ಎಫೆಸ 2:3 - ದೇವ್ನಿ ಖ್ಹಾಚಿ ವಚನ್

³ ಪಹಿಲೆ ಅಪ್ಣೇಬಿ ಇವ್ಣಿನಿತರಸ್ ಥಾ, ಶರೀರ್‌ನು ಆಖ್ಹ್‌ದಾಖ್ಹ್‌ನ ಪೂರ ಕರಾನಟೇಕೆ ಅಪ್ಣೆ ಕೊಶೀಷ್ ಕರುಕರ್ತಥ. ಶರೀರ್‌ನ ಆಖ್ಹ್‌ಮ ಪಡೀನ್, ಶರೀರ್ ಅಜು಼ ದಿಲ್ನಿ ಆಖ್ಹ್‌ನ ಅಪ್ಣೆ ಕರ‍್ಯಾ. ಇವ್ಣಿ ಛ಼ಂದ್‌ನಿತರ ಅಪ್ಣೇಬಿ ಜಿನು ಅಲಕ್‌ನಿಘೋಣಿ ದೇವ್ನ ಇರಾದಮ ಪಡ್ಯ.

ಎಫೆಸ 2:3 ပူးပေါင်းရင်းမြစ်များ

ಯೋಹಾನ 1:13

ಇವ್ಣೆ ಲ್ಹೋಯಿನಿ ಸಂಬಂದಾಥಿ ರ‍್ಹವೊ, ಶರೀರ್‌ನಿ ಆಖ್ಹ್‌ಥೀಬಿ ರ‍್ಹವೊ, ಪರ್ಖ್ಹಾನಿ ಖ್ಹಂಗ್‌ಥಿಬಿ ರ‍್ಹವೊ ಪೈದಹುಯುತೆ ಕಾಹೆ; ದೇವ್‌ಥೀಸ್ ಪೈದಹುಯುತೆ.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:16

ಖ್ಹತಮ್ ಹುಯಿಗೂತೆ ಹಗಾಮ್ಮ ದೇವ್ನೆ ಖ್ಹಾರ ಅದ್ಮಿವೋನ ಇವ್ಣಿ ಇವ್ಣಿ ಮರ್ಜಿಥಿ ಇವ್ಣುನ ಹೋಣುತೆ ಮಾರಗ್‌ಪರ್ ಚಾ಼ಲಾನ ಮ್ಹೆಲಿದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:24

ಇನಖ್ಹಾಜೆ ಅದ್ಮಿವೋನ ದಿಲ್ನಿ ಲಾಲಚ್‌ನಿಘೊಣಿ ಚಾ಼ಲಿಲಿನ್ ಇವ್ಣ ಇವ್ಣ ಶರೀರ್‌ನ ಇವ್ಣಮಹಿ ಖ್ಹರಮ್‌ ಕಡೈಲ್ಯವಾದೆಕರಿ ದೇವ್ನೆ ಇವ್ಣುನ ಕಚಿಂಡ್‌ ಚಾ಼ಲ್‌ಮ ಮ್ಹೇಲಿದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:30

ಏಕ್‌ ಹಗಾಮ್ಮ ತುಮೆ ಇನ ವಿಧೇಯ ಕೋಹುಯಿರಾಥಾನಿ. ಇವ್ಣು ಅವಿಧೇಯತೆಥಿ ತುಮೆ ಹಮ್ಕೆ ದೇವ್ನಿ ದಯಾ ಲೀರಾಖ್ಯಾಸ್,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:14

ಶರೀರ್‌ನ ಆಖ್ಹ್‌ನ ಚ಼ಲಾವನಖ್ಹಾಜೆ ನಕೊಸೋಚೊತೆ. ಪ್ರಭು ಕ್ರಿಸ್ತ ಯೇಸುನ ಕಫ್ಪನ್ನ ಫೆರಿಲೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:14

