ಎಫೆಸ 4:31 - ದೇವ್ನಿ ಖ್ಹಾಚಿ ವಚನ್

³¹ ಖ್ಹಾರು ವಹೇರ್‌, ಇರಾದೊ, ಖೀಜ಼್, ಝ಼ಗ್‍ಡೊ, ಚಾ಼ವ್‌ಣ್ಯ ಅನಖ್ಹಾರನಬಿ ಹರೇಕ್ ಥರಾನು ಖರಾಬ್ ಕಾಮ್ನ ತುಮಾರೇಥಿ ಕಾಡಿನಾಖೊ.

ಎಫೆಸ 4:31 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:30

ತದೆ ಅಖ್ಖೀಸ್ ಬಾಜು಼ ಕಲಾವ್ಣಿ ಹುಯಿನ್ ಫೈಲೈಗಯು. ಅಜು಼ ಅಖ್ಖಾಸ್ ಖ್ಹಯೇರ್‌ಥು ನಾಶಿ ಐನ್ ಪೌಲನ ಧರಿಲೀನ್ ದೇವ್ನಿಮಂದಿರ್‌ಮಾಥು ಭಾರ್‌ ಖೇಚಿಲಾಯಿನ್ ತದ್ನುತದೇಸ್ ಬಾಕಲ್ ಮೂಚಿನಾಖ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:14

“ಇವ್ಣ ಮ್ಹೋಡಾಮ ಶಾಪ್ನ ಶಬರ್‌, ಭರೈರ‍್ಹುಸ್.

1 ಕೊರಿಂಥ 14:20

ಭೇನೆ ಭೈಯೇವೊ ಲಡ್ಕವ್ನಿತರ ಸೋಚಾನು ಮ್ಹೇಲಿದೆವೊ. ಖರಾಬ್‌ನಿ ಬಾರೇಮ ಅಡ್ಡಾಣಿನಿತರ ರ‍್ಹಿಯತೋಬಿ, ತುಮಾರಿ ಖ್ಹೂಜ಼್‌ಮ ಸಮಜ್‌ಧಾರ್‌ ಹುಯಿರ‍್ಹೇವೊ.

1 ಕೊರಿಂಥ 5:8

ಇನಖ್ಹಾಜೆ ಅಪ್ಣೆ ಖರಾಬ್ ಫನೈ, ಖರಾಬ್‌ಚಾ಼ಲ್‌ಕರಿ ಬೋಲಾನು ಖಾಟಾಆಟಾನ ಝಿಟ್‌ಕಾರಿದಿಯೆ, ಪರಿಶುದ್ ಅಜು಼ ಖ್ಹಾಚು಼ಕರಿ ಬೋಲಾನು ಖಾಟುಕೊಂತೆ ನವರೋಟಾನ ಖೈನ್ ಪೂಜ಼ ಕರ್‌ಯೇ.

2 ಕೊರಿಂಥ 12:20

ಶನಕತೊ ಮೇ ಆವಾದಿನ್, ಏಕ್‌ ಘಡಿ ತುಮೆ ಮಾರಿ ಆಖ್ಹ್‌ನಿ ತರಸ್ ತುಮೆ ರ‍್ಹೇಸ್ಕಿ ಕೊಯ್ನಿಕಿ ಕರಿ ಮನ ಡರ್‌ ಛಾ಼. ಮೇ ತುಮಾರಿ ಆಖ್ಹ್‌ನಿ ಪರಕ್ ದೆಖಾವ್ಣುನಾತೆ ರ‍್ಹವೊ ತೋಬಿ, ಏಕ್‌ ಘಡಿ ತುಮಾರಾಮ, ಲಡೈ ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ಛಾ಼ಡ್ ಬೋಲಾನು ಮಶ್ಲ ಮಾರಾನು ಮೋಟೊಕರಿ ಬೋಲಿಲ್ಯಾವಾನು, ಲಡೈ ನಖಾವನು, ಆಖ್ಹಾರು ದೆಖಾವ್‍ಶೆಕಿ ಶುಕಿ ಕರಿ ಡರ್‌ ಮನ ಛಾ಼.

