ಎಫೆಸ 2:14 - ದೇವ್ನಿ ಖ್ಹಾಚಿ ವಚನ್

¹⁴ ಯೆಹೂದ್ಯರ್‌ಬಿ ಯೆಹೂದ್ಯರ್ ಕೊಯ್ನಿತೆ ಇವ್ಣುನಏಕ್‌ಪರ್‌ ಏಕ್‌ ಕರೀನ್ ಯೋಸ್ ಅಪ್ಣುನ ಶಾಂತಿ ದ್ಯವಾಳೊ ಹುಯಿರೋಸ್. ಕಿಮ್ ಕತೊ ಇವ್ಣ ಬೀಚ್ಮ ಏಕ್‌ ಭೀತ್‌ನಿತರ ಥು. ಕತೋಬಿ ಕ್ರಿಸ್ತ ಇನು ಶೊಂತ್ ಶರೀರ್‌ನು ಬಲಿದಾನ್‌ ದೇತೊಹುಯಿನ್ ಯೊ ವಹೇರ‍್ನು ಭೀತ್‌ನ ರಡ್ಕಾಯೊ.

ಎಫೆಸ 2:14 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:79

ಅಜು಼ ಅಂಧಾರಮಾಬಿ, ಮರಣ್ಣಿ ಛಾ಼ಳಿಮ ರ‍್ಹವಾಳ ಖ್ಹಾರಾನ ಉಜಾ಼ಳು ದಿಶೆ, ಅಪ್ಣುನ ಸಮಾಧಾನ್ನಿ ವಾಟ್‌ ವತಾಳಿನ್ ಚ಼ಲಾವ್‌ಷೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:14

“ಉಪ್ಪರ್‌ಲ್ಯಲೋಕ್‍ಮ ದೇವ್ನ ಮಹಿಮೆ ಹುವಾದೆ, ಅಜು಼ ಧರ್ತಿಪರ್ ದೇವ್ನ ಕೋಣ್ ಖ್ಹಾಜ಼ಸ್ಕಿ ಇವ್ಣುನ ಶಾಂತಿ.

ಯೋಹಾನ 10:16

ಅತ್ರೇಸ್ ಕಾಹೆತೆ, ಆ ಮಂಧಾಮ ಮಳ್ಯುಕೊಂತೆ ಬಿಜು಼ ಖ್ಹಾರು ಮೇಂಢಾಬಿ ಮನ ಛಾ಼, ಇನಾಬಿ ಮೇ ಲೀನಸ್ ಆವ್ಣು, ಇವ್ಣೆ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ತದೆ ಎಕ್ಕಸ್ ಝೂ಼ಂಡ್‌ ಉಶೆ ಅಜು಼ ಎಕ್ಕಸ್ ಜ಼ಣೊ ಕುರುಬ ರ‍್ಹಿಶೆ.

ಯೋಹಾನ 11:52

ಖಲಿ ಯೆಹೂದ್ಯರ್‌ನಖ್ಹಾಜೆ ಕಾಹೆ, ಪಣ್ಕಿ ಛಿದ್‍ರೈಗಯುತೆ ದೇವ್‌ನು ಅದ್ಮಿಖ್ಹಾರಾನ ಎಕ್ಟು ಕರಾನಖ್ಹಾಜೆ ಯೇಸು ಮರವಾಳೊ ಥೊ.

ಯೋಹಾನ 16:33

ತುಮೆ ಮಾರಾಮ ರ‍್ಹೀನ್, ತುಮೂನ ಶಾಂತಿ ಮಳ್‌ಣು ಕರಿ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್. ಜಗತ್‌ಮ ತುಮೂನ ಖ್ಹತಾಪ್ಣಿ ಛಾ಼, ಕತೋಬಿ ಘಟ್ ರ‍್ಹವೊ,ಶನಕತೊ ಮೇ ಜಗತ್ನ ಜೂತಿರಾಖ್ಯೋಸ್‌” ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:28

ಪೇತ್ರನೆ ಇವ್ಣುನ, “ಯೆಹೂದ್ಯವಾಳವೊ ಏಕ್‌ ಜ಼ಣೊ ಅಲಕ್‌ಅದ್ಮಿಥಿ ಮಳೀನ್‍ ರ‍್ಹವಾನುರ‍್ಹೇವೊ, ಇವ್ಣಿಜೋ಼ಡೆ ರ‍್ಹವಾನು ಯೆಹೂದ್ಯರ್‌ನ ಪದತ್ತಿನ ವಿರೋದ್ ಹುಯಿರ‍್ಹುಸ್ ಕರಿ ತುಮೂನ ಮಾಲುಮ್‌ ಛಾ಼. ಕತೋಬಿ ಖಿವಿ ಅದ್ಮಿನಾಬಿ ಕಮ್‍ಶಿಲ್‍ವಾಳೊ, ಅಪವಿತ್ರವಾಳೊ ಕರಿ ನಾ ಬೋಲ್‌ನು ಕರಿ ದೇವ್ನೆ ಮನ ವತಾಳಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:36

