ಕೊಲೊಸ್ಸೆ 4:8 - ದೇವ್ನಿ ಖ್ಹಾಚಿ ವಚನ್

⁸ ತುಮೆ ಹಮಾರಿ ಬಾರೇಮ ಮಾಲುಮ್‌ಕರಿಲೇವ್ಣು ಕರಿ ಅಜು಼ ತುಮಾರ ದಿಲ್ನ ಹುಮ್ಮಖ್ಹ್‌ ಕರಾವನಕರಿ ಇನ ತುಮಾರಕನ ಮೋಕ್ಲಿರಾಖ್ಯೊಸ್.

ಕೊಲೊಸ್ಸೆ 4:8 ပူးပေါင်းရင်းမြစ်များ

1 ಕೊರಿಂಥ 4:17

ಆ ಕಾರಣ್‍ಥಿ ಪ್ರಭುಮ ಮಾರ ಪ್ಯಾರ್‌ನೊ ಅಜು಼ ವಿಶ್ವಾಸ್‌ನೊ ಛಿಯ್ಯೊ ಹುಯಿರ‍್ಹವಾಳೊ ತಿಮೊಥೆನ ತುಮಾರಕನ ಮೋಕ್ಲಿರಾಖ್ಯೊಸ್. ಯೊ ತುಮೂನ ಕ್ರಿಸ್ತಯೇಸುಮ ಮಳಿರ‍್ಹವಾಮ ನವ ಜಿವ್ಣಮ ಅಜು಼ ಅಖ್ಖೀಸ್ ಬಾಜೂ಼ಮ ಮೇ ಹರೇಕ್ ಸಬೆಮಾಬಿ ಶಿಕಾಡನು ಚಾ಼ಲ್‍ಚ಼ಲಣ್‍ ಯೋ ತುಮಾರ ಖ್ಹಯಾಲ್ಮ ಲೀನ್‌ ಆವ್‌ಶೆ.

2 ಕೊರಿಂಥ 1:4

ಅಪ್ಣುನ ಖ್ಹತಾಪ್ಣಿ ಹುವಾನಿ ವಖ್ಹತ್‌ಮ ಯೋ ಅಪ್ಣುನ ಸಮಾಧಾನ್‍ ಕರಸ್; ಖ್ಹತಾಪ್ಣಿಮ ರ‍್ಹೇಯ್ತೆ ಬಿಜ಼ ಅದ್ಮಿನ ಸಮಾಧಾನ್ ಕರಾನ ಅನೇಥಿ ಅಪ್ಣೆ ಜಿನುಬಿ ಶಕತ್‌ವಾಳ ಹುಯೆಸ್. ದೇವ್ ಅಪ್ಣುನ ಸಮಾಧಾನ್‍ ಕರಾತೆ ತಿಮ್ಮಸ್ ಅಪ್ಣೆ ಜಿನುಬಿ ಇವ್ಣುನ ಸಮಾಧಾನ್ ಕರಾವಾಳ ಹುಯಿರ‍್ಹಿಯೇಸ್.

2 ಕೊರಿಂಥ 12:18

ತುಮಾರಕನ ಜಾ಼ವ್ಣುಕರಿ ಮೇ ತೀತನ ಗಿಂಗೈನ್ ಇನಿ ಜೋ಼ಡ್ಮ ಹಮಾರ ಭೈನ ಮೋಕ್‌ಲ್ಯೊತೆ ಎತ್ರೇಸ್: ಇನೆ ತುಮುನ ಶಾತ್‍ತೋಬಿ ಠಗಾಯೋಕಿ ಶು? ಕೊಯ್ನಿನಿ, ಹಮೇ ಬೇಜ಼ಣ ಎಕ್ಕಸ್ ಆತ್ಮಥಿ ಭರೈನ್ ಎಕ್ಕಸ್ ಪರಕ್ಮ ಚಾ಼ಲಿಲಿದಥಾನಿ.

2 ಕೊರಿಂಥ 2:7

ಹಮ್ಕೆ ತುಮೆ ಇನ ಮಾಪ್ ಕರಿನ್ ಭಾಲಿದೆವ್ಣು. ಕೊಯ್ನಿಕತೊ ಯೋ ಘಣ ದುಖ್‍ಮ ಡುಬಿಜಾ಼ಶೆ.

ಎಫೆಸ 6:22

ತುಮೆ ಹಮಾರಿ ಬಾರೇಮ ಮಾಲುಮ್‌ಕರಿಲೇವ್ಣು ಕರಿಬಿ, ಯೊ ತುಮಾರ ದಿಲ್ನಖ್ಹಾರು ಭಾಲಿ ದೇವ್ಣುಕರೀಬಿ ಇನ ತುಮಾರಕನ ಮೋಕ್ಲಿರಾಖ್ಯೊಸ್.

ಫಿಲಿಪ್ಪಿ 2:28

ಇನಖ್ಹಾಜೆ ತುಮೆ ಇನ ದೇಖಿನ್ ಪಾಛು಼ ಶಂತೋಖ್ಹ್‌ ಕರ್ನುಕರಿಬಿ ಮಾರಿ ದುಖ್ ಕಮ್ ಹೋಣುಕರೀಬಿ ಮೇ ಇನ ಘಣು ತರಖ್ಹ್‌ಥಿ ಮೋಕ್ಲುಕರುಸ್.

