ಕೊಲೊಸ್ಸೆ 1:5 - ದೇವ್ನಿ ಖ್ಹಾಚಿ ವಚನ್

⁵ ಪರ್‌ಲೋಕ್‌ಮ ತುಮಾರಖ್ಹಾಜೆ ಭರೋಖ್ಹಾನಿ ಬಾರೇಮ ಸುವಾರ್ತೆ ಖ್ಹಾಚಿ ವಚನ್‍ಥಿ ತುಮೆ ಪಹಿಲೇಸ್ ಖ್ಹಮ್‌ಜಿರಾಖ್ಯಾಸ್‌.

ಕೊಲೊಸ್ಸೆ 1:5 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:33

ತುಮಾರಕನ ಛಾ಼ತೆ ಖ್ಹಾರುಸ್‌ ವೇಚಿನ್, ಆವಸ್ತೆ ಪೈಶಾನ ಗೋರ್‌-ಗರೀಬ್‌ನ ದೇವೊ. ತುಮಾರಕನ ಫಾಟಕೊಂತೆ ಚ಼ಂಚಿಯೇನ ಕರಿಲೆವೊ, ಪರ್‌ಲೋಕ್‌ಮ ಕಮ್ ಹುವಾಕೊಂತೆ ಶೊತ್ನ ಜ಼ಮಕರಿಲೇವೊ, ಕೆಹೊ ಚೋ಼ರ್‌ಬಿ ಇನ ಖನ್ನೆ ಆವಾನ ಕೋ ಆವಾನಿ ಅಜು಼ ಇನ ಕೋರ‍್ಹ ಖೈನ್‌ ಬರ್ಬಾತ್ ಕೋ ಉಶೇನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:36

ದೇವ್ನೆ ಇಸ್ರಾಯೇಲ್‌ನ ಅದ್ಮಿನ ಜೋ಼ಡ್ಮ ಬೋಲ್ಯೊಥೊ ಯೋಸ್ ಖ್ಹಾರಜ಼ಣನ ಪ್ರಭು ಹುಯಿರ‍್ಹೋಸ್.ಯೊ ಯೇಸು ಕ್ರಿಸ್ತಾಥೀಸ್ ಸಮಾಧಾನ್ ಆವ್‍ಶೆಕರಿ ಬೋಲಾನು ಸುವಾರ್ತೆನ ದೇವ್ನೆ ಇವ್ಣುನ ಮೋಕ್‌ಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:26

ಮಾರ ಭೈಯೇವೊ, ಅಬ್ರಹಾಮ್‌ನಿ ಖಾನ್‍ದಾನ್‍ವಾಳವೋ, ಖ್ಹಾಚ ದೇವ್ನ ಆರಾದನೆ ಕರುಕರಾತೆ ಯೆಹೂದ್ಯರ್‌ಕಾಹೆತೆ ಅದ್ಮಿವೊ, ಖ್ಹಮ್‍ಜೊ! ಆ ರಕ್ಷಣೆನು ವಚನ್ ಮೋಕ್‍ಲೈರ‍್ಹುತೆ ಅಪ್ಣಖ್ಹಾಜೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:6

ಸಭೆಮ ಥೂತೆ ಅದ್ಮಿಮ, ಥೋಡು ಸದ್ದುಕಾಯವಾಳು,ಅಜು಼ ಥೋಡು ಫರಿಸಾಯರ್‌ವಾಳನ ದೇಖಿನ್ ಪೌಲನೆ, “ಮಾರ ಭೈಯೇವೊ, ಮೇ ಫರಿಸಾಯರ್‌ವಾಳೊ ಮಾರೊ ಬಾಬಿ ಪರಿಸಾಯ ಹುಯಿರ‍್ಹೋಥೊ ಮಾರವಾಳು ಪಾಛು಼ಜಿವ್ತು ಉಷೆಕರಿ ಕರಿ ಮೆ ವಿಶ್ವಾಸ್ ಕರೀನ್ ಹಜ಼್ಜ ನ್ಯಾವ್‌ನ ವಿಚಾರಣೆಮ ಪಡ್ಯೊಸ್” ಕರಿ ಚಿಕ್ರಿನ್ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:15