ಯೆಹೂದ್ಯರ್‌ಕಾಹೆತೆ ಇವ್ಣುನ ಧರ್ಮಶಾಸ್ತ್ರ ಕೊಯ್ನಿ ಕತೋಬಿ ಇವ್ಣೆ ಶಾತ್‌ ಕರಸ್ಕಿ ಯೋಅಖ್ಖು ಧರ್ಮಶಾಸ್ತ್ರನಿಮತ್ ರ‍್ಹೇಸ್. ಇವ್ಣುನ ಧರ್ಮಶಾಸ್ತ್ರ ನಾ ರ‍್ಹಯುತೋಬಿ ಇವ್ಣುನ ಇವ್ಣೇಸ್ ಧರ್ಮಶಾಸ್ತ್ರ ಹುಯಿರ‍್ಹೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:10

ಅಪ್ಣೆ ದೇವ್ನ ವಹೇರ‍್ಯ ಹುಯಿರ‍್ಹವಾನಿ ವಖ್ಹ್‌ತೇಸ್. ಅಪ್ಣುನ ಇನ ಛಿಯ್ಯಾನಿ ಮರಣ್‍ಥಿ ಅಪ್ಣುನ ಇನ ದೋಸ್ತಿಖ್ಹಾರ ಕರಿ ಬಣೈರಾಖ್ಯೊಸ್. ಹಮ್ಕೆ ಅಪ್ಣೆ ದೇವ್ನ ದೋಸ್ತಿಹುಯಿರಾತೆ ಇನಖ್ಹಾಜೆ ದೇವ್ ಇನ ಛಿಯ್ಯಾನ ಜಾನ್‌ಥಿ ಅಪ್ಣುನ ಕೆತ್ರೆ ಜಾ಼ಖ್ಹತ್ ರಕ್ಷಣೆ ನಾಮಳ್‍ನು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:9

ಕ್ರಿಸ್ತನ ಲ್ಹೋಯಿಥಿ ಅಪ್ಣೆ ಹಮ್ಕೆ ದೇವ್ನಿಜೋ಼ಡ್ಮ ನೀತಿವಾಳಕರಿ ಚೂ಼ಣೈರ‍್ಹಾಸ್. ದೇವ್ನ ಚ಼ಂಢಾಳ್‌ಥಿ ಇನಭಣಿಥು ಅಜೂ಼ಬಿ ಕೆತ್ರೆ ಘಣೇಥಿ ಬಚಿಜಾವಾಳ ಹುಯಿರ‍್ಹಿಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:12

ಇನಖ್ಹಾಜೆ ತುಮೆ ಶರೀರ್‌ನ ಖರಾಬ್ ಆಖ್ಹ್‌ಮ ನಾ ಪಡ್‍ನೂತೆ ತುಮಾರ ಮಟಿಜಾ಼ವಾಳ ಶರೀರ‍್ಮ ಪಾಪ್ ಹುಕುಮ್‌ ಚ಼ಲಾವನ ನಕೊಮ್ಹೇಲಿದೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:18

ಮಾರಾಮ, ಕತೊ ಶರೀರ್‌ನ ಅಧೀನ್ ಸ್ವಭಾವ್‍ಥಿ ಅಛ್ಛು಼ಶಾತ್‍ಬಿ ಜಿವ್‍ಕರಾಕೊಯ್ನಿ ಕರಿ ಮಾಲುಮ್‌ಛಾ಼. ಶನಕತೊ ಅಛ಼್ಛು ಕರ್ನುಕರಿ ಬೋಲಾನು ದಿಲ್‍ ಮಾರಾಮ ರ‍್ಹಯುತೋಬಿ ಇನ ಕರಾನ ಮನ ಕೊಹೋಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:22

ಕತೋಬಿ ದೇವ್ ಇನ ಇರಾದನ ದೆಖಾಡಿನ್ ಇನಿ ಶಕತ್ನ ವತಾಳಿನ್ ಭಡಾವ್‍ಣುಕರಿ ರ‍್ಹಯೊತೋಬಿ, ಇಮ್‌ ಕರ‍್ಯೊಕೊಂತೆ ಇನ ಇರಾದಮ ನಾಶಹುವಾಳನ ಘಣು ಠಂಡೊ ಹುಯಿನ್ ಖ್ಹಮಾಳಿಲ್ಯವಾನ ಆಖ್ಹ್‌ಕರ‍್ಯೊತೊ, ಕೋಣ್ ಶಾತ್‌ ಕರಾನ ಉಶೆ.