ಗಲಾತ್ಯ 5:20

ಮೂರತ್ನಿಪೂಜ಼, ಜಾ಼ದು ಜ಼ರ್ಮರ್, ಏಕ್‌ಥಿಏಕ್ ದಾವೊ,ಲಡೈ, ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ದೇಖಾನು, ಟೋಳ್ನ ಫೋಡಿನಾಖನು,

ಎಫೆಸ 4:22

ಇನಖ್ಹಾಜೆ ತುಮುನ ಶಿಕಾಡ್ಯುತೆ ಭೋದನ್ ಶಾತ್‌ಕತೊ ತುಮೆ ತುಮಾರಿ ಅಗ್ಲಿ ಚಾ಼ಲ್‌ನಿತರಾನು ಜೂ಼ನಿ ಆದತ್‌ನ ಕಾಡಿನಾಖೊ; ಯೊ ಧೋಕ ಖೈರಾಖ್ಯಾಸ್ತೆ ಖರಾಬ್ ಆಖ್ಹ್‌ಥಿ ಭರೈರ‍್ಹುಸ್‌. ಯೊ ನಾಶ್‌ ಹುಯಿಜಾ಼ವನು ಹುಯಿರುಸ್.

ಎಫೆಸ 4:25

ಇನಾಖ್ಹಾಜೆ ಝೂ಼ಟಿ ಬೋಲಾನು ಮ್ಹೇಲಿನ್ ಹರೇಕ್ ಜ಼ಣು ಇನ ಭೀಡೆವಾಳನ ಜೋ಼ಡೆ ಖ್ಹಾಚಿಸ್ ಬೋಲೊ. ಶನಕತೊ ಅಪ್ಣೆಖ್ಹಾರು ಎಕ್ಕಸ್ ಶರೀರ‍್ನು ಭಾಗ್‌ ಹುಯಿರ‍್ಹಾಸ್ನಿ.

ಎಫೆಸ 4:26

ಇರಾದೊ ಕರ‍್ಯತೋಬಿ ಪಾಪ್ ನಕೊಕರ್ಶು, ದನ್ ಡುಬಾಥಿ ಪಹಿಲೆಸ್ ತುಮಾರೊ ಇರಾದೊ ಖ್ಹರ್ತಿ ಹುಯಿಜಾ಼ವದೆ.

ಕೊಲೊಸ್ಸೆ 3:19

ಬಾವ್ರಿಯೆ, ತುಮಾರಿ ಬಾವ್ಣೆನ ಪ್ಯಾರ್‌ಕರೊ, ಇವ್ಣಿ ಜೋ಼ಡ್ಮ ಕಠಣ್‍ಥಿ ನಕೊ ಚಾ಼ಲಿಲೆವೊ.

ಕೊಲೊಸ್ಸೆ 3:8

ಹಮ್ಕೆತೋಬಿ ಇರಾದೊ, ದಾವೊ, ಬಳಾಪೊ, ಚಾ಼ವ್‌ಣ್ಯ, ತುಮಾರ ಮ್ಹೋಡೆಥಿ ನಿಕ್ಳಾತೆ ಖರಾಬ್‌ವಾತೆ ಯೋಅಖ್ಖಾನ ಮ್ಹೇಲಿದೆವೊ.

1 ತಿಮೊ 3:11

ಇಮ್ಮಸ್ ಇವ್ಣಿ ಬಾವಣ್‌ಬಿ ಚಾ಼ಲ್‌ಚ಼ಲಣ್‍ಮ ಅಛ್ಛಿ ರ‍್ಹಹವಾಳಿಯೆ ಹುಯಿರ‍್ಹೇಣು ಅಜು಼ ಚ಼ಹಾಡ್ ಬೋಲವಾಳಿಯೆ ನಾ ಹುಯಿರ‍್ಹೇಣು; ಅಛ್ಛೇಥಿ ಚಾ಼ಲ್‌ವಾಳಿ ಹುಯಿರ‍್ಹೇಣು ಅಜು಼ ಇವ್ಣೆ ಹರೇಕ್‌ಮ ವಿಶ್ವಾಸ್‌ವಾಳಿಬಿ ಹುಯಿರ‍್ಹೇಣು.

1 ತಿಮೊ 3:3

ಯೋ ಪೀನ್ ಲಡೈ ಕರಾವಾಳೊ ನಾ ಹುಯಿರ‍್ಹೇಣು, ನತರ್‌ಕಿ ಮಾರ್‌ತೋಡ್ ಕರಾವಾಳೊಸ್ಕಿ ನಾ ಹುಯಿರ‍್ಹೇಣು, ಕತೋಬಿ ಯೋ ಶೇದೇವ್‌ನಿಘೋಣಿ ಅಜು಼ ಸಮಾಧಾನ್‌ಥಿ ರ‍್ಹೇಣು; ಇನ ಪೈಶಾನಿ ಲಾಲಚ್‌ ನಾ ರ‍್ಹೇಣು.

