ಎಫೆಸ 4:13 - ದೇವ್ನಿ ಖ್ಹಾಚಿ ವಚನ್

¹³ ಇನಖ್ಹಾಜೆ ದೇವ್ನ ಅದ್ಮಿನ ಅಕ್ಲಿಕರೀನ್ ದೇವ್ನ ಛಿಯ್ಯಾನ ಕಾಮ್ ಕರಾನಖ್ಹಾಜೆ ತಯಾರ್ ಕರ್ನುಕರಿಬಿ ಅಜು಼ ಯೇಸುಕ್ರಿಸ್ತನು ಶರೀರ್ ಹುಯಿರ‍್ಹುಸ್ತೆ ಸಬೆ ಭಡಾದೆಕರಿ ಇನೆ ಅವ್ಣುನ ನೇಮ್‌ಶಾಯೊ.

ಎಫೆಸ 4:13 ပူးပေါင်းရင်းမြစ်များ

ಮತ್ತಾಯ 11:27

“ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್. ಬಾನ ಮ್ಹೆಂದಿನ್ ಕೋಣ್‌ಬಿ ಛಿಯ್ಯಾನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಅಜು಼ ಛಿಯ್ಯಾನ ಮ್ಹೆಂದಿನ್ ಕೋಣ್‌ಬಿ ಬಾನ ಮಾಲುಮ್‌ ಕರಿರಾಖ್ಯುಕೊಯ್ನಿ ಅಜು಼ ಛಿಯ್ಯೊ ಬಾನ ಕಿನ ವತಾಳ್ಣುಕರಿ ಆಖ್ಹ್‌ಕರಾಸ್ಕಿ, ಇವ್ಣೆ ಬಾನ ಮಾಲುಮ್‌ ಕರಿಲಿಶೆ.

ಯೋಹಾನ 1:16

ಇನಿ ವಾರ್‌ಖ್ಹಾನಿ ಭರ್‌ಪೂರ್‌ಥಿಸ್, ಅಪ್ಣುನಖ್ಹಾರು ಆಶೀರ್ವಾದ್‍ಪರ್ ಆಶೀರ್ವಾದ್‌ ಮಳ್ಯು.

ಯೋಹಾನ 16:3

ಅದ್ಮಿಖ್ಹಾರು ಬಾನ ರ‍್ಹವೊ, ಮನ ರ‍್ಹವೊ ಮಾಲುಮ್‌ ಕರಿರಾಖ್ಯುಕೊಯ್ನಿತೆ ಇನಖ್ಹಾಜೆ, ತುಮೂನ ಅಮ್ ಖ್ಹಾರು ಕರ್ಶೆ.

ಯೋಹಾನ 17:21

ಬಾ ತುನೆ ಮನ ಮೋಕ್‌ಲ್ಯೊತೆ ಆ ಜಗತ್‌ ನಂಬಾನಖ್ಹಾಜೆ, ತೂ ಮಾರಾಮ ಅಜು಼ ಮೇ ತಾರಾಮ ಛೂ಼ತೆ ಇಮ್ಮಸ್ ಅವ್ಣೇಬಿ ಅಪ್ಣಾಮ ರ‍್ಹೇವ್ಣುಕರಿ ಇವ್ಣೆಖ್ಹಾರು ಏಕ್‌ ಹುಯಿರ‍್ಹೇಣು ಕರಿ, ಮೇ ಪ್ರಾರ್ಥನೆ ಕರುಸ್.

ಯೋಹಾನ 17:3

ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.

