ಕೊಲೊಸ್ಸೆ 1:29 - ದೇವ್ನಿ ಖ್ಹಾಚಿ ವಚನ್

²⁹ ಮಾರಾಮ ಕಾಮ್‍ ಕರಾನಿ ದೇವ್ನಿ ಶಕಥ್ಥಿ ಅನಖ್ಹಾಜೆಸ್ ಮ್ಹಿನತ್ ಕರೀನ್ ಲಡೂಸ್.

ಕೊಲೊಸ್ಸೆ 1:29 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:24

ಯೇಸುನೆ ಜವಾಬ್‌ ದಿದೋಕಿ, ನ್ಹಾನ ಬಾಕಲ್‌ ವಾಟೆಕರಿ ಮಹಿ ಜಾ಼ವಾನ ಕೋಶಿಶ್‌ ಕರೊ, ಶನಕತೊ ಘಣು ಅದ್ಮಿ ಮಹಿ ಜಾ಼ವ್ಣುಕರಿ ಕರಸ್, ಕತೋಬಿ ಇವ್ಣೊ ಹಾತ್‌ ಕೋಹುಯುನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:20

ಮಾರಿ ಆಖ್ಹ್ ಶಾತ್‌ಕತೊ, ಕಿಜ್ಜಾ಼ ಕ್ರಿಸ್ತನು ನಾಮ್ನ ಖ್ಹಮ್‍ಜಾ಼ಡಿ ಕೊರಾಖ್ಯುನಿತೆ ಯೊ ಝ಼ಗೋಪರ್ ಸುವಾರ್ತೆನ ಬೋಲಾನು ಮಾರಿ ದಿಲ್ನಿ ಆಖ್ಹ್. ಇನಖ್ಹಾಜೆ ಬಿಜೇಕ್‍ಜ಼ಣು ನಾಖಿರಾಖ್ಯುತೆ ಹದಿಪಾಯನ ಉಪ್ಪರ್ ಮೇ ನಾಭಾಂದ್‍ಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:30

ಭೇನ್ ಭೈಯೇವೊ, ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತಬಿ, ಪವಿತ್ರಾತ್ಮನಿ ಪ್ಯಾರ್‌ಥೀಬಿ, ಮೇ ಗಿಂಗೈಲ್ಯವಾನು ಶಾತ್‍ಕತೊ, ಮಾರಖ್ಹಾಜೆ ದೇವ್‌ಮ ಪ್ರಾರ್ಥನೆಥಿ ಮಾರಿ ಜೋ಼ಡ್ಮರ‍್ಹವೊ.

1 ಕೊರಿಂಥ 12:11

ಕತೋಬಿ ಆ ಖ್ಹಾರೀಸ್‍ ವರಾನ ಎಕ್ಕಸ್‍ಜ಼ಣೊ ಆತ್ಮ ಇನಿಖ್ಹೂಜ಼್‍ನಿಘೊಣಿ ಅಲಕ್ ಅಲಕ್ ಜ಼ಣಾನ ಭಾಗ್‌ ಪಾಡಿದೇಸ್.

1 ಕೊರಿಂಥ 12:6

ಅಖ್ಖಕಾಮ್ನಿ ಪರಕ್ಮ ಅಲಕ್ ಅಲಕ್ ತರ ಛಾ಼ ಖ್ಹಾರಾಸ್‌ಮ ಅಖ್ಖಾಸ್ ಕಾಮ್ನ ಕರಾನ ಶಕತ್ ದ್ಯವಾಳೊ ದೇವ್ ಎಕ್ಕಸ್‍ಜ಼ಣೊ.

1 ಕೊರಿಂಥ 15:10

ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

2 ಕೊರಿಂಥ 11:23

ಇವ್ಣೆ ಕ್ರಿಸ್ತನ ಸೇವಕರ್‌ಕಿಶು? ಇವ್ಣೇಥಿ ಜಾ಼ಖ್ಹತ್ ಮೇ ಸೇವೆ ಕರಾವಾಳೊ ಹುಯಿರೋಸ್. ಮೇ ಪಗ್‍ಲ್ಯಾನಿತರ ವಾತೆಬೋಲುಕರುಸ್, ಮೇ ಘಣು ಖ್ಹತಿರ‍್ಹೋಸ್ ಘಡಿಕೇಡೆ ಜೇಲ್‌ಮ ಘಲೈಲಿಧೋಥೊ. ಕಠಣ್ಣಿ ಪರಕ್ಮ ಮಾರ್‌ಖೈರಾಖ್ಯೋಸ್. ಕೈಯೇಕ್ ವಖ್ಹತ್ ಮರಣ್‍ಮ ಖ್ಹಪ್‍ಡಿಗಯೋಥೊ.

