ಕೊಲೊಸ್ಸೆ 1:22 - ದೇವ್ನಿ ಖ್ಹಾಚಿ ವಚನ್

²² ಕತೋಬಿ ಇನ ಶರೀರ್‌ನು ಮರಣ್‍ಥಿ ಹಮ್ಕೆ ಯೋ ತುಮುನ ರಾಜಿ ಕರಿರಾಖ್ಯೋಸ್. ದೇವ್ ಇನಖ್ಹಾಮ್ಣೆ ತುಮುನ ಪರಿಶುದ್ಧಬಿ, ದೋಷ್‌ಕೊಂತೇಬಿ, ಅಪರಾದ್‌ಕೊಂತೆ, ಭೀರಾಕ್ಣುಕರಿ ಅಮ್ ಕರಿರಾಖ್ಯೊಸ್.

ಕೊಲೊಸ್ಸೆ 1:22 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:75

ಅನೇಥಿ ಅಪ್ಣೆ ಜಿವಿರ‍್ಹವಾನ ದನ್‌ಖ್ಹಾರೊ, ಇನಖ್ಹಾಮ್ಣೆ ಇಮಾನ್‌ದಾರ್ ಅಜು಼ ನೀತಿಥಿ ರ‍್ಹೇಣು ಕರಿ ಅಮ್ ಕರಿರಾಖ್ಯೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:4

ಇನಖ್ಹಾಜೆ ಮಾರ ಭೈಯೇ ಭೇನೇವೊ,ಧರ್ಮಶಾಸ್ತ್ರನಿ ಬಾರೇಮ ಬೋಲ್ನುಕತೊ ತುಮೇಬಿ ಕ್ರಿಸ್ತಾನು ಶರೀರ್‌ಮ ಭಾಗ್‌ ಹುಯಿರ‍್ಹಾಸ್ತೆಖ್ಹಾಜೆ ತುಮೇಬಿ ಮರಿರ‍್ಹಾಸ್ ಅಜು಼ ಹಮ್ಕೆ ಮರ‍್ಯಹುಯಮಾಥು ಜಿವ್ತೊಹುಯಿನ್ ಉಠ್ಯೊತೆ ಇನ ಮಳ್ಯಹುಯ ಹುಯಿರಾಸ್. ಅಮ್ ಅಪ್ಣೆ ದೇವ್ನಿ ಸೇವೆಮ ಫಾಯಿದೊ ಹುಯೆಜಾ಼ಯ್‌.

2 ಕೊರಿಂಥ 11:2

ಶನಕತೊ ದೇವ್‌ಮ ಛಾ಼ತೆ ಬಳಾಪಥೀಸ್ ಮೇ ತುಮಾರಿ ಬಾರೇಮ ವೆಚ಼್‌ಣೆಕರೂಸ್. ತುಮುನ ಕ್ರಿಸ್ತ ಕರಿ ಬೋಲೈರ‍್ಹೋತೆ ಎಕ್ಕಸ್ ಪರ್ಖ್ಹಾನ ಶುದ್ಧಕವಾರಿ ಬಣೈನ್ ತುಮುನ ಇನ ಹಾತ್ಮ ದೇವ್ಣುಕರಿ ತೀರ್ಮಾನ್ ಕರಿರಾಖ್ಯೊಸ್ನಿ.

2 ಕೊರಿಂಥ 4:14

ಪ್ರಭು ಹುಯಿರೋತೆ ಯೇಸುನ ಮರ‍್ಯಾಹುಯಾಮಾಥು ಉಠಾಡ್ಯೋತೆ ದೇವ್ ಹಮುನಾಬಿ ಕ್ರಿಸ್ತನಿ ಜೋ಼ಡ್ಮ ಉಠಾಡ್‍ಶೆ ಕರಿ ಬೋಲಾನು ಹಮೂನ ಮಾಲುಮ್‌ಛಾ಼. ದೇವ್ ಹಮೂನ ತುಮಾರಿ ಜೋ಼ಡ್ಮ ಇನಖ್ಹಾಮ್ಣೆ ಭೀರಾಕ್‌ಶೆ.

2 ಕೊರಿಂಥ 5:18

ಆ ಅಖ್ಖು ದೇವ್‍ಥೀಸ್‍ ಹುಯೂತೆ. ದೇವ್ ಕ್ರಿಸ್ತಥಿಸ್ ಅಪ್ಣುನ ಹೇಳ್‌ಮೇಳ್ ಕರೈಲೀನ್, ಎಕ್ಟುಕರಾನಿ ಸೇವೆನ ಅಪ್ಣುನ ದೀರಾಖ್ಯೊಸ್.

ಎಫೆಸ 1:4

ಜಗತ್‌ ಉಬ್‌ಜಾ಼ತಿ ಪಹಿಲೇಸ್ ಅಪ್ಣೆ ಇನಖ್ಹಾಮ್ಣೆ ಪರಿಶುದ್ಧಬಿ ದೋಷ್‌ಕೊಂತೇಬಿ ಹುಯಿರ‍್ಹೇಣು ಕರಿ ದೇವ್ನೆ ಕ್ರಿಸ್ತನಿ ಗಳ್‌ಜೋ಼ಡ್ಮ ಅಪ್ಣುನ ಚೂ಼ಣಿಲಿದೊ. ಶನಕತೊ ಆ ಇನಿ ಪ್ಯಾರ್ ಹುಯಿರ‍್ಹಿಸ್.

