ಎಫೆಸ 2:8 - ದೇವ್ನಿ ಖ್ಹಾಚಿ ವಚನ್

⁸ ವಿಶ್ವಾಸ್‌ನಿ ಕೃಪೆಥಿಸ್ ತುಮೆ ರಕ್ಷಣೆ ಲೀರಾಖವಾಳ ಹುಯಿರ‍್ಹಾಸ್. ಆ ಬಚಾ಼ವ್ಣಿ ಅಪ್ಣಕಾಮ್ನು ಫಲ್‌ಕಾಹೆ, ಯೊ ದೇವ್‌ನು ಧರಮಸ್.

ಎಫೆಸ 2:8 ပူးပေါင်းရင်းမြစ်များ

ಮತ್ತಾಯ 16:17

ಯೇಸುನೆ, “ಯೋನಾನೊ ಛಿಯ್ಯೊ ಸೀಮೋನ, ತೂ ಧನ್ಯ ಹುಯಿರ‍್ಹೋಸ್! ಆ ಖ್ಹಾಚ಼ನ ತುನ ಮಾಲುಮ್ ಕರಾಯೂತೆ ಅದ್ಮಿನೆ ಕಾಹೆ, ಪಣ್ಕಿ ಸೊರ್ಗಾಮ ಛಾ಼ತೆ ಮಾರ ಬಾನೇಸ್ ಆ ಖ್ಹೂಜ಼್‌ ಕರಾಯೋತೆ ಕರಿ ಬೋಲ್ಯೊ.

ಮತ್ತಾಯ 20:9

ಪಾಚ಼್ ಘಂಟಾನ ಕೂಲಿನ ಆಯುಥೂತೆ ಆಳ್‌ ಖ್ಹಾರಾನಾಬಿ ಏಕೇಕ್‌ ರೂಪಾನುಬಿಲ್ಲಾ ಮಳ್ಯು.

ಮಾರ್ಕ 16:16

ನಂಬಿನ್, ಬ್ಯಾಪ್ತಿಸ್ಮ ಕರೈಲೆವಾಳು ದೇವ್ನಿ ನ್ಯಾವ್‍ನಿ ತೀರ್ಪ್‌ಥಿ ಬಚಿನ್ ಪರ್‌ಲೋಕ್‌ಮ ಜಾ಼ಶೆ; ಕೋಣ್ ನಂಬಾಕೊಯ್ನಿಕಿ ಇವ್ಣುನ ನಿಶತ್‌ಮಳ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:50

ಕತೋಬಿ ಯೇಸುನೆ ಯೋ ತಯೇಡಾನ, “ತಾರಿ ವಿಶ್ವಾಸಸ್ ತುನ ಬಚಾ಼ಡ್ಯು; ಶಾಂತಿಥಿ ಜಾ಼” ಕರಿ ಬೋಲ್ಯೊ.

ಯೋಹಾನ 3:36

ಇನ ಛಿಯ್ಯಾನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಛಾ಼; ಕತೋಬಿ ಛಿಯ್ಯಾನಿ ವಾತೆನ ಝಿಟ್ಕಾರಸ್ಕಿ ಇವ್ಣುನ ಯೋ ಜಿ಼ಂದ್‌ಗಿ ಮಳ್‌ಶೆ ಕೊಯ್ನಿ, ಅಜು಼ ದೇವ್‌ನೊ ಇರಾದೊ ಇವ್ಣಾಪರ್ ರ‍್ಹಿಶೆ” ಕರಿ ಬೋಲ್ಯೊ.

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಯೋಹಾನ 5:24

“ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮಾರಿ ವಾತೇನ ಖ್ಹಮ್‌ಜಿನ್‌, ಮನ ಮೋಕ್‌ಲ್ಯೊತೆ ಇನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹೀಸ್‌. ಇನ ತೀರ್ಪ್ ಕೋ ಉಶೇನಿ; ಯೋ ಮರಣ್ಣ ಉಲಾಂಗಿನ್, ಜಾನ್‌ಮ ಪೇಶಿರ‍್ಹೋಸ್‌.

