ಎಫೆಸ 3:5 - ದೇವ್ನಿ ಖ್ಹಾಚಿ ವಚನ್

⁵ ಗಯೋತೆ ಹಗಾಮ್ಮ ಅದ್ಮಿವೊನ ಆ ಮಾಯ್ನೊ ಕೊಬೋಲಾಯುನಿ ಕತೋಬಿ ದೇವ್ನೆ ಇನ ಪವಿತ್ರಾತ್ಮಥಿ ಅಪೊಸ್ತಲರ‍್ನ ಅಜು಼ ಪ್ರವಾದಿಖ್ಹಾರನ ಮಾಲುಮ್ ಕರೈರಾಖ್ಯೋಸ್.

ಎಫೆಸ 3:5 ပူးပေါင်းရင်းမြစ်များ

ಮತ್ತಾಯ 13:17

ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ದೇಖುಕರಾತೆ ಕಾಮ್‍ಅಖ್ಖಾನ ಕೈಯೆಕ್ಕಿ ಪ್ರವಾದಿ ಖ್ಹಾರುಬಿ ಅಜು಼ ಕೈಯೆಕ್ಕಿ ನೀತಿವಾಳು ಅದ್ಮಿಖ್ಹಾರು ದೇಕ್ಣುಕರಿ ಆಖ್ಹ್‌ಕರ‍್ಯು ತೋಬಿ ಇವ್ಣೆ ದೇಖಾನ ಕೋ ಹುಯುನಿ. ತುಮೆ ಖ್ಹಮ್‌ಜು಼ಕರಾತೆ ಸಮಾಚಾರ‍್ನ ಇವ್ಣೆ ಖ್ಹಮಜ಼್‌ಣು ಕರಿ ಆಖ್ಹ್‌ ಕರ‍್ಯುತೋಬಿ ಖ್ಹಮ್‌ಜ್ಯು ಕೊಯ್ನಿ.

ಮತ್ತಾಯ 20:7

ತದೆ ಇವ್ಣೆ, ‘ಕೋಣ್‌ಬಿ ಹಮೂನ ಕಾಮ್ನ ಬುಲಾಯು ಕೊಯ್ನಿ’ ಕರಿ ಬೋಲ್ಯು. ಯೋ ಯಜಮಾನ್ನೆ, ‘ಇಮ್‍ಕತೊ, ತುಮೆ ಜೈ಼ನ್, ಮಾರ ದ್ರಾಕ್ಷಿನ ಬಾಗ್‌ಮ ಕಾಮ್ ಕರೊ’ ಕರಿ ಬೋಲ್ಯೊ.

ಮತ್ತಾಯ 23:34

ಇನಖ್ಹಾಜೇಸ್ ಮೇ ಬೋಲುಸ್ಕಿ, ಮೇ ತುಮಾರಕನ ಪ್ರವಾದಿಯೇನಾಬಿ, ಗ್ಯಾನಿ ಅದ್ಮಿಖ್ಹಾರಾನಾಬಿ ಅಜು಼ ಬೋದಕರ್‌ ಖ್ಹಾರಾನ ಮೋಕ್ಲೀಶ್; ತುಮೆ ಇವ್ಣಾಮ ಥೋಡಾನ ಮಾರಿನಾಕ್‌ಶು, ಅಜು಼ ಥೋಡಾನ ಶಿಲ್‌ಬೇಪರ್ ನಾಕ್‌ಶು ಅಜು಼ ಬಿಜು಼ ಥೋಡಾನ ತುಮಾರಿ ಸಬೆ ಭರಾವಾನು ಮಂದಿರ್‌ಮ ಖ್ಹಾರು ಕೊಳ್ಡೇಥಿ ಮಾರಿನ್ ಗಾಮ್‌ಥು-ಗಾಮ್‍ ನಖ್ಹಾಡಿಲಿಜಾ಼ಶು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:24