1 ಕೊರಿಂಥ 4:7

ತುನ ಬಿಜ಼ ಖ್ಹಾರಾಥೀಬಿ ಊಚೊ಼ಕರ‍್ಯೊಕೋಣ್? ದೇವ್‍ಥಿ ಲಿದೊಕೊಂತೆ ತಾರಾಮ ಏಕ್‍ತೋಬಿ ಛಾ಼ಕಿಶು? ಅಮ್ ಅಖ್ಖೂಸ್ ದೇವ್‍ಥಿ ಲ್ಯವಾಪರ್ ಲಿದೊಕೊಂತೆ ತಿಮ್ ಖ್ಹರಾವ್ಣಿ ಶನಕಾಡಿಲೇಸ್?

2 ಕೊರಿಂಥ 7:1

ಪ್ಯಾರ್‌ನ ದೋಸ್ತಿವೊ ಅಪ್ಣೆ ದೇವ್‍ಥಿ ವಾಗ್ದಾನ್ ಲೀರಾಖ್ಯಾತೆ ಇನಾಖ್ಹಾಜೆ ಶರೀರ್ ಆತ್ಮಮಾಥು ಗಲೀಜ಼್‌ನ ಕಾಡಿನಾಖಿನ್ ಅಪ್ಣುನ ಶುದ್ದ ಕರಿಲಿನ್ ಬಿಜು಼ ದೇವ್‍ಮಾ ಡರ್‌ಥಿ ರ‍್ಹೀನ್ ಪರಿಶುದ್ದ ಜಿವ್ಣು ಚ಼ಲಾವಾನ ಕೋಶಿಶ್ ಕರೀಯೆ.

ಗಲಾತ್ಯ 3:22

ಹಿಡಿ ಜಗತ್‌ ಪಾಪ್ನ ಅಧೀನ್ ಹುಯ್ಗಕರಿ ಪವಿತ್ರ ದಪ್ತರ್‌ ಬರೋಬರ್‌ಥಿ ವತಾಳಸ್‍. ಅಮ್‌ರ‍್ಹವಾಪರ್ ವಾಗ್ದಾನ್ನ ಫಲ್ನ ಯೇಸುಮ ನಂಬಾವಳನ ಇವ್ಣ ವಿಶ್ವಾಸ್ ಆಧಾರ್‌ಪರ್ ದೆವಾವಸ್.

ಎಫೆಸ 2:2

ಅಗ್ಗಳ್ ತುಮೆ ಆ ಜಗತ್ನಿ ರೀತಿಥೀಬಿ, ವಹಿರಾನ ಗೋಳಾಮ ಅದಿಕಾರ್ ಚ಼ಲಾವತೆ ಅದಿಪತಿನ ಕತೊ ವಿಧೇಯ ಕೊಹುವಾಂತೆ ಲಡ್ಕಾವ್‌ಮ ಹಮ್ಕೆ ಚ಼ಲಾವತೆ ಆತ್ಮನಿಘೊಣಿ ಜಿವ್ಣು ಚಾ಼ಲಾಯ.

ಎಫೆಸ 4:22

ಇನಖ್ಹಾಜೆ ತುಮುನ ಶಿಕಾಡ್ಯುತೆ ಭೋದನ್ ಶಾತ್‌ಕತೊ ತುಮೆ ತುಮಾರಿ ಅಗ್ಲಿ ಚಾ಼ಲ್‌ನಿತರಾನು ಜೂ಼ನಿ ಆದತ್‌ನ ಕಾಡಿನಾಖೊ; ಯೊ ಧೋಕ ಖೈರಾಖ್ಯಾಸ್ತೆ ಖರಾಬ್ ಆಖ್ಹ್‌ಥಿ ಭರೈರ‍್ಹುಸ್‌. ಯೊ ನಾಶ್‌ ಹುಯಿಜಾ಼ವನು ಹುಯಿರುಸ್.

