ಎಫೆಸ 3:10 - ದೇವ್ನಿ ಖ್ಹಾಚಿ ವಚನ್

¹⁰ ಇನಖ್ಹಾಜೆ ಆ ಹಗಾಮ್ಮ ಸಬೇಥಿ ದೇವ್ನದೂತರ‍್ನು ಚ಼ಲಾವವಾಳು ಅಜು಼ ಪರಲೋಕ್‌ ರಾಜ್ಯನು, ಅದಿಕಾರಿಖ್ಹಾರು ಇನು ಗ್ಯಾನ್ ಬಿಜಿ ಪರಕ್ಮ ಶಿಕಾಡನಿಘೋಣಿ ಹೋಣುಕರಿ ಬೋಲಾನು ಇನಿ ಆಖ್ಹ್ ಹುಯಿರ‍್ಹೀಥಿ

ಎಫೆಸ 3:10 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:33

ಆಹಾ! ದೇವ್ನಿ ಗ್ಯಾನ್, ಅಕ್ಕಲ್‌ನು ಧನ್‍ದೌಲತ್ ಕೆತ್ರೆ ಗಧಾರ್‌ನು! ದೇವ್ನು ನ್ಯಾಯತೀರ್ಪ್‌ನ ಕೋಣ್‌ಬಿ ಛೋ಼ಡಿವತಾಳನ ಹುವಾಕೊಯ್ನಿ. ಇನ ಮಾರಗ್‌ನ ಢೂಂಡಿಕಾಡನ ಕಿನೇಥೀಬಿ ಹೋಯಿಕೊಯ್ನಿ!

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:38

ಶನಕತೊ ಮರಣ್ಣರ‍್ಹವೊ, ಜಾನ್ನರ‍್ಹವೊ, ದೇವ್‌ದೂತರ್‌ ರ‍್ಹವೊ, ದುರಾತ್ಮರ‍್ಹವೊ, ಸೊರ್ಗನೊ ಅದಿಕಾರಿ ಕೊಯಿನ್ತೊ ಶಕಥ್ಥಿರ‍್ಹವೊ. ಹಮ್ಕೇನಿ ಬಾರೇಮರ‍್ಹವೊ, ಖ್ಹಾಮ್ಣೇನಿ ಬಾರೇಮರ‍್ಹವೊ,

1 ಕೊರಿಂಥ 1:24

ಕತೋಬಿ ದೇವ್‍ಥಿ ಬುಲೈಲಿದಹುಯ ಅದ್ಮಿ ಯೆಹೂದ್ಯರ್ ಹುಯಿರ‍್ಹತೋಬಿ ಯೆಹೂದ್ಯರ್‌ಕಾಹೇತೆ ಹುಯಿರ‍್ಹುತೋಬಿ ಇವ್ಣುನ ಕ್ರಿಸ್ತಾಸ್ ದೇವ್ನಿ ಶಕತ್‍ ಹುಯಿರ‍್ಹೋಸ್. ಅಜು಼ ದೇವ್ನಿ ಅಕ್ಕಲ್ ಹುಯಿರೊಸ್.

1 ಕೊರಿಂಥ 2:7

ಅಪ್ಣೆತೋಬಿ ಹಮ್ಕೆಲಗು ದೇವ್ನಿ ಗಪ್ಲತ್ ಹುಯಿರ‍್ಹವಾನು ಅಕ್ಕಲ್‌ನಾಸ್ ಬೋಲೆಸ್. ಆ ಅಕ್ಕಲ್‍ ಅದ್ಮಿಖ್ಹಾರೇಥಿ ಲಪಾಡೈರ‍್ಹೂಸ್. ದೇವ್ನೆ ಅಪ್ಣ ಮಹಿಮೆನಖ್ಹಾಜೆ ಆ ಅಕ್ಕಲ್‍ನ ಜಗತ್‌ನು ಉಬ್‍ಜಾ಼ವ್ಣಿನ ಶುರುವಾತ್ನ ಅಗಾಡಿಸ್ ಚೂ಼ಣಿರಾಖ್ಯೊಸ್.

