ಕೊಲೊಸ್ಸೆ 3:11 - ದೇವ್ನಿ ಖ್ಹಾಚಿ ವಚನ್

¹¹ ಆ ನವ ಜಿವ್ಣಮ ಯೆಹೂದ್ಯಕಾಹೇತೆ ಅಜು಼ ಯೆಹೂದ್ಯವಾಳೊ ಕರಿ ಫರಕ್ ಕೊಯ್ನಿ, ಖ್ಹತ್ನ ಕರೈರಾಖವಾಳು, ಕರೈರಾಖಕೊಂತೆ ಕರಿ ಫರಕ್‌ಕೊಯ್ನಿ, ಮಾಲುಮ್‌ರ‍್ಹವಾಳು ನಾಮಾಲುಮ್‌ ರ‍್ಹವಾಳುಕರಿ ಫರಕ್ ಕೊಯ್ನಿ. ಆಳ್‌, ಯಜಮಾನ್‍ಕರಿ ಫರಕ್ ಕೊಯ್ನಿ. ಕತೋಬಿ ಕ್ರಿಸ್ತಸ್ ತಮಾಮ್‍ಬಿ ಹರೇಕ್‌ಮ ರ‍್ಹವಾಳೊ ಹುಯಿರ‍್ಹೋಸ್.

ಕೊಲೊಸ್ಸೆ 3:11 ပူးပေါင်းရင်းမြစ်များ

ಯೋಹಾನ 14:23

ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು.

ಯೋಹಾನ 15:5

ಮೇ ದ್ರಾಕ್ಷಿನೊ ವೇಲೊ, ಅಜು಼ ತುಮೆ ಡಾಳಿಯೆ. ಏಕ್‌ ಜ಼ಣೊ ಮಾರಾಮ ಅಜು಼ ಮೇ ಇನಾಮ ರ‍್ಹಯೋತೊ, ಯೋಸ್‌ ಜಾ಼ಖ್ಹತ್ ಪಂಡು ದಿಶೆ; ಕತೋಬಿ ತುಮೆ ಮನ ಮ್ಹೆಂದಿನ್ ಶಾತ್ಬಿ ಕರಾನ ಕೋ ಹುವಾನಿ.

ಯೋಹಾನ 17:23

ಮೇ ಇವ್ಣಾಮ ರ‍್ಹೀಶ್ ಅಜು಼ ತೂ ಮಾರಾಮ ರ‍್ಹೀಶ್ ಅನೇಥಿ ಇವ್ಣೆ ಅಮ್ಮಸ್ ಭರ್‌ಪೂರ್‌ಥಿ ಏಕ್‌ ಹುಯಿರ‍್ಹಿಶೆ, ತದೆ ತುನೇಸ್ ಮನ ಮೋಕ್ಯಲ್ಯೋತೆ ಕರಿ ಅಜು಼ ತುನೆ ಮನ ಪ್ಯಾರ್ ಕರ‍್ಯೊತೆ ಇಮ್ಮಸ್, ಅವ್ಣುನಾಬಿ ಪ್ಯಾರ್ ಕರಿರಾಖ್ಯೋಸ್ ಕರಿ ಆ ಜಗತ್ನ ತದೆ ಮಾಲುಮ್‌ ಪಡ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:17

ತದೆ ಜ಼ಗ್‌ಜಾತ್‌ಮ ಉಭ್‍ರ‍್ಯುತೆ ಅದ್ಮಿಮ ಥೋಡು ಜ಼ಣು ಕತೊ ದೇವ್‌ನು ಅದ್ಮಿಕರಿ ಬೋಲೈರ‍್ಹುತೆ ಖ್ಹಾರೂಸ್ ಜ಼ಗ್‌ಜಾ಼ತ್‌ಬಿ ಪ್ರಭುನ ಢೂಂಡವಾಳು ಹುಯಿರುಸ್, ಯೆಹೂದ್ಯರ್‌ಕಾಹೆತೆ ಅದ್ಮಿನ ಮಾರು ಶೊಂತ್ ಕರೀಶ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:2

