ಎಫೆಸ 4:24 - ದೇವ್ನಿ ಖ್ಹಾಚಿ ವಚನ್

²⁴ ಅಜು಼ ತುಮಾರು ತುಮೆ ನವಿ ಆದತ್‌ನ ಫೇರಿಲೆವೊ ದೇವ್ನಿಸ್ ಪರಕ್ಮ ಅಜು಼ ಖ್ಹಾಚಿಥೀಬಿ ನೀತಿನೂಬಿ, ಪರಿಶುದ್ ಹುಯಿನ್‍ಬಿ ಉಬ್ಜಿರ‍್ಹುಸ್.

ಎಫೆಸ 4:24 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:75

ಅನೇಥಿ ಅಪ್ಣೆ ಜಿವಿರ‍್ಹವಾನ ದನ್‌ಖ್ಹಾರೊ, ಇನಖ್ಹಾಮ್ಣೆ ಇಮಾನ್‌ದಾರ್ ಅಜು಼ ನೀತಿಥಿ ರ‍್ಹೇಣು ಕರಿ ಅಮ್ ಕರಿರಾಖ್ಯೋಸ್.

ಯೋಹಾನ 17:17

ತು ಅವ್ಣುನ ಖ್ಹಾಚಾ಼ಥಿ ಸಮರ್ಪಣ್‌ ಕರಿಲೆ ತಾರಿ ವಚನ್ ಖ್ಹಾಚು಼ ಹುಯಿರ‍್ಹೀಸ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:2

ಆ ಜಗತ್‌ವಾಳು ಚಾ಼ಲ್ ಚ಼ಲಣ್ಣಾ ನಾ ಪಾಡಿಚಾ಼ಲ್ನುತೆ ನವ ದಿಲ್‌ಥಿ ಬದ್ಲಿನ್ ಪರಲೋಕ್‌ನ ಖ್ಹಯಾಲ್‌ವಾಳ ಹುಯಿ‍ರ‍್ಹೆವೊ. ಅಮ್ ರ‍್ಹಿಯಾತೊ ದೇವ್ನ ಪರ್ಖಿನ್‌ ಅಛ್ಛಾ಼ನಾಬಿ, ಇಷ್ಟರ‍್ಹವಾನುಬಿ ಕಳಂಕ್‌ ಕೊಂತೇಬಿ ಖಿವುಕರಿ ಮಾಲುಮ್‌ ಕರ‍್ಲಿಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:12

ಘಣೇಥಿ ರಾತ್ ನಿಕ್ಳಿಜೈ಼ನ್ ವ್ಹಾಣು ಖನ್ನೆ ಅಯಿಗು. ಇನಖ್ಹಾಜೆ ಅಪ್ಣೆ ಅಂಧಾರನು ಖ್ಹಾರು ಕಾಮ್ನ ಫೇಕಿನ್ ಉಜಾ಼ಳಾಮ ಜಂಗ್ ಭೀಡಾನು ಕಫ್ಫನ್ನ ಫೆರ‍್ಹಿಲಿಯೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:14

ಶರೀರ್‌ನ ಆಖ್ಹ್‌ನ ಚ಼ಲಾವನಖ್ಹಾಜೆ ನಕೊಸೋಚೊತೆ. ಪ್ರಭು ಕ್ರಿಸ್ತ ಯೇಸುನ ಕಫ್ಪನ್ನ ಫೆರಿಲೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:4

ಇನಖ್ಹಾಜೆ ಅಪ್ಣಿ ಬ್ಯಾಪ್ತಿಸ್ಮಥಿ ಅಪ್ಣೆ ಇನಿಮರಣ್‍ಮ ಭಾಗ್‌ಲ್ಯವಾಳಹುಯಿರ‍್ಹೀನ್, ಇನಿ ಜೋ಼ಡ್ಮ ಗಡೈಗಯ.ಅಮ್‍ರ‍್ಹವಾಪರ್ ಬಾನಿ ಮಹಿಮೆನಿ ಶಕಥ್ಥಿ ಕ್ರಿಸ್ತ ಮರ‍ಣ್‍ಮಾಥು ಉಠಾಡೈಗಯೋತೆ ತಿಮ್ಮಸ್ ಅಪ್ಣೇಬಿ ಏಕ್‌ ನವ ಜಾನ್‌ಮ ಜಿವವಾಳ ಹುಯಿರ‍್ಹಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:6

