ಕೊಲೊಸ್ಸೆ 2:4 - ದೇವ್ನಿ ಖ್ಹಾಚಿ ವಚನ್

⁴ ಕೋಣ್‌ಬಿ ತುಮುನ ಇವ್ಣ ಪೊಖ್ಹ್‌ಲಾವನಿ ವಾತೆಥೀಬಿ ಝೂ಼ಟಿ ವಾತೆಥಿ ಠಗಾವ್ಣುನಾ ಕರಿ ಆ ವಾತೆಖ್ಹಾರಿ ತುಮುನ ಬೋಲಿರಾಖ್ಯೊಸ್.

ಕೊಲೊಸ್ಸೆ 2:4 ပူးပေါင်းရင်းမြစ်များ

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮತ್ತಾಯ 24:4

ಯೇಸುನೆ ಇವ್ಣುನ, “ಕೋಣ್‌ಬಿ ತುಮೂನ ಠಗಾವ಼್ಣುನಾತೆ ಇಮ್‌, ಜ಼ತನ್‌ಥಿ ರ‍್ಹವೊ.

ಮಾರ್ಕ 13:22

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:30

ಆ ನಾಹುಯಿನ್ ತುಮಾರಿ ಸಬೆಮಾಸ್ ಥೋಡುಜ಼ಣು ದುರ್ಬೊಧನೆ ಕರವಾಳು ಹುಯಿನ್ ಯೇಸುನ ವಿಶ್ವಾಸಿವ್‌ ಥೋಡಜ಼ಣಾನ ಖ್ಹಾಜೇಥಿ ದೂರ್ ಚ಼ಲಾವ್‌ಷೆ.

1 ಕೊರಿಂಥ 2:4

ಮಾರು ಉಪದೇಶ್ ಅಜು಼ ವಾತೆಮ ಅದ್ಮಿನಿಖ್ಹಯಾಲ್‍ನ ರ‍್ಹವಾನುಬಿ ಅಜು಼ ಅಛ್ಛಿ ವಾತೇಥಿ ಮಳಿರ‍್ಹುಥು ಕೊಯ್ನಿ. ಕತೋಬಿ ದೇವ್ನುಆತ್ಮ ದಿಲ್‌ಫರಾವನಿ ಸಾಕ್ಷಿಹುಯಿರ‍್ಹುಸ್ತೆ ಶಕಥ್ಥಿ ಮಳಿಹುಯು ಹುಯಿರ‍್ಹುಥು.

2 ಕೊರಿಂಥ 11:3

ಕತೋಬಿ ಹವ್ವ ಖ್ಹಾಪ್‍ನ ಲಬುಜ಼್‌ನಿ ವಾತ್ಮ ಮೈಕಮ್‍ಹುಯಿನ್ ಧೋಕಹುಯಿತೆ ತಿಮ್ ತುಮಾರು ದಿಲ್‌ ಕ್ರಿಸ್ತನಿ ಬಾರೇಮ ರ‍್ಹೇವ್ಣುಥೂತೆ ಶುದ್ಧಮನ್‌ಥೀಬಿ ಪರಿಶುದ್ ಭಕ್ತಿನಾಬಿ ಮ್ಹೇಲಿನ್ ಖರಾಬ್ ಹುಯಿಜಾ಼ಶೆಕರಿ ಡರ್‌ ಮಾರಾಮ ಛಾ಼.

ಗಲಾತ್ಯ 2:4

ಕತೋಬಿ ಭಾಣೇಥಿ ಪೇಠುಥೂತೆ ವಿಶ್ವಾಸಿಖ್ಹಾರು ಗಪ್ಲಥ್ಥಿ ಹಮುನ ಧರ್ಮಶಾಸ್ತ್ರನಿ ಕಬ್‌ಜಾ಼ಮ ಖ್ಹಪ್‌ಡಾವ್ಣುಕರಿ, ಕ್ರಿಸ್ತ ಯೇಸುಮ ಛಾ಼ತೆ ಅಪ್ಣಿ ಛುಟ್ಕಾರ್‌ನ ಮಾಲುಮ್‌ಕೊಂತೆ ತಿಮ್ ಪುಛಾ಼ವನ ಐರ‍್ಹುಥು.

ಎಫೆಸ 4:14

ಇನಾಖ್ಹಾಜೆ ಬೋಲಿಲಾವನು ಶಾತ್‌ಕತೊ ಅಪ್ಣೆ ಹಂಕೇಥು ಅಡ್ಡಾಣಿ ನಾ ಹುಯಿರ‍್ಹೇವ್ಣುತೆ, ಖರಾಬ್ ಅದ್ಮಿನ ಠಗಾವ್ಣಿಮಾಬಿ, ಗಲ್ತಿಸೋಚ್‌ಮ ಪಡೀನ್, ಅಲಕ್ ಅಲಕ್ ಭೋದನ್‌ಥಿ ಧೋಕಹುಯಿನ್ ವಹಿರೊ ಕೀಕಡ್‌ಕಿ ತೀಕಡ್‌ ನಾಜಾ಼ವಾಳ ಹುಯಿರ‍್ಹೇಣು.

