ಎಫೆಸ 2:9 - ದೇವ್ನಿ ಖ್ಹಾಚಿ ವಚನ್

⁹ ಆ ರಕ್ಷಣೆ ಕೆಹೂಬಿ ಅಛ್ಛು಼ ಕಾಮ್‍ಥಿ ಹುಯುತೆ ಕಾಹೆ, ಇನಖ್ಹಾಜೆ ಇವ್ಣು ಇವ್ಣೆಸ್ ಖ್ಹರೈಲ್ಯಾವಾನು ಜ಼ರೂರತ್ ಕೊಯ್ನಿ.

ಎಫೆಸ 2:9 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:6

ಯೋ ಚು಼ನಾವ್ಣಿ ಕಾಮ್ನಿ ಅದಾರ್‌ಪರ್ ಕಾಹೆ, ವಾರ್‌ಖ್ಹೇಥಿಸ್ ಹುಯಿರ‍್ಹೇಸ್. ಕಾಮ್‍ಥಿ ಯೋ ಹುಯಿರ‍್ಹಯುತೊ ಅಜು಼ ಕದೇಬಿ ದೇವ್ನಿ ಕೃಪಾವರ ಕೃಪೆ ಹುಯಿರ‍್ಹಿಶೆಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:20

ಶನಕತೊ ಖಿವು ಅದ್ಮಿ ರ‍್ಹಿಯೊತೋಬಿ ದೇವ್ನಿ ನಿಯಮ್ಮ ಧರ್ಮಶಾಸ್ತ್ರನ ಪಾಡಿಚ಼ಲಾಥಿ ನೀತಿವಾಳೊಕರಿ ಹುವಾನ ಕಿನೇಥೀಬಿ ಉಶೆಕೊಯ್ನಿ. ಧರ್ಮಶಾಸ್ತ್ರ ಅಪ್ಣಿ ಪಾಪ್ನಖಲಿ ವತಾಳಸ್‍ ಎತ್ರೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:2

ಅಬ್ರಹಾಮ್ ಇನ ಅಛ಼್ಛಕಾಮ್‌ಥಿ ನೀತಿವಾಳೊಕರಿ ತೀರ್ಪ್‌ಲ್ಯವಾಳೊ ಹುಯಿರೊಹೊತ್ತೊ ಖ್ಹರಾವ್ಣಿ ಕರೈಲ್ಯಾವಾನ ಇನ ಮೋಕ ರ‍್ಹಿಯುಹೊತ್. ಕತೋಬಿ ದೇವ್ನ ಖ್ಹಾಮ್ಣೆ ಕಾಹೆ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:11

ಅಮ್ ಯೋ ಲಡ್ಕಾ ಪೈದಹುವಾನ ಅಗಾಡಿ, ಅಛ಼್ಛು ನತರ್ ಗಲತ್‌ ಕರಾನ ಅಗಾಡಿಸ್, ಮೋಟೊ ನ್ಹಾನನ ಚಾ಼ಕ್ರಿಕರ್ಶೆ ಕರಿ ರೆಬೆಕ್ಕನ ಬೋಲೈರ‍್ಹೂಥು.ಅನೇಥಿ ದೇವ್ ದಿಲ್‍ರ‍್ಹೇಸ್ತೆ ಇನ ಚೂ಼ಣಿಲೇಸ್‍ಕರಿ ಬೋಲಾನು ಖ್ಹೂಜ಼್ ಘಟ್‍ರ‍್ಹೇಣುಕರಿ ವತಾಳಿಲಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:16

ಅನಖ್ಹಾಜೆ ಆ ಅದ್ಮಿನ ಆಖ್ಹ್ ಮ್ಹಿನಥ್ಥಿ ಹುಯುಕೊಂತೆ, ದೇವ್ನ ಗೋರ್‌ಥೀಸ್ ಹುಯಿರ‍್ಹೂಸ್.

2 ತಿಮೊ 1:9

ಇನೆ ಅಪ್ಣಾಮ ಛಾ಼ತೆ ಅಛ಼್ಛಕಾಮ್‌ನ ದೇಖ್ಯೊತೆ ಇನಖ್ಹಾಜೆ ಕಾಹೆ. ಇನಿ ಖ್ಹೂಜ಼್‍ಥಿ ಅಜು಼ ವಾರ್‌ಖ್ಹೇಥಿ ಅಪ್ಣುನ ಬಚಾ಼ಡಿನ್ ಪರಿಶುದ್ ಹುವಾನ ಬುಲಾಯೊ, ಇನೆ ಜ಼ಗ್‌ಜ಼ಮಾನೇಥಿ ಯೊ ವಾರ್‌ಖ್ಹೊ ಯೇಸು ಕ್ರಿಸ್ತಥಿ ಅಪ್ಣುನ ಮಳ್ಯು.