ಕೊಲೊಸ್ಸೆ 1:26 - ದೇವ್ನಿ ಖ್ಹಾಚಿ ವಚನ್

²⁶ ಯೋ ಪಾಛ಼್‌ಲ್ಯಾ ಹಗಾಮ್‌ಥೀಬಿ, ಜ಼ಗ್‍ಜ಼ಮಾನೇಥೀಬಿ, ಓಠೆಹುಯಿನ್ ಮ್ಹೇಲೈರ‍್ಹೂತೆ ಗಪ್ಲತ್‌ನಿ ವಾತೆಖ್ಹಾರು ಕತೋಬಿ ಹಮ್ಕೆ ದೇವ್ನ ಅದ್ಮಿವ್‌ನ ಬೋಲೈರ‍್ಹೂಸ್.

ಕೊಲೊಸ್ಸೆ 1:26 ပူးပေါင်းရင်းမြစ်များ

ಮತ್ತಾಯ 13:11

ಯೇಸುನೆ ಇವ್ಣುನ, “ಸೊರ್ಗ ರಾಜ್ಯನಿ ಬಾರೇಮಾನಿ ಖ್ಹಾಚಿನ ಮಾಲುಮ್‌ ಕರಿಲ್ಯವಾನು ಕಿಮ್ ಕರಿ ಬೋಲಾನು ತುಮೂನ ದೆವೈರ‍್ಹೂಸ್‌, ಪಣ್ಕಿ ಇವ್ಣ ಕಾಹೆ.

ಮತ್ತಾಯ 20:7

ತದೆ ಇವ್ಣೆ, ‘ಕೋಣ್‌ಬಿ ಹಮೂನ ಕಾಮ್ನ ಬುಲಾಯು ಕೊಯ್ನಿ’ ಕರಿ ಬೋಲ್ಯು. ಯೋ ಯಜಮಾನ್ನೆ, ‘ಇಮ್‍ಕತೊ, ತುಮೆ ಜೈ಼ನ್, ಮಾರ ದ್ರಾಕ್ಷಿನ ಬಾಗ್‌ಮ ಕಾಮ್ ಕರೊ’ ಕರಿ ಬೋಲ್ಯೊ.

ಮಾರ್ಕ 4:11

ತದೆ ಯೇಸುನೆ ಇವ್ಣುನ ಫರೈನ್ ಬೋಲ್ಯೋಕಿ, “ದೇವ್ನಿ ರಾಜ್ಯನಿ ಲಪಿರ‍್ಹೀತೆ ಖ್ಹಾಚಿ ವಾತೆಖ್ಹಾರಿ ತುಮೂನ ದೆವೈರ‍್ಹೀಸ್. ಕತೋಬಿ ಬಿಜು಼ ಖ್ಹಾರು ಭಾರ್‌ಲ್ಯು ಅದ್ಮಿ, ಯೋ ಖ್ಹಾರಿ ವಾತೆನ ಮತ್ಲಬ್‌ನಿ ಖೇಣಿಯೇಥಿ ಖ್ಹಮ್‌ಜಾ಼ಸ್‌.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:10

ಯೇಸುನೆ, “ದೇವ್ನಿ ರಾಜ್ಯನಿ ಖ್ಹಾಚ಼ನ ಮಾಲುಮ್ ಕರಿಲ್ಯವಾನಿ ಗ್ಯಾನ್ ತುಮೂನ ದೆವೈರ‍್ಹೂಸ್. ಕತೋಬಿ ಬಿಜಾ಼ಖ್ಹಾರ ಅದ್ಮಿನ ಡೋಳ ರ‍್ಹಯುತೋಬಿ ದೆಖಾವ್ಣುನಾತೆ, ಅಜು಼ ಕಾನ್‌ ರ‍್ಹಯುತೋಬಿ ಖ್ಹಮ್‌ಜಾ಼ವ್ಣುನಾತೆ ಇಮ್‌ ಮತ್ಲಬ್‌ನಿ ಖೇಣಿಯೇಥಿ ಬೋಲುಸ್” ಕರಿ ಜವಾಬ್‌ ದಿದೊ.

1 ಕೊರಿಂಥ 2:7

ಅಪ್ಣೆತೋಬಿ ಹಮ್ಕೆಲಗು ದೇವ್ನಿ ಗಪ್ಲತ್ ಹುಯಿರ‍್ಹವಾನು ಅಕ್ಕಲ್‌ನಾಸ್ ಬೋಲೆಸ್. ಆ ಅಕ್ಕಲ್‍ ಅದ್ಮಿಖ್ಹಾರೇಥಿ ಲಪಾಡೈರ‍್ಹೂಸ್. ದೇವ್ನೆ ಅಪ್ಣ ಮಹಿಮೆನಖ್ಹಾಜೆ ಆ ಅಕ್ಕಲ್‍ನ ಜಗತ್‌ನು ಉಬ್‍ಜಾ಼ವ್ಣಿನ ಶುರುವಾತ್ನ ಅಗಾಡಿಸ್ ಚೂ಼ಣಿರಾಖ್ಯೊಸ್.

ಕೊಲೊಸ್ಸೆ 2:2

ಕಿಮ್‌ಕತೊ ಇವ್ಣ ದಿಲ್ನ ಪ್ಯಾರ್‌ಥಿ ಲೀರಾಖಿನ್ ಹುಮ್ಮಖ್ಹ್‌ಹುಯಿನ್ ಮಳ್‌ಣುಕರಿ ಛಾ಼ತೆ ಪೂರ ಅಕ್ಕಲ್‍ಥಿ ಬಾ ದೇವ್ನ ಮಾಯ್ನನ ಕತೊ ಕ್ರಿಸ್ತನ ಮಾಲುಮ್‌ ಕರಿಲ್ಯವಾಥಿಸ್ ಹುಯಿರ‍್ಹುಸ್.

ಕೊಲೊಸ್ಸೆ 4:3

ಯೋಸ್ ವೇಳ್ಮ ಹಮೆ ಕ್ರಿಸ್ತನಿ ಮಾಯ್ನನಿ ವಾತೆ ಬೋಲಾನ ದೇವ್ ಹಮಾರಖ್ಹಾಜೆ ಬಾಕಲ್ ಉಖ್ಡಾನಿತರ ಪ್ರಾರ್ಥನೆಕರೊ. ಅನಖ್ಹಾಜೆಸ್ ಮೇ ಜೇಲ್‌ಮ ಛೂ಼ತೆ.

2 ತಿಮೊ 1:10

ಕತೋಬಿ ಹಮ್ಕೆ ಅಪ್ಣೊ ಬಚಾ಼ಡವಾಳೊ ಹುಯಿರ‍್ಹೋತೆ ಕ್ರಿಸ್ತ ಯೇಸು ದೆಖಾವಾನಿ ಜೋ಼ಡ್ಮ ಅಪ್ಣುನ ಪ್ರಕಟ್‌ಹುಯು. ಇನೆ ಮರಣ್ಣ ನಾಶ್ ಕರ‍್ಯೊ ಅಜು಼ ಜಾನ್ನಬಿ ಮರಾನುಕೊಂತೆ ಸುವಾರ್ತೆ ವತಾಳಿರಾಖ್ಯೊಸ್.