2 ಕೊರಿಂಥ 13:3

ಕ್ರಿಸ್ತ ಮಾರಾಮ ರ‍್ಹೀನ್ ವಾತ್‍ಬೋಲಸ್‍ಕರಿ, ತುಮುನ ಹೋಣುತೆ ಸಾಕ್ಷಿನ ಢೂಂಢಾಥಿ ಯೋ ತುಮಾರಿ ಬಾರೇಮ ಕಮ್‍ಜೋ಼ರಿ ರ‍್ಹಯೋತೊಬಿ ತುಮಾರಮ ಶಕತ್‌ವಾಳೊ ಹುಯಿರ‍್ಹೊಸ್.

2 ಕೊರಿಂಥ 5:9

ದೇವ್ನ ಪಸಂದ್ ಕರಾವಾನೂಸ್ ಹಮೂನ ಛಾ಼ತೆ ಖ್ಹಯಾಲ್, ಹಮೆ ಹಮಾರ ಶರೀರ್‌ಮ ಹಜ್ಜಾ಼ ಜಿವಿರ‍್ಹಾವಾನಿ ವಖ್ಹತ್‍ಬಿ ಪ್ರಭುನಿ ಜೋ಼ಡ್ಮ ಹಿಜ್ಜಾ಼ ಜಿವಿರ‍್ಹಾವಾನಿ ವಖ್ಹತ್‍ಮಾಬಿ ದೇವ್ನ ಪಸಂದ್ ಕರಾವಾನೂಸ್ ಹಮಾರಿ ಹರಖ್ಹ್ ಹುಯಿರ‍್ಹೀಸ್.

2 ಕೊರಿಂಥ 6:5

ಜೇಲ್‌ಮಾಬಿ, ಲಡೈಮಾಬಿ, ಖ್ಹತಾಪ್ಣಿನ ರಬೇಡ್‍ಮಾಬಿ, ನಿಂದರ್‌ ಖರಾಬ್ ಹುಯ್ಗಿತೋಬಿ, ಪಟ್ನಿರ‍್ಹಯೊತೋಬಿ, ಘಣಿ ಸಮಾಧಾನ್ನ ವತಾಳಿಲಿದ.

ಎಫೆಸ 1:19

ಅಜು಼ ವಿಶ್ವಾಸ್‌ಕರವಾಳ ಅಪ್ಣುನ ಇನಿ ತಾಖತ್ ಕೆತ್ರೆ ಊಚು಼ ಹುಯಿರ‍್ಹುಸ್, ಯೋ ಅಪ್ಣಾಮ ಕಾಮ್ ಕರಸ್. ಆ ಶಕತ್ ಅಪ್ಣಾಮ ಮೋಟಿ ಶಕತ್ನುಬಿ, ಕಾಮ್ ಕರಾನುಬಿ ಹುಯಿರ‍್ಹುಸ್.

ಎಫೆಸ 3:20

ಅಪ್ಣಾಮ ಕಾಮ್ ಕರಾಸ್ತೆ ಇನು ಶಕತ್ನಿ ಪರಕ್ಮ ಅಪ್ಣೆ ಮಾಂಗಥಿಬಿ ಸೋಚಾಥಿಬಿ ಕೆತ್ರೆಸ್ಕಿ ಜಾ಼ಖ್ಹತ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್ತೆ ದೇವ್ನ,

ಎಫೆಸ 3:7

ದೇವ್ನೆ ಇನಿ ಕಾಮ್ ಕರಾನಿ ಶಕಥ್ಥಿ ಮನ ದೆವಾಯುತೆ ಇನಿ ದಾನ್ನಿ ವಾರ್‌ಖ್ಹೇಥಿ ಮೆ ಆ ಸುವಾರ್ತೆನ ಬೋಲವಾಳೊ ಸೇವಕ್ ಹುಯೊ.

