ಎಫೆಸ 3:8 - ದೇವ್ನಿ ಖ್ಹಾಚಿ ವಚನ್

⁸ ಅಖ್ಖಾಸ್ ದೇವ್ನ ಅದ್ಮಿಮ ಕಮ್‍ಶಿಲ್ ರ‍್ಹಿಯೊತೋಬಿ ದೇವ್ನೆ ಕ್ರಿಸ್ತನು ವಾರ್‌ಖ್ಹಾನಿ ಸುವಾರ್ತೆನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೋಲಿ ವತಾಳನಖ್ಹಾಜೆ ವಖ್ಹತ್‌ನ ಮನ ದೀರಾಖ್ಯೊಸ್.

ಎಫೆಸ 3:8 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:22

ಒಗ್ಗಿಸ್‌ಮ ಯೋ ಆಳ್‌ನೆ, ‘ಯಜಮಾನ್ ತಾರಿ ಹುಕುಮ್ ಚಾ಼ಲಿಗಿ, ಕತೋಬಿ ಬಿಜೂ಼ಬಿ ಝ಼ಗೊ ಛಾ಼’ ಕರಿ ಬೋಲ್ಯು.

ಯೋಹಾನ 1:16

ಇನಿ ವಾರ್‌ಖ್ಹಾನಿ ಭರ್‌ಪೂರ್‌ಥಿಸ್, ಅಪ್ಣುನಖ್ಹಾರು ಆಶೀರ್ವಾದ್‍ಪರ್ ಆಶೀರ್ವಾದ್‌ ಮಳ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:41

ಅಪೊಸ್ತಲರ್ ನ್ಯಾವ್‍ನಿ ಘಲ್ಡಾನಿ ಸಭೆಮಾಥು ನಿಕ್ಳಿನ್ ಚ಼ಲೇಗಯ. ಯೇಸುನ ನಾಮ್ನಖ್ಹಾಜೆ ಖ್ಹರಮ್‌ ಕಡೈಲ್ಯಾವಾನ ಹಮೆಯೋಗ್ಯರ್ ಹುಯಾಕರಿ ಖುಷಿಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:15

ಪ್ರಭುನೆ ಅನನೀಯನ “ತೂ ಜಾ಼; ಯೋ ಅದ್ಮಿಖ್ಹಾರ ಯೆಹೂದ್ಯರ್‌ಕಾಹೆತೆ ಅದ್ಮಿವೊನ ರಾಜಾ಼ವ್‌ನ, ಅಜು಼ ಇಸ್ರಾಯೇಲ್ ಅದ್ಮಿವೊನ ಮಾರ ನಾಮ್ನ ಖ್ಹಮ್‍ಜಾ಼ಡನಖ್ಹಾಜೆ ಮೇ ಚೂ಼ಣಿರಾಖ್ಯೊತೆ ಏಕ್‌ ಜಿನಖ್ಹ್‌ ಹುಯಿರೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:33

ಆಹಾ! ದೇವ್ನಿ ಗ್ಯಾನ್, ಅಕ್ಕಲ್‌ನು ಧನ್‍ದೌಲತ್ ಕೆತ್ರೆ ಗಧಾರ್‌ನು! ದೇವ್ನು ನ್ಯಾಯತೀರ್ಪ್‌ನ ಕೋಣ್‌ಬಿ ಛೋ಼ಡಿವತಾಳನ ಹುವಾಕೊಯ್ನಿ. ಇನ ಮಾರಗ್‌ನ ಢೂಂಡಿಕಾಡನ ಕಿನೇಥೀಬಿ ಹೋಯಿಕೊಯ್ನಿ!