1 ತಿಮೊ 5:13

ಎತ್ರೇಸ್ ಕಾಹೆತೆ ಇವ್ಣೆ ಘರ್-ಘರ್ ಫರ್ತಿಹುಯಿನ್ ಇನಿ ವಖ್ಹತ್‌ನ ಬರ್ಬಾತ್‌ಕರಾಸ್,ಅನೇಥಿಬಿ ಜಾ಼ಖ್ಹತ್ ಮಶ್ಲ ಮಾರಾನು ಅಜು಼ ಬಿಜಾ಼ನ ಕಾಮ್ಮ ಗೋಡೊಘಾಲಾನು ಕರಸ್.

2 ತಿಮೊ 2:23

ಫಾಯಿದೊಕೊಂತೆ ಅಜು಼ ಬೇಕಾರ್ ವಿವಾದ್‌ಥಿ ದೂರ್ ರ‍್ಹೇ; ಇಮ್ನಿ ವಿವಾದ್ ಖ್ಹಾರಿ ಲಗಾತ್‌ ಉಷೆ.

2 ತಿಮೊ 3:3

ಪ್ಯಾರ್‌ಕೊಂತೆ, ಆರ್‌ಗೋರ್‌ ಕರಾಕೊಂತೆ ಅಜು಼ ಚ಼ಹಾಡ್ ಬೋಲವಾಳು, ಇನುಯೋ ದಾಬುಕ್‌ಕೊಂತೆ, ರಣ್‌ಖಂದ್ಲಿಬಿ ಅಜು಼ ಅಛ್ಛಾ಼ನ ವಹೇರ್‌ ಕರಾವಾಳು ಹುಯಿರ‍್ಹಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:7

ಶನಕತೊ ಸಬೇನೊ ಗಲ್‌ಢೊ ದೇವ್ನಕಾಮ್‌ನು ಇಶಾಬ್‌ದ್ಯವಾಳೊ ಹುಯಿರ‍್ಹೋಸ್ತೆ ಇನಖ್ಹಾಜೆ, ಯೋ ಗಲ್ತಿಕೊಂತೆ ಅದ್ಮಿ ಹುಯಿರ‍್ಹೇಣು, ಛೇಡಾವವಾಳೋಬಿ, ವಗ್ಗಿಸ್‌ಮ ಖೀಜ಼್ ಕರವಾಳೊ ರ‍್ಹವೊ, ಪಿಯವಾಳೊರ‍್ಹವೊ, ಪೈಶಾನಿ ಲಾಲಚ್‌ರ‍್ಹವಾಳೊ, ಲಡಂತು ರ‍್ಹವೊ ನಾ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:3

ಇಮ್ಮಸ್ ಬುಢಿಯಖ್ಹಾರು ಛಾ಼ಡಿ ಬೋಲವಾಳಿಯೆ ನಾ ಹುಯಿರ‍್ಹೇಣು, ಅಜು಼ ಪಿಯಾವಾಳಿಯೆ ನಾ ಹುಯಿರ‍್ಹೇಣುತೆ ದೇವ್‌ಮ ಭಕ್ತೆಹುಯಿನ್‌ ಜಿಮ್ಮೆದಾರಿವಾಳಿ ಹುಯಿರ‍್ಹೇಣು.

ಯಾಕೋಬ 1:19

ಮಾರ ಪ್ಯಾರ್‌ನ ಭೈಯೇ ಭೇನೆವೊ ತುಮೆ ಅನ ಅಛ್ಛಿನಿತರ ಮಾಲುಮ್ ಕರ‍್ಲೆವೊ, ಹರೇಕ್‍ಜ಼ಣುಬಿ ಖ್ಹಮ್‍ಜಾ಼ಮ ಚಾ಼ತುರ್‌ರ‍್ಹೀನ್, ವಾತ್‍ಬೋಲಾಮ ಅಜು಼ ಇರಾದೊ ಕರಾಮ ಖ್ಹಮಾಳಿರ‍್ಹೆವೊ.

ಯಾಕೋಬ 3:14

ಕತೋಬಿ ತುಮಾರ ದಿಲ್ಮ ಬಳಾಪೊ, ಕಡ್‍ವೈ ಅಜು಼ ನಿಕ್‍ಳ್ಯೊಜಾನ್ ರಾಖಿನ್ ಅಕ್ಲಿಕರಿ ಖ್ಹಾಚ಼ನ ವಿರೋದ್‌ ಝೂ಼ಟಿ ಬೋಲಿನ್ ಕಂಡಿಛ಼ಡಾವೊ ನಕೊ.