ಯೋಹಾನ 6:35

ಯೇಸುನೆ ಇವ್ಣುನ, “ಮೇಸ್ ಜಾನ್ನೊ ರೋಟೊ,‌ ಮಾರಕನ ಆವಾಳಾನ ಕದೇಬಿ ಭುಕ್ ಕೋ ಲಾಗ್‌ಶೇನಿ. ಮಾರಾಮ ವಿಶ್ವಾಸ್‌ ಕರಾವಾಳನ ಕದೇಬಿ ಠೋಖ್ಹ್‌ ಕೋ ಲಾಗ್‌ಶೇನಿ.

ಯೋಹಾನ 6:37

ಬಾ ಮನ ದೇಸ್ತೆ ಇವ್ಣೆ ಖ್ಹಾರು ಮಾರಕನ ಆವ್‌ಶೆ, ಅಜು಼ ಮಾರಕನ ಆವಾಳಾನ ಪಾಛು಼ಮೇ ಧಕೇಲಿಶ್‌ ಕೊಯ್ನಿ.

ಯೋಹಾನ 6:40

ಇನಾಟೇಕೆ ಛಿಯ್ಯಾನ ದೇಖಿನ್‌, ಇನಾಮ ವಿಶ್ವಾಸ್‌ ಕರಾವಾಳ ಹರೇಕ್ನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಬೋಲಾನು ಬಾನಿ ಮರ್ಜಿ ಹುಯಿರ‍್ಹುಸ್‍, ಅಜು಼ ಖ್ಹರ್ತಿನ ದನ್ಮ ಮೇ ಇವ್ಣುನ ಪಾಛು಼ ಜಿವ್ತು ಉಠಾಡಿಶ್‌” ಕರಿ ಬೋಲ್ಯೊ.

ಯೋಹಾನ 6:44

ಮನ ಮೋಕ್‌ಲ್ಯೊತೆ ಬಾ ಮಾರಕನ ಅದ್ಮಿನ ಮೋಕ್ಲಾಸ್‌; ಅಜು಼ ಮೇ ಇವ್ಣುನ ಖ್ಹರ್ತಿನ ದನ್ಮ ಜಿವ್ತು ಉಠಾಡಿಶ್‌, ಬಾನೆ ಮೋಕ್‌ಲ್ಯೊಕೊಂತೆ ಕೋಣ್‌ಬಿ ಮಾರಕನ ಆವಾನ ಕೋ ಹುವಾನಿ.

ಯೋಹಾನ 6:65

ಅಜು಼ ಯೇಸುನೆ ಬೋಲ್ತೊ ಹುಯಿನ್, “ಬಾನಿ ಮರ್ಜಿಕೊಂತೆ ಕೋಣ್‌ಬಿ ಮಾರಕನ ಆವಾನ ಕೋ ಹುವಾನಿ ಕರಿ ಮೇ ತುಮೂನ ಬೋಲ್ಯೊತೆ ಅನಾಖ್ಹಾಜೆ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:39

ಅನಖ್ಹಾಜೆಸ್ ಯೇಸುಮ ವಿಶ್ವಾಸ್ ಕರಾವಾಳ ಹರೇಕ್‍ಜ಼ಣಾನ ಇನೇಥಿಸ್ ಇವ್ಣ ಅಖ್ಖಾಪಾಪ್‍ನ ಕ್ಷಮಾಪಣ್ ಮಳ್‍ಶೆ. ಧರ್ಮಶಾಸ್ತ್ರಥಿ ತುಮಾರಿ ಪಾಪ್ನ ಛೋ಼ಡಾವನ ಹುವಾಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:27

ಪೌಲ,ಬಾರ್ನಬ ಅಂತಿಯೋಕ್ಯನ ಆಯಿನ್ ಹಿಜ಼್ಜಾನಿ ಸಬೆವಾಳನ ಎಕ್ಟು ಕರಿನ್, ದೇವ್ನೆ ಇವ್ಣಿಜೋ಼ಡೆ ರ‍್ಹೀನ್ ಕರ‍್ಯೊತೆ ಅಖ್ಖಾಕಾಮ್ನಿ ಬಾರೇಮ ಇವ್ಣುನ ಖ್ಹಮ್‍ಜಾ಼ಡ್ಯ. ಬಿಜು಼ “ಯೆಹೂದ್ಯರ್‌ಕಾಹೆತೆ ಇವ್ಣೇಬಿ ವಿಶ್ವಾಸ್ ಕರಾನಿತರ ದೇವ್ ಬಾಕಲ್ ಉಖ್ಡಿರಾಖ್ಯೋಸ್!” ಕರಿ ಬೋಲಿವತಾಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:11