ಆ ನಾಹುಯಿನ್ ನೀತಿವಾಳನಾಬಿ ಅನೀತಿವಾಳನಾಬಿ ಖ್ಹಾರೂಸ್ ಪಾಛು಼ಜಿವ್ತು ಉಷೆಕರಿ ಆ ಯೆಹೂದ್ಯರ್ ದೇವ್‌ಮ ಖಿವಿ ಪರಕ್ಮ ಭರೋಖ್ಹೊ ರಾಖಿರಾಖ್ಯುಸ್ಕಿ ಯೋಸ್ ಪರಕ್ಮ ಮೇಬಿ ಭರೋಖ್ಹೊ ಕರಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:8

ಯೊ ಶಾತ್ ಬೋಲಾಸ್‍ಕತೊ, “ವಚನ್ ತಾರಕನ ಛಾ಼ ಯೋ ತಾರ ಮ್ಹೋಡಮಾಬಿ ದಿಲ್‌ಮಾಬಿ ಛಾ಼” ಯೋಸ್ ಅಪ್ಣೆ ಬೋಲಿವತಾಳಾನು ವಿಶ್ವಾಸ್‍ನು ವಚನ್.

1 ಕೊರಿಂಥ 13:13

ಅನಖ್ಹಾಜೆ ಹಮ್ಕೆ ವಿಶ್ವಾಸ್, ಟಿವೈರ‍್ಹವಾನು, ಪ್ಯಾರ್ ಆ ತೀನಸ್ ಬಚಿರ‍್ಹೇಸ್. ಆ ಅಖ್ಖಾಮ ಮೋಟು ಪ್ಯಾರಸ್.

1 ಕೊರಿಂಥ 15:19

ಅಪ್ಣೆ ಆ ಜಿ಼ಂದ್‌ಗೀಮ ಖಲಿ ಕ್ರಿಸ್ತಮ ಭರೋಖ್ಹಾವಾಳ ಹುಯಿರ‍್ಹಾತೊ, ಜಗತ್ನ ಅದ್ಮಿಥೀಬಿ ಕಡತೇಲ್‍ ಹುಯಿರ‍್ಹಿಯೇಸ್.

2 ಕೊರಿಂಥ 5:19

ಕಿಮ್‌ಕತೊ ದೇವ್ ಕ್ರಿಸ್ತಮ ಹಿಡಿ ಜಗತ್‍ನಾಸ್ ಇನಿಜೋ಼ಡ್ಮ ಒಪ್ಪಂದ ಕರಿಲೆತೋಥೊ. ದೇವ್ ಕ್ರಿಸ್ತಮ ಅದ್ಮಿನ ಅಪರಾದ್‌ನ ಗಣ್ತಿಕರಾಕೊಯ್ನಿ. ಆ ಒಪ್ಪಂದಾನಿ ಸಂದೇಶ್ನ ಅದ್ಮಿನ ಖ್ಹಮ್‍ಜಾ಼ಡಾನು ಜಿಮ್ಮೆದಾರಿನ ದೇವ್ ಹಮೂನ ದೀರಾಖ್ಯೊಸ್.

2 ಕೊರಿಂಥ 6:7

ಖ್ಹಾಚಿ ವಚನ್, ದೇವ್‍ಥಿ ನಿಕ್ಳಾತೆ ಶಕತ್ ಆ ಅಖ್ಖಾನ ಲೀಲಿನ್‌, ಖಾವಿಡಾವಿ ಬಾಜು಼ಮ ನೀತಿಕರಿ ಕಫ್ಫನ್ನ ಲೀರಾಖ್ಯಸ್.