ಶನಕತೊ ಘಣು ಪ್ರವಾದಿಖ್ಹಾರು ಅಜು಼ ರಾಜ಼ಖ್ಹಾರು ತುಮೆ ದೇಖುಕರಾತೆ ಆ ಖ್ಹಾರಾನ ದೇಕ್ಣು ಕರಿ ಆಖ್ಹ್ ಕರ‍್ಯುತೋಬಿ, ಇವ್ಣೆ ದೇಖ್ಯು ಕೊಯ್ನಿ. ತುಮೆ ಖ್ಹಮ್‌ಜು಼ಕರಾತೆ ಖ್ಹಮಜ಼್‌ಣು ಕರಿ ಆಖ್ಹ್‌ ಕರ‍್ಯುತೋಬಿ ಖ್ಹಮ್‌ಜ್ಯು ಕೊಯ್ನಿ ಕರಿ ಮೇ ತುಮೂನ ಬೋಲುಸ್”.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:49

ಅನಖ್ಹಾಜೆಸ್ ದೇವ್ನಿ ಗ್ಯಾನ್ ಬೋಲಸ್ಕಿ, “ಮೇ ಇವ್ಣಾಕನ ಪ್ರವಾದಿಯೇನಾಬಿ, ಅಪೊಸ್ತಲರ್‌ನಾಬಿ ಮೋಕ್ಲೀಶ್, ಇವ್ಣಾಮ ಥೋಡ ಜ಼ಣಾನ ಮಾರಿನಾಕ್‌ಶೆ ಅಜು಼ ಥೋಡ ಜ಼ಣಾನ ಖ್ಹತಾವ್‌ಶೆ.

ಯೋಹಾನ 14:26

ಕತೋಬಿ ಯೋ ಮದತ್‌ ಕರವಾಳೊ, ಕತೊ ಮಾರ ನಾಮ್‌ಪರ್‌ ಬಾ ಮೋಕ್‌ಲ್‌ಶೇತೆ ಪವಿತ್ರಾತ್ಮಸ್ ತುಮೂನ ಖ್ಹಾರೂಸ್ ಶಿಕಾಡ್‍ಶೆ ಅಜು಼ ಮೇ ಬೋಲ್ಯೋತೆ ಅಖ್ಖಾಸ್ನ ತುಮಾರಿ ಯಾದ್ಮ ಲ್ಯಾವ್‌ಶೆ.

ಯೋಹಾನ 16:13

ಕತೋಬಿ ಖ್ಹಾಚೊ಼ ಆತ್ಮ ಆವ್‌ಶೇತೆ ತದೆ, ಯೋ ತುಮೂನ ಖ್ಹಾರಿಸ್ ಬಾರೇಮ ಖ್ಹಾಚಾಮ ಚ಼ಲೈಲಿಜಾಷೆ. ಯೋ ಬೋಲ್‍ಶೇತೆ ಇನಿ ವಾತೆ ಕಾಹೆ, ಯೋ ಶಾತ್‌ ಖ್ಹಮ್‌ಜಾ಼ಸ್ಕಿ ಯೋಸ್‌ ತುಮೂನ ಬೋಲ್‌ಶೆ; ಅಜು಼ ಖ್ಹಾಮ್ಣೆ ಚಾ಼ಲ್‌ಶೇತೆ ಇನಿ ಬಾರೇಮ ತುಮೂನ ಬೋಲ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:28

ಪೇತ್ರನೆ ಇವ್ಣುನ, “ಯೆಹೂದ್ಯವಾಳವೊ ಏಕ್‌ ಜ಼ಣೊ ಅಲಕ್‌ಅದ್ಮಿಥಿ ಮಳೀನ್‍ ರ‍್ಹವಾನುರ‍್ಹೇವೊ, ಇವ್ಣಿಜೋ಼ಡೆ ರ‍್ಹವಾನು ಯೆಹೂದ್ಯರ್‌ನ ಪದತ್ತಿನ ವಿರೋದ್ ಹುಯಿರ‍್ಹುಸ್ ಕರಿ ತುಮೂನ ಮಾಲುಮ್‌ ಛಾ಼. ಕತೋಬಿ ಖಿವಿ ಅದ್ಮಿನಾಬಿ ಕಮ್‍ಶಿಲ್‍ವಾಳೊ, ಅಪವಿತ್ರವಾಳೊ ಕರಿ ನಾ ಬೋಲ್‌ನು ಕರಿ ದೇವ್ನೆ ಮನ ವತಾಳಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:25