ಕೊಲೊಸ್ಸೆ 1:21

ಆನಾಹುಯಿನ್ ಏಕ್‌ಹಗಾಮ್ಮ ಯೆಹೂದ್ಯರ್ ಕಾಹೇತೇಬಿ ತುಮೆ ಖರಾಬ್ ಸೋಚ್‌ವಾಳಾಬಿ ವಹೇರ್‌ನೊ ದಿಲ್‌ವಾಳಹುಯಿನ್ ದೇವ್‍ಥಿ ವಿರೋದಿಹುಯಿನ್ ದೂರ್ ಹುಯಿರ‍್ಹಾಸ್.

1 ಥೆಸ 4:13

ಹಮಾರ ಭೈಯೇ ಭೇನೇವೊ, ಮರಿಗಯೂತೆ ಅದ್ಮಿನಿ ಬಾರೇಮಾನಿ ಖ್ಹಾಚಿನ ತುಮೆ ಮಾಲುಮ್ ಕರಿರಾಕ್ಣುಕರಿ ಹಮಾರಿ ಆಖ್ಹ್. ಅನೇಥಿ ಕೋಣ್‌ಬಿ ಭರೋಖ್ಹಾಮಕೊಂತೆ ಅಲಕ್‌ನಿಘೋಣಿ ತುಮೆ ದುಖ್‌ಮ ನಾರ‍್ಹೇವ್ಣು.

1 ಥೆಸ 5:6

ಇನಖ್ಹಾಜೆ ಅಪ್ಣೆ ಬಿಜಾ಼ನಿಮತ್ ನಿಂದರ್‌ ನಾಲೇವ್ಣುತೆ, ಹೊಷಾರಿ ರ‍್ಹಿಯೆ ಅಜು಼ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ.

1 ತಿಮೊ 6:9

ಕತೋಬಿ ಶೌಕಾರ್ ಹೋಣುಕರಿ ಆಖ್ಹ್ ಕರಾವಾಳು ಇವ್ಣು ಇವ್ಣೇಸ್ ಶೋದನೆಮ ಪಡಾಸ್‌ ಅಜು಼ ಕೈಯೆಕ್ಕಿ ಖರಾಬ್ ಅಜು಼ ಖತರ್‌ನಾಕ್ ಆಖ್ಹ್‌ನ ಫಾಖ್ಹಾಮ ಖ್ಹಪ್‌ಡಿಜಾ಼ಸ್, ಅನೇಥಿ ಇವ್ಣೆ ಬಿಗ್‌ಡಿಜಾ಼ಸ್ ಅಜು಼ ಬರ್ಬಾತ್ ಹುಯಿಜಾ಼ಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:3

ಶನಕತೊ ಏಕ್‌ ಹಗಾಮ್‌ಥು ತದೆ ಅಪ್ಣೇಬಿ ಅಗಾಡಿ ಖ್ಹಯಾಲ್‌ಭರ‍್ಯಾ ಹುಯಿರ‍್ಹಾಥ, ಹುಕುಮ್‌ನ ತೋಡಾವಾಳ ಹುಯಿರ‍್ಹಾಥ ಅಜು಼ ಘುಂಜ್‌ಳಾವ್ಣಿಮ ಥಾ. ಖ್ಹಾರಿಸ್ ತರ‍್ಹಾನಿ ಲಾಲಚ್‌ಬಿ ಅಜು಼ ಭೋಗ್‌ನ ಗುಲಾಮ್ ಥಾ. ಅಪ್ಣ ಖರಾಬ್ ಖ್ಹಯಾಲ್ ಅಜು಼ ಗಲ್ತಿಕರಾಸ್ಮ ಅದ್ಮಿಖ್ಹಾರು ಅಪ್ಣುನ ದಾವೊ ಕರ್ತುಥು.ಅಪ್ಣೇಬಿ ಏಕ್‌ಥಿಏಕ್ ದಾವೊ ಕರ‍್ಯಾ.