ಗಲಾತ್ಯ 2:14

ಇವ್ಣೆ ಸುವಾರ್ತೆನಿ ಖ್ಹಾಚಿ ತರೀಖಾಮ ಬರೋಬರ್‌ಥಿ ಚಾ಼ಲುಕರ ಕೊಯ್ನಿಕರಿ ಬೋಲಾನು ಮನ ದೆಖಾವಮ ಅಖ್ಖಾನ ಖ್ಹಾಮ್ಣೆ ಪೇತ್ರನ ಶಾತ್‌ ಬೋಲ್ಯೊಕತೊ; ತು ಏಕ್‌ ಯೆಹೂದ್ಯವಾಳೊ‍ರ‍್ಹೀನ್ ಯೆಹೂದ್ಯರ್‌ಕಾಹೆನಿತರ ಬಚಿನ್, ಯೆಹೂದ್ಯರ್‌ಕಾಹೆತೆ ಇವ್ಣುನ ಯೆಹೂದ್ಯರ್‌ನಿಘೋಣಿ ಚಾ಼ಲ್‌ನುಕರಿ ಜು಼ಲಮ್‍ಕರಿ ಬೋಲಾನುಬಿ ಶಾತ್?

ಗಲಾತ್ಯ 2:5

ಸುವಾರ್ತೆನು ಖ್ಹಾಚು಼ ತುಮಾರಮ ಘಟ್ ರ‍್ಹೇವ್ಣುಕರಿ ಹಮೆ ಇವ್ಣಿ ಅಧೀನ್‌ಮ ಏಕ್‌ ಘಡೀಬಿ ಕೊದಿದಾನಿ.

ಗಲಾತ್ಯ 5:5

ಹಮೆತೋಬಿ ದೇವ್ನ ಆತ್ಮಾಥಿ ವಿಶ್ವಾಸ್‍ಥಿ ನೀತಿವಾಳಹುಯೇಸ್ ಕರಿ ಟಿವೈರ‍್ಹವಾನು ಚಾ಼ಲ್‌ಶೆಕರಿ ದಿಲ್‌ ಲಗಾಡಿನ್ ಮ್ಹೋರೆ ದೇಖವಾಳ ಹುಯಿರ‍್ಹಾಸ್.

ಎಫೆಸ 1:13

ಸುವಾರ್ತೆನಿ ಖ್ಹಾಚಿ ಸಂದೇಶ್ನ ಖ್ಹಮ್‍ಜಾ಼ನಿ ವಖ್ಹ್‌ತೆ, ತುಮೇಬಿ ಜಿನು ದೇವ್ನ ಅದ್ಮಿ ಹುಯಿರ‍್ಹಾಥ. ಸುವಾರ್ತೆ ತುಮುನ ಛುಟ್ಕಾರ್ ದಿದು. ತುಮೆ ಕ್ರಿಸ್ತಮ ವಿಶ್ವಾಸ್ ಕರಿರಾಖ್ಯಾಸ್ ಅಜು಼ ದೇವ್ ಯೋ ವಾಗ್ದಾನ್ ಕರ‍್ಯೊತೆ ಪವಿತ್ರಾತ್ಮನ ತುಮುನ ದ್ಯಾವಥಿ ಇನೊ ಮುದ್ರೊನಾಖಿನ್ ಖ್ಹಣೇದ್ ಕರಿರಾಖ್ಯೋಸ್.

ಎಫೆಸ 4:21

ಶನಕತೊ ಖ್ಹಾಚಮಾಬಿ ಇನಾಮಸ್ ಖ್ಹಮ್‌ಜಿರಾಖ್ಯಾಸ್‌ ಅಜು಼ ಇನ ಪೀಠೆ ಜಾ಼ವಳ ತುಮುನ ಯೇಸುಮ ಛಾ಼ತೆ ಖ್ಹಾಚ಼ನಿಘೋಣಿಸ್ ಶಿಕಾಡಿರಾಖ್ಯಸ್.

