ಕೊಲೊಸ್ಸೆ 2:18 - ದೇವ್ನಿ ಖ್ಹಾಚಿ ವಚನ್

¹⁸ ಥೋಡುಜ಼ಣು ದೇವ್ನದೂತರ‍್ನ ಆರಾಧನೆಮಾಬಿ ದಿಲ್‍ಲಗಾಡಿರ‍್ಹವಾಳ ಹುಯಿನ್, ಹಮುನ ದರ್ಶನಹುಯುಕರಿ ಬಡೈಮಾರಿಲೀನ್, ಜಗತ್‌ನು ಅಕ್ಕಲ್‌ಥಿ ಕಾಯಿಸ್‌ಕೊಂತೆ ಫುಲಿರ‍್ಹವಾಳನ ತುಮಾರು ಮಳಿರ‍್ಹೂತೆ ಇನಾಮ್ನ ಛಿನೈಲಾವನಿತರ ನಕೊ ಕರ್ಶು.

ಕೊಲೊಸ್ಸೆ 2:18 ပူးပေါင်းရင်းမြစ်များ

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:25

ಇವ್ಣೆ ದೇವ್ನು ಖ್ಹಾಚ಼ನ ಝೂ಼ಟುಕರಿ ಬದಲೈಲೀನ್, ಉಬ್‌ಜಾ಼ಯೋತೆ ದೇವ್ನ ಆರಾದನೆ ಕರ‍್ಯುಕೊಂತೆ ಉಬ್‍ಜ್ಯುಹುಯ ರಾಛಾ಼ನಸ್ ಆರಾದನೆ ಕರ‍್ಯು. ಅಖ್ಖ ಹಗಾಮ್ಮ ಉಬ್‍ಜಾ಼ಯೊತೆ ದೇವ್ನಾಸ್ ಹಮೇಶ ಸ್ತುತಿ ಹುವಾದೆ, ಆಮೆನ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:18

ಎಥ್ರಾನು ಅದ್ಮೆವ್‍ನ ಅಪ್ಣೊ ಪ್ರಭು ಕ್ರಿಸ್ತನಿ ಸೇವೆ ಕರಾನು ಮ್ಹೇಲಿನ್ ಇವ್ಣ ಪೇಟ್ನಿ ಸೇವೆಕರವಾಳ ಹುಯಿರ‍್ಹೇಸ್. ಮಿಠ್ಠಿ ಅಜು಼ ಕವ್ಳಿ ವಾತೇಥಿ ಶೇದೇವ್ ಅದ್ಮಿವ್‌ನ ದಿಲ್ನ ಠಗಾವವಾಳು ಹುಯಿರ‍್ಹುಸ್.

1 ಕೊರಿಂಥ 13:4

ಪ್ಯಾರ್ ಘಣು ಖ್ಹಮಾಳಿಲ್ಯವಾಳು, ಪ್ಯಾರ್ ಗೋರ್‌ಕರಾವಾಳುಬಿ, ಪ್ಯಾರ್ ಪೇಟ್ನೊ ಬಳಾಪೊ ಕೊಕರಾನಿ, ಪ್ಯಾರ್ ಖ್ಹರೈಲೇಯಿಕೊಯ್ನಿ.ಅಜು಼ ಯೊ ಹಂಕಾರ್ ಕರಾಕೊಯ್ನಿ.

1 ಕೊರಿಂಥ 3:3

ಶನಕತೊ ತುಮೆ ಅಜೂ಼ಬಿ ಜಗತ್‌ವಾಳ ಹುಯಿರ‍್ಹಾಸ್, ತುಮಾರಮ ಪೇಟ್ನೊ ಬಳಾಪೊ ಲಡೈಝ಼ಗ್‍ಡೊ ರ‍್ಹವಾನಿಘೋಣಿ, ತುಮೆ ಜಗತ್‌ವಾಳ ಹುಯಿರ‍್ಹಿನ್ ಖಲಿ ಬಿಜಾ಼ಅದ್ಮಿನಿಮತ್ ಚಾ಼ಲಸ್ ಕೊಯ್ನಿಕಿಶು?