ತದೆ ಪಾಣಿ ವರ್ಖ್ಹುಕರ್ತೊಥೊ ಅಜು಼ ಘಣು ಠಣ್‍ಥೂತೆಖ್ಹಾಜೆ ಯೋ ಟಾಪುನು ಅದ್ಮಿಖ್ಹಾರು ಪ್ಯಾರ್‌ಥಿ ಇವ್ಣೆ ಶೇಕಾನಖ್ಹಾಜೆ ಆಗ್ ಲಗಾಡಿನ್ ಹಮೂನ ಖ್ಹಾರಾನ ಬುಲಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:4

ಪೌಲನ ಹಾತ್ನ ಲಪ್‍ಟೈರ‍್ಹುಥೂತೆ ಯೋ ಖ್ಹಾಪ್‍ನ ದೇಖ್ಯೂತೆ ಟಾಪುವಾಳು, “ಆ ಅದ್ಮಿ ಖ್ಹಾಚ ಖೂನಿಸ್‌ ಹುಯಿರೊಸ್. ಆ ಹೈರೋತೆ ದರ‍್ಯಾವ್‍ಮಾಥೊ ಬಚಿನ್ ಆಯೋತೋಬಿ ನಶೀಬ್‌ ಇನ ಜಿವಾನ ಮ್ಹೇಲ್ಯುಕೊಯ್ನಿ.” ಕರಿ ಇವ್ಣ ಇವ್ಣಾಮ ಬೋಲಿಲಿದು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:14

ಮೇ ಗ್ರೀಕ್‍ವಾಳನಾಬಿ ಅಜು಼ ಅಲಕ್‌ಅದ್ಮಿವೊನಾಬಿ ಅಕ್ಲಿನಾಬಿ, ಬಿಣ್‌ಖ್ಹೈಲಿನಾಬಿ ಫೇಡ್ನುತೆ ಏಕ್‌ ಕರ್ನಿ ಮಾರಪರ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:12

ಶನಕತೊ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೇತೆ ಇವ್ಣುನಾಬಿ ಕಮ್ ಜಾ಼ಖ್ಹತ್ ಕರ‍್ಯೊಕೊಯ್ನಿ, ದೇವ್ ಖ್ಹಾರಾನ ಪ್ರಭುಹುಯಿರ‍್ಹೇಸ್. ಇನ ಸ್ವೀಕಾರ್ ಕರವಾಳನ ಖ್ಹಾರಸ್ನ ಪ್ರಭು ಘಣು ಆಶೀರ್ವಾದ್‌ ಕರಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:22

ಯೇಸುಕ್ರಿಸ್ತಮ ವಿಶ್ವಾಸ್‍ಕರಾವಾಳಥಿಸ್‌ ವಿಶ್ವಾಸಿಖ್ಹಾರವ್ನ ದೇವ್ನಿ ನೀತಿ ಆವ್‌ಶೆ. ಅನಾಮ ಖೆವುಬಿ ಅಶಿಲ್ ಕಮ್‌ಶಿಲ್ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:29

ದೇವ್ ಯೆಹೂದ್ಯರ್‌ನ ಖಲಿ ದೇವ್‍ಕಿಶು? ಯೋ ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ದೇವ್‍ಹುಯಿರ‍್ಹೇಸ್‍ ಕೊಯ್ನಿಕಿಶು? ಒಹೊ, ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ದೇವ್ ಹುಯಿರ‍್ಹೋಸ್.

1 ಕೊರಿಂಥ 12:13

ಅಮ್ಮಸ್ ಯೆಹೂದ್ಯರ್ ರ‍್ಹವೊ,ಯೆಹೂದ್ಯಕಾಹೇತೆ ರ‍್ಹವೊ ಗುಲಾಮ್ ರ‍್ಹವೊ ಛುಟ್ಕಾರ್ ರ‍್ಹವಾಳು ರ‍್ಹವೊ ಅಪ್ಣೆಖ್ಹಾರು ಎಕ್ಕಸ್‍ಜ಼ಣೊ ಆತ್ಮಥಿ ಎಕ್ಕಸ್ ಶರೀರ್‌ನ ಮಹಿ ಬ್ಯಾಪ್ತಿಸ್ಮ ಲೀಲಿದ. ಅಪ್ಣಖ್ಹಾರಾನ ಎಕ್ಕಸ್‍ಜ಼ಣೊ ಪವಿತ್ರಾತ್ಮನ ಪಿಯಾನ ದೆವಾಯು.