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:10

ವಿಶ್ವಾಸಿ ಭೇನ್ ಭೈಯೇನ ಏಕ್‌ಥಿಏಕ್ ಪ್ಯಾರ್ ಕರೊ, ಮರ್ಯಾದಿ ದ್ಯವಾಮ, ಏಕ್‌ಥಿಏಕ್‌ ಖ್ಹಾಮೆರ‍್ಹೇವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:4

ಇನಿ ಘಣಿ ದಯಾಬಿ, ಖ್ಹಮಾಳಿಲ್ಯವಾನು ಅಜು಼ ಹಮೇಶಾನಿ ಶಾಂತಿ ಅನಖ್ಹಾರು ತೂ ಝಿಟ್ಕಾರಸ್ಕಿ ಶು? ದೇವ್ನಿ ಅಛ್ಛಿಗುಣ್‍ ತುನ ದಿಲ್‌ ಫರೈಲ್ಯಾವಭಣಿ ಚ಼ಲಾವ್‍ಶೆಕರಿ ಬೋಲಾನು ತುನ ಮಾಲುಮ್ ಕೊಯ್ನಿಕಿ ಶು?

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

1 ಕೊರಿಂಥ 15:9

ಮೇತೊ ಅಪೊಸ್ತಲರ್‌ಮ ನ್ಹಾನೊ, ಅಪೊಸ್ತಲಕರಿ ಬೋಲೈಲ್ಯವಾನ ಮೇ ಯೋಗ್ಯಕಾಹೆ. ಶನಕತೊ ಮೇ ದೇವ್ನಿ ಸಬೇನಾಸ್ ಖ್ಹತಾಯೊ.

1 ಕೊರಿಂಥ 2:9

ಇನಖ್ಹಾಜೆ ದೇವ್ನಿ ವಚನ್‍ಮ ಲೀಖಾವನಿತರ, ದೇವ್ನೆ ಇನ ಪ್ಯಾರ್ ಕರವಾಳನಖ್ಹಾಜೆ ಕರಿರಾಖ್ಯೊತೆ ಖ್ಹಾರಸ್ನ ಖಿವು ಡೋಳೊಬಿ ದೇಖ್ಯುಕೊಯ್ನಿ, ಖಿವು ಕಾನ್‌ಬಿ ಖ್ಹಮ್‍ಜ್ಯುಕೊಯ್ನಿ, ಯೊ ಏಕ್‍ಜ಼ಣಾನ ದಿಲ್ನಿ ಖ್ಹಯಾಲ್‌ಮಾಬಿ ಕೊಆಯುನಿ.

ಗಲಾತ್ಯ 1:16

ಅಮ್ ಮೇ ಯೆಹೂದ್ಯರ್‌ಕಾಹೆತೆ ಅದ್ಮಿವ್‌ನ ಇನಿ ಛಿಯ್ಯಾನಿ ಬಾರೇಮ ಸುವಾರ್ತೆನ ಖ್ಹಮ್‌ಜಾ಼ಡ್ನುಕರಿ ದೇವ್ನಿ ಮರ್ಜಿ ಹುಯಿರ‍್ಹೀಥಿ. ಇನಖ್ಹಾಜೆ ದೇವ್ನೆ ಇನ ಛಿಯ್ಯಾನ ಮನ ವತಾಳ್ಯೊ. ಯೊ ಮನ ಬುಲಾವಖ್ಹತರ್ ಮೆ ಅದ್ಮಿಯೇವ್‌ನಿ ಖ್ಹೂಜ಼್‌ನ ಫುಛಾ಼ಯೊ ಕೊಯ್ನಿ.

ಗಲಾತ್ಯ 2:8

ಶನಕತೊ ಯೆಹೂದ್ಯರ್‌ಮ ಅಪೊಸ್ತಲಹುಯಿನ್ ಕಾಮ್ ಕರಾನ ಪೇತ್ರಾನ ದಿದೋತೆ ದೇವ್, ಯೆಹೂದ್ಯರ್‌ಕಾಹೆತೆ ಇವ್ಣಾಮ ಅನ ಚ಼ಲಾವನಖ್ಹಾಜೆ ಮನ ದಿರಾಖ್ಯೊಥೊ.

