ಕೊಲೊಸ್ಸೆ 1:7 - ದೇವ್ನಿ ಖ್ಹಾಚಿ ವಚನ್

⁷ ಅನ ತುಮೆ ಹಮಾರ ಜೋ಼ಡ್ಮ ಪ್ಯಾರ್‌ನೊ ಸೇವಕ್ ಹುಯಿರ‍್ಹೋತೆ ಎಪಫ್ರಥಿ ಶಿಕಿಲಿದ. ಯೋ ತುಮಾರ ಖ್ಹಾಜೆ ಕ್ರಿಸ್ತನೊ ವಿಶ್ವಾಸ್‌ವಾಳೊ ಸೇವಕ್ ಹುಯಿರ‍್ಹೋಸ್.

ಕೊಲೊಸ್ಸೆ 1:7 ပူးပေါင်းရင်းမြစ်များ

ಮತ್ತಾಯ 18:29

ತದೆ ಯೋ ಆಳ್‌ನೆ ಇನ ಗೋಡಾಪರ್ ಪಡೀನ್, ‘ಜ಼ರ ಖ್ಹಮಾಳಿಲೇ, ಮೇ ಫೇಡುಸ್!’ ಕರಿ ಗಿಂಗೈಲಿದೊ.

ಮತ್ತಾಯ 24:45

ಇಮ್‍ಕತೊ, ಯಜಮಾನ್ ಇನ ಘರ್‌ಮ ಕಾಮ್ ಕರಾವಾಳ ಆಳ್‌ನ ಖ್ಹಾರು ಬರೋಬರ್‌ನಿ ವಖ್ಹತ್‌ಮ ಖಾಣು ದ್ಯವಾನಖ್ಹಾಜೆ ಇವ್ಣಾಪರ್ ನೇಮ್‌ಶಾಯೋತೆ ನಿಯತ್‍ವಾಳೊಬಿ ಅಕ್ಲಿಆಳ್‌ ಕೋಣ್?

ಮತ್ತಾಯ 25:21

ತದೆ ಇನ ಯಜಮಾನ್ನೆ ಇನ, ‘ಶಬಾಶ್, ತೂ ಅಛ್ಛೊ಼ ಅಜು಼ ಭರೋಖ್ಹಾನೊ ಆಳ್‌! ಹುಯಿರ‍್ಹೋಸ್!’ ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ಮೇ ತುನ ಮೋಟಾ ಕಾಮ್‌ಪರ್ ನೇಮ್‌ಶಾವುಸ್. ಐನ್, ಮಾರಿ ಖ್ಹುಶಿಮ ಭಾಗ್‌ ಹೂ’ ಕರಿ ಬೋಲ್ಯೊ.

1 ಕೊರಿಂಥ 4:17

ಆ ಕಾರಣ್‍ಥಿ ಪ್ರಭುಮ ಮಾರ ಪ್ಯಾರ್‌ನೊ ಅಜು಼ ವಿಶ್ವಾಸ್‌ನೊ ಛಿಯ್ಯೊ ಹುಯಿರ‍್ಹವಾಳೊ ತಿಮೊಥೆನ ತುಮಾರಕನ ಮೋಕ್ಲಿರಾಖ್ಯೊಸ್. ಯೊ ತುಮೂನ ಕ್ರಿಸ್ತಯೇಸುಮ ಮಳಿರ‍್ಹವಾಮ ನವ ಜಿವ್ಣಮ ಅಜು಼ ಅಖ್ಖೀಸ್ ಬಾಜೂ಼ಮ ಮೇ ಹರೇಕ್ ಸಬೆಮಾಬಿ ಶಿಕಾಡನು ಚಾ಼ಲ್‍ಚ಼ಲಣ್‍ ಯೋ ತುಮಾರ ಖ್ಹಯಾಲ್ಮ ಲೀನ್‌ ಆವ್‌ಶೆ.

1 ಕೊರಿಂಥ 4:2

ಅಮ್ನ ಸೇವಕ್‌ನ ಇನ ಮಾಲಿಕ್‌ನ ವಿಶ್ವಾಸ್‌ವಾಳ ಹುಯಿನ್ ರ‍್ಹವಾನು ಜ಼ರೂರತ್ ಛಾ಼.