ಹಮ್ಕೆತೋಬಿ ಅಪ್ಣುನ ಬಂಧೈರುಥುತೆ ಧರ್ಮಶಾಸ್ತ್ರನ ಭಾಗ್‌ಮ ಮರ‍್ಯಹುಯ ಹುಯಿನ್, ಯೊ ಧರ್ಮಶಾಸ್ತ್ರಥಿ ಛುಟ್ಕಾರ್ ಲೀರಾಖ್ಯಸ್. ಅಮ್ ಲೀಖೈರ‍್ಹೂತೆ ಫಾಚ಼್‌ಲಿ ನಿಯಮ್‌ನಿ ಪರಕ್ಮ ಅಪ್ಣೆ ದೇವ್ನ ಸೇವೆ ಕರ‍್ಯಕೊಂತೆ, ಪವಿತ್ರಾತ್ಮಥಿ ನವಿ ಪರಕ್ಮ ಚಾ಼ಲವಾಳ ಹುಯಿರ‍್ಹಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:29

ಕಿನ ದೇವ್ನೆ ತದೇಸ್‌ ಚೂ಼ಣಿಲಿದೊಕಿ. ಇನೆ ಇವ್ಣುನ ಇನ ಛಿಯ್ಯಾನಿಘೋಣಿ ಹುವಾನ ಎಕ್ಟು ಕರಿರಾಖ್ಯೋಸ್.ಅಮ್ ಇನೊಛಿಯ್ಯೊ ಕೈಏಕ್ ಭೈಯೇ ಭೇನೆವ್‌ನ ಬೀಚ್ಮ ಫೈಲೊಟೊ ಛಿಯ್ಯೊಕರಿ ಬೋಲಾವನಿತರ ಕರಿರಾಖ್ಯೊಸ್.

1 ಕೊರಿಂಥ 15:53

ಕತೋಬಿ ನೂಛೈ಼ಜಾ಼ವಾನು ಶರೀರ್ ನೂಛಾ಼ವಕೊಂತೆ ಇಮ್‌ ಬದ್ಲಿಜಾ಼ಶೆ. ಮರವಾಳು ಮರಾಕೊಂತೆ ಹುಯಿಜಾಶೆ.

2 ಕೊರಿಂಥ 3:18

ಕತೋಬಿ ಅಪ್ಣೆಖ್ಹಾರು ಮುಚೈರ‍್ಹೇಯ್‌ಕೊಂತೆ ಮ್ಹೋಡೇಥಿ ಪ್ರಭುನಿ ಮಹಿಮೆನ ಐನಾಮ ದೆಖಾವನಿತರ ಇನ ದೆಕ್ತಹುಯಿನ್ ಅಪ್ಣೆಖ್ಹಾರು ಪ್ರಭುನಿ ಆತ್ಮನಿ ಮಹಿಮೆಥಿ ಜಾ಼ಖ್ಹತ್‌ಹುಯಿನ್ ಯೊ ಮಹಿಮೆನ ರೂಪ್ ಲ್ಯವಾಳ ಹುಯೆಸ್. ಆ ಆತ್ಮ ಹುಯಿರ‍್ಹೋತೆ ಪ್ರಭುನು ಕಾಮಸ್.

2 ಕೊರಿಂಥ 4:16

ಅನಖ್ಹಾಜೆಥೀಸ್ ಹಮೆ ಕದೇಬಿ ಡರ್‌ಶುಕೊಯ್ನಿ. ಅಪ್ಣು ತನ್ ನಾಶ ಹುಯಿಗುತೋಬಿ ಅಪ್ಣು ದಿಲ್‌ ದನ್‍ಪರ್ ದನ್ ನವು ಹೋತುಆವ್‍ಶೇ.

2 ಕೊರಿಂಥ 5:17

ಇನಖ್ಹಾಜೆ ಕೋಣ್‌ತೋಬಿ ಕ್ರಿಸ್ತಮ ರ‍್ಹಯುತೊ, ಯೊ ನವೇಥಿ ಉಬ್ಜಿರ‍್ಹೋಸ್. ಹಂದೇಖೊ, ಜೂ಼ನು ಚಾ಼ಲ್ಯೂತೆ ಅಖ್ಖೂಸ್ ನೂಛೈ಼ಗಯು; ನವೇಥಿ ಜ಼ಲಮ್‍ಲಿದು.

ಗಲಾತ್ಯ 3:27

ಕಿಮ್‌ಕತೊ ಕ್ರಿಸ್ತಮ ಮಳಾನ ಬ್ಯಾಪ್ತಿಸ್ಮ ಕರೈರಾಖ್ಯಾತೆ ತುಮೆ ಅಖ್ಖಾಸ್‍ಜ಼ಣ ಕ್ರಿಸ್ತನಿಘೋಣಿ ಹುಯಿರ‍್ಹಾಸ್.