ದೇವ್ನೆ ಇಸ್ರಾಯೇಲ್‌ನ ಅದ್ಮಿನ ಜೋ಼ಡ್ಮ ಬೋಲ್ಯೊಥೊ ಯೋಸ್ ಖ್ಹಾರಜ಼ಣನ ಪ್ರಭು ಹುಯಿರ‍್ಹೋಸ್.ಯೊ ಯೇಸು ಕ್ರಿಸ್ತಾಥೀಸ್ ಸಮಾಧಾನ್ ಆವ್‍ಶೆಕರಿ ಬೋಲಾನು ಸುವಾರ್ತೆನ ದೇವ್ನೆ ಇವ್ಣುನ ಮೋಕ್‌ಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:1

ಅಮ್‌ರ‍್ಹವಾಪರ್ ವಿಶ್ವಾಸ್‍ಥಿ ನೀತಿವಾಳುಕರಿ ತೀರ್ಪ್ ಲೀಲಿದಾತೆ ಅಪ್ಣುನ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ದೇವ್ನಿ ಜೋ಼ಡ್ಮ ಸಮಾಧಾನ್‍ ರ‍್ಹೇಸ್.

ಗಲಾತ್ಯ 3:28

ತುಮೆ ಅಖ್ಖುಜ಼ಣು ಕ್ರಿಸ್ತ ಯೇಸುಮ ಎಕ್ಕಸ್ ಹುಯಿರ‍್ಹಾಸ್ತೆಖ್ಹಾಜೆ ಮೆ ಯೆಹೂದ್ಯರ್‌ವಾಳೊ ನತರ್ ಯೆಹೂದ್ಯಕಾಹೇತೆ ಕರಿ ರ‍್ಹವೊ, ಛುಟ್ಕಾರ್‌ವಾಳ ನತರ್ ದಾಸರ್‌ ಕರಿ ರ‍್ಹವೊ, ಪರ್ಖ್ಹೊ ಅಜು಼ ತಯೇಡ ಕರಿ ರ‍್ಹವೊ ಫರಕ್ ಕೊಯ್ನಿ.

ಎಫೆಸ 2:15

ಇನೆ ಧರ್ಮಶಾಸ್ತ್ರ ಅಜು಼ ನಿಯಮ್‌ನಿ ಜೋ಼ಡ್ಮ ಯೊ ಭೀತ್ ರಡ್ಕಾಯೊ.ಅಮ್ ಇನ ಗಳ್‌ಜೋ಼ಡ್ಮ ಭೇ ಖೂಮ್ನ ಇನಜೋ಼ಡೆ ಏಕ್‌ ನವಿ ಖೂಮ್‌ಕರಿ ಮ್ಹೇಲಾನಖ್ಹಾಜೆ ಅಮ್ ಸಮಾಧಾನ್ ಕರ‍್ಯೊ.

ಎಫೆಸ 2:17

ಆಬಿ ಕಾಹೆತೆ ಯೊ ಅಯಿನ್ ದೂರ್ ಹುಯಿರ‍್ಹಥಾತೆ ತುಮೂನಾಬಿ ಅಜು಼ ಖನ್ನೆ ಹುಯಿರ‍್ಹುಥೂತೆ ಯೆಹೂದ್ಯರ್‌ನಾಬಿ ಸಮಾಧಾನ್ನಿ ಸುವಾರ್ತೆನ ಬೋಲ್ಯೊ.

ಎಫೆಸ 3:15

ಆ ಜ಼ಮೀನ್‌ಪರ್ ಅಜು಼ ಸೊರ್ಗಾಮ ಛಾ಼ತೆ ಹರೇಕ್ ಕುಟಮ್‌ ಅನೇಥಿ ಖ್ಹಾಚ ನಾಮ್ನ ಲೀಲೆಸ್.

ಎಫೆಸ 4:16

ಶರೀರ್‌ಅಖ್ಖು ಕ್ರಿಸ್ತಥಿ ಹರ್ ಕೀಲ್‌ಥಿ ಘಟ್ ಮಳಿರ‍್ಹೀನ್, ಹರೇಕ್ ಖ್ಹಂದೊಬಿ ಇನು, ಇನು ಕಾಮ್ ಕರಾಸ್ತೆಖ್ಹಾಜೆ ಶರೀರ್ ಪ್ಯಾರ್‌ಮ ಅಛ್ಛಿನಿತರ ಭಡಾಸ್.