ಎಫೆಸ 4:17

ಇನಾಖ್ಹಾಜೆ ಮೆ ಪ್ರಭುಮ ತುಮುನ ಶಾತ್‌ ಬೋಲುಸ್‌ಕತೊ ಅಲಕ್‌ ಅದ್ಮಿಖ್ಹಾರು ಚಾ಼ಲಾನಿಘೋಣಿ ಅನ ಅಗ್ಗಳ್ ನಾಚಾ಼ಲ್ನು. ಇವ್ಣೆ ಕಾಯ್‌ ಫಾಯಿದೊಕೊಂತೆ ಅಕ್ಕಲ್‌ವಾಳನಿತ್ರ ಚಾ಼ಲಿಲೆಸ್.

ಎಫೆಸ 5:6

ಫಾಯಿದೊಕೊಂತೆ ವಾತೆಥಿ ಕೋಣ್‌ಬಿ ತುಮುನ ನಕೊ ಠಗಾವದೆ, ಅಮ್ನು ಕಾಮ್ ಅಖ್ಖಾನಖ್ಹಾಜೆ ದೇವ್‌ನೊ ಇರಾದೊ ಇನಿ ವಾತೆನ ಮೀರಿನ್ ಚಾ಼ಲಸ್ತೆ ಇವ್ಣ ಉಪ್ಪರ್ ಆವಸ್.

ಕೊಲೊಸ್ಸೆ 2:18

ಥೋಡುಜ಼ಣು ದೇವ್ನದೂತರ‍್ನ ಆರಾಧನೆಮಾಬಿ ದಿಲ್‍ಲಗಾಡಿರ‍್ಹವಾಳ ಹುಯಿನ್, ಹಮುನ ದರ್ಶನಹುಯುಕರಿ ಬಡೈಮಾರಿಲೀನ್, ಜಗತ್‌ನು ಅಕ್ಕಲ್‌ಥಿ ಕಾಯಿಸ್‌ಕೊಂತೆ ಫುಲಿರ‍್ಹವಾಳನ ತುಮಾರು ಮಳಿರ‍್ಹೂತೆ ಇನಾಮ್ನ ಛಿನೈಲಾವನಿತರ ನಕೊ ಕರ್ಶು.

ಕೊಲೊಸ್ಸೆ 2:8

ಗಲ್ತಿನು ಅಜು಼ ಫಾಯಿದೊಕೊಂತೆ ಬೋಧನೆತು ಕೋಣ್‌ಬಿ ತುಮೂನ ಕಬ್‌ಜಾ಼ಮ ನಾಕರಿಲೇವ್ಣುತೆ ಹೊಷಾರ್‌ಥಿ ರ‍್ಹವೊ. ಆ ಅಖ್ಖು ಅದ್ಮಿವೋನ ಪದತ್ತಿನ ಅಜು಼ ಲೋಕ್‌ನಹೋಣುತೆ ಬೋಧನೆಮಾಸ್ ಛಾ಼ ಪಣ್ಕಿ ಕ್ರಿಸ್ತಾನಕಾಹೆ.

2 ತಿಮೊ 2:16

ಜಗತ್ನು ಹುಯಿರ‍್ಹುತೆ ಫಾಲ್ತು ವಿವಾದ್‌ಥಿ ಅಜು಼ ಭಕ್ತಿಕೊಂತೆ ವಿಚಾರ್‌ಥಿ ದೂರ್ ರ‍್ಹೇ.ಶನಕತೊ ಯೊ ವಿಚಾರ್ ಅದ್ಮಿವ್‌ನ ದೇವ್‍ಥಿ ದೂರ್ ಕರಿನಾಖಸ್.

2 ತಿಮೊ 3:13

ಕತೋಬಿ ಖರಾಬ್ ಅಜು಼ ಠಗಾರ‍್ಯು ಅದ್ಮಿ ಬಿಜಾ಼ವ್‌ನಾಬಿ ಠಗೈನ್ ಅಜು಼ ಇವ್ಣೇಬಿ ಗಲತ್‌ಪರ್ ಚಾ಼ಲ್ತುಹುಯಿನ್, ದನ್‌ಪರ್-ದನ್ ತೀರ್‌ಚಾಸ್ ಖರಾಬ್ ಹುಯಿಜಾ಼ಸ್.

1 ಯೋಹಾನ 2:18

ಪ್ಯಾರ್‌ನ ಲಡ್ಕಾವೊ, ಹೈರುತೆ ಖ್ಹರ್ತಿನು ಹಗಾಮ್ ಹುಯಿರ‍್ಹುಸ್. ಕ್ರಿಸ್ತ ವಿರೋದಿ ಆವ್‍ಶೆಕರಿ ತುಮೆ ಖ್ಹಮ್‌ಜಿರಾಖ್ಯಾಸ್‌. ಹಮ್ಕೇಸ್ ಕೆತ್ರೂಕಿ ಕ್ರಿಸ್ತವಿರೋದಿ ಛಾ಼. ಇನಖ್ಹಾಜೆ ಹಮ್ಕೆ ಖ್ಹರ್ತಿನ ಹಗಾಮ್ ಹುಯಿರ‍್ಹುಸ್‌ಕರಿ ಅಪ್ಣುನ ಮಾಲುಮ್ ಛಾ಼.