ಇನಖ್ಹಾಜೆ ಹಮೆರ‍್ಹೇವೊ ಅವ್ಣೆ ರ‍್ಹವೊ ರಕ್ಷಣೆ ಲೀಲ್ಯಾವಾನು, ಪ್ರಭುಹುಯಿರ‍್ಹೋತೆ ಯೇಸುನಿ ಗೋರ್‌ಥೀಸ್ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:14

ಹಮಾರಿ ಬೋಧನೆ ಖ್ಹಮ್‍ಜ್ಯುತೆ ತಯೇಡಾವ್ಮ ಲಿಡಿಯಾಬಿ ಏಕ್‍ಜ಼ಣಿ. ಆ ಹೈರಿತೆ ಥುವತೈರ ಖ್ಹಯೇರ್‌ವಾಳಿ; ಹೈರಿತೆ ರಾಯಿಜಾ಼ಮಣ್ಣ ರಂಗ್ನು ಲುಂಗ್ಡು ವೇಚಿನ್ ಧಂದೊ ಕರಾವಾಳಿ ಹುಯಿರ‍್ಹೀಥಿ. ಆ ಖ್ಹಾಚ ದೇವ್ನ ಆರಾದನೆ ಕರ್ತೀಥಿ. ಪೌಲನ ಬೋಧನೆನ ಕಾನ್‍ಜೋ಼ಡಿ ಖ್ಹಮ್‍ಜಾ಼ನಿತರ ಪ್ರಭುನೆ ಇನ ದಿಲ್ನ ಛೋ಼ಡಾಯೊ. ಪೌಲನೆ ಬೋಲ್ಯೊತೆ ಖ್ಹಾರು ಇನೆ ವಿಶ್ವಾಸ್‌ಕರಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:31

ಇವ್ಣೆ ಇನ, “ಪ್ರಭು ಯೇಸುಪರ್ ವಿಶ್ವಾಸ್ ಕರ್‌ ತದೆ ತುನಾಬಿ ತಾರ ಘರ್‌ವಾಳಾನಾಬಿ ರಕ್ಷಣೆ ಮಳ್‌ಶೆ” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:14

ಕತೋಬಿ ಪ್ರಭುಮ ವಿಶ್ವಾಸ್ ನಾರ‍್ಹಯುತೊ ಇನ ನಾಮ್ನ ಬೋಲಿಲ್ಯವಾನುಬಿ ಕಿಮ್? ಇವ್ಣೆ ಸಂದೇಶ್ ಖ್ಹಮ್‍ಜ್ಯುನಾತೊ ಇನಾಪರ್ ವಿಶ್ವಾಸ್ ಕರಾನುಬಿ ಕಿಮ್? ಬೋಲವಾಳೊ ನಾರ‍್ಹಯೊತೊ ಇವ್ಣೆ ಖ್ಹಮ್‍ಜಾ಼ನು ಕಿಮ್? ಸುವಾರ್ತೆನ ಫೈಲಾವಾಳೊ ನಾಮೋಕ್‌ಲಾಯೊತೊ ಬೋಲಾನುಬಿ ಕಿಮ್?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:17

ಇನಖ್ಹಾಜೆ, ಬೋಲಾತೆ ಸುವಾರ್ತೆನ ಖ್ಹಮ್‍ಜಾ಼ಥಿ ವಿಶ್ವಾಸ್ ಆವಸ್, ಯೋ ಖಿವುಕತೊ ಕ್ರಿಸ್ತನಿ ಬಾರೇನಿ ವಚನ್‍ ಹುಯಿರ‍್ಹಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:16