ಗಲಾತ್ಯ 6:15

ಶನಕತೊ ಖ್ಹತ್ನ ಹುಯುತೋಬಿ ನತರ್ ನಾಹುಯುತೋಬಿ ಯೋ ಮುಖ್ಯ ಕಾಹೆ. ಕತೋಬಿ ನವೇಥಿ ಪೈದಾಹುವಾನುಸ್ ಮುಖ್ಯ ಹುಯಿರ‍್ಹುಸ್.

ಎಫೆಸ 2:10

ಅಪ್ಣೇತೊ ದೇವ್ನೆ ಕರ‍್ಯೊತೆ ಬಣಾವಟ್‌ಅಖ್ಖು. ಕ್ರಿಸ್ತ ಯೇಸುಮ ಅಛ಼್ಛು ಕಾಮ್ನಖ್ಹಾರು ಕರ್ತಹುಯಿನ್ ಜಿವ್ಣುಕರಿ ಇನೆ ಪಹಿಲೆ ಖ್ಹೂಜ಼್‌ಕರ‍್ಯೊತೆ ಇಮ್ಮಸ್ ದೇವ್ನೆ ಅಪ್ಣುನ ಉಬ್‌ಜೈ಼ರಾಖ್ಯೋಸ್.

ಎಫೆಸ 2:15

ಇನೆ ಧರ್ಮಶಾಸ್ತ್ರ ಅಜು಼ ನಿಯಮ್‌ನಿ ಜೋ಼ಡ್ಮ ಯೊ ಭೀತ್ ರಡ್ಕಾಯೊ.ಅಮ್ ಇನ ಗಳ್‌ಜೋ಼ಡ್ಮ ಭೇ ಖೂಮ್ನ ಇನಜೋ಼ಡೆ ಏಕ್‌ ನವಿ ಖೂಮ್‌ಕರಿ ಮ್ಹೇಲಾನಖ್ಹಾಜೆ ಅಮ್ ಸಮಾಧಾನ್ ಕರ‍್ಯೊ.

ಎಫೆಸ 6:11

ಶೈತಾನ್ನಿ ಲಝ಼ಣ್‌ನ ತುಮೆ ವಿರೋದ್‌ಕರಿನ್ ಭಿರಾವನಖ್ಹಾಜೆ ದೇವ್ ದೇಸ್ತೆ ಖ್ಹಾರ ಕಫ್ಪನ್ನ ಫೆರಿಲೆವೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಇಬ್ರಿ 1:8

ಕತೋಬಿ ಛಿಯ್ಯಾನಿ ಬಾರೇಮ ಅಮ್ ಬೋಲ್ಯೊ: “ದೇವ್ ತಾರು ಸಿಂಹಾಸನ್ ಜ಼ಗ್‌ಜ಼ಮಾನಮಾಬಿ ರ‍್ಹಿಶೆ. ನೀತಿನು ಡಂಡೊಸ್‌ ತಾರು ರಾಜ಼ನು ಡಂಡೊ ಹುಯಿರ‍್ಹುಸ್.

ಇಬ್ರಿ 12:14

ಅಖ್ಖಾನಿ ಜೋ಼ಡ್ಮ ಸಮಾಧಾನ್‌ಥೀಬಿ ಜಿವ್ಣುಕರಾನ ಅಜು಼ ಸಮಾಧಾನ್‌ಥಿ ರ‍್ಹವಾನ ಕೋಶಿಶ್ ಕರೊ. ಪರಿಶುದ್ಧಕೊಂತೆ ಕೋಣ್‌ಬಿ ಪ್ರಭುನ ದೇಖಾನ ಕೊಹೊಯ್ನಿ.

1 ಪೇತ್ರ 2:2

ನವೇಥಿ ಪೈದಾಹುವಾತೆ ಲಡ್ಕನಿತರ ಛಾ಼ತೆತುಮೆ ಮೋಟ ಹುವಾನಿತರ ವಚನ್‍ಕರಿ ಆತ್ಮೀಕ್‌ದೂದ್ನ ತರ್ಖ್ಹೊ. ಯೊ ಪಿದಾತೊ ರಕ್ಷಣೆ ಲಿಶು.

2 ಪೇತ್ರ 1:4

ತುಮೆ ಲೋಕ್‌ನಿ ಲಾಲಚ್‌ಥಿ ಆವಸ್ತೆ ಖರಾಬ್‌ಥಿ ಛು಼ಕಿನ್, ದೇವ್ನಿ ಚಾ಼ಲ್‌ಮ ಭಾಗ್‌ಲ್ಯವಾಳ ಹೋಣುಕರಿ ಬೋಲಿನಸ್ ದೇವ್ನೆ ಇನಿ ಮಹಾನ್ ಅಜು಼ ಅಮೂಲ್ಯ ಹುಯಿರ‍್ಹೀತೆ ವಾತೇನ ಅಪ್ಣುನ ದಿದೊ.