ಎಫೆಸ 4:28 - ದೇವ್ನಿ ಖ್ಹಾಚಿ ವಚನ್

²⁸ ಚೋ಼ರಿ ಕರಾವಾಳೊ ಚೋ಼ರ್ ಕರಾನು ಮ್ಹೆಂದಿನ್ ರಾಬಿನ್ ಮಿನಥ್ಥಿ ಅಛ಼್ಛು ಕಮೈಕರೀನ್ ಜಿವ್ಣು ಕರಾದೆ, ತದೆ ಗರೀಬ್ ಅದ್ಮಿನ ದ್ಯಾವಾನ ಇನ ಹಾತೆ ಉಶೆ.

ಎಫೆಸ 4:28 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:8

ಕತೋಬಿ ಜಕ್ಕಾಯಾನೆ ಭೀರಿನ್‌, ಪ್ರಭುನ, “ಗುರು ಹಂದೇಕ್‌! ಮಾರಿ ಆಸ್ತಿಮ ಆಧು ಗೋರ್‌-ಗರೀಬ್ ದೆವುಸ್‌ ಅಜು಼ ಮೇ ಕಿನಾತೋಬಿ ಠಗೈರಾಖ್ಯೊ ಉಶೇತೊ, ಇನ ಏಕ್‌ನ ಚಾರ್ ದೆವುಸ್‌” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:8

ತುಮೆ ತುಮಾರು ಪಾಪ್‌ಖ್ಹಾರು ಮ್ಹೇಲಿನ್ ದೇವ್ ಭಣಿ ಫರಿಗಯ ಉಶೇತೊ, ಇನ ಬರಾಬರ್‌ಥಿ ಚಾ಼ಲ್‌ಮ ವತಾಳೊ. ಅಜು಼ ಹಮೆ ಅಬ್ರಹಾಮ್‌ನಿ ಪಿಳ್ಗಿವಾಳ ಕರಿ ತುಮಾರು ತುಮೇಸ್ ಬಡೈ ನಕೊ ಮಾರಿಲೆವೊ. ಮೇ ಬೋಲುಸ್ಕಿ, ದೇವ್‌ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್

ಯೋಹಾನ 12:6

ಗೋರ್‌-ಗರೀಬ್‌ನಿ ಬಾರೇಮ ಫಿಕರ್ ಕರೀನ್, ಆ ವಾತೇನ ಬೋಲ್ಯೋತೆ ಕಾಹೆ, ಪಣ್ಕಿ ಯೋ ಚೋ಼ರ್ ಹುಯಿರ‍್ಹೊಥೋತೆ ಇನಖ್ಹಾಜೇಸ್ ಅಮ್ ಬೋಲ್ಯೋತೆ.ಅಜು಼ ಪೈಶಾನಿ ಚ಼ಂಚಿ ಇನ ಹಾತ್‌ಮ ರ‍್ಹೇತುಥು, ಯೋ ಚ಼ಂಚಿಮ ನಾಖಸ್ತೆ ಪೈಶಾನ ಯೋ ಕಾಡಿಲೇತೋಥೊ.

ಯೋಹಾನ 13:29

ಇವ್ಣಾಮ ಥೋಡಾನೆ, ಯೂದಾನ ಹಾತ್‌ಮ ಪೈಶಾನಿ ಚ಼ಂಚಿಥೀತೆ ಇನಖ್ಹಾಜೆ ಯೇಸು ಇನ ಪೂಜಾ಼ನ ಅಪ್ಣುನ ಹೋಣುತೆ ಅಖ್ಖು ಲೀಲೆವೊ ಕರೀಕಿ, ನತರ್‌ಕಿ ಗರೀಬ್‌ನ ಶಾತ್‌ತೋಬಿ ದೇ ಕರಿ ಶುಕಿ, ಯೇಸುನೆ ಬೋಲ್ಯೊ ಕರಿ ಲ್ಹಾಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:13

ಜ಼ರೂರತ್ ರ‍್ಹವಾಳ ದೇವ್ನ ಅದ್ಮಿನಿ ಜೋ಼ಡ್ಮ ತುಮಾರಕನ ಛಾ಼ತೆ ಇನಾಮ ಮದತ್ ಕರೊ, ಮ್ಹೇಮಾನ್ನ ಘರ್‌ಮ ಬುಲೈನ್ ಉಪಚಾರ್ ಕರೊ,

1 ಕೊರಿಂಥ 4:12

ಶೊಂತ್ ಹಾಥ್ಥಿ ಮ್ಹಿನತ್‌ಕರಿನ್ ಜಿವೇಸ್. ಹಮುನ ಶಾಪದಿದೂತೆ ಇವ್ಣುನ ವಾರ್‌ಖ್ಹೊ ದಿಯೇಸ್. ಲೋಗ್‌ ಖ್ಹತಾಪ್ಣಿ ದ್ಯವಾನಿ ವಖ್ಹ್‌ತೆ ಹಮೆ ಖ್ಹಮಾಳಿಲಿಯೆಸ್.

