ಎಫೆಸ 1:22 - ದೇವ್ನಿ ಖ್ಹಾಚಿ ವಚನ್

²² ಅತ್ರೇಸ್ ಕಾಹೆತೆ ದೇವ್ನೆ ಅಖ್ಖಾಸ್ನ ಯೇಸು ಕ್ರಿಸ್ತನ ಗೋಡಾನ ಹೇಟ್‌ನಾಖ್ಯೊ, ಅಜು಼ ಸಬೆನ ಖ್ಹಾಜೆ ಯೋ ಅಖ್ಖಾನಪರ್ ಇನ ಮುಡ್‌ಕ್ಯು ಕರಿ ಬಣಾಯೊ.

ಎಫೆಸ 1:22 ပူးပေါင်းရင်းမြစ်များ

ಮತ್ತಾಯ 16:18

ಅಜು಼ ಮೇ ತುನ ಶಾತ್ ಬೋಲಸ್‍ಕತೊ, ಪೇತ್ರ, ತೂ ಬಂಡೊ, ಅಜು಼ ಆ ಬಂಡಾಪರ್ ಮೇ ಮಾರಿ ಸಬೆನ ಭಾಂದೀಶ್, ಪಾತಾಳ್ನಿ ಶಕತ್‌ಬಿ ಇನ ಕದೇಬಿ ಹರಾವನ ಕೋ ಉಶೇನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

1 ಕೊರಿಂಥ 11:3

ಹರೇಕ್ ಪರ್ಖ್ಹಾನ ಕ್ರಿಸ್ತ ಮುಡ್‌ಕ್ಯು, ತಯೇಡಾನ ಪರ್ಖ್ಹೊ ಮುಡ್‌ಕ್ಯು ಅಜು಼ ಕ್ರಿಸ್ತನ ದೇವ್ ಮುಡ್‌ಕ್ಯು ಹುಯಿರ‍್ಹೂಸ್ ಕರಿ ಬೋಲಾನು ಯೊ ಮಾಲುಮ್ ರ‍್ಹೇವ್ಣು.

ಎಫೆಸ 3:21

ಸಬೆಮಾಬಿ ಕ್ರಿಸ್ತ ಯೇಸುಮಾಬಿ ಜ಼ಗ್‌ಜ಼ಮಾನಮಾಬಿ ಪಿಢಿನ್‌ ಪಿಢಿಮಾಬಿ ಮಹಿಮೆ ಹುವಾದೆ.ಆಮೆನ್.

ಎಫೆಸ 5:23

ಶನಕತೊ ಕ್ರಿಸ್ತ ಸಬೆನ ಮುಡ್‌ಕ್ಯು ಹುಯಿರ‍್ಹೋಸ್ತೆ ಇಮ್ಮಸ್ ಬಾವ್ರಿ ಬಾವಣ್ಣ ಮುಡ್‌ಕ್ಯು ಹುಯಿರ‍್ಹೊಸ್. ಕ್ರಿಸ್ತಸ್ ಯೊ ಸಬೆಕರಿ ಶರೀರ್‌ನ ರಕ್ಷಕ್ ಹುಯಿರ‍್ಹೋಸ್.

ಕೊಲೊಸ್ಸೆ 1:18

ಸಬೆಕರಿ ಶರೀರ್‌ನ ಯೋ ಮುಡ್‌ಕ್ಯು ಹುಯಿರ‍್ಹೋಸ್. ಯೋಸ್ ಪಹಿಲೊ ಹುಯಿರ‍್ಹಿನ್ ಖ್ಹಾರಮಸ್ ಪಹಿಲೆ ರ‍್ಹವಾಳೊ ಹುಯಿನ್ ಯೋ ಮರ‍್ಯಾಹುಯಾಮಾಥು ಆಯೋತೆ ಫೈಲೋಟೊಬಿ ಹುಯಿರ‍್ಹೊಸ್.