1 ಕೊರಿಂಥ 14:11

ಬೋಲಿನಿ ಮತಲಬ್ ಮನ ಮಾಲುಮ್‌ ನಾ ಪಡ್ಯುತೊ ಯೋ ವಾತ್ ಬೋಲವಾಳಾನ ಮೇ ಪರ್‌ದೇಖ್ಹ್‌ವಾಳನಿತ್ರ ರ‍್ಹೀಶ್ ಯೋ ಮನ ಪರದೇಖ್ಹ್‌ವಾಳನಿತ್ರ ರ‍್ಹಿಶೆ.

1 ಕೊರಿಂಥ 7:19

ಖ್ಹತ್ನ ಕರಾವನುಕಿ ನತರ್ ಖ್ಹತ್ನ ಕರಾವ್ಣುಕರಿ ಯೋಸ್ ಮುಖ್ಯ ಕಾಹೆ. ದೇವ್ನು ಹುಕುಮ್‌ನ ಪಾಡಿನ್ ಚಾ಼ಲನೂಸ್ ಮುಖ್ಯ ಹುಯಿರ‍್ಹುಸ್.

ಗಲಾತ್ಯ 2:20

ಅಜು಼ ಜಿವ್‌ಕರೂಸ್ತೆ ಮೇಕಾಹೆ, ಕತೋಬಿ ಕ್ರಿಸ್ತ ಮಾರಮಹಿ ಜಿವವಾಳೊ ಹುಯಿರೊಸ್. ಹಮ್ಕೆ ಮೆ ಶರೀರ್‌ಮ ಜಿವ್ಣುಕರಾನು ಕಿಮ್ ಕತೊ ದೇವ್ನ ಛಿಯ್ಯಾಪರ‍್ಲಿ ವಿಶ್ವಾಸ್‌ಥೀಸ್. ಯೋ ಮನ ಪ್ಯಾರ್ ಕರೀನ್ ಮಾರ ಖ್ಹಾಜೇಥಿ ಇನಾಸ್ ದಿನಾಖಿದಿದೊ.

ಗಲಾತ್ಯ 5:6

ಕ್ರಿಸ್ತ ಯೇಸುಮ ರ‍್ಹವಾಳನ ಖ್ಹತ್ನ ಹುಯುತೋಬಿ ನಾಹುಯುತೋಬಿ ಫಾಯಿದೊ ಕೊಯ್ನಿ. ಕತೋಬಿ ಪ್ಯಾರ್‌ಥಿ ರ‍್ಹೇಸ್ತೆ ವಿಶ್ವಾಸಸ್ ಫಾಯಿದಾನು ಹುಯಿರ‍್ಹುಸ್.

ಎಫೆಸ 1:23

ಸಬೆ ಕ್ರಿಸ್ತನು ಶರೀರ್ ಹುಯಿರ‍್ಹುಸ್, ಅಖ್ಖಾಸ್ನ ಅಖ್ಖಿ ತರಿಕಾಮಾಬಿ ದ್ಯವಾಳಥಿ ಯೊ ಭರ್‌ಪೂರ್‌ ಹುಯಿರ‍್ಹುಸ್.

ಎಫೆಸ 2:14

ಯೆಹೂದ್ಯರ್‌ಬಿ ಯೆಹೂದ್ಯರ್ ಕೊಯ್ನಿತೆ ಇವ್ಣುನಏಕ್‌ಪರ್‌ ಏಕ್‌ ಕರೀನ್ ಯೋಸ್ ಅಪ್ಣುನ ಶಾಂತಿ ದ್ಯವಾಳೊ ಹುಯಿರೋಸ್. ಕಿಮ್ ಕತೊ ಇವ್ಣ ಬೀಚ್ಮ ಏಕ್‌ ಭೀತ್‌ನಿತರ ಥು. ಕತೋಬಿ ಕ್ರಿಸ್ತ ಇನು ಶೊಂತ್ ಶರೀರ್‌ನು ಬಲಿದಾನ್‌ ದೇತೊಹುಯಿನ್ ಯೊ ವಹೇರ‍್ನು ಭೀತ್‌ನ ರಡ್ಕಾಯೊ.