ಎಫೆಸ 1:21

ಕ್ರಿಸ್ತನಿ ಅದಿಕಾರ್‌, ಶಕತ್ ಆ ಜಗತ್‌ಮಾಸ್ ಕಾಹೆತೆಸ್ ಅಗಾಡಿ ಆವ್‌ಶೇತೆ ಜಗತ್‌ಮ ಛಾ಼ತೆ ಖ್ಹಾರ ಜ಼ಣನ ಉಪ್ಪರ್‌ಬಿ ಅಖ್ಖನಾಮ್ನ ಉಪ್ಪರ್‌ಬಿ ಪರಲೋಕ್‍ಮ ಇನ ಇನು ಖಾವಿಬಾಜು಼ಮ ಬೆಖ್ಹಾಡಿಲಿದೊ.

ಎಫೆಸ 1:23

ಸಬೆ ಕ್ರಿಸ್ತನು ಶರೀರ್ ಹುಯಿರ‍್ಹುಸ್, ಅಖ್ಖಾಸ್ನ ಅಖ್ಖಿ ತರಿಕಾಮಾಬಿ ದ್ಯವಾಳಥಿ ಯೊ ಭರ್‌ಪೂರ್‌ ಹುಯಿರ‍್ಹುಸ್.

ಎಫೆಸ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಅಜು಼ ಬಾ ಹುಯಿರ‍್ಹೋತೆ ಇನ ಧನ್ಯವಾದ್ ಹುವಾದೆ, ಕ್ರಿಸ್ತನಿ ಗಳ್‌ಜೋ಼ಡ್ಮ ಇನೆ ಪರಲೋಕ್‍ಮ ಛಾ಼ತೆ ಹರೇಕ್ ಆತ್ಮೀಕ್ ಆಶೀರ್ವಾದ್‌ಖ್ಹಾರು ಅಪ್ಣುನ ದಿರಾಖ್ಯೊಸ್.

ಎಫೆಸ 1:8

ದೇವ್ನೆ ಇನಿ ಹರೇಕ್ ಗ್ಯಾನ್ ಅಜು಼ ಅಕ್ಕಲ್‍ಥಿ ಅಪ್ಣುನ ಯೊ ವಾರ್‌ಖ್ಹಾನ ಚೆಹೆಳ್‌ಥಿ ದಿರಾಖ್ಯೊಸ್.

ಎಫೆಸ 6:12

ಶನಕತೊ ಅಪ್ಣೆ ಲಡಾನು ಖಲಿ ಅದ್ಮಿನ ಜೋ಼ಡೆ ಕಾಹೆ. ಕತೋಬಿ ಅಪ್ಣಿ ಖ್ಹೂಜ಼್‌ ರಾಜ಼್‌ನ ಉಪ್ಪರ್‌ಬಿ, ಅದಿಕಾರಿನ ಉಪ್ಪರ್‌ಬಿ, ಆ ಅಂಧಾರನಿ ಜಗತ್ನಿ ಅದಿಪತಿನ ಉಪ್ಪರ್‌ಬಿ, ಆಸ್ಮಾನ್ನ ಗೋಳಾಮ ಛಾ಼ತೆ ನಾಶ್ ಕರಾನಿ ಆತ್ಮಾನಿ ದಂಡ್ ಉಪ್ಪರ್‌ಬಿ, ಅಪ್ಣೆ ಲಡವಾಳ ಹುಯಿರ‍್ಹಾಸ್.

