ಕೊಲೊಸ್ಸೆ 3:1 - ದೇವ್ನಿ ಖ್ಹಾಚಿ ವಚನ್

¹ ತುಮೆ ಕ್ರಿಸ್ತನಿ ಜೋ಼ಡ್ಮ ಜಿವ್ತುಹುಯಿನ್ ಉಠೀನ್ ಆವಾನು ರ‍್ಹಯೂತೊ ಸೊರ್ಗಮ ರ‍್ಹೇಯ್ತೆ ಇನಾಸ್ ಢೂಂಡೊ, ಹಿಜ್ಜಾ಼ ಕ್ರಿಸ್ತ ದೇವ್ನು ಖಾವಿಬಾಜು಼ಮ ಬೆಠೋಸ್.

ಕೊಲೊಸ್ಸೆ 3:1 ပူးပေါင်းရင်းမြစ်များ

ಮತ್ತಾಯ 22:44

ಮೇ ತಾರ ದುಶ್‌ಮನ್ನ ಖ್ಹಾರು ತಾರ ಗೋಡ ಹೇಟ್ ನಾಖಾಲಗು, ಮಾರಿ ಖಾವಿ ಬಾಜೂ಼ಮ ಬೆಠೋರೆ ಕರಿ ಪ್ರಭುನೆ ಮಾರ ಮಾಲಿಕ್‌ನ ಬೋಲ್ಯೊ’ ಕರಿ ಪವಿತ್ರಾತ್ಮಥಿ ಬೋಲ್ಯೋನಿ.

ಮತ್ತಾಯ 26:64

ಯೇಸುನೆ ಇನ, “ತುನೇಸ್ ಬೋಲ್ಯೋನಿ; ಅತ್ರೇಸ್ ಕಾಹೆತೆ ಮೇ ತುಮೂನ ಬೋಲುಸ್ಕಿ, ಹಂಕೇಥು ಅದ್ಮಿನೊ ಛಿಯ್ಯೊ ಮಹಾನ್ ಶಕತ್‌ವಾಳಾನಿ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆ ದೇಕ್‌ಶು!” ಕರಿ ಬೋಲ್ಯೊ.

ಮತ್ತಾಯ 6:20

ಕತೋಬಿ ಸೊರ್ಗಾಮ ಶೊತ್‍ ಕರಿರಾಖೊ. ಹಿಜ್ಜಾ಼ ಯೋ ಕೋರ‍್ಹ ಖೈನ್‌, ಕಿಲಪ್‍ ಧರೀನ್ ಲುಕ್ಷಾನ್ ಕೋ ಹುವಾನಿ, ಅಜು಼ ಚೋ಼ರ್ ಖ್ಹಾರು ಘರ್‌ಫೋಡ್‍ಶೇಬಿ ಕೊಯ್ನಿ. ಚೋ಼ರೀಬಿ ಕರಾಕೊಯ್ನಿ.

ಮತ್ತಾಯ 6:33

ಅನಬದಲ್, ತುಮೆ ಪಹಿಲೆ ದೇವ್ನು ರಾಜ್ಯನಖ್ಹಾಜೆ ಅಜು಼ ಇನಿ ನೀತಿನ ಖ್ಹಾಜೇಬಿ ತರ್ಖ್ಹೊ. ತದೆ ಅನಜೋ಼ಡೆ ಯೋ ಖ್ಹಾರೂಸ್ ಮಳ್‌ಶೆ.

ಮಾರ್ಕ 12:36

‘ಮೇ ತಾರು ದುಶ್‌ಮನ್ನ ಖ್ಹಾರು ತಾರ ಗೋಡಾನ ಹೇಟ್‌ ನಾಖಾಲಗು ಮಾರಿ ಖಾವಿ ಬಾಜು಼ಮ ಬೆಠೋರೆ, ಕರಿ ಪ್ರಭು ಹುಯಿರ‍್ಹೋತೆ ದೇವ್ನೆ ಮಾರ ಮಾಲಿಕ್‌ನ ಬೋಲ್ಯೊ’ ಕರಿ ಪವಿತ್ರಾತ್ಮನೆ ದಾವೀದನ ಮ್ಹೋಡಾವಾಟೆ ಬೋಲಾಯೋನಿ.

ಮಾರ್ಕ 14:62

ಯೇಸುನೆ, “ಒಹೊ, ಮೇಸ್; ಎತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆಖ್ಹಾರು ದೇಕ್‌ಶು!” ಕರಿ ಬೋಲ್ಯೊ.