ಅಪ್ಣೆ ದೇವ್ನ ಮಹಿಮೆ ಕರಿಯೆ ಮೆ ಯೇಸು ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೋತೆ ಸುವಾರ್ತೆನಿ ಘೋಣಿ ಅಜು಼ ಜ಼ಗ್‌ಜ಼ಮಾನೇಥಿ ಲಪಿರ‍್ಹೂಥೂತೆ ಹಮ್ಕೆ ದೆಖಾವನು ಗಪ್ಲತ್‌ನ ಖ್ಹಾಚಾ಼ನಿತರ ತುಮಾರಿ ವಿಶ್ವಾಸ್ಮ ತುಮುನ ಘಟ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

1 ಕೊರಿಂಥ 2:10

ಕತೋಬಿ ದೇವ್ನೆ ಇನ ಪವಿತ್ರಾತ್ಮಥಿ ಆ ಗಪ್ಲತ್‌ನ ಬೋಲಿವತಾಳ್ಯೊ. ಯೊ ಪವಿತ್ರಾತ್ಮಸ್ ಆ ಅಖ್ಖು ದೇವ್ನಿ ಗಪ್ಲತ್‌ನಿ ವಿಚಾರ‍್ನ ಗಧಾರ್‌ಥಿ ಢೂಂಢವಾಳೊ ಹುಯಿರ‍್ಹೋಸ್.

ಎಫೆಸ 2:20

ಅಪೊಸ್ತಲಬಿ ಅಜು಼ ಪ್ರವಾದಿಖ್ಹಾರುಬಿ ಕರಿ ಬೋಲಾನು ಹದಿಪಾಯಪರ್ ತುಮೆ ಘರ್‌ನಿಘೋಣಿ ಭಂದೈರ‍್ಹಾಸ್. ಕ್ರಿಸ್ತ ಯೇಸುಸ್ ಮುಖ್ಯ ಹುಯಿರ‍್ಹೊಸ್ತೆ ಕೋಣಾನೊಬಂಡೊ ಹುಯಿರ‍್ಹೊಸ್.

ಎಫೆಸ 3:9

ಬಿಜು಼ ದೇವ್ನ ಅದ್ಮಿನ ದೇವ್ನಿ ಗಪ್ಲತ್‌ನಿ ಖ್ಹೂಜ಼್‌ನ ಖಿವುಕರಿ ಅಜು಼ ಯೊ ಪ್ರಭಾವ್‌ ಹುವಾನಿತರಾನು ದೇಖಾನಖ್ಹಾಜೆ ಕರ‍್ಯೊ. ಅಖ್ಖಾಸ್ನ ಉಬ್‌ಜಾ಼ಯೊತೆ ದೇವ್ ಪಾಛ಼್‌ಲ್ಯಾಹಗಾಮ್ಮ ಇನು ಗಪ್ಲತ್‌ನ ಲಪಾಡಿರಾಖ್ಯೊಥೊ.

2 ಪೇತ್ರ 3:2

ಪಛ಼್‌ಲ್ಯ ಹಗಾಮ್ಮ ಪರಿಶುದ್ ಪ್ರವಾದಿಯೇನೆ ಬೋಲ್ಯುತೆ ವಾತೆಖ್ಹಾರು ಅಜು಼ ತುಮಾರ ಅಪೊಸ್ತಲರ‍್ನ ಪ್ರಭು ಅಜು಼ ರಕ್ಷಕ್‌ನೆ ದೀರಾಖ್ಯೋತೆ ಹುಕುಮ್‌ನ ತುಮಾರಿ ಯಾದ್ಮ ಲ್ಯಾವಾನ ಆಖ್ಹ್‌ಕರುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:17

ಕತೋಬಿ ಪ್ಯಾರ್‌ನ ದೋಸ್ತಿವೊ, ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನು ಅಪೊಸ್ತಲರ್‌ಖ್ಹಾರು ಪಹಿಲೆ ಶಾತ್ ಬೋಲ್ಯುಥು ಕರಿ ಯಾದ್‍ಕರಿಲೇವೊ.