ಎಫೆಸ 5:27

ಇನಖ್ಹಾಜೆ ಕಳಂಕ್‌ನಿ ದಾಗ್ ನಾ ರ‍್ಹೇವ್ಣುತೆ ಪರಿಶುದ್ಧಬಿ, ದೋಷ್‌ಕೊಂತೇಬಿ, ಮಹಿಮೆಥಿ ರ‍್ಹವಾನಿ ಸಬೆಕರೀನ್ ಇನಖ್ಹಾಮ್ಣೆ ಭೀರಖಡ್ನುಕರಿ ಭೋದನೆನ ಜೋ಼ಡೆಸ್ ಪಾಣಿಥಿ ನೊಹಾಡಿನ್ ಶುದ್ದಕರ‍್ಯೊ.

ಕೊಲೊಸ್ಸೆ 1:28

ಕ್ರಿಸ್ತ ಯೇಸುಮ ಹರೇಕ್‌ಜ಼ಣಾನಬಿ ಝೇತಾವ್‌ತಹುಯಿನ್ ಖ್ಹಾರೀಸ್‍ ಅಕ್ಕಲ್‌ಮ ಹರೇಕ್‌ಜ಼ಣಾನಬಿ ಬೋಧನೆ ಕರ್ತೊಹುಯಿನ್ ಪೂರ ಗ್ಯಾನ್ ದೀನ್ ದೇವ್ನ ಖ್ಹಾಮ್ಣೆ ಚಾ಼ತುರ್ ಕರೀನ್ ಭೀರಾಖನಖ್ಹಾಜೆ ಕೋಶಿಶ್ ಕರುಕರೆಸ್.

1 ಥೆಸ 4:7

ದೇವ್ನೆ ಅಪ್ಣುನ ಮೈಲುಹುವಾನಖ್ಹಾಜೆ ಬುಲಾಯೊಕೊಯ್ನಿ, ಪರಿಶುದ್ ಜಿವ್ಣುಕರಾನಖ್ಹಾಜೆ ಬುಲಾಯೋತೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಇಬ್ರಿ 10:10

ಶನಕತೊ ಕ್ರಿಸ್ತಯೇಸು ಎಕ್ಕಸ್ ಬಾರ್ ಅಖ್ಖಾನಖ್ಹಾಜೆ ಇನ ಶರೀರ್‌ನ ಸಮರ್ಪಣ್‌ ಕರಿನ್ ದೇವ್ನಿಖ್ಹೂಜ್‍಼ನ ಚ಼ಲಾಯೊತೆ ಇನಖ್ಹಾಜೆ ಅಪ್ಣೆ ಅಖ್ಖಾ ಪಾಪ್‌ಥಿ ಪಾಕ್‌ಹುಯಿಗ.

ಇಬ್ರಿ 10:20

ಅಪ್ಣಖ್ಹಾಜೆ ಇನಿ ಶರೀರ್‌ಕರಿ ಬೋಲಾನು ಯೊ ಪಡ್ದಾನ ಮಹಿತೊ ಜಾ಼ವನ ನವ ಜಾನ್ನೊ ಮಾರಗ್‌ನ ಕಾಡಿರಾಖ್ಯೊಸ್.

ಇಬ್ರಿ 13:21

ತುಮೆ ಇನಿ ಮರ್ಜಿನ ಚ಼ಲಾವನಿತರ ಹರೇಕ್ ಅಛ್ಛಿ ಫಣೈಮಾಬಿ ಭರ್‌ಪೂರ್‌ ಕರಾದೆ, ಯೊ ಅಪ್ಣ ಬೀಚ್ಮ ಯೇಸು ಕ್ರಿಸ್ತಥಿ ಇನ ನಜ಼ರ‍್ಮ ಪಸಂದ್ ಹುವಾನಿತರ ಕಾಮ್ ಕರಸ್ ಇನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಹುವಾದೆ! ಇಮ್ಮಸ್ ಹುವಾದೆ. ಆಮೆನ್.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

2 ಪೇತ್ರ 3:14

ಅನಖ್ಹಾಜೆಸ್ ಪ್ಯಾರ್‌ನ ದೋಸ್ತಿವೊ ತುಮೆ ಆಖ್ಹಾರನ ಮ್ಹೋರೆ ದೇಖವಾಳ ಹುಯಿರ‍್ಹಾಸ್ತೆ ಇನಖ್ಹಾಜೆ ತುಮೆ ದೇವ್‌ಮ ಸಮಾಧಾನ್‌ಥಿಬಿ, ಪರಿಶುದ್ದಬಿ ನಿರ್ದೋಷಿಬಿ ಹುಯಿನ್ ದೆಖಾವನ ಕೋಶಿಶ್ ಕರೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:24

ದೇವ್ ತಾಖತ್‌ವಾಳೊ ಹುಯಿರ‍್ಹೋಸ್. ತುಮೆ ಠೋಕರ್ ನಾ ಖಾವ್ಣುತೆತಿಮ್ ಮದತ್ ಕರಾವಾಳೊ ಹುಯಿರ‍್ಹೊಸ್. ಯೋ ತುಮಾರಮ ಶನೂ ಕಳಂಕ್‌ಕೊಂತೆ ತಿಮ್‍ಕರೀನ್ ಇನು ಮಹಿಮೆ ಝ಼ಗೋಕನ ಲ್ಯಾವಾನಾಬಿ ತುಮುನ ಮಹಾಖ್ಹುಷಿನ ದ್ಯವಾನಾಬಿ ಶಕತ್‌ವಾಳೊ ಹುಯಿರ‍್ಹೊಸ್.