ಮಾರ್ಕ 16:19

ಯೇಸು ಪ್ರಭುನೆ ಇವ್ಣ ಜೋ಼ಡೆ ಆ ಖ್ಹಾರು ಬೋಲಿನ್ ಹುಯಿಜಾ಼ವಾನ ಬಾದ್‌ಮ ಇಮ್ಮಸ್ ಸೊರ್ಗಮ ಪಡೈಗಯೊ ಅಜು಼ ಯೇಸು ದೇವ್ನ ಖಾವಿ ಬಾಜು಼ಮ ಬೇಶಿಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:33

ತುಮಾರಕನ ಛಾ಼ತೆ ಖ್ಹಾರುಸ್‌ ವೇಚಿನ್, ಆವಸ್ತೆ ಪೈಶಾನ ಗೋರ್‌-ಗರೀಬ್‌ನ ದೇವೊ. ತುಮಾರಕನ ಫಾಟಕೊಂತೆ ಚ಼ಂಚಿಯೇನ ಕರಿಲೆವೊ, ಪರ್‌ಲೋಕ್‌ಮ ಕಮ್ ಹುವಾಕೊಂತೆ ಶೊತ್ನ ಜ಼ಮಕರಿಲೇವೊ, ಕೆಹೊ ಚೋ಼ರ್‌ಬಿ ಇನ ಖನ್ನೆ ಆವಾನ ಕೋ ಆವಾನಿ ಅಜು಼ ಇನ ಕೋರ‍್ಹ ಖೈನ್‌ ಬರ್ಬಾತ್ ಕೋ ಉಶೇನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:42

‘ಮೇ ತಾರ ವಹೇರ‍್ಯಾನ ತಾರ ಗೋಡಾನೊ ರಚ್ಚೊ಼ ಬಣಾವಲಗು ಮಾರಿ ಖಾವಿಬಾಜು಼ ಬೆಠೋರೆ’ ಕರಿ ಪ್ರಭುನೆ, ಮಾರ ಮಾಲಿಕ್‌ನ ಬೋಲ್ಯೊ, ಕರಿ ದಾವೀದ್‌ನೇಸ್ ಕೀರ್ತನೇನ ಪುಸ್ತಕ್‌ಮ ಲೀಖಿರಾಖ್ಯೊಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:69

ಹಂಕೇಥು, ಕತೋಬಿ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹೀಶೆ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:34

ಸೊರ್ಗಾನ ಪಡೈಗಯೊತೆ ದಾವೀದ್ ಕಾಹೆ, ಯೊ ಯೇಸುಸ್. ದಾವೀದ್ ಇನಿ ಬಾರೇಮ ಅಮ್ ಬೋಲಸ್. ‘ಮೆ ತಾರ ವಹೇರ‍್ಯಾನ ತಾರ ಗೋಡಾನೊ ರಚ್ಚೊ಼ ಬಣಾವಲಗು ಮಾರಿ ಖಾವಿಬಾಜು಼ ಬೆಠೋರೆ’ ಕರಿ ಪ್ರಭುನೆ ಮಾರ ಮಾಲಿಕ್‌ನ ಬೋಲಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:55

ಕತೋಬಿ ಯೊ ಪವಿತ್ರ ಆತ್ಮಥಿ ಭರೈನ್ ಸೊರ್ಗಭಣಿ ದೇಖಿನ್, ದೇವ್ನಿ ಮಹಿಮೆನಬಿ, ದೇವ್ನ ಖಾವಿಬಾಜು಼ಮ ಭಿಯೋತೆ ಯೇಸುನಾಬಿ ದೇಖ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:34

ಅಪರಾದಿಕರಿ ನಿಶತ್‌ ಕರಾವವಾಳು ಕೋಣ್? ಕ್ರಿಸ್ತಯೇಸು ಮರಣ್‍ಲಿದೊ. ಅಜು಼ ಎತ್ರೇಸ್ ಕಾಹೆತೆ ಮರ‍್ಯಹುಯಮಾಥು ಉಠಿನ್ ದೇವ್ನ ಖಾವಿಬಾಜು಼ಮ ಬೇಶಿನ್. ಯೋಸ್ ಅಪ್ಣಖ್ಹಾಜೆ ಬಿಂತೀನಿವ್ಹಾರ್ ಕರಾವಾಳೊ ಹುಯಿರೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:6

ಶರೀರ್‌ನು ಸ್ವಭಾವ್‌ನುದಿಲ್ ಮರಣ್ಣು ಹುಯಿರ‍್ಹುಸ್. ಕತೋಬಿ ಪವಿತ್ರಾತ್ಮನ ಮಹಿರ‍್ಹಿಯೋತೊ ಇನಪರ್ ದಿಲ್‍ರಾಖನು ಜಾನ್‌ಬಿ ಸಮಾಧಾನ್‍ಬಿ ಹುಯಿರ‍್ಹೇಸ್.

2 ಕೊರಿಂಥ 4:18

ಅಪ್ಣೆ ದೆಖಾವತೆ ಇನಅಖ್ಖು ದೆಖ್ಯೆಕೊಂತೆ ಛಾ಼ತೆ ಇನ ದೇಖವಾಳ ಹುಯಿರಾಸ್. ಶನಕತೊ ದೆಖಾವತೆ ಅಖ್ಖು ಥೋಡಿ ವಖ್ಹತ್‌ಖಲಿ ರ‍್ಹೇಸ್. ದೆಖಾವಕೊಂತೆ ಯೋ ಹರ್‌ಹಮೇಶ ರ‍್ಹೇಸ್.