2 ಕೊರಿಂಥ 8:12

ಏಕ್‍ಜ಼ಣೊ ದ್ಯವಾನೊ ದಿಲ್‍ರ‍್ಹಿನ್ ಯೋ ಇನ ದಿಲ್ನಿ ಅನುಸಾರ್ ದಿದೊತೊ ತುಮಾರು ದಾನ್ ಸ್ವೀಕಾರ್ ಹುಯಿರ‍್ಹಿಶೆ; ಇನ ದೇವ್‍ಥಿ ಲ್ಹಾಯೇಕ್ ಮಳ್‍ಶೆ.

2 ಕೊರಿಂಥ 8:2

ಯೋ ಸಬೆವಾಳು ಜಾ಼ಖ್ಹತ್ ಲತಾಡ ಖ್ಹಮಾಳವಾಳು ರ‍್ಹಯುತೋಬಿ ಬಿಜು಼ ಘಣು ಗರೀಬ್ ರ‍್ಹಯುತೋಬಿ ಘಣು ಖ್ಹುಶಿಥಿ ಭರೈರ‍್ಹೀನ್ ಛುಟಾದಿಲ್‍ಥಿ ದಿದು.

ಗಲಾತ್ಯ 6:10

ಇನಖ್ಹಾಜೆ ವಖ್ಹತ್ ರ‍್ಹವಾನಿಸ್ ವಖ್ಹ್‌ತೆ ಅಖ್ಖಾನ ಅಛ಼್ಛು ಕರಿಯೆ. ವಿಶೇಷ್‌ಥಿ ಎಕ್ಕಸ್ ಘರ್‌ವಾಳನಿತರ ವಿಶ್ವಾಸಿ ಭೈಯೇನ ಕರಿಯೆ.

1 ತಿಮೊ 6:18

ಇವ್ಣುನ ಹುಕುಮ್ ದೇಕಿ; ಇವ್ಣೆ ಅಛ್ಛು಼ ಕಾಮ್ ಕರ‍್ನು. ಅಜು಼ ಅಛ್ಛು಼ ಕಾಮ್ ಕರಾಮ ಇವ್ಣೆ ಶೌಕಾರಿ ಹುಯಿರ‍್ಹೇಣು, ಧರ್ಮಿ, ಅಜು಼ ಇವ್ಣಾಕನ ಛಾ಼ತೆ ಜಿನಖ್ಹ್‌ನ ವಾಟಪಾಡಿಲ್ಯವಾದೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:14

ಅಪ್ಣು ಅದ್ಮಿಖ್ಹಾರು ಚು಼ಪ್‌ಕೆಸ್ ನಾರ‍್ಹೇವ್ಣುತೆ, ಅಛ್ಛು಼ ಕಾಮ್ ಕರಾನ ಶಿಕಿನ್, ಇವ್ಣ ಜ಼ರೂರತ್‌ನ ಪರ್ಖಿನ್ ದ್ಯವವಾಳು ಹುಯಿರ‍್ಹಾವದೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:8

ಮೇ ಹರ್‌ಖ್ಹುಸ್ಕಿ ತು ಆ ವಾತೆನಪರ್ ಜಾ಼ಖ್ಹತ್ ಧ್ಯಾನ್ ರಾಕ್ಣು. ಅನೇಥಿ ದೇವ್‌ಮ ವಿಶ್ವಾಸ್ ಕರಾಸ್ಕಿ ಇವ್ಣೆ ಅಛ್ಛು಼ ಕಾಮ್ ಕರಾಮ ಯೊ ವಾತೆ ಹರೇಕ್‌ನ ಅಛ್ಛು಼ ಅಜು಼ ಫಾಯಿದಾನು ಹುಯಿರ‍್ಹೂಸ್.