ಎಫೆಸ 3:19 - ದೇವ್ನಿ ಖ್ಹಾಚಿ ವಚನ್

¹⁹ ಖ್ಹಯಾಲ್‌ಥೀಬಿ ಘಣು ಜಾ಼ಖ್ಹತ್ ಕ್ರಿಸ್ತನಿ ಪ್ಯಾರ್ ಮಾಲುಮ್ ಹುವಾದೆ, ದೇವ್ನಿ ಭರ್‌ಪೂರ್‌ ಸ್ವಭಾವ್‍ಥಿ ಪೂರಹುವಾದೆ.

ಎಫೆಸ 3:19 ပူးပေါင်းရင်းမြစ်များ

ಮತ್ತಾಯ 5:6

ಕೋಣ್ ದೇವ್ನಿ ಮರ್ಜಿನಿಘೋಣಿ ಕರಾನ ಘಣು ಆಖ್ಹ್ ಕರಾಸ್ಕಿ, ಇವ್ಣೆ ಧನ್ಯ ಹುಯಿರ‍್ಹಾಸ್; ದೇವ್ ಇವ್ಣುನ ಹಕ್ಲಾಲ್‌ ಹುವಾನಿತರ ಕರ್ಶೆ.

ಯೋಹಾನ 1:16

ಇನಿ ವಾರ್‌ಖ್ಹಾನಿ ಭರ್‌ಪೂರ್‌ಥಿಸ್, ಅಪ್ಣುನಖ್ಹಾರು ಆಶೀರ್ವಾದ್‍ಪರ್ ಆಶೀರ್ವಾದ್‌ ಮಳ್ಯು.

ಯೋಹಾನ 17:3

ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:35

ಅಮ್ ರ‍್ಹವಾಪರ್ ಕ್ರಿಸ್ತನಿ ಪ್ಯಾರ್‌ಥಿ ಅಪ್ಣುನ ಅಲಕ್ ಕರವಾಳು ಕೋಣ್? ವದೇಖ್ಹ್‌ಕಿ, ವಾಖ್ಯೋಕಿ, ಖ್ಹತಾಪ್ಣಿಕಿ, ಭುಕ್ಯೋಕಿ, ಪೆರ‍್ಹಾನ ಕೊಯ್ನಿತೇಕಿ, ನಘಾಡೋಮ್‌ಕಿ, ನತರ್ ಮರಣ್‌ಕಿ?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:39

ಊಚು಼ರ‍್ಹವೊ, ಗಧಾರ್‌ಮರ‍್ಹವೊ, ನತರ್ ಉಬ್‌ಜಾ಼ವ್ಣಿಮ ಛಾ಼ತೆ ಬಿಜು಼ ಖೆವೂಸ್‍ರ‍್ಹವೊ ಅಪ್ಣೊ ಪ್ರಭು ಹುಯಿರ‍್ಹೋತೆ ಕ್ರಿಸ್ತಯೇಸುಮ ಛಾ಼ತೆ ದೇವ್ನಿ ಪ್ಯಾರ್‌ಥಿ ಅಪ್ಣುನ ಅಲಕ್ ಕರ್ಶೆಕೊಯ್ನಿ.

2 ಕೊರಿಂಥ 5:14

ಕ್ರಿಸ್ತನಿ ಪ್ಯಾರ್‌ ಅಪ್ಣುನ ಖ್ಹೂಜ಼್‌ ಕರಾವಸ್, ಶನಕತೊ ಅಖ್ಖಾ ಅದ್ಮಿನಖ್ಹಾಜೆ ಏಕ್‌ ಅದ್ಮಿ ಮರ‍್ನುಕರಿ ಹಮೂನ ಮಾಲುಮ್‌ಛಾ಼. ಇನಾಖ್ಹಾಜೆ ಅಪ್ಣೆ ಅಖ್ಖುಜ಼ಣು ಮರಿಗಯಹುಯಾಮ ಭಾಗ್‌ ಹುಯಿರ‍್ಹಾಸ್.

ಗಲಾತ್ಯ 2:20

ಅಜು಼ ಜಿವ್‌ಕರೂಸ್ತೆ ಮೇಕಾಹೆ, ಕತೋಬಿ ಕ್ರಿಸ್ತ ಮಾರಮಹಿ ಜಿವವಾಳೊ ಹುಯಿರೊಸ್. ಹಮ್ಕೆ ಮೆ ಶರೀರ್‌ಮ ಜಿವ್ಣುಕರಾನು ಕಿಮ್ ಕತೊ ದೇವ್ನ ಛಿಯ್ಯಾಪರ‍್ಲಿ ವಿಶ್ವಾಸ್‌ಥೀಸ್. ಯೋ ಮನ ಪ್ಯಾರ್ ಕರೀನ್ ಮಾರ ಖ್ಹಾಜೇಥಿ ಇನಾಸ್ ದಿನಾಖಿದಿದೊ.

ಎಫೆಸ 1:23

ಸಬೆ ಕ್ರಿಸ್ತನು ಶರೀರ್ ಹುಯಿರ‍್ಹುಸ್, ಅಖ್ಖಾಸ್ನ ಅಖ್ಖಿ ತರಿಕಾಮಾಬಿ ದ್ಯವಾಳಥಿ ಯೊ ಭರ್‌ಪೂರ್‌ ಹುಯಿರ‍್ಹುಸ್.