ಇನಖ್ಹಾಜೆ ಯೋ ವಾಗ್ದಾನ ವಾರ್‌ಖ್ಹೇಥಿಸ್ ಮಳಸ್. ಆ ವಾಗ್ದಾನ್ ಧರ್ಮಶಾಸ್ತ್ರನ ಆಧಾರ್ ಹುಯಿರ‍್ಹುತೆ ಇವ್ಣುನಾಸ್ ಕಾಹೆತೆ, ಅಬ್ರಹಾಮ್‌ನಬಿ ಇನಿ ಪಿಳ್ಗಿವಾಳಾನ ಫುಗಟ್‍ಥಿ ಮಳಾಸ್ತೆ ವಾಗ್ದಾನಸ್ ಇನಾಮ್ ಹುಯಿರ‍್ಹುಸ್. ಅಮ್‌ ಅವ್ಣೆ ಅಬ್ರಹಾಮ್‌ನಿ ಘೋಣಿ ಭರೋಖ್ಹೊ ಕರ್ಶೆ ಶನಕತೊ ಯೋ ಅಪ್ಣಖ್ಹಾರಸ್‍ನ ಬಾ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:5

ಕತೋಬಿ ಏಕ್‌ ಜ಼ಣೊ ಇನು ಶೊಂತ್ ಕಾಮ್ನ ಉಪ್ಪರ್ ವಿಶ್ವಾಸ್ ಕರಾನು ಮ್ಹೇಲಿನ್, ಗಲ್ತಿವಾಳಾನ ನೀತಿವಾಳೊಕರಿ ಕರಾವಾಳ ದೇವ್ನ ಉಪ್ಪರ್ ಇನಿ ವಿಶ್ವಾಸ್ ಕರಾನುರ‍್ಹಿಯುತೊ ಆ ಇನೊ ಭರೋಖ್ಹೊ ಇನ ನೀತಿವಾಳೊಕರಿ ಗಣ್ತಿಕರಸ್‍.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:16

ಅನಖ್ಹಾಜೆ ಆ ಅದ್ಮಿನ ಆಖ್ಹ್ ಮ್ಹಿನಥ್ಥಿ ಹುಯುಕೊಂತೆ, ದೇವ್ನ ಗೋರ್‌ಥೀಸ್ ಹುಯಿರ‍್ಹೂಸ್.

ಗಲಾತ್ಯ 3:14

ಅನೇಥಿ ಅಬ್ರಹಾಮ್‌ನ ಹುಯೂತೆ ಆಶೀರ್ವಾದ್‌ ಯೇಸುಥಿ ಯೆಹೂದ್ಯರ್‌ಕಾಹೆತೆ ಅದ್ಮಿವ್‌ನ ಮಳಾನಿಘೊಣಿ ಹೋಣುಕರಿ ಅಮ್ ವಿಶ್ವಾಸ್‌ನಿ ಬಾರೇಥಿ ದೇವ್‍ಥಿ ವಾಗ್ದಾನ್ ಹುಯೂತೆ ಪವಿತ್ರಾತ್ಮ ಅಪ್ಣುನ ಮಳಾನಿತರ ಹುಯು.

ಗಲಾತ್ಯ 3:22

ಹಿಡಿ ಜಗತ್‌ ಪಾಪ್ನ ಅಧೀನ್ ಹುಯ್ಗಕರಿ ಪವಿತ್ರ ದಪ್ತರ್‌ ಬರೋಬರ್‌ಥಿ ವತಾಳಸ್‍. ಅಮ್‌ರ‍್ಹವಾಪರ್ ವಾಗ್ದಾನ್ನ ಫಲ್ನ ಯೇಸುಮ ನಂಬಾವಳನ ಇವ್ಣ ವಿಶ್ವಾಸ್ ಆಧಾರ್‌ಪರ್ ದೆವಾವಸ್.

ಎಫೆಸ 1:19

ಅಜು಼ ವಿಶ್ವಾಸ್‌ಕರವಾಳ ಅಪ್ಣುನ ಇನಿ ತಾಖತ್ ಕೆತ್ರೆ ಊಚು಼ ಹುಯಿರ‍್ಹುಸ್, ಯೋ ಅಪ್ಣಾಮ ಕಾಮ್ ಕರಸ್. ಆ ಶಕತ್ ಅಪ್ಣಾಮ ಮೋಟಿ ಶಕತ್ನುಬಿ, ಕಾಮ್ ಕರಾನುಬಿ ಹುಯಿರ‍್ಹುಸ್.

