ಕೊಲೊಸ್ಸೆ 2:5 - ದೇವ್ನಿ ಖ್ಹಾಚಿ ವಚನ್

⁵ ಮೇ ಶರೀರ್‌ಮ ತುಮಾರಕನ ನಾರ‍್ಹಯೊತೋಬಿ ಮಾರೊ ಆತ್ಮಥಿ ತುಮಾರಿ ಜೋ಼ಡ್ಮ ರ‍್ಹೀನ್. ತುಮೆ ಬರೋಬರ್‌ಥಿ ಚಾ಼ಲಿಲ್ಯಾವನುಬಿ ಅಜು಼ ಕ್ರಿಸ್ತಮ ತುಮಾರಿ ವಿಶ್ವಾಸ್ ಘಟ್‍ಛಾ಼ ಕರಿ ದೇಖಿನ್ ಮನ ಖುಷಿಹುವಸ್.

ಕೊಲೊಸ್ಸೆ 2:5 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:42

ಯೊ ಅದ್ಮಿಖ್ಹಾರು ಅಪೊಸ್ತಲರ‍್ನಿ ಉಪದೇಶ್‍ನ ಖ್ಹಮ್‍ಜಾ಼ಮಾಬಿ, ಭೈಯೇ಼ಮ ಮಳಿನ್ ರ‍್ಹವಾಮಾಬಿ, ಖಾಣು ಖಾವಮಾಬಿ, ಪ್ರಾರ್ಥನೆ ಕರಾಮಾಬಿ ಜೋ಼ಡ್ಮ ಅವ್ಣೆ ಮಳಿನ್ ಕರ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:21

ಯೆಹೂದ್ಯರ್‌ನ ಅಜು಼ ಗ್ರೀಕ್‍ವಾಳು ಪಾಪ್ನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣು ಅಜು಼ ಪ್ರಭು ಯೇಸುನ ನಾಮ್‌ಪರ್‌ ವಿಶ್ವಾಸ್ ರಾಕ್ಣುಕರಿ ಮೇ ಬೋಲಿರಾಖ್ಯೊಸ್.

1 ಕೊರಿಂಥ 11:34

ಕೋಣ್‍ತೋಬಿ ಭುಕ್ಯೊರ‍್ಹಿಯೋತೊ ಯೊ ಘರ್‌ಮಾಸ್ ಖಾವಾದೆ. ಅನೇಥಿ ತುಮೆ ದೇವ್ನಿ ತೀರ್ಪ್‌ಮ ಮಳಿನ್ ಆವ್ಣು ನಾ. ಬಿಜು಼ ಉಬ್ರಿಹುಯಿ ವಾತೆಖ್ಹಾರಿ ಮೇ ಐನ್‌ ಖ್ಹಮ್‍ಜಾ಼ಡಿಶ್.

1 ಕೊರಿಂಥ 14:40

ಕತೋಬಿ ಅಖ್ಖೂಸ್ ಬರೋಬರ್‌ಥಿ ಅಜು಼ ರ‍್ಹವಾನಿ ಪರಕ್ಮ ಬರೋಬರ್‌ಥಿ ರ‍್ಹವಾದೆ.

1 ಕೊರಿಂಥ 15:58

ಇನಾಖ್ಹಾಜೆ ಮಾರ ಪ್ಯಾರ್‌ನ ಭೇನೆ ಭೈಯೇವೊ, ಘಟ್‍ಥಿ ಭೀರ‍್ಹೆವೊ. ಕೆಹೂಬಿ ತುಮುನ ಹಲಾವದೆ ನಕೊ. ಪ್ರಭುಮ ತುಮಾರೊ ವಾಖ್ಯೊ ಬಿಣ್‌ಫಾಯಿದೊ ಉಶೆಕೊಯ್ನಿ ಕರಿ ಖ್ಹಮ್‌ಜಿನ್‌, ಪ್ರಭುನ ಕಾಮ್ನಖ್ಹಾಜೆ ಕದೇಬಿ ತುಮಾರು ತುಮೆ ಪೂರ ಅರ್ಪಣ್‍ ಕರಿಲೆವೊ.