ಯಾಕೋಬ 4:11

ಮಾರ ಭೈಯೇ ಭೇನೆವೊ ಏಕ್‌ನ ಏಕ್‌ ದುಖ್‍ನಕೊ ದೆವೊ. ಕೋಣ್‌ತೋಬಿ ಇನ ಭೈನ ಚಿಂಘಾಯತೊ ನತರ್ ಇನಿ ಭೇಜ಼ಣಾನಿ ಬಾರೇಮ ತೀರ್ಪ್‍ಕರ‍್ಯಾತೊ ಯೋ ಧರ್ಮಶಾಸ್ತ್ರನ ಚಿಂಘೈನ್‍ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್‌ಕರಾನಿತರ ಉಶೆ. ಕತೋಬಿ ತೂ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್ ಕರ‍್ಯೊತೊ ತೂ ನ್ಯಾಯಾಧಿಪತಿ ಕರಿ ಬೋಲೈಲಿಶ್ ಪಣ್ಕಿ ಇನ ಪಾಡಿಚಾ಼ಲವಾಳೊ ಕಾಹೆ.

1 ಪೇತ್ರ 2:1

ಇನಾಖ್ಹಾಜೆ ಖ್ಹಾರು ಖರಾಬ್ ಫನೈಬಿ ಖ್ಹಾರು, ಠಗಾವನುಬಿ, ಚೋ಼ರ್ ಫನೈಬಿ. ಪೇಟ್ನೊ ಬಳಾಪೊಬಿ, ಖ್ಹಾರುಸ್ ಗಾಳೆದ್ಯವಾನುಬಿ ತುಮಾರಮಾಥು ಕಾಡಿನಾಖೊ.

1 ಯೋಹಾನ 3:12

ಕೇಡ್‍ಕರವಾಳೊ ಹುಯಿರಿನ್ ಇನ ಭೈನಾಸ್‍ ಭೋಕಿ ಮಾರ‍್ಯೋತೆ ಕಾಯಿನನಿಘೋಣಿ ಅಪ್ಣೆ ನಾರ‍್ಹೇವ್ಣು. ಯೋ ಶನ ನ್ಹಾನಭೈನ ಮಾರಿನಾಖಿದಿದೊತೆ? ಇನು ಕಾಮ್‌ಖ್ಹಾರು ಖರಾಬ್ ಅಜು಼ ಇನ ಭೈನು ಕಾಮ್ ನೀತಿನು ಹುಯಿರ‍್ಹುಥೂತೆ ಇನಖ್ಹಾಜೇಸ್.

1 ಯೋಹಾನ 3:15

ಕೋಣ್‌ಬಿ ಇವ್ಣ ಭೈಯೇ ಭೇನೇನ ವಹೇರ್‌ ಕರಾವಾಳೊ ಖೂನಿಹುಯಿರ‍್ಹೊಸ್. ಅಜು಼ ಖೆವ ಖೂನಿಮಾಬಿ ಕೆದೇಬಿ ರ‍್ಹವಾನು ಜಾನ್‌ ಕೋರ‍್ಹಿಶೇನಿ ಕರಿ ತುಮೂನ ಮಾಲುಮ್.

ಪ್ರಕಾಶಿತ್ 12:10

ತದೆ ಮೆ ಸೊರ್ಗಾಮ ಏಕ್‌ ಮೋಟೊ ಅವಾಜ಼್ ಖ್ಹಮ್‌ಜ್ಯೊ; ಯೊ “ಜೀತ್‌ಬಿ, ಶಕತ್‌ಬಿ, ರಾಜ್ಯಬಿ ಹಮಾರ ದೇವ್ನು ಹುಯು, ಯೊ ಅಬಿಷೇಕ್ ಕರ‍್ಯೊತೆ ಕ್ರಿಸ್ತನು ಅದಿಕಾರ್ ಹಮ್ಕೆ ಶುರುಹುಯಿರ‍್ಹೂಸ್. ರಾತ್‌ದನ್ ಹಮಾರ ಭೇನೆ ಭೈಯೇವ್ನಿ ಬಾರೇಮ ದೇವ್ನ ಖ್ಹಾಮ್ಣೆ ಕೆದೇಬಿ ಛಾ಼ಡಿ ಬೋಲುಕರ್ತೊಥೋತೆ ಛಾ಼ಡಿಖೋರ್ ಸೊರ್ಗಥು ಧಕೆಲೈಗಯೊ.