1 ಕೊರಿಂಥ 4:18

ಅಜು಼ ಮೇ ತುಮಾರಕನ ಕೊ ಆಯಿಶ್ನಿಕರಿ ಲಹಿನ್ ಥೋಡುಜ಼ಣು ಹಂಕಾರಿಹುಯಿನ್ ಚಾ಼ಲುಕರಾಸ್‍.

1 ಕೊರಿಂಥ 4:6

ಭೈಯೇ ಭೇನೆವೊ, ಮೇ ತುಮಾರಖ್ಹಾಜೇಥಿ ಮನಾಬಿ ಅಪೊಲ್ಲೋಸನಾಬಿ ಮತ್ಲಬ್ ಲೀನ್ ಬೋಲಿರಾಖ್ಯೊಸ್ ಅನಖ್ಹಾಜೆ ತುಮೆ “ಲೀಖೈರುತೆ ಖ್ಹಾರು ನಿಯಮ್ನ ಮೀರಿನ್ ಚಾ಼ಲ್‌ನುಕರಿ ಆ ವಚನ್ನಿ ಮತ್ಲಬ್‌ನ ಹಮಾರೇಥಿ ಶಿಕಿಲಿನ್, ತುಮಾರಮ ಕೋಣ್‌ಬಿ ಏಕ್‍ಜ಼ಣಾಭಣಿ ಮಳಿನ್ ಬಿಜೇಕ್‍ಜ಼ಣಾನ ಚಿಂಘಾವ್ಣಿ ನಾಕಾಡ್ನು.

1 ಕೊರಿಂಥ 8:1

ಮೂರತ್ನಬಲಿ ಕರಿಹುಯು ಖಾವಾನಿ ರಾಛಾ಼ನಿ ಬಾರೇಮ ಅಪ್ಣುನ ಖ್ಹಾರಾನ ಅಕ್ಕಲ್ ಛಾ಼ಕರಿ ಮಾಲುಮ್‌ ಪಡಾಸ್‌, ಅಕ್ಕಲ್ ಫುಗೈನಾಖಸ್, ಕತೋಬಿ ಪ್ಯಾರ್ ಜಾ಼ಖ್ಹತ್ ಕರಸ್.

1 ಕೊರಿಂಥ 9:24

ಖೇಲ್ನ ಮೈದಾನ್‌ಮ ಕೈಯೇಕ್‌ಜ಼ಣು ನಖ್ಹಾನ ಖೇಲ್ಮ ಭಾಗಿಹುವಾಸ್, ಕತೋಬಿ ಖಲಿ ಏಕ್‍ಜ಼ಣೊ ಜೂತಸ್ ಕರಿ ತುಮೂನ ಮಾಲುಮ್ ಕೊಯ್ನಿಕಿಶು? ಇವ್ಣಿನಿಘೋಣಿ ತುಮೇಬಿ ಇನಾಮ್ ಜುತಾನ ಖ್ಹಾಜೆಕರಿ ಮಿಲಾವೊ.

2 ಕೊರಿಂಥ 11:3

ಕತೋಬಿ ಹವ್ವ ಖ್ಹಾಪ್‍ನ ಲಬುಜ಼್‌ನಿ ವಾತ್ಮ ಮೈಕಮ್‍ಹುಯಿನ್ ಧೋಕಹುಯಿತೆ ತಿಮ್ ತುಮಾರು ದಿಲ್‌ ಕ್ರಿಸ್ತನಿ ಬಾರೇಮ ರ‍್ಹೇವ್ಣುಥೂತೆ ಶುದ್ಧಮನ್‌ಥೀಬಿ ಪರಿಶುದ್ ಭಕ್ತಿನಾಬಿ ಮ್ಹೇಲಿನ್ ಖರಾಬ್ ಹುಯಿಜಾ಼ಶೆಕರಿ ಡರ್‌ ಮಾರಾಮ ಛಾ಼.