ಎಫೆಸ 3:18

ತುಮೆ ಪ್ಯಾರ್‌ಮ ತಳ್‌ಗಾಠಿ ಭೀರೇವ್ಣು. ದೇವ್ನ ಅದ್ಮಿನ ಜೋ಼ಡೆ ಕ್ರಿಸ್ತನು ಪ್ಯಾರ್ ಕೆತ್ರೆ ಚೌ಼ಡು, ಲಾಂಬು, ಊಚು಼ ಗಧಾರ್, ಛಾ಼ಕರಿ ಮಾಲುಮ್ ಕರಾನಿ ಶಕತ್ ತುಮಾರಮ ರ‍್ಹವಾದೆ.

ಎಫೆಸ 5:2

ಕ್ರಿಸ್ತನೆ ಅಪ್ಣುನ ಪ್ಯಾರ್‌ಕರೀನ್ ಅಪ್ಣಖ್ಹಾಜೆ ಇನುಯೋಸ್ ದೇವ್ನ ಢಪ್ಕಾರಬಿ ಕಾಣ್‌ಕೆ ಹುಯಿನ್, ಬಲಿ ಸಮರ್ಪಣ್‌ ಹುಯೋತೆ ಪರಕ್ಮಸ್ ತುಮೇಬಿ ಪ್ಯಾರ್‌ಥಿ ಜಿವೊ.

ಎಫೆಸ 5:25

ಬಾವ್ರಿಯೆ, ಕ್ರಿಸ್ತ ಸಬೆನ ಪ್ಯಾರ್ ಕರಿನ್ ಜಾನ್‌ ದಿದೋತೆ ಇಮ್ಮಸ್ ತುಮಾರಿ ಬಾವ್ಣೆನ ಪ್ಯಾರ್‌ಕರೊ.

ಫಿಲಿಪ್ಪಿ 1:7

ತುಮಾರಿ ಬಾರೇಮ ಮನ ಅಮ್ ಬೋಲಾವಸ್ತೆ ಖ್ಹಾಚು಼ಸ್. ಶನಕತೊ ಮೆ ಬಂದಿ ಹುಯಿರ‍್ಹವಾನಿ ವಖ್ಹ್‌ತೆಬಿ, ಸುವಾರ್ತೆನಿ ಬಾರೇನು ಆಡ್‌ಫೇಡ್‌ಮಾಬಿ ತುಮೆಖ್ಹಾರು ಮಾರಜೋ಼ಡೆ ದೇವ್ನಿ ವಾರ್‌ಖ್ಹಾಮ ಭಾಗ್‌ವಾಳ ಹುಯಿರ‍್ಹಾಸ್ ಕರಿ ತುಮುನ ಮಾರ ದಿಲ್ಮ ರಾಖಿಮ್ಹೇಲ್ಯೋಸ್.

ಫಿಲಿಪ್ಪಿ 4:7

ಅಜು಼ ತದೆ ಅದ್ಮಿನ ಖ್ಹಯಾಲ್‌ಥೀಬಿ ಭಡಿರ‍್ಹವಾನು ದೇವ್ನಿ ಶಾಂತಿ ತುಮಾರ ದಿಲ್‌ನಾಬಿ ಸೋಚ್‌ನಾಬಿ ಕ್ರಿಸ್ತ ಯೇಸುಮ ಬಚಾ಼ಡ್‌ಶೆ.

ಕೊಲೊಸ್ಸೆ 1:10

ಪ್ರಭುನ ಪಸಂದ್ ಹುವಾನಿ ಪರಕ್ಮ ಖ್ಹಾರಿಸ್ ತರಾಮ ತುಮೆ ಲ್ಹಾಯೇಕ್ ಹುಯಿನ್ ಜಿವ್ಣುಕರ‍್ನು ಕರೀಬಿ ಹರೇಕ್‍ಥರಾನು ಅಛ಼್ಛುಕಾಮ್ನ ಕರ್ತುಹುಯಿನ್ ದೇವ್ನಿ ಅಕ್ಕಲ್‌ಮ ಭಡ್ತುಜಾ಼ವ್ಣು ಕರಿ,

1 ಪೇತ್ರ 1:8

ತುಮೆ ದೇವ್ನ ಡೋಳೇಥಿ ನಾ ದೇಖ್ಯಾತೋಬಿ ಇನ ಪ್ಯಾರ್ ಕರೋಸ್. ತುಮೆ ಹಮ್ಕೆ ಇನ ನಾದೇಖ್ಯಾತೊಬಿ ಇನಾಮ ವಿಶ್ವಾಸ್‍ಥಿ ಖ್ಹುಶಿ ಕರ್ಶು. ಶನಕತೊ ತುಮಾರು ವಿಶ್ವಾಸ್‍ನು ಫಲ್‍ಹುಯಿರ‍್ಹುತೆ ಆತ್ಮನು ರಕ್ಷಣೇನ ಲಿಲ್ಯಾವವಾಳ ಹುಯಿನ್ ಮಹಿಮೆನಿ ಖ್ಹುಶಿಕರ್‌ಶು.

2 ಪೇತ್ರ 3:18

ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್‌ಖ್ಹಾಮಾಬಿ ಗ್ಯಾನ್‌ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್‌ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.