ಎಫೆಸ 2:18 - ದೇವ್ನಿ ಖ್ಹಾಚಿ ವಚನ್

¹⁸ ಇನಾಖ್ಹಾಜೆ ಕ್ರಿಸ್ತಥಿ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿ ಹಮೆಬಿ ತುಮೆ ಎಕ್ಕಸ್ ಆತ್ಮಥಿ ಬಾಕನ ಆವಾನ ವಾಟ್‍ಹುಯು.

ಎಫೆಸ 2:18 ပူးပေါင်းရင်းမြစ်များ

ಮತ್ತಾಯ 28:19

ಇನಖ್ಹಾಜೆ ತುಮೆ ಜೈ಼ನ್, ಖ್ಹಾರ ದೇಖ್ಹ್‌ಮ ಛಾ಼ತೆ ಅಲಕ್ ಅಲಕ್ ವಾತೆ ಬೋಲಾವಳು ಅದ್ಮಿ ಖ್ಹಾರಾನ ಮಾರ ಶಿಷ್ಯರ್‌ ಬಣಾವೊ: ಇವ್ಣುನ ಬಾ, ಛಿಯ್ಯೊ ಅಜು಼ ಪವಿತ್ರಾತ್ಮನ ನಾಮ್‌ಪರ್‌ ಬ್ಯಾಪ್ತಿಸ್ಮ ದೆವೊ.

ಯೋಹಾನ 10:7

ಇನಖ್ಹಾಜೆ ಯೇಸುನೆ ಪಾಛೊ಼ ಬೋಲ್ಯೊ, “ಮೇ ತುಮೂನ ಖ್ಹಾಚ ಬೋಲುಸ್, ಮೇಸ್ ಮೇಂಢಾನ ಖ್ಹಾರು ದರ‍್ವಾಜು಼ ಹುಯಿರ‍್ಹೋಸ್.

ಯೋಹಾನ 10:9

ಮೇಸ್ ಯೋ ದರ‍್ವಾಜು಼, ಮಾರವಾಟೆ ಕೋಣ್-ಕೋಣ್ ಮಹಿ ಜಾ಼ಸ್ಕಿ ಇವ್ಣೆ ಬಚಿಜಾ಼ಶೆ ಅಜು಼ ಇವ್ಣೆ ಮಹಿ ಜಾ಼ಯೆಜಾ಼ಯ್‌, ಭಾರ್‌ಬಿ ಆಯೆಜಾ಼ಯ್‌, ಇವ್ಣುನ ಚ಼ರಣ್ಣು ಘಾಖ್ಹ್‌ ಮಳ್‌ಶೆ.

ಯೋಹಾನ 14:6

ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:2

ಇನೆ ಅಪ್ಣುನ ವಿಶ್ವಾಸ್‍ಥಿ ದೇವ್ನಿ ಕೃಪೆನ ಆಖ್ಹ್‌ರಾಮ ಲಾಯೊ. ಹಮ್ಕೆ ಅಪ್ಣೆ ಇನಮಹಿ ಜಿವುಕರಿಯೇಸ್. ಇನಖ್ಹಾಜೆ ದೇವ್ನಿ ಮಹಿಮೆಮ ಅಪ್ಣೆ ಭಾಗ್‍ಹುಯಿರ‍್ಹಾಸ್‍ಕರಿ ನಂಬಿನ್ ಇನಮಹಿ ಅಪ್ಣೆ ಹುಮ್ಮಖ್ಹ್‌ ಲಿಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:15

ಶನಕತೊ ದೇವ್ನೆ ದೀರಾಖ್ಯೋತೆ ಆತ್ಮ ತುಮೂನ ಗುಲಾಮ್ ಕೊ ಕರ್‌ಶೇನಿ ಅಜು಼ ತುಮಾರ ಡರ್‌ಥಿ ಕೊಹುಯಿರಿಶೇನಿ ಅನಬದಲ್ ಪವಿತ್ರಾತ್ಮ ದೇವ್ನ ಲಡ್ಕಕರೀನ್ ಬಣಾವಸ್ ಅಜು಼ ಯೊ ಆತ್ಮಾನಿ ಶಕಥ್ಥಿ ಭರಾವವಾಳೊ ಹುಯಿನ್ ಅಪ್ಣೆ ದೇವ್ನ “ಬಾ, ಪಿತಾ!” ಕರಿ ಚಿಕ್ರಿಯೆಸ್.