2 ಕೊರಿಂಥ 12:20

ಶನಕತೊ ಮೇ ಆವಾದಿನ್, ಏಕ್‌ ಘಡಿ ತುಮೆ ಮಾರಿ ಆಖ್ಹ್‌ನಿ ತರಸ್ ತುಮೆ ರ‍್ಹೇಸ್ಕಿ ಕೊಯ್ನಿಕಿ ಕರಿ ಮನ ಡರ್‌ ಛಾ಼. ಮೇ ತುಮಾರಿ ಆಖ್ಹ್‌ನಿ ಪರಕ್ ದೆಖಾವ್ಣುನಾತೆ ರ‍್ಹವೊ ತೋಬಿ, ಏಕ್‌ ಘಡಿ ತುಮಾರಾಮ, ಲಡೈ ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ಛಾ಼ಡ್ ಬೋಲಾನು ಮಶ್ಲ ಮಾರಾನು ಮೋಟೊಕರಿ ಬೋಲಿಲ್ಯಾವಾನು, ಲಡೈ ನಖಾವನು, ಆಖ್ಹಾರು ದೆಖಾವ್‍ಶೆಕಿ ಶುಕಿ ಕರಿ ಡರ್‌ ಮನ ಛಾ಼.

ಎಫೆಸ 4:17

ಇನಾಖ್ಹಾಜೆ ಮೆ ಪ್ರಭುಮ ತುಮುನ ಶಾತ್‌ ಬೋಲುಸ್‌ಕತೊ ಅಲಕ್‌ ಅದ್ಮಿಖ್ಹಾರು ಚಾ಼ಲಾನಿಘೋಣಿ ಅನ ಅಗ್ಗಳ್ ನಾಚಾ಼ಲ್ನು. ಇವ್ಣೆ ಕಾಯ್‌ ಫಾಯಿದೊಕೊಂತೆ ಅಕ್ಕಲ್‌ವಾಳನಿತ್ರ ಚಾ಼ಲಿಲೆಸ್.

ಎಫೆಸ 5:6

ಫಾಯಿದೊಕೊಂತೆ ವಾತೆಥಿ ಕೋಣ್‌ಬಿ ತುಮುನ ನಕೊ ಠಗಾವದೆ, ಅಮ್ನು ಕಾಮ್ ಅಖ್ಖಾನಖ್ಹಾಜೆ ದೇವ್‌ನೊ ಇರಾದೊ ಇನಿ ವಾತೆನ ಮೀರಿನ್ ಚಾ಼ಲಸ್ತೆ ಇವ್ಣ ಉಪ್ಪರ್ ಆವಸ್.

ಫಿಲಿಪ್ಪಿ 3:14

ಕ್ರಿಸ್ತ ಯೇಸುಮ ದೇವ್ನ ಮಹಾನ್ ಬುಲಾವ್ಣಿಖ್ಹಾಜೆ ಇನಾಮ್ನ ಲೇವ್ಣುಕರಿ ಶುಶತ್ ಭಾಂದಿನ್ ನಾಖ್ಹುಕರೂಸ್.

ಕೊಲೊಸ್ಸೆ 2:23

ಅಮ್ನು ಶಿಕಾನುಖ್ಹಾರು ಅದ್ಮಿನು ಸೋಚ್‌ನಿತರ ದೆಖೈಲಾವಥಿಬಿ, ಶಾಂಧಾರ್‌ನಿತರಬಿ ಅಜು಼ ಇವ್ಣ ಶರೀರ್‌ನ ನಿಶತ್ ಕರಿಲ್ಯಾವನು ಅಕ್ಕಲ್‌ನುಕರಿ ದೆಖಾವಸ್. ಕತೋಬಿ ಯೋ ಶರೀರ್‌ನು ಆಖ್ಹ್‌ನ ಖ್ಹಮಾಳಿಲ್ಯಾವಥಿ ಶನೂಬಿ ಫಾಯಿದೊ ಕೊಹುವಾನಿ.