ಫಿಲಿಪ್ಪಿ 1:27

ಕಿಮ್‌ಬಿ ಕ್ರಿಸ್ತನಿ ಸುವಾರ್ತೆನ ಲ್ಹಾಯೇಕ್‌ಹುಯಿನ್ ಚಾ಼ಲಿಲೆವೊ. ತದೆ ಮೆ ಐನ್ ತುಮುನ ದೇಖ್ಯೊತೋಬಿ ಚಾ಼ಲಸ್, ದೂರ್ ರ‍್ಹೀನ್ ತುಮಾರಿ ಖಬರ್‌ನ ಖ್ಹಮ್‌ಜೊ ಚಾ಼ಲಸ್, ತುಮೆ ತುಮಾರ ವಿರೋದಿನ ಖಿವಿ ವಿಚಾರ್‌ಮಾಬಿ ನಾಡರ‍್ನುತೆ ಏಕ್‌ ದಿಲ್‌ಥಿ ಘಟ್‍ಥಿ ಭೀರಿನ್ ಸುವಾರ್ತೆಮ ರಾಖ್ಯತೆ ವಿಶ್ವಾಸ್ನಖ್ಹಾಜೆ ಏಕ್‌ ಮನ್‌ಥಿ ಲಡವಾಳ ಹುಯಿರ‍್ಹಾಸ್‍ಕರಿ ಮೆ ಲ್ಹಾವ್ಸ್.

ಫಿಲಿಪ್ಪಿ 1:30

ಅಮ್ ತುಮೆ ಮಾರಮ ದೇಖ್ಯಾತೆ ಯೋಸ್ ಲಡ್ವಾನು ತುಮುನಾಬಿ ಛಾ಼.

ಫಿಲಿಪ್ಪಿ 2:13

ಶನಕತೊ ದೇವಸ್ ಇನಿಮರ್ಜಿನ ಚ಼ಲಾವ್ಣುಕರಿ ತುಮಾರಮ ಉದ್ದೇಶ್‌ನಾಬಿ ಅಜು಼ ಕೋಶಿಶ್‌ನ ಬಣಾವವಾಳೊ ಹುಯಿರೋಸ್.

ಫಿಲಿಪ್ಪಿ 2:16

ಅವ್ಣ ಮಹಿ ತುಮೆ ಹರೇಕ್‌ನಾಬಿ ಜಾನ್‌ರ‍್ಹವಾನು ವಚನ್ನ ವತಾಳವಾಳ ಹುಯಿರ‍್ಹಿನ್, ಜಗತ್‌ಮ ಝ಼ಮ್ಕಾನ ಶುಕ್ಕರ್‌ನಿಮತ್ ದೆಖಾವ್‌ಶು. ತುಮೆ ಅಮ್‍ಚಾ಼ಲ್ಯಾತೊ ಮಾರಿ ಸೇವೆ ಬಿಣ್‌ಫಾಯಿದಾನು ಕಾಹೆ, ಮೇ ವದೇಖ್ಹ್‌ ಪಡ್ಯೋತೆ ಫಾಯಿದೊಸ್‌ಕರಿ ಬೋಲಾನಿ ಖ್ಹರಾವ್ಣಿ ಕ್ರಿಸ್ತಾನ ದನ್ಮ ಮನಮಳ್‌ಷೆ.

ಕೊಲೊಸ್ಸೆ 2:1

ತುಮಾರ ಖ್ಹಾಜೇಬಿ, ಲವೊದಿಕೀಯವಾಳನ ಖ್ಹಾಜೇಬಿ ಶೊಂತ್‍ಥೀಬಿ ಮಳಾಕೊಂತೆ ಇವ್ಣಖ್ಹಾಜೆಥೀಬಿ ಮೇ ಕೆತ್ರೆ ಲಡುಕರೂಸ್ ಕರಿ ಬೋಲಾನು ತುಮೆ ಮಾಲುಮ್ ಕರಿರಾಕ್ಣು ಕರಿ ಮೇ ಆಖ್ಹ್‌ಕರುಸ್.

ಕೊಲೊಸ್ಸೆ 2:12

ತುಮೆ ಬ್ಯಾಪ್ತಿಸ್ಮಥಿ ಕ್ರಿಸ್ತನಿ ಜೋ಼ಡ್ಮ ಗಡೈಗಯ, ಅಜು಼ ಇನ ಮರ‍್ಯಾಹುಯಾಮಾಥು ಉಠಾಡ್ಯೋತೆ ದೇವ್ನಿ ಶಕತ್ಮ ವಿಶ್ವಾಸ್ ಕರ‍್ಯಾತೆ ಇನಖ್ಹಾಜೆ ತುಮೆ ಇನಿ ಜೋ಼ಡ್ಮ ಉಠೀನ್ ಆಯ.