ಯೋಹಾನ 6:69

ಹಮೆ ತಾರಾಮ ವಿಶ್ವಾಸ್‌ ಕರಿಯೇಸ್, ಅಜು಼ ತೂ ದೇವ್‍ಥಿ ಆಯೋತೆ ಪರಿಶುದ್ ಅದ್ಮಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:32

ಅಖ್ಖ ವಿಶ್ವಾಸಿನೊ ದಿಲ್‌ಬಿ ಜಾನ್‌ಬಿ ಎಕ್ಕಸ್ ಹುಯಿರ‍್ಹುಥು. ಇವ್ಣ ಟೋಳ್‍ಮಾನು ಕೋಣ್‌ಬಿ ರ‍್ಹವೊ ಇವ್ಣುನ ಥೂತೆ ಶೊತ್ಮ ಖಿವು ಏಕ್‌ಬಿ ಹಮಾರು ಕರಿ ಬೋಲ್ಯುಥುಕೊಯ್ನಿ. ಇನ ಬದಲ್ ಹರೇಕ್‍ನಾಬಿ ವಾಟಪಾಡಿಲೇತೂಥು.

1 ಕೊರಿಂಥ 1:10

ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್‍ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್‍ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್‍ಶಿಲ್ ಕರಿ ಬೇಭಾಗ್‌ ನಾ ರ‍್ಹೇವ್ಣು. ಎಕ್ಕಸ್ ದಿಲ್‌ಥಿ ಎಕ್ಕಸ್ ಖ್ಹಯಾಲ್‌ಥೀಬಿ ಎಕ್ಟುರ‍್ಹೀನ್ ಜಿವ್ಣು ಕರೊ,

1 ಕೊರಿಂಥ 14:20

ಭೇನೆ ಭೈಯೇವೊ ಲಡ್ಕವ್ನಿತರ ಸೋಚಾನು ಮ್ಹೇಲಿದೆವೊ. ಖರಾಬ್‌ನಿ ಬಾರೇಮ ಅಡ್ಡಾಣಿನಿತರ ರ‍್ಹಿಯತೋಬಿ, ತುಮಾರಿ ಖ್ಹೂಜ಼್‌ಮ ಸಮಜ್‌ಧಾರ್‌ ಹುಯಿರ‍್ಹೇವೊ.

1 ಕೊರಿಂಥ 2:6

ರ‍್ಹಯುತೋಬಿ ಆತ್ಮೀಕಥಿ ಭಡಿರ‍್ಹವಾಳನ ಅಪ್ಣೆ ಗ್ಯಾನ್ನಿ ಬೋಧನೆ ಕರೇಸ್. ಪಣ್ಕಿಯೊ ಜಗತ್ನಕಾಹೆ; ನತರ್ ಆ ಹಗಾಮ್ಮ ಅದಿಕಾರಿಯೇವ್‌ನಿ ಅದಿಕಾರ್‌ನ ಸಂಬಂದ್ನು ಕಾಹೆ.ಯೊ ಅದಿಕಾರಿಖ್ಹಾರು ಇವ್ಣಿ ಅದಿಕಾರ್‌ನ ಗುಮೈಲೆ಼ವ್‌ಕರಸ್.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

ಗಲಾತ್ಯ 4:19

ಮಾರ ಪ್ಯಾರ್‌ನ ಲಡ್ಕಾವ್‍ನಿಘೋಣಿ ಛಾ಼ತೆ ಗಲಾತ್ಯವಾಳವೊ, ಆಯ ಇನ ಲಡ್ಕಾನಖ್ಹಾಜೆ ಜ಼ಣತ್‌ನಿ ಅಜ಼ ಪಡಾನಿಘೋಣಿ, ಕ್ರಿಸ್ತ ಯೇಸುನು ಚಾ಼ವ್‌ಭಾವ್ ತುಮಾರಮ ಆವಲಗು ತುಮಾರ ಖ್ಹಾಜೆ ಮೆ ಎಥ್ರಾನಿಸ್ ಅಜ಼ ಪಡುಕರುಸ್.

ಎಫೆಸ 1:17

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಮಹಿಮೆನೊ ಬಾಬಿ ಇನಿ ಇನಿ ಬಾರೇಮ ಪೂರ ಅಕ್ಕಲ್‍ನ ತುಮುನ ದೀನ್ ದರ್ಶನಾನು ಆತ್ಮನ ದ್ಯವಾದೆಕರಿ ಪ್ರಾರ್ಥನೆ ಕರುಸ್.