1 ಕೊರಿಂಥ 7:25

ವ್ಯಹಾಕೊಂತೆ ಕವಾರವ್ನಿ ಬಾರೇಮ ಪ್ರಭುಥಿ ಖಿವಿ ಹುಕುಮ್ ಮನ ಕೋ ಮಳ್ಯುನಿ. ಕತೋಬಿ ವಿಶ್ವಾಸ್‌ನ ಯೋಗ್ಯ ಹುಯಿರ‍್ಹವಾನಖ್ಹಾಜೆ ಪ್ರಭುಥಿ ಮನದೆವೈರ‍್ಹೀತೆ ದಯಾನ ಲೀನ್ ಮಾರಿ ಸೋಚ್ಮ ಬೋಲುಸ್.

2 ಕೊರಿಂಥ 11:23

ಇವ್ಣೆ ಕ್ರಿಸ್ತನ ಸೇವಕರ್‌ಕಿಶು? ಇವ್ಣೇಥಿ ಜಾ಼ಖ್ಹತ್ ಮೇ ಸೇವೆ ಕರಾವಾಳೊ ಹುಯಿರೋಸ್. ಮೇ ಪಗ್‍ಲ್ಯಾನಿತರ ವಾತೆಬೋಲುಕರುಸ್, ಮೇ ಘಣು ಖ್ಹತಿರ‍್ಹೋಸ್ ಘಡಿಕೇಡೆ ಜೇಲ್‌ಮ ಘಲೈಲಿಧೋಥೊ. ಕಠಣ್ಣಿ ಪರಕ್ಮ ಮಾರ್‌ಖೈರಾಖ್ಯೋಸ್. ಕೈಯೇಕ್ ವಖ್ಹತ್ ಮರಣ್‍ಮ ಖ್ಹಪ್‍ಡಿಗಯೋಥೊ.

ಎಫೆಸ 5:21

ಕ್ರಿಸ್ತನ ಡರ್‌ಭಕ್ತಿವಾಳ ಹುಯಿರ‍್ಹಿನ್, ಏಕ್‌ಥಿಏಕ್ ಸಮರ್ಪಣ್‌ಥಿ ಚಾ಼ಲಿಲೆವೊ.

ಫಿಲಿಪ್ಪಿ 2:25

ಮಾರಿ ಜ಼ರೂರತ್ನ ಕಾಡಾನಖ್ಹಾಜೆ ತುಮೆ ಮೋಕ್‍ಲ್ಯಥಾತೆ, ಮಾರೊ ಭೈ, ಜೋ಼ಡ್ನೊ ಸೇವಕ್‌ಬಿ, ಜೋ಼ಡ್‌ನೊ ಶಿಪಾಯಿಬಿ ಹುಯಿರ‍್ಹೋಸ್ತೆ ಎಪಫ್ರೊದೀತ್‌ನ ತುಮಾರಕನ ಮೋಕ್ಲಾನು ಜ಼ರೂರತ್ ಕರಿ ಲ್ಯಾಹುಸ್.

ಕೊಲೊಸ್ಸೆ 4:12

ತುಮಾರಮ ಕ್ರಿಸ್ತ ಯೇಸುನೊ ದಾಸ ಹುಯಿರ‍್ಹೋತೆ ಎಪಫ್ರಬಿ ತುಮುನ ಖ್ಹಲಾಮ್ ಬೋಲಸ್, ತುಮೆ ಪುರ್ಗುಲ್ ಹುಯಿರ‍್ಹೇಣು ಕರೀಬಿ ಖ್ಹಾರಾಸ್ ಕಾಮ್ಮ ದೇವ್ನಿ ಅಖ್ಖಿ ಖ್ಹೂಜ಼್‌ನಿ ಬಾರೇಮ ಪೂರ ಮಾಲುಮ್‌ ಕರಿರಾಖವಾಳ ಹುಯಿರ‍್ಹೇವ್ಣುಕರಿ ಹೈರೋತೆ ತುಮಾರಖ್ಹಾಜೆ ಮನ್‍ಲಗಾಡಿನ್ ಕದೇಬಿ ಪ್ರಾರ್ಥನೆಮ ಹುಮ್ಮಖ್ಹ್‌ ಲೀರಾಖವಾಳೊ ಹುಯಿರ‍್ಹೋಸ್.