ಕೊಲೊಸ್ಸೆ 1:20

ಅಜು಼ ಯೋ ಶಿಲ್‌ಬೇಪರ್ ರಂಚ್ಯೊತೆ ಲ್ಹೊಯಿಥಿ ಯೋ ಸಮಾಧಾನ್ನಬಣೈನ್‍ ಧರ್ತಿಬಿ ಪರಲೋಕ್‌ಮ ಅಖ್ಖಾಸ್ನ ಛಿಯ್ಯಾಥಿಸ್ ಇನಿ ಜೋ಼ಡ್ಮ ರಾಜಿಕರಾನು ಬಾ ದೇವ್ನಿ ಖ್ಹೂಜ಼್‌ ಹುಯಿರ‍್ಹೀಥಿ.

ಕೊಲೊಸ್ಸೆ 2:20

ಏಕ್‌ಬಾರ್ ತುಮೆ ಕ್ರಿಸ್ತನಿ ಜೋ಼ಡ್ಮ ಜಗತ್ನ ಆತ್ಮಮ ಮರ‍್ಹೀರ ಉಶೇತೊ, ಅಜೂ಼ಬಿ ಜಗತ್‍ವಾಳನಿತರಸ್ ಬಚಿನ್ ತುಮೆ ಶನ ಜಿವ್ಣುಕರುಕರಸ್? ಅಮ್ನಿ ಹುಕುಮ್‌ನಲೀನ್ ಶನ ಚಾ಼ಲವಾಳ ಹುಯಿರ‍್ಹಾಸ್?

ಕೊಲೊಸ್ಸೆ 3:11

ಆ ನವ ಜಿವ್ಣಮ ಯೆಹೂದ್ಯಕಾಹೇತೆ ಅಜು಼ ಯೆಹೂದ್ಯವಾಳೊ ಕರಿ ಫರಕ್ ಕೊಯ್ನಿ, ಖ್ಹತ್ನ ಕರೈರಾಖವಾಳು, ಕರೈರಾಖಕೊಂತೆ ಕರಿ ಫರಕ್‌ಕೊಯ್ನಿ, ಮಾಲುಮ್‌ರ‍್ಹವಾಳು ನಾಮಾಲುಮ್‌ ರ‍್ಹವಾಳುಕರಿ ಫರಕ್ ಕೊಯ್ನಿ. ಆಳ್‌, ಯಜಮಾನ್‍ಕರಿ ಫರಕ್ ಕೊಯ್ನಿ. ಕತೋಬಿ ಕ್ರಿಸ್ತಸ್ ತಮಾಮ್‍ಬಿ ಹರೇಕ್‌ಮ ರ‍್ಹವಾಳೊ ಹುಯಿರ‍್ಹೋಸ್.

ಕೊಲೊಸ್ಸೆ 3:15

ಕ್ರಿಸ್ತನಿ ಸಮಾಧಾನ್ ತುಮಾರ ದಿಲ್ಮ ಚ಼ಲಾವನ ಮ್ಹೇಲೊ. ಇನಖ್ಹಾಜೇಸ್ ತುಮೇಬಿ ಎಕ್ಕಸ್ ಶರೀರ್ ಹುಯಿರ‍್ಹಾವನಿತರ ಬುಲೈರ‍್ಹಿಶು ಆ ನಾಹುಯಿನ್ ಧನ್ಯವಾದ್ ಕರಾವಾಳ ಹುಯಿ‍ರ‍್ಹೆವೊ.

ಇಬ್ರಿ 13:20

ಸಮಾಧಾನ್ನೊ ದೇವ್, ಅಪ್ಣೊ ಪ್ರಭು ಯೇಸುನ ಹಮೇಶಾನ ಒಪ್ಪಂದಾನ ಲ್ಹೋಯಿಥಿ ಮರ‍್ಯಹುಯಮಾಥು ಉಠಾಡ್ಯೊ, ಯೊ ಮೇಂಢಾನ ಮಂಧಾನ ಚ಼ಲಾವವಾಳೊ ಮಹಾ ಪಾಳಂಧಾರ್‌ ಹುಯಿರ‍್ಹೊಸ್.

ಇಬ್ರಿ 7:2

ಇನ ಅಬ್ರಹಾಮ್‌ನೆ ಯೋ ಜ್ಯುತಿಲೀನ್ ಆಯೊಥೋತೆ ಅಖ್ಖೂಸ್ ಜಿನಖ್ಹ್‌ಮ ದಖ್ಹ್‌ಮ ಏಕ್‌ ಭಾಗ್ನ ದಿದೊ. “ಮೆಲ್ಕಿಜೆದೇಕ್ ಕರಿ ನಾಮ್ನ ನೀತಿನೊ ರಾಜ಼ ಕರೀಬಿ ಅನಕೇಡೆಥು ಸಾಲೇಮ್‌ನೊ ರಾಜ಼ಕತೊ ಸಮಾಧಾನ್ನೊ ರಾಜ಼” ಕರೀಬಿ ಮತ್ಲಬ್.