ಎಫೆಸ 1:23

ಸಬೆ ಕ್ರಿಸ್ತನು ಶರೀರ್ ಹುಯಿರ‍್ಹುಸ್, ಅಖ್ಖಾಸ್ನ ಅಖ್ಖಿ ತರಿಕಾಮಾಬಿ ದ್ಯವಾಳಥಿ ಯೊ ಭರ್‌ಪೂರ್‌ ಹುಯಿರ‍್ಹುಸ್.

ಎಫೆಸ 2:15

ಇನೆ ಧರ್ಮಶಾಸ್ತ್ರ ಅಜು಼ ನಿಯಮ್‌ನಿ ಜೋ಼ಡ್ಮ ಯೊ ಭೀತ್ ರಡ್ಕಾಯೊ.ಅಮ್ ಇನ ಗಳ್‌ಜೋ಼ಡ್ಮ ಭೇ ಖೂಮ್ನ ಇನಜೋ಼ಡೆ ಏಕ್‌ ನವಿ ಖೂಮ್‌ಕರಿ ಮ್ಹೇಲಾನಖ್ಹಾಜೆ ಅಮ್ ಸಮಾಧಾನ್ ಕರ‍್ಯೊ.

ಎಫೆಸ 4:12

ಯೋ ಕ್ರಿಸ್ತನ ಶರೀರ್‌ಮ ಎಕ್ಟುಹುವಾನಖ್ಹಾಜೆ ಅಖ್ಖಾ ದೇವ್ನ ಅದ್ಮಿವ್‌ನ ಕ್ರಿಸ್ತನ ಸೇವೆನ ಕಾಮ್ನಖ್ಹಾಜೆ ತಯಾರ್ ಕರಾನ ಟೇಕೆ ಯೋ ಅಮ್ ಕರ‍್ಯೊ.

ಎಫೆಸ 4:3

ಸಮಾಧಾನ್ನಿ ಬಂಧನ್ಮ ಭಂದೈರ‍್ಹವಾಳ ಹುಯಿನ್ ಪವಿತ್ರಾತ್ಮಥಿ ಹುವಾಸ್ತೆ ಒಗ್ಗಟ್‌ನ ಬಚಾ಼ಡಾನಖ್ಹಾಜೆ ಮನ್‌ಲಗಾಡೊ.

ಎಫೆಸ 4:5

ತುಮುನ ಯೋ ಎಕ್ಕಸ್ ಪ್ರಭು, ಎಕ್ಕಸ್ ವಿಶ್ವಾಸ್, ಎಕ್ಕಸ್ ಬ್ಯಾಪ್ತಿಸ್ಮ,

ಫಿಲಿಪ್ಪಿ 3:10

ಇನಾಬಿ ಇನು ಪಾಛು಼ ಜಿವ್ತುಹುವಾಮ ಛಾ಼ತೆ ಶಕತ್‍ನಾಬಿ, ಇನಿ ಖ್ಹತಾಪ್ಣಿಮ ಭಾಗ್‌ಲ್ಯವಾನಿ ಪದವಿನ ಮಾಲುಮ್ ಕರಿಲಿನ್ ಇನಿ ಮರಣ್ಣಿ ಬಾರೇಮ ಇನೀನಿತರಸ್ ಹೋಣುಕರಿ ಬೋಲನುಸ್ ಮಾರಿ ಹರಖ್ಹ್ ಹುಯಿರ‍್ಹೀಸ್.