ಕೊಲೊಸ್ಸೆ 1:23

ಆಕಾಶ್‍ನ ಹೇಟ್‍ಛಾ಼ತೆ ತಮಾಮ್‌ ಉಬ್‍ಜಾ಼ವ್ಣಿನ ಅಜು಼ ತುಮೆ ಬೋಲಿರಾಖ್ಯಥಾತೆ ಸುವಾರ್ತೆನಿ ಆಖ್ಹ್‌ಥಿ ಧಕೇಲೈ ನಾಜಾ಼ವ್ಣುತೆ ಘಟ್‍ಥಿ ವಿಶ್ವಾಸ್ಮ ಭೀರ‍್ಯಾವಾಳ ಹುಯಿರ‍್ಹಾತೊ, ತುಮೆ ಹದಿಪಾಯ ಅಜು಼ ಘಟ್‍ಥಿ ಭೀರಿಶು. ಆಸ್ ಸುವಾರ್ತೆನ ಪೌಲಕರಿ ಮೆ ಸೇವಕ್ ಹುಯಿರ‍್ಹೋಸ್.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

1 ಥೆಸ 2:13

ಅಜು಼ ತುಮೆ ಹಮಾರೇಥಿ ದೇವ್ನಿ ವಚನ್ನ ಖ್ಹಮ್‍ಜ್ಯಾತೆ ತದೆ, ಅದ್ಮಿನಿ ವಚನ್ ಕರಿ ಸೋಚ್ನುನಾತೆ, ದೇವ್‍ನೀಸ್ ಕರಿ ಮಾನೀನ್ ಇನಖ್ಹಾಜೇಬಿ ಹಮೆ ಲಗತ್ತರ್ ದೇವ್ನ ಧನ್ಯವಾದ್ ಕರಿಯೇಸ್. ಯೋ ಖ್ಹಾಚ಼ಮಾಬಿ ದೇವ್‍ನೀಸ್ ವಚನ್. ಯೊ ವಚನ್ ನಂಬವಾಳ ತುಮಾರಾಮ ಶಕಥ್ಥಿ ಕಾಮ್ ಚ಼ಲಾವಸ್.

2 ಥೆಸ 2:16

ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ‍್ಹವಾನು ಹುಮ್ಮಖ್ಹ್‌ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್‌ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್‌ಮನ್ನ ಧಿಲ್‌ಪತ್‌ ದ್ಯವಾದೆ.

1 ತಿಮೊ 1:15

ಕ್ರಿಸ್ತ ಯೇಸು ಪಾಪಿ ಖ್ಹಾರಾನ ಬಚಾ಼ಡನಖ್ಹಾಜೆ ಆ ಜಗತ್‌ಮ ಆಯೊ ಕರಿ ಬೋಲಾನಿ ವಾತೆ ಖ್ಹಾಚಿ ಹುಯಿರ‍್ಹಿಸ್, ಆ ವಿಶ್ವಾಸ್‌ ಕರಾಖ್ಹರ್ಕುಬಿ ಸ್ವಿಕಾರ್‌ಕರಾನ ಲ್ಹಾಯೇಕ್ನುಬಿ ಹುಯಿರ‍್ಹುಸ್. ಶನಕತೊ ಇಮ್ನ ಪಾಪಿಮ ಮೇಸ್ ಪಹಿಲೊ.

2 ತಿಮೊ 4:8

ದೇವ್ನ ಖ್ಹಾಜಾ಼ನಿಮತ್ ಜಿವವಾಳಾನ ಮಳಾಸ್ತೆ ಜಯಾನಿ ಹಾರ್ ಹಮ್ಕೆ ಮಾರಖ್ಹಾಜೆ ತೈಯಾರ್ ಛಾ಼. ಯೋ ನೀತಿವಾಳೊ ನ್ಯಾವ್‍ನೊ ಅದಿಪತಿ ಹುಯಿರ‍್ಹೋತೆ ಪ್ರಭು, ಯೋ ದನ್ಮ ಮನ ದಿಶೆ, ಮನಾಸ್ ಕಾಹೆತೆ, ಯೋ ಆವ್‌ಶೇತೆ ದೇಕ್ಣು ಕರಿ ಪ್ಯಾರ್‌ಥಿ ಜ಼ಪಿರ‍್ಹೂತೆ ಇವ್ಣುನಾಬಿ ದಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:2

