ಎಫೆಸ 4:4 - ದೇವ್ನಿ ಖ್ಹಾಚಿ ವಚನ್

⁴ ತುಮೆ ದೇವ್‌ಮ ಬುಲಾವನಿವಖ್ಹ್‌ತೆ ಖ್ಹಾರು ಎಕ್ಕಸ್ ಶರೀರ್‌ಮ ಮಳಿರ‍್ಹವಾಳಬಿ, ಎಕ್ಕಸ್ ಪವಿತ್ರಾತ್ಮಥಿ ರ‍್ಹವಾಳಬಿ, ಎಕ್ಕಸ್ ಭರೋಖ್ಹಾನಟೇಕೆ ಬುಲೈರ‍್ಹಾಸ್.

ಎಫೆಸ 4:4 ပူးပေါင်းရင်းမြစ်များ

ಮತ್ತಾಯ 28:19

ಇನಖ್ಹಾಜೆ ತುಮೆ ಜೈ಼ನ್, ಖ್ಹಾರ ದೇಖ್ಹ್‌ಮ ಛಾ಼ತೆ ಅಲಕ್ ಅಲಕ್ ವಾತೆ ಬೋಲಾವಳು ಅದ್ಮಿ ಖ್ಹಾರಾನ ಮಾರ ಶಿಷ್ಯರ್‌ ಬಣಾವೊ: ಇವ್ಣುನ ಬಾ, ಛಿಯ್ಯೊ ಅಜು಼ ಪವಿತ್ರಾತ್ಮನ ನಾಮ್‌ಪರ್‌ ಬ್ಯಾಪ್ತಿಸ್ಮ ದೆವೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:11

ಇನಖ್ಹಾಜೆ ಹಮೆರ‍್ಹೇವೊ ಅವ್ಣೆ ರ‍್ಹವೊ ರಕ್ಷಣೆ ಲೀಲ್ಯಾವಾನು, ಪ್ರಭುಹುಯಿರ‍್ಹೋತೆ ಯೇಸುನಿ ಗೋರ್‌ಥೀಸ್ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:29

ಶನಕತೊ ದೇವ್ ವರಾನ ದಿದೋತೆ ಇನಖ್ಹಾಜೇಬಿ, ಅದ್ಮೆವ್‍ನ ಬುಲಾಯೋತೆ ಇನಖ್ಹಾಜೇಬಿ ದಿಲ್‌ಬದ್ಲಾವವಾಳೊ ಕಾಹೆ.

1 ಕೊರಿಂಥ 10:17

ರೋಟೊ ಎಕ್ಕಸ್ ಇನಖ್ಹಾಜೆ ಅಪ್ಣಾಮ ಕೈಯೇಕ್‌ಜ಼ಣು ರ‍್ಹಯುತೋಬಿ ಅಪ್ಣೆ ಎಕ್ಕಸ್ ಶರೀರ್‌ನ ಹುಯಿರಾಸ್. ಶನಕತೊ ಅಪ್ಣೆಖ್ಹಾರು ಯೋ ಎಕ್ಕಸ್ ರೋಟಾಮ ಭಾಗ್‌ಲಿಯೆಸ್.

1 ಕೊರಿಂಥ 12:20

ಕತೋಬಿ ಹಮ್ಕೆ ಭಾಗ್‌ ಕೈಏಕ್ ರ‍್ಹಯುತೋಬಿ ಶರೀರ್ ಖಲಿ ಎಕ್ಕಸ್.

2 ಕೊರಿಂಥ 11:4

ಶನಕತೊ ಹಮೆ ಬೋಲು ಕರ್ತಥಾತೆ ಬಿಜೇಕ್‍ಜ಼ಣೊ ಯೇಸು ತುಮಾರಕನ ಆಯಿನ್ ತುಮುನ ಬೋಧನೆ ಕರಾನಿ ವಖ್ಹ್‌ತೆಬಿ. ತುಮೆ ಲೀರಾಖ್ಯಕೊಂತೆ ಬಿಜೇಕ್ ಆತ್ಮಾನ ಲಿಲ್ಯಾವನಿ ವಖ್ಹ್‌ತೆಬಿ ಸ್ವೀಕಾರ್ ಕರಕೊಂತೆ ಬಿಜೇಕ್ ಸುವಾರ್ತೆನ ಸ್ವಿಕಾರ್‌ಕರಿಲ್ಯಾವನಿ ವಖ್ಹ್‌ತೆ ತುಮೆ ಅಛ್ಛಿನಿತರ ಖ್ಹಮಾಳಿಲೆವೊಸ್.