ಫಿಲಿಪ್ಪಿ 3:8

ಅತ್ರೇಸ್ ಕಾಹೆತೆ, ಮಾರೊ ಪ್ರಭು ಕ್ರಿಸ್ತಯೇಸುನ ಮಾಲುಮ್ ಕರಿಲಾವನು ಬಾರೇಮ ಘಣು ಮಹಾನ್‌ಕರಿ ಸೋಚಿನ್ ಮೆ ಅಖ್ಖಾನ ಲುಕ್ಷಾನ್‌ಕರಿಸ್ ಲ್ಹಾವ್ಸ್. ಆಹೈರೋತೆ ಇನಖ್ಹಾಜೆ ಮೆ ಖ್ಹಾರುಸ್ ಗುಮೈಲಿದೋತೆಬಿ ಯೊ ಅಖ್ಖಾನ ಕಚ್ರೊ಼ಸ್ ಕರಿ ಲ್ಹಾವ್ಸ್.

ಕೊಲೊಸ್ಸೆ 1:28

ಕ್ರಿಸ್ತ ಯೇಸುಮ ಹರೇಕ್‌ಜ಼ಣಾನಬಿ ಝೇತಾವ್‌ತಹುಯಿನ್ ಖ್ಹಾರೀಸ್‍ ಅಕ್ಕಲ್‌ಮ ಹರೇಕ್‌ಜ಼ಣಾನಬಿ ಬೋಧನೆ ಕರ್ತೊಹುಯಿನ್ ಪೂರ ಗ್ಯಾನ್ ದೀನ್ ದೇವ್ನ ಖ್ಹಾಮ್ಣೆ ಚಾ಼ತುರ್ ಕರೀನ್ ಭೀರಾಖನಖ್ಹಾಜೆ ಕೋಶಿಶ್ ಕರುಕರೆಸ್.

ಕೊಲೊಸ್ಸೆ 2:2

ಕಿಮ್‌ಕತೊ ಇವ್ಣ ದಿಲ್ನ ಪ್ಯಾರ್‌ಥಿ ಲೀರಾಖಿನ್ ಹುಮ್ಮಖ್ಹ್‌ಹುಯಿನ್ ಮಳ್‌ಣುಕರಿ ಛಾ಼ತೆ ಪೂರ ಅಕ್ಕಲ್‍ಥಿ ಬಾ ದೇವ್ನ ಮಾಯ್ನನ ಕತೊ ಕ್ರಿಸ್ತನ ಮಾಲುಮ್‌ ಕರಿಲ್ಯವಾಥಿಸ್ ಹುಯಿರ‍್ಹುಸ್.

ಇಬ್ರಿ 5:14

ಘಟ್ ಖಾಣು ಜಾ಼ನ್‌ಜ಼ಮಾನ್ನಖ್ಹಾಜೆ, ಕತೊ ಗಲತ್‌ ಅಜು಼ ಬರಬರ್ಥಿರ‍್ಹೇಸ್ತೆ ಇನ ಖ್ಹಣೇದ್ ಕರಾನ, ಆದಥ್ಥಿ ಪುರ್ಗುಲ್‌ ಹುಯಿರ‍್ಹವಾಳನಖ್ಹಾಜೆ ಹುಯಿರ‍್ಹುಸ್.

2 ಪೇತ್ರ 1:4

ತುಮೆ ಲೋಕ್‌ನಿ ಲಾಲಚ್‌ಥಿ ಆವಸ್ತೆ ಖರಾಬ್‌ಥಿ ಛು಼ಕಿನ್, ದೇವ್ನಿ ಚಾ಼ಲ್‌ಮ ಭಾಗ್‌ಲ್ಯವಾಳ ಹೋಣುಕರಿ ಬೋಲಿನಸ್ ದೇವ್ನೆ ಇನಿ ಮಹಾನ್ ಅಜು಼ ಅಮೂಲ್ಯ ಹುಯಿರ‍್ಹೀತೆ ವಾತೇನ ಅಪ್ಣುನ ದಿದೊ.

2 ಪೇತ್ರ 3:18

ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್‌ಖ್ಹಾಮಾಬಿ ಗ್ಯಾನ್‌ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್‌ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.