ಎಫೆಸ 2:7

ಇನೆ ಅಪ್ಣುನ ಕ್ರಿಸ್ತ ಯೇಸುಮ ಆ ಹಗಾಮ್ಮಾಬಿ ಅಜು಼ ಆವ್‌ಶೇತೆ ಅಖ್ಖಾ ಹಗಾಮ್ಮಾಬಿ ಬೋಲಾನ ಕೊಹೋಯ್ನಿತೆ ಎತ್ರೆ ಇನಿ ಮೋಟಿ ವಾರ್‌ಖ್ಹೊಬಿ ಲಾಡ್‌ಬಿ ದ್ಯವಾನಖ್ಹಾಜೆ ಇನೆ ಅಮ್ ಕರ‍್ಯೊ.

ಎಫೆಸ 3:1

ಅಮ್‍ರ‍್ಹವಾಪರ್ ಪೌಲ ಹುಯಿರ‍್ಹೋತೆ ಮೆ ಯೆಹೂದ್ಯರ್‌ಕಾಹೆತೆ ತುಮಾರ ಖ್ಹಾಜೇಥಿ ಕ್ರಿಸ್ತ ಯೇಸುನಖ್ಹಾಜೆ ಖ್ಹಾರ್ಕೊಟ್‌ಮ ರ‍್ಹವಾಳೊ ಹುಯಿರ‍್ಹೋಸ್.

ಎಫೆಸ 3:16

ಮೆ ದೇವ್ನ ಧನ್‌ದೌಲಥ್ಥಿ ರ‍್ಹವಾನು ಮಹಿಮೆಥಿ ಪ್ರಾರ್ಥನೆ ಕರುಕರೂಸ್. ಯೊ ಪವಿತ್ರಾತ್ಮಥಿ ದಿಲ್ನ ಮಹಿ ತಾಖತ್ ಹುವಾನ ವಿಶೇಷ್ ಶಕತ್‍ದ್ಯವಾದೆ,

ಎಫೆಸ 3:19

ಖ್ಹಯಾಲ್‌ಥೀಬಿ ಘಣು ಜಾ಼ಖ್ಹತ್ ಕ್ರಿಸ್ತನಿ ಪ್ಯಾರ್ ಮಾಲುಮ್ ಹುವಾದೆ, ದೇವ್ನಿ ಭರ್‌ಪೂರ್‌ ಸ್ವಭಾವ್‍ಥಿ ಪೂರಹುವಾದೆ.

ಎಫೆಸ 3:2

ತುಮಾರ ಅಛ್ಛು಼ಕಾಮ್ನ ಖ್ಹಾಜೇಥಿ ಛೇತೆ ಜಿಮ್ಮೆದಾರಿನ ದೇವ್ನೆ ಇನಿ ವಾರ್‌ಖ್ಹೇಥಿಸ್ ಮನ ದೀರಾಖ್ಯೊಸ್‍ಕರಿ ತುಮೆ ಖ್ಹಮ್‌ಜಿರಾಖ್ಯಾಸ್‌,

ಫಿಲಿಪ್ಪಿ 2:3

ಇನುಯೋ ಭಡಾನಖ್ಹಾಜೆ ರ‍್ಹವೊ, ಶಿಕ್ಕೊ ಲ್ಯವಾನಖ್ಹಾಜೆ ಶಾತ್ಬಿ ನಾಕರ‍್ನುತೆ, ಹರೇಕ್ ಜ಼ಣುಬಿ ಹೇಟು ಹುವಾಳಹುಯಿನ್ ಬಿಜೇಕ್ ಜ಼ಣಾನ ಇನೇಥಿಬಿ ಊಚೊ಼ಕರಿ ದೇಖಾದೆ.

ಫಿಲಿಪ್ಪಿ 4:19

ಮಾರೊ ದೇವ್ ಕ್ರಿಸ್ತ ಯೇಸುಥಿ ಇನಿ ಮೋಟಿ ಮಹಿಮೆನ ಧನ್‌ದೌಲಥ್ಥಿ ತುಮುನ ಛಾ಼ತೆ ಹರೇಕ್ ಜ಼ರೂರತ್‌ನ ಪೂರ ಕರ್ಶೆ.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