ಎಫೆಸ 1:18

ಮೇ ಬೋಲಿಲಾವನು ಶಾತ್‌ಕತೊ ತುಮಾರ ದಿಲ್ನ ಡೋಳಾನ ಉಜಾ಼ಖ್ಹ್‌ ಕರೀನ್, ಇನಿ ಬುಲಾವ್ಣಿನ ಭರೋಖ್ಹೊ ಕೆಥ್ರಾನು ಕರೀಬಿ ಅಜು಼ ದೇವ್ನ ಅದ್ಮಿವೋಮ ಛಾ಼ತೆ ಶೊತ್ನಿ ಮಹಿಮೆ ಕೆಥ್ರಾನು ಛಾ಼ ಕರಿ

ಎಫೆಸ 2:16

ಇನ ಮರಣ್‌ಥೀಸ್, ಕ್ರಿಸ್ತ ಶಿಲ್‌ಬೆಪರ್ ಭೇ ಖೂಮ್ನ ಎಕ್ಕಸ್ ಶರೀರ್ ಕರಿನ್ ಇವ್ಣುನ ದೇವ್ನ ಜೋ಼ಡೆ ರಾಜಿ ಕರ‍್ಯೊ.

ಎಫೆಸ 2:18

ಇನಾಖ್ಹಾಜೆ ಕ್ರಿಸ್ತಥಿ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿ ಹಮೆಬಿ ತುಮೆ ಎಕ್ಕಸ್ ಆತ್ಮಥಿ ಬಾಕನ ಆವಾನ ವಾಟ್‍ಹುಯು.

ಎಫೆಸ 2:22

ಕ್ರಿಸ್ತಮ ತುಮೇಬಿ ಪವಿತ್ರಾತ್ಮಥಿ ದೇವ್ನ ರ‍್ಹವಾನು ಮಂದಿರ್‌ ಹುವಾನಖ್ಹಾಜೇಥಿ ಹಮಾರ ಜೋ಼ಡೆ ಭಂದೌಕರಾಸ್.

ಎಫೆಸ 4:1

ಇನಖ್ಹಾಜೆ ಪ್ರಭುನ ಸೇವೆನಖ್ಹಾಜೆ ಖೈದಿ ಹುಯಿರ‍್ಹೊಸ್ತೆ ಮೆ ತುಮೂನ ಬೋಲಿಲೆವ್‌ಸ್ ಶಾತ್‌ಕತೊ ದೇವ್ ತುಮುನ ಬುಲಾವನಿವಖ್ಹ್‌ತೆ ತುಮೆ ದೇವ್‍ಥಿ ಬುಲೈರಾಸ್ತೆಖ್ಹಾಜೆ ಯೊ ಬುಲಾವ್ಣಿನ ಲ್ಹಾಯೇಕ್ ಹುಯಿನ್ ಜಿವ್ಣು ಕರೊ.

ಎಫೆಸ 5:30

ಇನಖ್ಹಾಜೆ ಸಬೆಕರಿ ಶರೀರ್‌ನ ಅಪ್ಣೆ ಖ್ಹಂದೊಅಖ್ಖು ಹುಯಿರ‍್ಹಾಸ್.

ಕೊಲೊಸ್ಸೆ 1:5

ಪರ್‌ಲೋಕ್‌ಮ ತುಮಾರಖ್ಹಾಜೆ ಭರೋಖ್ಹಾನಿ ಬಾರೇಮ ಸುವಾರ್ತೆ ಖ್ಹಾಚಿ ವಚನ್‍ಥಿ ತುಮೆ ಪಹಿಲೇಸ್ ಖ್ಹಮ್‌ಜಿರಾಖ್ಯಾಸ್‌.