ಕೊಲೊಸ್ಸೆ 2:4

ಕೋಣ್‌ಬಿ ತುಮುನ ಇವ್ಣ ಪೊಖ್ಹ್‌ಲಾವನಿ ವಾತೆಥೀಬಿ ಝೂ಼ಟಿ ವಾತೆಥಿ ಠಗಾವ್ಣುನಾ ಕರಿ ಆ ವಾತೆಖ್ಹಾರಿ ತುಮುನ ಬೋಲಿರಾಖ್ಯೊಸ್.

ಕೊಲೊಸ್ಸೆ 2:8

ಗಲ್ತಿನು ಅಜು಼ ಫಾಯಿದೊಕೊಂತೆ ಬೋಧನೆತು ಕೋಣ್‌ಬಿ ತುಮೂನ ಕಬ್‌ಜಾ಼ಮ ನಾಕರಿಲೇವ್ಣುತೆ ಹೊಷಾರ್‌ಥಿ ರ‍್ಹವೊ. ಆ ಅಖ್ಖು ಅದ್ಮಿವೋನ ಪದತ್ತಿನ ಅಜು಼ ಲೋಕ್‌ನಹೋಣುತೆ ಬೋಧನೆಮಾಸ್ ಛಾ಼ ಪಣ್ಕಿ ಕ್ರಿಸ್ತಾನಕಾಹೆ.

1 ತಿಮೊ 1:7

ಇವ್ಣೆ ದೇವ್ನಿ ನಿಯಮ್ಮ ಶಿಕಾಡವಾಳು ಹುಯಿರ‍್ಹೇಣು ಕರಿ ಆಖ್ಹ್ ಕರಾಸ್. ಕತೋಬಿ, ಇವ್ಣೆ ಇವ್ಣಿ ಶೊಂತ್ ವಾತೇನ ಪರ್ಖಿಲೇಯಿಕೊಯ್ನಿ. ನತರ್ ಖೆವಿ ಬಾರೇಮಾಬಿ ಇವ್ಣೆ ಆತ್ಮ ವಿಶ್ವಾಸ್‍ಥಿ ಬೋಲಸ್ಕಿ ಇನ ಇವ್ಣೆ ವಿಶ್ವಾಸ್ ಕರಾಕೊಯ್ನಿ.

1 ತಿಮೊ 4:1

ಕತೋಬಿ ಪವಿತ್ರಾತ್ಮ ಅಛ್ಛಿಂತರ ಬೋಲಾಸ್. ವಳ್ಯಾವಸ್ತೆ ದನೂಮ, ಥೋಡು ಅದ್ಮಿ ವಿಶ್ವಾಸ್‌ನ ಮ್ಹೆಂದಿಶೆ. ಅವ್ಣೆ ಠಗಾರುಆತ್ಮನಿ ಹುಕುಮ್‌ನ ಪಾಲನ್‍ ಕರ್ಶೆ. ಅಜು಼ ಶೈತಾನ್ ಶಿಕಾಡಿದೇಸ್ತೆ ಪರಕ್ಮ ಇವ್ಣೆ ಚಾ಼ಲ್‌ಷೆ.

2 ಪೇತ್ರ 2:14

ಅವ್ಣೆ ವ್ಯಭಿಚಾರಿಣಿನ ದೇಖಿನ್ ಖ್ಹುಶಿಕರವಾಳುಬಿ ಅವ್ಣೆ ಕದೇಬಿ ತರಖ್ಹ್‌ ತುಟಕೊಂತೆ ಪಾಪ್ನಕರವಾಳು ಹುಯಿರ‍್ಹುಸ್. ಬಿಣ್‍ತಾಖತ್‍ವಾಳನ ಠಗೈನ್; ಅಜು಼ ಇವ್ಣು ದಿಲ್‌ ಪೈಶಾನಿ ಆಖ್ಹ್‌ಕರಾನಿತರ ಕರಸ್ ಅಜು಼ ಇವ್ಣೆ ದೇವ್ನಿ ಶಾಪಮ ರ‍್ಹೇಸ್.