1 ತಿಮೊ 1:13

ಅಗಾಡಿ ಮೇ ಕ್ರಿಸ್ತನಿ ವಿರೋದ್ ವಾತೆ ಬೋಲಿನ್, ಇನ ಖ್ಹತೈರಾಖ್ಯೋಸ್ ಅಜು಼ ಇನಿ ಖ್ಹರಮ್‌ಬಿ ಕಾಡಿರಾಖ್ಯೊಸ್. ಶನಕತೊ, ಮೇ ತದೆ ಅವಿಶ್ವಾಸ್‌ಮ ಥೊ, ಇನಖ್ಹಾಜೆ ಮೇ ಶಾತ್‌ ಕರುಕರೂಸ್ ಕರಿ ಮನ ಮಾಲುಮ್ ಕೋ ಥೂನಿ. ತೋಬಿ ದೇವ್ನೆ ಮಾರಪರ್ ಗೋರ್‌ ಕರಿರಾಖ್ಯೋಸ್.

1 ತಿಮೊ 1:15

ಕ್ರಿಸ್ತ ಯೇಸು ಪಾಪಿ ಖ್ಹಾರಾನ ಬಚಾ಼ಡನಖ್ಹಾಜೆ ಆ ಜಗತ್‌ಮ ಆಯೊ ಕರಿ ಬೋಲಾನಿ ವಾತೆ ಖ್ಹಾಚಿ ಹುಯಿರ‍್ಹಿಸ್, ಆ ವಿಶ್ವಾಸ್‌ ಕರಾಖ್ಹರ್ಕುಬಿ ಸ್ವಿಕಾರ್‌ಕರಾನ ಲ್ಹಾಯೇಕ್ನುಬಿ ಹುಯಿರ‍್ಹುಸ್. ಶನಕತೊ ಇಮ್ನ ಪಾಪಿಮ ಮೇಸ್ ಪಹಿಲೊ.

1 ತಿಮೊ 2:7

ಅಜು಼ ಅನಖ್ಹಾಜೆಸ್ ಮನ ಶಿಕಾಡವಾಳೊ ಅಜು಼ ಅಪೊಸ್ತಲ ಕರೀನ್, ವಿಶ್ವಾಸ್‌ಥಿಬಿ ಖ್ಹಾಚಿಥಿಬಿ ಯೆಹೂದ್ಯರ್‌ಕಾಹೆತೆ ಅದ್ಮಿನ ಭೋದನೆಕರಾನ ಮನ ನೇಮಕ್ ಕರ‍್ಯು. ಮೇ ಝೂ಼ಟಿ ಕೊಬೋಲುಕರುನಿ ಖ್ಹಾಚಸ್ ಬೋಲುಕರುಸ್.

2 ತಿಮೊ 1:11

ದೇವ್ನೆ ಮನ ಅಪೊಸ್ತಲ ಅಜು಼ ಶಿಕಾಡವಾಳೊ ಹುಯಿನ್, ಆ ಅಛ್ಛಿ ಖಬರ್‌ನ ಬೋಲಿದ್ಯವಾನಖ್ಹಾಜೆ ಮ್ಹೇಲಿರಾಖ್ಯೋಸ್‌.

ಪ್ರಕಾಶಿತ್ 3:18

ತೂ ಶೌಕಾರ್ ಹುವಾನ ಆಗ್‌ಮ ನಾಖಸ್ತೆ ಖ್ಹೊನ್ನಾನಾಬಿ ಖ್ಹರಮ್‌ನ ಕಾರಣ್ ಹುಯಿರ‍್ಹೂತೆ ತಾರು ಉಘಾಡಾನ ದೆಖಾವ್ಣುನಾತೆ ಫೆರಾನಖ್ಹಾಜೆ ಧೋಳ ಲುಂಗ್ಡಾವ್‍ನಾಬಿ ಡೋಳೊದೆಖಾವನಖ್ಹಾಜೆ ತುಮಾರ ಡೋಳಾವ್‌ನ ಲಗಾಡನಖ್ಹಾಜೆ ಅಂಜ಼ಣ್‍ನಾಬಿ ಮಾರೇಥಿ ಲೀಲೇವ್ಣುಕರಿ ಮೇ ತುಮೂನ ಅಕ್ಕಲ್ ಬೋಲುಕರುಸ್.