ಕೊಲೊಸ್ಸೆ 3:15

ಕ್ರಿಸ್ತನಿ ಸಮಾಧಾನ್ ತುಮಾರ ದಿಲ್ಮ ಚ಼ಲಾವನ ಮ್ಹೇಲೊ. ಇನಖ್ಹಾಜೇಸ್ ತುಮೇಬಿ ಎಕ್ಕಸ್ ಶರೀರ್ ಹುಯಿರ‍್ಹಾವನಿತರ ಬುಲೈರ‍್ಹಿಶು ಆ ನಾಹುಯಿನ್ ಧನ್ಯವಾದ್ ಕರಾವಾಳ ಹುಯಿ‍ರ‍್ಹೆವೊ.

2 ಥೆಸ 2:16

ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ‍್ಹವಾನು ಹುಮ್ಮಖ್ಹ್‌ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್‌ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್‌ಮನ್ನ ಧಿಲ್‌ಪತ್‌ ದ್ಯವಾದೆ.

1 ತಿಮೊ 1:1

ಕ್ರಿಸ್ತ ಯೇಸುನೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ, ತಿಮೊಥೆನ ಲೀಖ್ಯೋತೆ, ಅಪ್ಣ ಬಚಾ಼ಡವಾಳೊ ದೇವ್‌ಬಿ ಅಪ್ಣಿ ಭರೋಖ್ಹಾನ ಆಧಾರ್ ಹುಯಿರ‍್ಹೋತೆ ಕ್ರಿಸ್ತ ಯೇಸುನಿ ಹುಕುಮ್ನಿಮತ್ ಮೇ ಅಪೊಸ್ತಲ ಹುಯೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:2

ಆಹೈರುತೆ ಖ್ಹಾಚ ಜಿ಼ಂದ್‌ಗೀನ ಭರೋಖ್ಹಾಪರ್ ಆಧಾರ್ ಹುಯಿರ‍್ಹೂಸ್. ದೇವ್ ಕೆದೇಬಿ ಝೂ಼ಟಿ ಬೋಲಾಕೊಯ್ನಿ. ಯೋ ಜಿವ್ಣಾನಿ ಬಾರೇಮ ಅಪ್ಣುನ ದಿಶೆ ಕರಿ ಹಗಾಮ್ನ ಪಹಿಲೆಥೂಸ್ ವಾಗ್ದಾನ್‌ ಕರಿರಾಖ್ಯೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:7

ಅನಖ್ಹಾಜೆ ದೇವ್ನೆ ಅಪ್ಣುನ ಇನಿ ವಾರ್‌ಖ್ಹೇಥಿ ಇಮಾನ್‌ದಾರ್ ಬಣೈರಾಖ್ಯೊಸ್. ಅನೇಥಿ ಅಪ್ಣೆ ಭರೋಖ್ಹೊ ಕರಿರಾಖ್ಯಾತೆ ಯೊ ಹಮೇಶಾನಿ ಜಿ಼ಂದ್‌ಗಿ ಮಳಾದೆ ಕರಿ ಆ ಖ್ಹಾಚಿವಾತೆ ಬೋಲೈರ‍್ಹೀಸ್.

1 ಪೇತ್ರ 1:21

ಇನ ಮರ‍್ಯಾಹುಯಾಮಾಥು ಉಠಾಡಿನ್ ಇನ ಮಹಿಮೆ ದಿದಾಹುಯಾ ದೇವ್‌ಮ ತುಮೆ ಇನೇಥಿ ವಿಶ್ವಾಸ್ ಕರಾವಾಳ ಹುಯಿರ‍್ಹಾಸ್. ಅಮ್‍ರ‍್ಹವಾಪರ್ ತುಮಾರಿ ವಿಶ್ವಾಸ್‍ಬಿ ಟಿವಾವ್ಣಿಬಿ ದೇವ್‍ಮಾಸ್‍ ಭೀಯುಸ್.

1 ಯೋಹಾನ 3:3

ಕ್ರಿಸ್ತಯೇಸುಪರ್ ರಾಖಿಮ್ಹೆಲ್ಯಾತೆ ಆ ಭರೋಖ್ಹಾನ ಹರೇಕ್ ಜ಼ಣುಬಿ ಯೋ ಪವಿತ್ರ ಹುಯಿರಾವಾನಿ ಘೋಣಿಸ್ ಇನು ಯೋಸ್‍ ಪರಿಶುದ್ ಕರಿಲೇಸ್.