ಎಫೆಸ 2:10

ಅಪ್ಣೇತೊ ದೇವ್ನೆ ಕರ‍್ಯೊತೆ ಬಣಾವಟ್‌ಅಖ್ಖು. ಕ್ರಿಸ್ತ ಯೇಸುಮ ಅಛ಼್ಛು ಕಾಮ್ನಖ್ಹಾರು ಕರ್ತಹುಯಿನ್ ಜಿವ್ಣುಕರಿ ಇನೆ ಪಹಿಲೆ ಖ್ಹೂಜ಼್‌ಕರ‍್ಯೊತೆ ಇಮ್ಮಸ್ ದೇವ್ನೆ ಅಪ್ಣುನ ಉಬ್‌ಜೈ಼ರಾಖ್ಯೋಸ್.

ಎಫೆಸ 2:5

ಖರಾಬ್ ಕಾಮ್ನ ಖ್ಹಾಜೇಥಿ ಆತ್ಮೀಕ್ ಪರಕ್ಮ ಮರಿಗಯಥಾತೆ ಅಪ್ಣುನ ಕ್ರಿಸ್ತನ ಜೋ಼ಡೆ ಜಿವಾಡ್ಯೊ.ಆ ರಕ್ಷಣೆ ತುಮೆ ಲೀರಾಖ್ಯಾಸ್ತೆ ದೇವ್ನಿ ವಾರ್‌ಖ್ಹೇಥಿಸ್.

ಫಿಲಿಪ್ಪಿ 1:29

ಕ್ರಿಸ್ತನವಾಳಾನ ಹಾತ್‌ ಫೈಲೈನ್ ದ್ಯವಾಳ ಹುಯಿರೇವೊ. ಕ್ರಿಸ್ತಪರ್ ವಿಶ್ವಾಸ್‌ರಾಖಾನು ಖಲಿ ಕಾಹೆ ಇನಖ್ಹಾಜೆ ವದೇಖ್ಹ್‌ಪಡಾನುಬಿ ಅಛ್ಛು಼ ವರ ಮಳಿರ‍್ಹೂಸ್‌.

ಕೊಲೊಸ್ಸೆ 2:12

ತುಮೆ ಬ್ಯಾಪ್ತಿಸ್ಮಥಿ ಕ್ರಿಸ್ತನಿ ಜೋ಼ಡ್ಮ ಗಡೈಗಯ, ಅಜು಼ ಇನ ಮರ‍್ಯಾಹುಯಾಮಾಥು ಉಠಾಡ್ಯೋತೆ ದೇವ್ನಿ ಶಕತ್ಮ ವಿಶ್ವಾಸ್ ಕರ‍್ಯಾತೆ ಇನಖ್ಹಾಜೆ ತುಮೆ ಇನಿ ಜೋ಼ಡ್ಮ ಉಠೀನ್ ಆಯ.

2 ಥೆಸ 1:9

ಪ್ರಭು ಇವ್ಣುನ ಇನಿ ಮಹಿಮೆನಿ ಶಕತ್ನ ಖ್ಹಾಮ್ಣೇಥು ಹಟೈನಾಖಿದಿನ್ ಇವ್ಣುನ ಹರ್‌ಹಮೇಶಾನು ನಿಶತ್‌ ದಿಶೆ.

ಇಬ್ರಿ 6:4

ಶನಕತೊ ಏಕ್‌ಹಲ್ಲ ಉಜಾ಼ಳನ ಲೀರಾಖ್ಯುಸ್‌ಕಿ ಅಜು಼ ಕೋಣ್ ಪರಲೋಕ್‌ನ ವಾರ್ಖ್ಹಾನಿ ಲಜ಼ತ್‌ ದೇಖಿರಾಖ್ಯುಸ್ಕಿ ಅಜು಼ ಪವಿತ್ರಾತ್ಮಮ ವಾಟೊ ಲೀರಾಖ್ಯುಸ್ಕಿ,

1 ಪೇತ್ರ 1:5

ಕಡ್‍ಶೀನ ದನ್ಮ ಮಾಲುಮ್‌ ಹುವಾನ ತಯ್ಯಾರ್‌ಹುಯಿರ‍್ಹುತೆ ರಕ್ಷಣೆ ವಿಶ್ವಾಸ್ ಕರಾವಾಳ ತುಮುನ ಮಳ್‌ಣುಕರಿ ದೇವ್ ತುಮುನ ಇನಿ ಶಕಥ್ಥಿ ಬಚಾ಼ಡಸ್.