ಕೊಲೊಸ್ಸೆ 4:7

ಪ್ಯಾರ್‌ನೊ ಭೈಬಿ ವಿಶ್ವಾಸ್‌ನೊ ಸೇವಕ್‌ಬಿ ಅಜು಼ ಪ್ರಭುನಿ ಸೇವೆಮ ಛಾ಼ತೆ ತುಖಿಕ ಮಾರಿ ಬಾರೇನಿ ವಾತೆಖ್ಹಾರಿ ತುಮುನ ಖ್ಹಮ್‍ಜಾ಼ಡ್‍ಶೆ.

ಕೊಲೊಸ್ಸೆ 4:9

ತುಮಾರಮ ವಿಶ್ವಾಸ್‌ವಾಳೊ ಅಜು಼ ಲಾಡ್‌ನೊ ಭೈ ಓನೇಸಿಮನಿ ಜೋ಼ಡ್ಮ ಇನ ಮೇ ಮೋಕ್ಲಿರಾಖ್ಯೊಸ್. ಇವ್ಣೆ ಹಜ಼್ಜ ಚಾ಼ಲುಕರಾತೆ ವಾತೆಖ್ಹಾರಿ ಖ್ಹಮ್‍ಜಾ಼ಡ್‍ಶೆ.

1 ತಿಮೊ 4:6

ಏಕ್‌ ವೇಳ್ಮ ಹಿಜ಼್ಜಾನು ವಿಶ್ವಾಸಿ ಭೇನೆಭೈಯೇವ್‌ನ ಬೋಲಿದೆವ್ಣುಕತೊ ತೂ ಕ್ರಿಸ್ತಯೇಸುನೊ ಅಛ್ಛೊ಼ ಸೇವಕ್ ಹುಯಿರ‍್ಹೀಶ್. ಇನ ಪಾಳಿ ಪರ್ವೇಶಿ ಕರಾನು ವಿಶ್ವಾಸ್‍ಥಿ ಖ್ಹಾಚಿ ಬೋಧನೆಥಿ ಹುವಾಸ್. ಇನ ತೂ ಲೀರಾಖ್ಯೊಸ್.

2 ತಿಮೊ 2:2

ಕೈಯೆಕ್ಕಿ ಸಾಕ್ಷಿನ ಖ್ಹಾಮ್ಣೆ ತೂ ಮಾರೇಥಿ ಖ್ಹಮ್‌ಜ್ಯೋಥೊ ಯೊ ಖ್ಹಾಚಿ ಪಢಂತ್‌ನ ತೂ ಲೀಲೆ. ಇನಾಸ್ ಯೋಗ್ಯ ಹುಯಿರ‍್ಹಾವವಾಳನ ಪೋಚಾ಼ವ್. ಯೊ ಪಢಂತ್‌ನ ಬಿಜಾ಼ನ ಶಿಕಾಡನ ನಿಯತ್‌ವಾಳೊ ಹುಯಿರ‍್ಹಿಶೆ.

ಫಿಲೆಮೋನ 1:23

ಕ್ರಿಸ್ತ ಯೇಸುನಖ್ಹಾಜೆ ಜೇಲ್‌ಮ ಮಾರಿ ಜೋ಼ಡ್ಮ ಛಾ಼ತೆ ಎಪಫ್ರಬಿ ತುನ ಖ್ಹಲಾಮ್ ಬೋಲಸ್.

ಇಬ್ರಿ 2:17

ಇನಖ್ಹಾಜೆ ಯೊ ಹರೇಕ್ ವಿಚಾರ್‌ಮಾಬಿ ಇನ ಭೈಯೇ ಭೇನೆನ ತಕ್ಕೆರ‍್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್‌ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್‌ಬಿ ವಿಶ್ವಾಸ್‍ಬಿ ಹುಯಿರ‍್ಹಾವಳೊ ಮಹಾಯಾಜಕ್ ಹುಯೊ.

ಇಬ್ರಿ 3:2

ಮೋಶೆ ದೇವ್ನ ಘರ್‌ಮ ವಿಶ್ವಾಸ್‌ವಾಳೊ ಹುಯಿರ‍್ಹೊಥೋತೆ ತಿಮ್ಮಸ್, ಯೊ ಚೂ಼ಣಿರಾಖವಾಳನ ವಿಶ್ವಾಸ್‌ವಾಳೊ ಹುಯಿರ‍್ಹೋಥೊ.