ಎಫೆಸ 4:10

ಉತ್ರಿನ್ ಆಯೊಹುಯೊ, ಖ್ಹಾರುಸ್ ಭರಾನಖ್ಹಾಜೆ ಅಖ್ಖಾ ಜಗತ್‌ಥೀಬಿ ಊಚಾ಼ಮ ಛ಼ಢಿಗಯೊಹುಯೊ ಹುಯಿರ‍್ಹೋಸ್.

ಎಫೆಸ 5:22

ತಯೆಡಾವೊ, ತುಮೆ ಪ್ರಭುಮ ಕಿಮ್ಕಿ ಇಮ್ಮಸ್ ತುಮಾರ ಬಾವ್ರಿಯೇನಿ ದಾಬುಕ್ಮ ರ‍್ಹವೊ.

ಕೊಲೊಸ್ಸೆ 2:20

ಏಕ್‌ಬಾರ್ ತುಮೆ ಕ್ರಿಸ್ತನಿ ಜೋ಼ಡ್ಮ ಜಗತ್ನ ಆತ್ಮಮ ಮರ‍್ಹೀರ ಉಶೇತೊ, ಅಜೂ಼ಬಿ ಜಗತ್‍ವಾಳನಿತರಸ್ ಬಚಿನ್ ತುಮೆ ಶನ ಜಿವ್ಣುಕರುಕರಸ್? ಅಮ್ನಿ ಹುಕುಮ್‌ನಲೀನ್ ಶನ ಚಾ಼ಲವಾಳ ಹುಯಿರ‍್ಹಾಸ್?

ಕೊಲೊಸ್ಸೆ 3:2

ಪರಲೋಕ್ನು ಛಾ಼ತೆ ಇನಿ ಬಾರೇಮ ಸೋಚೊ, ಜಗತ್‌ಮ ಛಾ಼ತೆ ಇನಿ ಬಾರೇಮ ಕಾಹೆ.

ಇಬ್ರಿ 1:13

ಕತೋಬಿ ಖೆವ ದೇವ್‌ದೂತರ್‌ನತೋಬಿ ದೇವ್ನೆ, ಮೇ ತಾರ ದುಶ್‌ಮನ್ನ ತಾರ ಗೋಡಾನ ರಚ್ಚಾ಼ಕನ ನಾಖತೋಡಿ ತು ಮಾರಿ ಖಾವಿ ಬಾಜೂ಼ಮ ಬೆಠೋರೆ ಕರಿ ಕದೆತೋಬಿ ಬೋಲ್ಯೊಥೋಕಿ ಶು?

ಇಬ್ರಿ 1:3

ಯೋಸ್ ದೇವ್ನು ಮಹಿಮೆನು ಉಜಾ಼ಖ್ಹ್‌ಬಿ, ದೇವ್ನಿ ಪ್ರತಿರೂಪ್‌ಬಿ, ಇನಿ ವಚನ್ ಶಕಥ್ಥಿ ಅಖ್ಖಾಸ್ನ ಆಧಾರ್ ಹುಯಿನ್ ಯೋಸ್ ಅದಮ್‍ಜ಼ಮಾನನಿ ಪಾಪ್ನ ಶುದ್ದಿಕರಿನ್ ಸೊರ್ಗಾಮ ಮಹಾನ್ ದೇವ್ನು ಖಾವಿಬಾಜು಼ಮ ಬೇಶಿಗಯೊ.

ಇಬ್ರಿ 10:12

ಕತೋಬಿ ಕ್ರಿಸ್ತ ಪಾಪ್ನಖ್ಹಾಜೆ ಅಖ್ಖಾ ಹಗಾಮ್ಮ ಎಕ್ಕಸ್‍ಬಲಿನ ಸಮರ್ಪಣ್‍ಕರೀನ್, ದೇವ್ನ ಖಾವಿಬಾಜು಼ ಬೇಶಿಗಯೊ.

ಇಬ್ರಿ 12:2

ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.

ಇಬ್ರಿ 8:1

ಹಮ್ಕೆ ಹಮೆ ಬೋಲಾನಿ ವಾತೆಖ್ಹಾರಿ ಜ಼ರೂರ‍್ನಿವಾತೆ ಶಾತ್‍ಕತೊ, ಪರ್‌ಲೋಕ್‌ಮ ಊಚಿ ಸಿಂಹಾಸನ್ನ ಖಾವಿಬಾಜು಼ಮ ಬೇಠೊರ‍್ಹವಾಳೊ ಮಹಾಯಾಜಕ್ ಅಪ್ಣುನ ಛಾ಼.

1 ಪೇತ್ರ 3:22

ಹಮ್ಕೆ ಯೇಸು ಪರ್‌ಲೋಕ್ನ ಜೈ಼ನ್ ದೇವ್ನ ಖಾವಿಬಾಜು಼ಮ ಬೇಠೋಸ್. ಖ್ಹಾರುಸ್ ದೇವ್‌ದೂತರ್‌ಬಿ ಪರಲೋಕ್ನು ಅದಿಕಾರಿಖ್ಹಾರು ಅಜು಼ ಶಕತ್‍ಖ್ಹಾರನ ಉಪ್ಪರ್ ಯೊ ರಾಜ಼್‌ಭಾರ್ ಚ಼ಲವ್‍ಕರಸ್.