1 ಪೇತ್ರ 1:14

ವಾತೆ ಖ್ಹಮ್‌ಜಾ಼ತೆ ಲಡ್ಕವ್ನಿತರ ಚಾ಼ಲೊ, ತುಮೆ ಅಗಾಡಿ ಬಿಣ್‍ಖ್ಹೈಲಿರ‍್ಹಾವಾನಿ ವಖ್ಹ್‌ತೆ ತುಮುನ ಥೂತೆ ನಿಕ್‌ಳ್ಯೊಜಾನ್ನಿ ತರಸ್ ಅಜೂ಼ಬಿ ಚಾ಼ಲಿಲ್ಯಾವಾಳ ನಾಹುಯಿರ‍್ಹೆವ್ಣುತೆ,

2 ಪೇತ್ರ 2:14

ಅವ್ಣೆ ವ್ಯಭಿಚಾರಿಣಿನ ದೇಖಿನ್ ಖ್ಹುಶಿಕರವಾಳುಬಿ ಅವ್ಣೆ ಕದೇಬಿ ತರಖ್ಹ್‌ ತುಟಕೊಂತೆ ಪಾಪ್ನಕರವಾಳು ಹುಯಿರ‍್ಹುಸ್. ಬಿಣ್‍ತಾಖತ್‍ವಾಳನ ಠಗೈನ್; ಅಜು಼ ಇವ್ಣು ದಿಲ್‌ ಪೈಶಾನಿ ಆಖ್ಹ್‌ಕರಾನಿತರ ಕರಸ್ ಅಜು಼ ಇವ್ಣೆ ದೇವ್ನಿ ಶಾಪಮ ರ‍್ಹೇಸ್.

2 ಪೇತ್ರ 2:18

ಗಲತ್‌ ವಾಟ್‌ಪರ್ ಚಾ಼ಲವಾಳನಿ ಖ್ಹಂಗ್‌ಥಿ ಛು಼ಕಿಜಾ಼ವಳ ನವ ಅದ್ಮಿನಿ ಜೋ಼ಡ್ಮ ಅವ್ಣೆ ಫಾಯಿದೊಕೊಂತೆ ಪೋಲಿ ವಾತೆನ ಬೋಲಿನ್, ಶರೀರ್‌ನಿ ಖರಾಬ್ ಆಖ್ಹ್‌ಮ ನಾಖಿನ್ ಘಣಿ ಢೊಂಗಿನಿ ಬುದ್ಧಿಥಿ ಇವ್ಣುನ ಮಂಕ್‍ಕರ‍್ನಖಾಸ್.

1 ಯೋಹಾನ 2:16

ಜಗತ್‌ಮಛಾ಼ತೆ ಶರೀರ್‌ನಿ ಆಖ್ಹ್, ಡೋಳಾನಿಆಖ್ಹ್‌, ಜಿವ್ಣಮ ಚಾ಼ಲಾತೆ ಗಭ್ಭರ್, ಹೈರುತೆ ಬಾನ ಸಂಬಂದ್‌ನು ಕಾಹೆ. ಜಗತ್‌ನು ಹುಯಿರ‍್ಹುಸ್.

1 ಯೋಹಾನ 2:8

ಕತೋಬಿ ಮೇ ತುಮೂನ ಲೀಖುಕರುತೆ‍ ನವಿ ಹುಕುಮ್‍ನಿತರಾಸ್ ಛಾ಼. ಹೈರುತೆ ಇನಾಮಾಬಿ ತುಮಾರಮಾಬಿ ಖ್ಹಾಚು಼ಹುಯಿರ‍್ಹುಸ್. ಶನಕತೊ ಅಂಧಾರು ಚ಼ಲ್ಯುಜೈನ್‌, ಖ್ಹಾಚು಼ ಉಜಾ಼ಳು ಹಮ್ಕೆ ಉಜಾ಼ಖ್ಹ್‌ ಹೂಕರಸ್.