ಎಫೆಸ 2:15

ಇನೆ ಧರ್ಮಶಾಸ್ತ್ರ ಅಜು಼ ನಿಯಮ್‌ನಿ ಜೋ಼ಡ್ಮ ಯೊ ಭೀತ್ ರಡ್ಕಾಯೊ.ಅಮ್ ಇನ ಗಳ್‌ಜೋ಼ಡ್ಮ ಭೇ ಖೂಮ್ನ ಇನಜೋ಼ಡೆ ಏಕ್‌ ನವಿ ಖೂಮ್‌ಕರಿ ಮ್ಹೇಲಾನಖ್ಹಾಜೆ ಅಮ್ ಸಮಾಧಾನ್ ಕರ‍್ಯೊ.

ಎಫೆಸ 3:17

ಕ್ರಿಸ್ತ ತುಮಾರ ವಿಶ್ವಾಸ್‍ಥಿ ತುಮಾರ ದಿಲ್ಮ ಜಿವಾದೆಕರಿಬಿ, ಯೊ ಇನಿ ಮಹಿಮೆನಿ ಶಕತ್ ದ್ಯವಾದೆ.

ಎಫೆಸ 3:6

ಯೊ ಮಾಯ್ನೊ ಖಿವುಕತೊ,ಯೆಹೂದ್ಯರ್‌ಕಾಹೆತೆ ಅದ್ಮಿ ಜಿನು ಸುವಾರ್ತೆಥಿ ಕ್ರಿಸ್ತಯೇಸುಮ ದೇವ್ನ ಅದ್ಮಿನಜೋ಼ಡೆ ವಾಗ್ದಾನ್‌ಮ ವಾಟೊಲ್ಯಾವಳ ಹುಯಿರ‍್ಹಾಸ್.

ಎಫೆಸ 6:8

ಶನಕತೊ ಏಕ್‍ಜ಼ಣೊ ಆಳ್‌ ಹುಯಿ‍ರ‍್ಹೆವೊ ಛು಼ಟ್ಕಾರ್‌ವಾಳು ಹುಯಿ‍ರ‍್ಹೆವೊ ಇವ್ಣೆ ಶಾತ್ ಅಛ಼್ಛುಕಾಮ್ ಕರಾಸ್ಕಿ ಇನು ಇನಾಮ್ ಪ್ರಭುಥಿ ಲೀಲಿಶ್ ಕರಿ ತುಮುನ ಮಾಲುಮ್ ಛಾ಼.

ಕೊಲೊಸ್ಸೆ 2:10

ಯೋಸ್ ಅಖ್ಖಾಸ್ ರಾಜ಼್‌ನಾಬಿ, ಅದಿಕಾರ್‌ನಾಬಿ ಮುಡ್‌ಕ್ಯು ಹುಯಿರ‍್ಹೋಸ್ತೆ ಖ್ಹಾಜೆ. ತುಮೆ ಇನಾಮ ರ‍್ಹೀನಸ್ ಅಖ್ಖಾಸ್ನ ಲೀಲ್ಯಾವವಾಳ ಹುಯಿರ‍್ಹಾಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

2 ಯೋಹಾ 1:9

ಕ್ರಿಸ್ತನಿ ಉಪದೇಶ್‍ಮ ನಾರ‍್ಹೀನ್ ಇನ ಮಿತ್‌ಮೀರಿನ್ ಜಾವಾಳಮ ದೇವ್ ಕೊರ‍್ಹೇಯಿನಿ. ಯೊ ಉಪದೇಶ್‍ಮ ಜ಼ಡ್‍ಗಾಠಿನ್ ರ‍್ಹಾವವಾಳಮ ಬಾನಿಬಿ ಛಿಯ್ಯಾನಿಬಿ ಜೋ಼ಡೆ ಗಳ್‍ಜೋ಼ಡ್ ರ‍್ಹಿಶೆ.