ಕೊಲೊಸ್ಸೆ 1:16

ಶನಕತೊ ಜ಼ಮೀನ್ಮ ಛಾ಼ತೆ ಪರ್‌ಲೋಕ್ಮ ಛಾ಼ತೆ, ದೆಖಾವತೆ ಬಿಣ್‍ದೆಖಾವಾತೆ ಖ್ಹಾರೂಸ್, ಸಿಂಹಾಸನ್ ರ‍್ಹವೊ, ದೇಖ್ಹ್‌ಮ ರ‍್ಹವಾನಿ ಕಾನೂಲ್‌ ರ‍್ಹವೊ, ಅದಿಕಾರಿಖ್ಹಾರು ರ‍್ಹವೊ, ಇನೇಥಿ ಉಬ್‍ಜು. ಖ್ಹಾರೂಸ್‍ಬಿ ಇನೇಥಿಸ್, ಇನಖ್ಹಾಜೇಸ್ ಉಬ್‍ಜೈ಼ಗಯು.

ಕೊಲೊಸ್ಸೆ 2:10

ಯೋಸ್ ಅಖ್ಖಾಸ್ ರಾಜ಼್‌ನಾಬಿ, ಅದಿಕಾರ್‌ನಾಬಿ ಮುಡ್‌ಕ್ಯು ಹುಯಿರ‍್ಹೋಸ್ತೆ ಖ್ಹಾಜೆ. ತುಮೆ ಇನಾಮ ರ‍್ಹೀನಸ್ ಅಖ್ಖಾಸ್ನ ಲೀಲ್ಯಾವವಾಳ ಹುಯಿರ‍್ಹಾಸ್.

ಕೊಲೊಸ್ಸೆ 2:15

ದೇವ್ ಇನ ವಿರೋದ್ ಹುಯಿರ‍್ಹುಥೂತೆ ರಾಜ್‍಼ನಾಬಿ, ಅದಿಕಾರ್‌ನಾಬಿ, ಯೋ ಅಖ್ಖಾನ ಬಿಣ್‍ ಖಪ್ಫನ್‌ವಾಳ ಬಣೈನ್ ಶಿಲ್‌ಬೇನು ಜೀತ್ಮ ಯೋ ಅಖ್ಖಾನ ಹಿಡಿ ಜಗತ್ನ ಖ್ಹಾಮ್ಣೆ ವತಾಳ್ಯೊ.

1 ತಿಮೊ 3:16

ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.

1 ಪೇತ್ರ 1:12

ಪರ್‌ಲೋಕ್‌ಥು ಮೋಕ್‍ಲೈರ‍್ಹುತೆ ಪರಿಶುದ್ದಆತ್ಮಥಿ ತುಮುನ ಸುವಾರ್ತೆನ ಬೋಲವಾಳು ಹಮ್ಕೆ ತುಮುನ ಖ್ಹಮ್‍ಜಾ಼ಡನಿತರ ಅಜು಼ ದೂತರ್ ಡೋಳಲಗಾಡಿನ್ ದೇಕ್ಣು ಕರಿ ಅಖ್ಹ್‌ಕರ‍್ಯುತೆತಿಮ್‍ ಅಖ್ಖಕಾಮ್ಮ ಇವ್ಣಖ್ಹಾಜೆ ಕಾಹೆ ಅಪ್ಣ ಖ್ಹಾಜೆಸ್ ಸೇವೆ ಕರಿರಾಖ್ಯುಸ್‌ಕರಿ ಇವ್ಣುನ ದೆಖಾಯು.

1 ಪೇತ್ರ 3:22

ಹಮ್ಕೆ ಯೇಸು ಪರ್‌ಲೋಕ್ನ ಜೈ಼ನ್ ದೇವ್ನ ಖಾವಿಬಾಜು಼ಮ ಬೇಠೋಸ್. ಖ್ಹಾರುಸ್ ದೇವ್‌ದೂತರ್‌ಬಿ ಪರಲೋಕ್ನು ಅದಿಕಾರಿಖ್ಹಾರು ಅಜು಼ ಶಕತ್‍ಖ್ಹಾರನ ಉಪ್ಪರ್ ಯೊ ರಾಜ಼್‌ಭಾರ್ ಚ಼ಲವ್‍ಕರಸ್.