ಕೊಲೊಸ್ಸೆ 4:12

ತುಮಾರಮ ಕ್ರಿಸ್ತ ಯೇಸುನೊ ದಾಸ ಹುಯಿರ‍್ಹೋತೆ ಎಪಫ್ರಬಿ ತುಮುನ ಖ್ಹಲಾಮ್ ಬೋಲಸ್, ತುಮೆ ಪುರ್ಗುಲ್ ಹುಯಿರ‍್ಹೇಣು ಕರೀಬಿ ಖ್ಹಾರಾಸ್ ಕಾಮ್ಮ ದೇವ್ನಿ ಅಖ್ಖಿ ಖ್ಹೂಜ಼್‌ನಿ ಬಾರೇಮ ಪೂರ ಮಾಲುಮ್‌ ಕರಿರಾಖವಾಳ ಹುಯಿರ‍್ಹೇವ್ಣುಕರಿ ಹೈರೋತೆ ತುಮಾರಖ್ಹಾಜೆ ಮನ್‍ಲಗಾಡಿನ್ ಕದೇಬಿ ಪ್ರಾರ್ಥನೆಮ ಹುಮ್ಮಖ್ಹ್‌ ಲೀರಾಖವಾಳೊ ಹುಯಿರ‍್ಹೋಸ್.

1 ಥೆಸ 2:9

ಭೈ ಭೇನೊ ಹಮೆ ತುಮಾರಾಮ ಕಿನಾಪರ್‌ಬಿ ಭಾರೊ ನಾ ನಾಕ್ಣು ಕರಿ ರಾತ್-ದನ್ ಕಾಮ್ ಕರೀನ್, ಜಿವ್ಣು ಚ಼ಲಾವ್ತಹುಯಿನ್, ದೇವ್ನಿ ಸುವಾರ್ತೆನ ತುಮೂನ ಬೋಲಿವತಾಳ್ಯ, ಯೋ ಹಮಾರಿ ಲತಾಡಬಿ ಮ್ಹಿನತ್ ಖ್ಹಾರು ತುಮಾರಿ ಯಾದ್ಮ ರ‍್ಹವಾದೆ.

2 ಥೆಸ 3:8

ಫುಗಟ್‌ಥಿ ಹಮೆ ಕಿನಕನಾಬಿ ಖಾಣು ಖಾದಕೊಯ್ನಿ. ತುಮಾರಮ ಕಿನಾಪರ್‌ಬಿ ಹಮೆ ಭಾರೊ ನಾ ನಾಕ್ಣುಕರಿ ಹಮೆ ರಾತ್-ದನ್ ಕಾಮ್ ಅಜು಼ ಮ್ಹಿನತ್ ಕರೀನ್ ಜಿವ್ಣು ಚ಼ಲಾಯ.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

ಇಬ್ರಿ 12:4

ತುಮೆ ಪಾಪ್ನ ವಿರೋದ್ನ ಲಡಾಮ ಲ್ಹೋಯಿನ ರಂಚಾ಼ಯೆತ್ರೆ ಲಡ್ಯಾಕೊಯ್ನಿನಿ.

ಇಬ್ರಿ 13:21

ತುಮೆ ಇನಿ ಮರ್ಜಿನ ಚ಼ಲಾವನಿತರ ಹರೇಕ್ ಅಛ್ಛಿ ಫಣೈಮಾಬಿ ಭರ್‌ಪೂರ್‌ ಕರಾದೆ, ಯೊ ಅಪ್ಣ ಬೀಚ್ಮ ಯೇಸು ಕ್ರಿಸ್ತಥಿ ಇನ ನಜ಼ರ‍್ಮ ಪಸಂದ್ ಹುವಾನಿತರ ಕಾಮ್ ಕರಸ್ ಇನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಹುವಾದೆ! ಇಮ್ಮಸ್ ಹುವಾದೆ. ಆಮೆನ್.

ಪ್ರಕಾಶಿತ್ 2:3

ತೂ ಧೀರ್‌ವಾಳೊ ಹುಯಿನ್ ಮಾರ ನಾಮ್ನಖ್ಹಾಜೆ ಖ್ಹತಾಪ್ಣಿನ ಖ್ಹಮಾಳಿನ್ ಲಡ್‌ಕ್ಯೊಕೊಂತೆ ಥೋತೆ ಮನಮಾಲುಮ್‌.