1 ಯೋಹಾನ 2:26

ತುಮುನ ಅಛ್ಛಿ ವಾಟ್‍ಮಾಥು ಛು಼ಕೈನ್ ಖರಾಬ್ ವಾಟ್‌ಪರ್ ಖೇಚಾ಼ವಾಳಾನಿ ಬಾರೇಮ ಮೇ ತುಮೂನ ಲೀಖಿರಾಖ್ಯೊಸ್.

ಪ್ರಕಾಶಿತ್ 12:9

ಯೋ ಅರ್ಝ಼ ಕತೊ ಪಿಶಾಚಿಕರಿಬಿ ಶೈತಾನ್ ಕರೀಬಿ ನಾಮ್‌ರ‍್ಹವಾಳ ಯೊ ಜೂ಼ನೊ ಖ್ಹಾಪ್ ಧರ್ತಿಪರ್ ಧಕೆಲಾಯೊ ಇನೊ ದೂತಬಿ ಇನ ಜೋ಼ಡ್ಮ ಜ಼ಮೀನ್‌ಪರ್ ಫೇಕೈಗಯು.

ಪ್ರಕಾಶಿತ್ 13:14

ಯೊ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಅದ್ಭುತ್‌ಖ್ಹಾರು ಕರಾನು ಅದಿಕಾರ್ ಛಾ಼ತೆ ಇನಖ್ಹಾಜೆ ಧರ್ತಿನ ಅದ್ಮಿಖ್ಹಾರನ ಖ್ಹೈಲು ಕರ‍್ಯು. ಇವ್ಣುನ ತಲ್ವಾರ್‌ಥಿ ಘಾವ್‌ಹುಯಿನ್ ಮರ‍್ಯುಕೊಂತೆ ಬಚಿರ‍್ಹುತೆ ಜಾನ್ವರ್‌ನ ಮರ್ಯಾದಿ ದ್ಯವಾನಖ್ಹಾಜೆ ಮೂರತ್ ಬಣಾವ್ಣುಕರಿ ಹುಕುಮ್ ಕರ‍್ಯು.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 19:10

ತದೆ ಮೇ ಇನ ಆರಾದನೆ ಕರ್ನುಕರಿ ಇನ ಪಗ್‍ಪರ್ ಅಡ್‌ಪಡ್ಯೊ. ಕತೋಬಿ ದೇವ್ನ ದೂತಾನೆ, ಮನ ಅಮ್ ಆರಾದನೆ ನಕೊಕರ್. ಯೇಸುನ ಖ್ಹಾಚ಼ನ ಲೀರಾಖ್ಯಾಸ್ತೆ ತಾರಿನಿತರಾಬಿ ತಾರ ಭೈಯೇನಿತರಬಿ ಮೇಬಿ ಏಕ್‌ ಚಾ಼ಕ್ರಿವಾಳೊ. ಇನಖ್ಹಾಜೆ ದೇವ್ನ ಆರಾದನೆಕರ್, ಯೇಸುನಿ ಸಾಕ್ಷಿಸ್‌ ಪ್ರವಾದನೆನು ಆತ್ಮಕರಿ ಬೋಲ್ಯೊ.

ಪ್ರಕಾಶಿತ್ 3:11

ಮೇ ಒಗ್ಗಿಸ್‌ಮ ವಳ್ಯಾವುಸ್. ತಾರಿ ಕಿರೀಟ್ನ ಕೋಣ್‌ಬಿ ನಾ ಛಿನಾವ್ಣುತೆ ಇಮ್‌ ತುನೆ ಲೀರಾಖ್ಯೊಸ್ತೆ ಇನ ಘಟ್ ಧರಿರಾಕ್.