ಕೊಲೊಸ್ಸೆ 2:2

ಕಿಮ್‌ಕತೊ ಇವ್ಣ ದಿಲ್ನ ಪ್ಯಾರ್‌ಥಿ ಲೀರಾಖಿನ್ ಹುಮ್ಮಖ್ಹ್‌ಹುಯಿನ್ ಮಳ್‌ಣುಕರಿ ಛಾ಼ತೆ ಪೂರ ಅಕ್ಕಲ್‍ಥಿ ಬಾ ದೇವ್ನ ಮಾಯ್ನನ ಕತೊ ಕ್ರಿಸ್ತನ ಮಾಲುಮ್‌ ಕರಿಲ್ಯವಾಥಿಸ್ ಹುಯಿರ‍್ಹುಸ್.

1 ಥೆಸ 2:11

ಬಾ ಇನ ಶೊಂತ್ ಲಡ್ಕಾನ ಜೋ಼ಡೆ ಕಿಮ್ ಚಾ಼ಲಿಲೇಸ್ಕಿ ಇಮ್ಮಸ್, ಹಮೆ ತುಮಾರ ಜೋ಼ಡೆ ಚಾ಼ಲಿಲಿದಾ.

1 ಥೆಸ 3:2

ಹಮೆ ಹಮಾರ ವಿಶ್ವಾಸ್‌ಮ ಅಜು಼ ದೇವ್ನಖ್ಹಾಜೆ ಕ್ರಿಸ್ತನಿ ಸುವಾರ್ತೆನ ಬೋಧನೆಮ ಮಾರ ಜೋ಼ಡ್ಮ ರ‍್ಹವಾಳೊ ತಿಮೊಥೆನ, ತುಮೂನ ಹುಮ್ಮಖ್ಹ್ ದ್ಯವಾನ ಅಜು಼ ವಿಶ್ವಾಸ್ಮ ಹುಮ್ಮಖ್ಹ್‌ ಕರಾನಖ್ಹಾಜೆ ತುಮಾರಕನ ಮೋಕ್‍ಲ್ಯಾಥ.

1 ಥೆಸ 3:5

ತಿಮೊಥೆನ ತುಮಾರಿ ವಿಶ್ವಾಸ್‌ನಿ ಬಾರೇಮ ಮಾಲುಮ್ ಕರಿಲ್ಯವಾನಖ್ಹಾಜೆ ಮೇ ತುಮಾರಕನ ಮೋಕ್‌ಲ್ಯೊತೆ. ಬಿಜು಼ ಜಾ಼ಖ್ಹತ್ ಥಾಮಾನ ಕೋ ಉಶೇನಿ ಕರಿ ಸೋಚಿನ್, ಮೇ ಇನ ಮೋಕ್‌ಲ್ಯೊತೆ. ಶನಕತೊ ಶೈತಾನ್ನೆ ತುಮೂನ ಶೋದನೆ ಕರ‍್ಯೊತೆ ಇನೇಥಿ ಹಮಾರಿ ಮ್ಹಿನತ್ ಬಿಣ್‌ಫಾಯಿದಾನು ಹುಯಿಜಾ಼ಶೆ ಕರಿ ಮನ ಧಡೂಕೊ ಥೊ.

1 ಥೆಸ 4:18

ಇನಖ್ಹಾಜೆ ಆ ಖ್ಹಾರಿ ವಾತೆಥಿ ಏಕ್‌ನ ಏಕ್‌ ಭಾಲಿ ದೆವೊ.

1 ಥೆಸ 5:11

ಇನಖ್ಹಾಜೆ ತುಮೆ ಹಮ್ಕೆ ಕರುಕರಸ್ತೆ ಇಮ್ಮಸ್, ಏಕ್‌ನ ಏಕ್‌ ಭಾಲಿ ದೇವೊ. ಅಜು಼ ಹುಮ್ಮಖ್ಹ್‌ ದೇತಹುಯಿನ್ ಏಕ್‌ನ ಭಕ್ತಿನ ಬಿಜೇಕ್‌ ಜ಼ಣು ಭಡಾವ್ತರ‍್ಹೆವೊ.

1 ಥೆಸ 5:14

ಹಮಾರ ಭೈಯೆ ಭೇನೇವೊ, ಶೊಂಬೇರಿನ ಝೇತಾವೊ, ದಿಲ್ಮ ಹೇಬತ್ ರ‍್ಹವಾಳನ ಭಾಲಿದೇವೊ, ಕಮ್‌ಜೋ಼ರಿ ರ‍್ಹವಾಳನ ಆಧಾರ್ ರ‍್ಹವೊ, ಖ್ಹಾರಾನ ಜೋ಼ಡೆ ಘಣಿ ಸಮಾಧಾನ್‌ಥಿ ರ‍್ಹವೊ ಕರಿ ತುಮುನ ಉಪದೇಶ್ ಕರುಸ್.

2 ಥೆಸ 2:17

ಖ್ಹಾರಿಸ್ ತರ‍್ಹಾನು ಅಛ಼್ಛಕಾಮ್ಮಬಿ ಅಛ಼್ಛು ವಚನ್‌ಮಾಬಿ ತುಮುನ ಭಾಲಿದ್ಯವಾದೆ.