1 ಕೊರಿಂಥ 12:13

ಅಮ್ಮಸ್ ಯೆಹೂದ್ಯರ್ ರ‍್ಹವೊ,ಯೆಹೂದ್ಯಕಾಹೇತೆ ರ‍್ಹವೊ ಗುಲಾಮ್ ರ‍್ಹವೊ ಛುಟ್ಕಾರ್ ರ‍್ಹವಾಳು ರ‍್ಹವೊ ಅಪ್ಣೆಖ್ಹಾರು ಎಕ್ಕಸ್‍ಜ಼ಣೊ ಆತ್ಮಥಿ ಎಕ್ಕಸ್ ಶರೀರ್‌ನ ಮಹಿ ಬ್ಯಾಪ್ತಿಸ್ಮ ಲೀಲಿದ. ಅಪ್ಣಖ್ಹಾರಾನ ಎಕ್ಕಸ್‍ಜ಼ಣೊ ಪವಿತ್ರಾತ್ಮನ ಪಿಯಾನ ದೆವಾಯು.

1 ಕೊರಿಂಥ 8:6

ಅಪ್ಣುನತೋಬಿ ಎಕ್ಕಸ್ ದೇವ್ ಛಾ಼. ಯೋ ಬಾಕರಿ ಬೋಲೈಲ್ಯಾವಾಳೊ; ಅಖ್ಖೂಸ್ ಉಬ್‍ಜ್ಯೊತೆ ಇನೇಥಿ ಹಮೆ ಇನಖ್ಹಾಜೆ ಜಿವೇಸ್ ಅಜು಼ ಏಕ್‍ನೊ ಏಕ್ಕಸ್‍ಜ಼ಣೊ ಪ್ರಭು ಛಾ಼. ಯೋಸ್ ಯೇಸು ಕ್ರಿಸ್ತ ಇನೇಥಿಸ್ ಹರೇಕ್ ತಯಾರ್‌ಹುಯು. ಇನೇಥಿಸ್ ಹಮೇಬಿ ಇನೇಥಿಸ್ ಛಿಯ್ಯೆ಼.

ಗಲಾತ್ಯ 4:6

ತುಮೆ ಛಿಯ್ಯಾಹುಯಿರ‍್ಹಾತೆ ಖ್ಹಾಜೆ ದೇವ್ನೆ, “ಬಾ! ಬಾ!” ಕರಿ ಚಿಕ್ರಾಸ್ತೆ ಇನ ಛಿಯ್ಯಾನ ಆತ್ಮಾನ ಅಪ್ಣ ದಿಲ್ಮ ಮೋಕ್‌ಲ್ಯೊ.

ಎಫೆಸ 3:12

ಕ್ರಿಸ್ತನ ಗಳ್‍ಜೋ಼ಡ್ಮಾಬಿ ಅಜು಼ ಇನಾಪರ್ ರಾಖಿರಾಖ್ಯತೆ ಅಪ್ಣಿ ವಿಶ್ವಾಸ್‍ಥಿ ಅಪ್ಣೆ ದೇವ್ನ ಖ್ಹಾಮ್ಣೆ ಭಾಲಿಥಿ ಅಜು಼ ಆತ್ಮ ವಿಶ್ವಾಸ್‍ಥಿ ಜಾ಼ವನಿತರ ಹುಯು.

ಎಫೆಸ 3:14

ಅನಖ್ಹಾಜೆ ಬಾನ ಖ್ಹಾಮ್ಣೆ ಮೆ ಗುಡ್‍ಘ್ಯ ಟೇಕ್ಯೊ.

ಎಫೆಸ 4:4

ತುಮೆ ದೇವ್‌ಮ ಬುಲಾವನಿವಖ್ಹ್‌ತೆ ಖ್ಹಾರು ಎಕ್ಕಸ್ ಶರೀರ್‌ಮ ಮಳಿರ‍್ಹವಾಳಬಿ, ಎಕ್ಕಸ್ ಪವಿತ್ರಾತ್ಮಥಿ ರ‍್ಹವಾಳಬಿ, ಎಕ್ಕಸ್ ಭರೋಖ್ಹಾನಟೇಕೆ ಬುಲೈರ‍್ಹಾಸ್.

