಶಕತ್ ಆ ಜಗತ್‌ಮಾಸ್ ಕಾಹೆತೆಸ್ ಅಗಾಡಿ ಆವ್‌ಶೇತೆ ಜಗತ್‌ಮ ಛಾ಼ತೆ ಖ್ಹಾರ ಜ಼ಣನ ಉಪ್ಪರ್‌ಬಿ ಅಖ್ಖನಾಮ್ನ ಉಪ್ಪರ್‌ಬಿ ಪರಲೋಕ್‍ಮ ಇನ ಇನು ಖಾವಿಬಾಜು಼ಮ ಬೆಖ್ಹಾಡಿಲಿದೊ.

ಎಫೆಸ 2:22

ಕ್ರಿಸ್ತಮ ತುಮೇಬಿ ಪವಿತ್ರಾತ್ಮಥಿ ದೇವ್ನ ರ‍್ಹವಾನು ಮಂದಿರ್‌ ಹುವಾನಖ್ಹಾಜೇಥಿ ಹಮಾರ ಜೋ಼ಡೆ ಭಂದೌಕರಾಸ್.

ಎಫೆಸ 3:17

ಕ್ರಿಸ್ತ ತುಮಾರ ವಿಶ್ವಾಸ್‍ಥಿ ತುಮಾರ ದಿಲ್ಮ ಜಿವಾದೆಕರಿಬಿ, ಯೊ ಇನಿ ಮಹಿಮೆನಿ ಶಕತ್ ದ್ಯವಾದೆ.

ಎಫೆಸ 6:23

ಬಾ ದೇವ್‌ಥಿಬಿ ಪ್ರಭು ಯೇಸು ಕ್ರಿಸ್ತಥಿಬಿ ಶಾಂತಿಬಿ, ವಿಶ್ವಾಸ್‍ಥಿ ರ‍್ಹವಾನಿ ಪ್ಯಾರ್ ಅಖ್ಖಾಸ್ ವಿಶ್ವಾಸಿ ಭೈಯೇ ಭೇನೆನ ಮಾಲುಮ್ ಹುವಾದೆ.

1 ಯೋಹಾನ 3:24

ದೇವ್ನಿ ಹುಕುಮ್‌ನ ಪಾಡಿಚಾ಼ಲವಾಳೊ ಇನಾಮ ತಳ್‍ಗಾಠಿನ್ ರ‍್ಹೇಸ್. ದೇವ್ ಇವ್ಣಾಮ ತಳ್‌ಗಾಠಿ ರ‍್ಹೇಸ್‍. ದೇವ್ ಅಪ್ಣಾಮ ತಳ್‍ಗಾಠಿ ಛಾ಼ಕರಿ ಯೋ ಅಪ್ಣುನ ಕೃಪೆಥಿ ದೀರಾಖ್ಯೋತೆ ಪವಿತ್ರಾತ್ಮಥೀಸ್ ಮಾಲುಮ್ ಕರಿಲಿಯೇಸ್.