1 ಕೊರಿಂಥ 16:13

ಜ಼ತನ್‍ರ‍್ಹೇವೊ, ವಿಶ್ವಾಸ್‌ಮ ಘಟ್‍ಭೀರ‍್ಹೆವೊ ದಿಲ್‍ಪಥಿ ರ‍್ಹವೊ, ಅಜು಼ ತಾಖತ್‍ವಾಳ ಹುವೊ.

ಕೊಲೊಸ್ಸೆ 2:1

ತುಮಾರ ಖ್ಹಾಜೇಬಿ, ಲವೊದಿಕೀಯವಾಳನ ಖ್ಹಾಜೇಬಿ ಶೊಂತ್‍ಥೀಬಿ ಮಳಾಕೊಂತೆ ಇವ್ಣಖ್ಹಾಜೆಥೀಬಿ ಮೇ ಕೆತ್ರೆ ಲಡುಕರೂಸ್ ಕರಿ ಬೋಲಾನು ತುಮೆ ಮಾಲುಮ್ ಕರಿರಾಕ್ಣು ಕರಿ ಮೇ ಆಖ್ಹ್‌ಕರುಸ್.

1 ಥೆಸ 2:17

ಮಾರ ಭೈಯೇ ಭೇನೆವೊ, ಹಮೆ ಥೋಡದನ್ ತುಮಾರೇಥಿ ದೂರ್ ರ‍್ಹಿಯತೋಬಿ ಮನ್‌ಮ ದೂರ್ ಕರ‍್ಯಕೊಂತೆ ತುಮೂನ ಆಮಖ್ಹಾಮೆ ದೇಕ್ಣು ಕರಿ ಹರ್‌ಖ್ಹೀನ್ ಘಣು ಕೋಶಿಶ್ ಕರ‍್ಯಾ.

1 ಥೆಸ 3:8

ತುಮೆ ಪ್ರಭುಮ ಘಟ್‍ಥಿ ಜಿವ್‌ಕರಾಸ್ತೆ ಹಮೆ ಖ್ಹಮ್‍ಜ್ಯಾಕಿ ಹಮೆ ಪಾಛು಼ ಹುಮ್ಮಖ್ಹ್‌ಹುಯ.

ಇಬ್ರಿ 3:14

ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು.

ಇಬ್ರಿ 6:19

ಅಪ್ಣುನ ಯೋ ಭರೋಖ್ಹೊ ಅಪ್ಣ ಜಾನ್ನ ನಂಬಾಖ್ಹರ್ಕು ಅಪ್ಣಿ ಜೀವನ್ನು ದೋಣಿನ ಘಟ್‍ಥಿ ಭಿರಾಖನು ಲಂಗಾರ್ ಹುಯಿರ‍್ಹುಸ್. ಯೋ ಜಾ಼ಖ್ಹತ್ ಪರಿಶುದ್ ಝ಼ಗೋನು ಪಡ್ದಾನ ಮಹಿ ಪೇಖ್ಹಾವಳು ಹುಯಿರ‍್ಹೇಸ್.

1 ಪೇತ್ರ 5:9

ತುಮೆ ವಿಶ್ವಾಸ್‌ಮ ಘಟ್‍ರ‍್ಹೀನ್ ಶೈತಾನ್ನ ಡರಾವೊ. ಜಗತ್‌ಮ ಛಾ಼ತೆ ತುಮಾರ ವಿಶ್ವಾಸಿಖ್ಹಾರು ಇಮ್ನು ಖ್ಹತಾಪ್ಣಿ ಪಡುಕರಸ್ಕರಿ ತುಮುನ ಮಾಲುಮ್ ಛಾ಼.