ಎಫೆಸ 6:18

ತುಮೆ ಪವಿತ್ರಾತ್ಮಥಿ ಭರೈನ್ ಖ್ಹಾರಿ ವಖ್ಹತ್‌ಮ ಹರೇಕ್ ತರಿಕಾನಿ ಪ್ರಾರ್ಥನೆಥಿಬಿ ಬಿಂತೀನಿವ್ಹಾರ್ಥೀಬಿ ದೇವ್ನ ಪ್ರಾರ್ಥನೆ ಕರೊ. ಅನಾಮ ಏಕ್‌ ಖ್ಹಯಾಲ್‌ವಾಳು ಹುಯಿನ್ ದೇವ್ನ ಅದ್ಮಿ ಖ್ಹಾರಾನಿ ಬಾರೇಮ ಬಿಂತಿಕರ‍್ತಹುಯಿನ್ ಜ಼ತನ್‌ಥಿ ರ‍್ಹವೊ. ಅಖ್ಖಾಸ್ ಅದ್ಮಿನಖ್ಹಾಜೆ ಹಮೇಶ ಪ್ರಾರ್ಥನೆ ಕರಾನು ನಕೊ ಮ್ಹೇಲೊ.

ಕೊಲೊಸ್ಸೆ 1:12

ದೇವ್ನ ವಿಶ್ವಾಸಿಯೇವ್ನ ಉಜಾ಼ಳಮ ಛಾ಼ತೆ ಖ್ಹಾರಸ್‍ಮ ಭಾಗ್‍ಲ್ಯಾವಾನ ಖ್ಹಾಜೆ ಅಪ್ಣುನ ಲ್ಹಾಯೇಕ್ ಕರಿರಾಖ್ಯೋತೆ ಬಾ ದೇವ್ನ ಶಂತೋಖ್ಹ್‌ ಥಿ ಧನ್ಯವಾದ್ ಕರಿಯೇಸ್.

ಇಬ್ರಿ 7:19

ಧರ್ಮಶಾಸ್ತ್ರ ಶನಾಬಿ ಪೂರ ಕೊಕರಾನಿ. ಅಜು಼ ಇನ ಬದಲ್ ದೇವ್‌ಕನ ಜೈ಼ನ್ ಲೀಲಾವನುಸ್ ಭರೋಖ್ಹೊ ಹುಯಿರ‍್ಹೊಸ್.

ಯಾಕೋಬ 3:9

ಯೋಸ್ ಜೀಬ್‍ಥಿ ಪ್ರಭು ಬಾಹುಯಿರೋತೆ ದೇವ್ನ ಧನ್ಯವಾದ್ ಕರಿಯೇಸ್, ಇನೀನಿಘೋಣಿನಿತರಸ್‍ ಉಬ್ಜಿಗಯುತೆ ಅದ್ಮೆವ್‍ನ ಅಪ್ಣೆ ಶಾಪ್‍ದಿಯೇಸ್.

1 ಪೇತ್ರ 1:17

ಹರೇಕ್ ಜ಼ಣಾನಿ ಚಾ಼ಲ್‌ನ ದೇಖಿನ್ ಯೋ ಬೇದ್‌ಬಾವ್‌ಕೊಂತೆ ತೀರ್ಪ್‌ಕರಾವಾಳನ ತುಮೆ ಬಾಕರಿ ಪುಕಾರವಾಳ ಹುಯಿರ‍್ಹಾತೆ ಇನಾಖ್ಹಾಜೆ ಆ ಲೋಕ್ಮ ತುಮಾರು ಅರಾಮ್‌ನು ಜಿವ್ಣನ ದನ್ನ ಡರ್‌ಭಕ್ತಿಥಿ ಕಾಡೊ.

1 ಪೇತ್ರ 1:21

ಇನ ಮರ‍್ಯಾಹುಯಾಮಾಥು ಉಠಾಡಿನ್ ಇನ ಮಹಿಮೆ ದಿದಾಹುಯಾ ದೇವ್‌ಮ ತುಮೆ ಇನೇಥಿ ವಿಶ್ವಾಸ್ ಕರಾವಾಳ ಹುಯಿರ‍್ಹಾಸ್. ಅಮ್‍ರ‍್ಹವಾಪರ್ ತುಮಾರಿ ವಿಶ್ವಾಸ್‍ಬಿ ಟಿವಾವ್ಣಿಬಿ ದೇವ್‍ಮಾಸ್‍ ಭೀಯುಸ್.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:20

ಕತೋಬಿ ಪ್ಯಾರ್‌ನ ದೋಸ್ತಿವೊ, ತುಮೆ ತುಮಾರು ಘಣು ಪರಿಶುದ್ ಕ್ರಿಸ್ತ ವಿಶ್ವಾಸ್ ಆಧಾರ್ ಕರ‍್ಲಿನ್ ಘಟ್‍ಭೀರ‍್ಹೆವೊ ಅಜು಼ ಪವಿತ್ರಾತ್ಮಥಿ ಭರೈನ್ ಪ್ರಾರ್ಥನೆಕರೊ.