ಆಹೈರುತೆ ಖ್ಹಾಚ ಜಿ಼ಂದ್‌ಗೀನ ಭರೋಖ್ಹಾಪರ್ ಆಧಾರ್ ಹುಯಿರ‍್ಹೂಸ್. ದೇವ್ ಕೆದೇಬಿ ಝೂ಼ಟಿ ಬೋಲಾಕೊಯ್ನಿ. ಯೋ ಜಿವ್ಣಾನಿ ಬಾರೇಮ ಅಪ್ಣುನ ದಿಶೆ ಕರಿ ಹಗಾಮ್ನ ಪಹಿಲೆಥೂಸ್ ವಾಗ್ದಾನ್‌ ಕರಿರಾಖ್ಯೋಸ್.

ಇಬ್ರಿ 7:19

ಧರ್ಮಶಾಸ್ತ್ರ ಶನಾಬಿ ಪೂರ ಕೊಕರಾನಿ. ಅಜು಼ ಇನ ಬದಲ್ ದೇವ್‌ಕನ ಜೈ಼ನ್ ಲೀಲಾವನುಸ್ ಭರೋಖ್ಹೊ ಹುಯಿರ‍್ಹೊಸ್.

1 ಪೇತ್ರ 2:2

ನವೇಥಿ ಪೈದಾಹುವಾತೆ ಲಡ್ಕನಿತರ ಛಾ಼ತೆತುಮೆ ಮೋಟ ಹುವಾನಿತರ ವಚನ್‍ಕರಿ ಆತ್ಮೀಕ್‌ದೂದ್ನ ತರ್ಖ್ಹೊ. ಯೊ ಪಿದಾತೊ ರಕ್ಷಣೆ ಲಿಶು.

1 ಪೇತ್ರ 3:15

ಕತೋಬಿ ಕ್ರಿಸ್ತನ ಪ್ರಭುಕರಿ ತುಮಾರ ದಿಲ್ಮ ಜ಼ತನ್‌ಕರೊ. ತುಮಾರಮ ಛಾ಼ತೆ ಭರೋಖ್ಹಾನ ಆಧಾರಶಾತ್‍ಕರಿ ತುಮುನ ಪುಛಾ಼ವವಾಳ ಹರೇಕ್ ಜ಼ಣಾನ ಜ಼ವಾಬ್‍ದ್ಯವಾನ ಕದೇಬಿ ತಯಾರ್ ರ‍್ಹವೊ. ಕತೋಬಿ ಅನ ಶೇದೇವ್ ಹುಯಿರ‍್ಹಿನ್ ಮರ್ಯಾದಿಥಿ ಬೋಲೊ.

2 ಪೇತ್ರ 1:12

ಇನಖ್ಹಾಜೇಸ್, ತುಮೆ ಆ ಖ್ಹಾರಿ ಬಾರೇಮ ಮಾಲುಮ್‌ ಕರಿಲೀನ್, ತುಮೂನ ಮಳಿರ‍್ಹೀತೆ ಖ್ಹಾಚಿಮ ಘಟ್ ರ‍್ಹಯಾತೋಬಿ, ಮೇ ಯೋ ಖ್ಹಾರಾನ ತುಮೂನ ಹಮೇಶ ಕದೇಬಿ ಯಾದ್ ದೆವಾಡ್ತೊ ರ‍್ಹೀಶ್.

1 ಯೋಹಾನ 3:3

ಕ್ರಿಸ್ತಯೇಸುಪರ್ ರಾಖಿಮ್ಹೆಲ್ಯಾತೆ ಆ ಭರೋಖ್ಹಾನ ಹರೇಕ್ ಜ಼ಣುಬಿ ಯೋ ಪವಿತ್ರ ಹುಯಿರಾವಾನಿ ಘೋಣಿಸ್ ಇನು ಯೋಸ್‍ ಪರಿಶುದ್ ಕರಿಲೇಸ್.