1 ಯೋಹಾನ 2:26

ತುಮುನ ಅಛ್ಛಿ ವಾಟ್‍ಮಾಥು ಛು಼ಕೈನ್ ಖರಾಬ್ ವಾಟ್‌ಪರ್ ಖೇಚಾ಼ವಾಳಾನಿ ಬಾರೇಮ ಮೇ ತುಮೂನ ಲೀಖಿರಾಖ್ಯೊಸ್.

1 ಯೋಹಾನ 4:1

ಪ್ಯಾರ್‌ನ ಅದ್ಮಿವೊ “ಅಪ್ಣಾಮ ಪವಿತ್ರಾತ್ಮ ಛಾ಼” ಕರಿ ಬೋಲಿಲ್ಯಾವಾಳ ಅಖ್ಖಾಸ್ನ ವಿಶ್ವಾಸ್ ನಾಕರ‍್ನು. ಯೊ ಹುಮ್ಮಖ್ಹ್‌ ದೇವ್‍ಥಿ ಆಯು ಕಿಶು ಕರಿ ತರೀಪ್‌ಶ ಕರಿನ್ ದೇಖೊ. ಶನಕತೊ ಜಗತ್‌ಮ ಕೆತ್ರುಕ್ಕಿ ಝೂ಼ಟು ದೇವ್ನಿ ಸಮಾಚಾರ್ ಬೋಲವಾಳು ಕಿಜ಼್ಜ ಕಿಜ್ಜಾ಼ಬಿ ಫೈಲೈಗು.

2 ಯೋಹಾ 1:7

ಶನಕತೊ, ಯೇಸುಕ್ರಿಸ್ತ ಅದ್ಮಿಹುಯಿನ್ ಆಯೊ ಕರಿ ಮಾನಿಲೆಯಿಕೊಂತೆ ಕೆತ್ರುಕ್ಕಿ ಠಗಾರುಖ್ಹಾರು ಜಗತ್‌ಮ ಅಯಿಗು ಅಥ್ರಾನವಾಳುಸ್ ಯೇಸುನ ಮಾನಿಲೆಯಿಕೊಂತೆ ಠಗಾರುಖ್ಹಾರು, ಕ್ರಿಸ್ತವಿರೋದಿ ಖ್ಹಾರು ಹುಯಿರುಸ್.

ಪ್ರಕಾಶಿತ್ 12:9

ಯೋ ಅರ್ಝ಼ ಕತೊ ಪಿಶಾಚಿಕರಿಬಿ ಶೈತಾನ್ ಕರೀಬಿ ನಾಮ್‌ರ‍್ಹವಾಳ ಯೊ ಜೂ಼ನೊ ಖ್ಹಾಪ್ ಧರ್ತಿಪರ್ ಧಕೆಲಾಯೊ ಇನೊ ದೂತಬಿ ಇನ ಜೋ಼ಡ್ಮ ಜ಼ಮೀನ್‌ಪರ್ ಫೇಕೈಗಯು.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 20:3

ಯೋ ಹಜಾ಼ರ್ ವರಖ್ಹ್ ಖತಮ್ ಹುವಾಲಗು ಬಿಜೂ಼ಬಿ ಅದ್ಮಿವ್‌ನ ಠಗಾವ್ಣುನಾತೆಯಿಮ್ ದೇವ್ನ ದೂತಾನೆ ಇನ ಪಾತಾಳ್ಮ ಧಕೇಲಿನ್ ದರ‍್ವಾಜು಼ ಲಗಾಡಿನ್ ಇನ ಮುದ್ರೊಮಾರ‍್ಯೊ ಯೋ ಹಜಾ಼ರ್ ವರಖ್ಹ್ ನಿಕ್ಳಾದಿನ್, ಥೋಡ ಹಗಾಮ್‌ ಇನಛುಟ್ಕಾರ್ ಮಳ್‌ಶೆ.

ಪ್ರಕಾಶಿತ್ 20:8

ಯೋ ಭಾರ್‌ ಐನ್ ಜ಼ಮೀನ್ನ ಚಾರ‍್ಹೆ ಆಡಿಮ ಛಾ಼ತೆ ಅಖ್ಖಾಸ್ ದೇಖ್ಹ್‌ನ ಠಗೈನ್ ಗೋಗ್ ಅಜು಼ ಮಾಗೋಗ್ ಕರಿ ಅದ್ಮಿನ ಝೂ಼ಂಡ್‌ನ ಪೊಖ್ಹ್‌ಲೈಲೀನ್ ಜಂಗ್‌ನ ಮಳಾವ್‌ಷೆ. ಇವ್ಣು ಗಣ್ತಿ ದರ‍್ಯಾವ್ನು ರೇತ್ನಿತರ ರಿಶೆ.