ಎಫೆಸ 2:6 - ದೇವ್ನಿ ಖ್ಹಾಚಿ ವಚನ್

⁶ ಕ್ರಿಸ್ತ ಯೇಸುನ ಗಳ್‌ಜೋ಼ಡ್ಮ ಅಪ್ಣುನ ಜಿವ್ತು ಉಠಾಡಿನ್ ಪರಲೋಕ್‍ಮ ಬೆಖ್ಹಾಡ್ಯೊ.

ಎಫೆಸ 2:6 ပူးပေါင်းရင်းမြစ်များ

ಮತ್ತಾಯ 26:29

ಮೇ ತುಮೂನ ಬೋಲುಸ್ಕಿ, ಹಂಕೇಥು ಧರೀನ್, ಬಾನಿ ರಾಜ್ಯಮ ನವು ದ್ರಾಕ್ಷಿನು ರಖ್ಹ್‌ ಪಿಯ್ಯಾನ ದನ್‌ತೋಡಿ, ಅನ ಮೇ ಪಾಛೊ಼ ಪೀಶಸ್ ಕೊಯ್ನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:37

ಯಜಮಾನ್ ಐನ್ ಬಾಕಲ್ ಮಾರಾನಿ ವಖ್ಹತ್‌ಮ, ಇವ್ಣೆ ಬಾಕಲ್ ಕಾಡಸ್‌. ಪಾಛೊ಼ ಪ್ರಭು ಫರಿಅಯಿನ್‌, ಕೆಹೊಖ್ಹಾರೊ ಆಳ್‌ ತೈಯಾರ್ ಹುಯಿರ‍್ಹಿನ್, ಇನಖ್ಹಾಜೆ ಜ಼ಪಿರ‍್ಹೇವಾನು ಯೋ ದೇಖಾಸ್ಕಿ ಇವ್ಣೆ ಧನ್ಯ ಹುಯಿರ‍್ಹಿಶೆ! ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಯೋ ಇನಿ ಕಂಬರ್‌ನ ಲುಂಗ್ಡು ಭಾಂದಿಲೀನ್, ಇವ್ಣುನ ಖಾಣನ ಬೆಖ್ಹಾಡಿನ್‌, ಇವ್ಣ ಖನ್ನೆ ಐನ್, ಇವ್ಣಿ ಚಾ಼ಕ್ರಿ ಕರ್ಶೆ.

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 14:3

ಮೇ ಜೈ಼ನ್‌, ತುಮಾರಖ್ಹಾಜೆ ಝ಼ಗೊ ತಯಾರ್ ಕರಾನ ಬಾದ್‌ಮ, ಪಾಛೊ಼ಅಯಿನ್‌, ತುಮೂನ ಮಾರ ಜೋ಼ಡೆ ಬುಲೈಲಿ ಜೈ಼ಶ್. ಅಮ್ಮಸ್ ಮೇ ಛೂ಼ತೆ ಝ಼ಗೋಮಾಸ್‌ ತುಮೇಬಿ ರ‍್ಹಿಶು.

ಎಫೆಸ 1:1

ದೇವ್ನಿ ಗಳ್‌ಜೋ಼ಡ್ಮ ಕ್ರಿಸ್ತ ಯೇಸುಮ ಅಪೊಸ್ತಲ ಹುಯಿರ‍್ಹೋಸ್ತೆ ಪೌಲ, ಎಫೆಸಮ ಛೇತೆ ದೇವ್ನ ಅದ್ಮಿನಾಬಿ, ವಿಶ್ವಾಸ್‌ವಾಳನಾಬಿ ಲಿಖಾನು ಶಾತ್‍ಕತೊ,

ಎಫೆಸ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಅಜು಼ ಬಾ ಹುಯಿರ‍್ಹೋತೆ ಇನ ಧನ್ಯವಾದ್ ಹುವಾದೆ, ಕ್ರಿಸ್ತನಿ ಗಳ್‌ಜೋ಼ಡ್ಮ ಇನೆ ಪರಲೋಕ್‍ಮ ಛಾ಼ತೆ ಹರೇಕ್ ಆತ್ಮೀಕ್ ಆಶೀರ್ವಾದ್‌ಖ್ಹಾರು ಅಪ್ಣುನ ದಿರಾಖ್ಯೊಸ್.

ಎಫೆಸ 2:10

ಅಪ್ಣೇತೊ ದೇವ್ನೆ ಕರ‍್ಯೊತೆ ಬಣಾವಟ್‌ಅಖ್ಖು. ಕ್ರಿಸ್ತ ಯೇಸುಮ ಅಛ಼್ಛು ಕಾಮ್ನಖ್ಹಾರು ಕರ್ತಹುಯಿನ್ ಜಿವ್ಣುಕರಿ ಇನೆ ಪಹಿಲೆ ಖ್ಹೂಜ಼್‌ಕರ‍್ಯೊತೆ ಇಮ್ಮಸ್ ದೇವ್ನೆ ಅಪ್ಣುನ ಉಬ್‌ಜೈ಼ರಾಖ್ಯೋಸ್.

ಎಫೆಸ 2:13

ಹಮ್ಕೆ ತುಮೆ ಏಕ್‌ ಘಡಿ,ದೇವ್‍ಥಿ ದೂರ್ ಹುಯಿರ‍್ಹಾಥ. ಕ್ರಿಸ್ತ ಯೇಸುನ ಲ್ಹೋಯಿಥೀಸ್‍ ಇನ ಗಳ್‍ಜೋ಼ಡ್ ಹುಯಿಗಾತೆ ಇನಖ್ಹಾಜೆ ದೇವ್ನ ಖನ್ನೆ ಅಪ್ಣುನ ಲೈರಾಖ್ಯಸ್.

ಕೊಲೊಸ್ಸೆ 1:18

ಸಬೆಕರಿ ಶರೀರ್‌ನ ಯೋ ಮುಡ್‌ಕ್ಯು ಹುಯಿರ‍್ಹೋಸ್. ಯೋಸ್ ಪಹಿಲೊ ಹುಯಿರ‍್ಹಿನ್ ಖ್ಹಾರಮಸ್ ಪಹಿಲೆ ರ‍್ಹವಾಳೊ ಹುಯಿನ್ ಯೋ ಮರ‍್ಯಾಹುಯಾಮಾಥು ಆಯೋತೆ ಫೈಲೋಟೊಬಿ ಹುಯಿರ‍್ಹೊಸ್.