ಕೊಲೊಸ್ಸೆ 1:8

ಪವಿತ್ರಾತ್ಮಮ ಛಾ಼ತೆ ತುಮಾರಿ ಪ್ಯಾರ್ ಮನ ಖ್ಹಮ್‌ಜಾ಼ಡ್ಯೊತೆ ಇನೇಸ್‌.

ಕೊಲೊಸ್ಸೆ 2:10

ಯೋಸ್ ಅಖ್ಖಾಸ್ ರಾಜ಼್‌ನಾಬಿ, ಅದಿಕಾರ್‌ನಾಬಿ ಮುಡ್‌ಕ್ಯು ಹುಯಿರ‍್ಹೋಸ್ತೆ ಖ್ಹಾಜೆ. ತುಮೆ ಇನಾಮ ರ‍್ಹೀನಸ್ ಅಖ್ಖಾಸ್ನ ಲೀಲ್ಯಾವವಾಳ ಹುಯಿರ‍್ಹಾಸ್.

ಕೊಲೊಸ್ಸೆ 2:19

ಶನಕತೊ ಅಥ್ರಾನವಾಳು ಕ್ರಿಸ್ತಕರಿ ಬೋಲಾನು ಮುಡ್‌ಕ್ಯಾನ ಜೋ಼ಡ್ಮ ಸಂಬಂದ್ ಕಾಡಿಲ್ಯಾವಾಳು ಹುಯಿರ‍್ಹೇಸ್. ಯೋ ಮುಡ್‍ಕೇಥಿಸ್ ಶರೀರ್ ಖ್ಹಾರೂಸ್ ಕೀಲ್, ನ್ಹಾರ್‌ನ ಹೋಣುತೆ ಶಕತ್ನದೀನ್ ಅಜು಼ ಎಕ್ಟುಹುಯಿನ್ ಶರೀರ್ ಬಣ್ಯು. ಯೋ ದೇವ್ ದೇಸ್ತೆ ಬರ್ಗಥ್ಥಿ ಭಡ್ತುಹುಯಿನ್ ಆವಸ್.

1 ತಿಮೊ 3:15

ಕತೋಬಿ ಏಕ್‌ಬಾರ್ ಮನ ಆವಾನ ಧೇರ್ ಹುಯುತೋಬಿ, ಆ ಚಿಟ್ಟಿ ಮನ ಖ್ಹಮ್‍ಜಾ಼ಡಸ್ತೆ ತಿಮ್ ದೇವ್ನ ಘರ್‌ಮ ಯೊ ಜಿವ್ತೊ ದೇವ್ನಿ ಸಬೆಮ ಚಾ಼ಲಿಲೇವ್ಣುತೆ ಪರಕ್ ಕಿಮ್‌ರ‍್ಹೇಣು, ಯೋ ಸಬೆ ಖ್ಹಾಚಿನು ಹದಿಪಾಯ ಅಜು಼ ಆಧಾರ್‌ನು ಖಂಬು ಹುಯಿರ‍್ಹೂಸ್.

ಇಬ್ರಿ 2:8

ಅಜು಼ ಅಖ್ಖಾಸ್ನ ಇನ ಗೋಡಾನ ಹೇಟ್ ನಾಖಿನ್ ಇನ ಕಬ್‌ಜಾ಼ಮ ಕರಿರಾಖ್ಯೊಸ್ನಿ. “ಇನೆ ಅಖ್ಖಾಸ್ನ ಅದಮ್ಜ಼ಮಾನನ ಹೇಟ್‌ ಕರಿರಾಖ್ಯೋಸ್‌ಕರಿ” ಬೋಲಾಮ ಇನ ಏಕ್‍ತೋಬಿ ಹೇಟುಕೊಂತೆ ಮ್ಹೇಲ್ಯೊಕೊಯ್ನಿಕರಿ ಬೋಲಾನಿತರಹುಯು. ಕತೋಬಿ ಅಖ್ಖೂಬಿ ಇನ ಹೇಟ್‌ ಛಾ಼ಕರಿ ಅಪ್ಣೆ ಬಿಜೂ಼ಬಿ ಕೊದೇಖ್ಯಾನಿ.