ಕೊಲೊಸ್ಸೆ 1:21 - ದೇವ್ನಿ ಖ್ಹಾಚಿ ವಚನ್

²¹ ಆನಾಹುಯಿನ್ ಏಕ್‌ಹಗಾಮ್ಮ ಯೆಹೂದ್ಯರ್ ಕಾಹೇತೇಬಿ ತುಮೆ ಖರಾಬ್ ಸೋಚ್‌ವಾಳಾಬಿ ವಹೇರ್‌ನೊ ದಿಲ್‌ವಾಳಹುಯಿನ್ ದೇವ್‍ಥಿ ವಿರೋದಿಹುಯಿನ್ ದೂರ್ ಹುಯಿರ‍್ಹಾಸ್.

ಕೊಲೊಸ್ಸೆ 1:21 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:30

ಏಕ್ನಪರ್‌ ಏಕ್‍ ಖರಾಬ್ ಬೋಲವಾಳು ದೇವ್ನವಹೇರ್ ಕರವಾಳುಬಿ, ಖ್ಹರಮ್‍ಕಡಾವಾಳೂಬಿ ಹಂಕಾರ್‌ವಾಳೂಬಿ, ಗಬ್ಬರ್‌ಕರವಾಳು ಅಜು಼ ಬಡೈಮಾರವಾಳೂಬಿ, ಇವ್ಣೆ ಕದೇಬಿ ಖರಾಬ್ ಕಾಮ್ ಕರಾನಸ್‍ ಸೋಚವಾಳು, ಆಯಾಬಾನಿ ವಾತೆನ ನಾ ಖ್ಹಮ್‍ಜಾ಼ವಾಳೂಬಿ,

ಎಫೆಸ 2:12

ತ್ಯೊ ಹಗಾಮ್ಮ ತುಮೆ ಕ್ರಿಸ್ತಥಿ ಅಲಕ್ ಹುಯಿರ‍್ಹಾಥ, ಇಸ್ರಾಯೇಲ್‌ವಾಳಾನಿ ಹಕ್‌ಮ ಕೊಹುಯಿರ‍್ಹಾಥಾನಿ. ದೇವ್ ಇನ ಅದ್ಮಿನ ಜೋ಼ಡೆ ವಾಗ್ದಾನ್ ಕರಿರಾಖ್ಯೊತೆ ಒಪ್ಪಂದಾಮ ತುಮೆ ವಾಟೊ ಹುಯಿರ‍್ಹಾಥ ಕೊಯ್ನಿ ಅಜು಼ ತುಮೆ ಆ ಜಗತ್ನ ಭರೋಖ್ಹಾಮ ಥಾ. ಅಜು಼ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಥಕೊಯ್ನಿ.

ಎಫೆಸ 2:15

ಇನೆ ಧರ್ಮಶಾಸ್ತ್ರ ಅಜು಼ ನಿಯಮ್‌ನಿ ಜೋ಼ಡ್ಮ ಯೊ ಭೀತ್ ರಡ್ಕಾಯೊ.ಅಮ್ ಇನ ಗಳ್‌ಜೋ಼ಡ್ಮ ಭೇ ಖೂಮ್ನ ಇನಜೋ಼ಡೆ ಏಕ್‌ ನವಿ ಖೂಮ್‌ಕರಿ ಮ್ಹೇಲಾನಖ್ಹಾಜೆ ಅಮ್ ಸಮಾಧಾನ್ ಕರ‍್ಯೊ.

ಎಫೆಸ 2:19

ಅಮ್‌ರ‍್ಹವಾಪರ್ ತುಮೆ ಹಮ್ಕೆ ಬಿಜ಼ ದೇಖ್ಹ್‌ವಾಳ ರ‍್ಹವೊ ಯೆಹೂದ್ಯರ್ ಕಾಹೆತೆ ರ‍್ಹವೊ ನಾ ಹುಯಿರ‍್ಹೇಣುತೆ ದೇವ್ನ ಅದ್ಮಿಯೇನ ಜೋ಼ಡೆ ಎಕ್ಕಸ್ಜ಼ಗೊವಾಳಬಿ ದೇವ್ನ ಘರ್‌ವಾಳಬಿ ಹುಯಿರ‍್ಹಾಸ್.

ಎಫೆಸ 4:18

ಇವ್ಣ ದಿಲ್‌ ಅಂಧಾರಥಿ ಢಪೈರ‍್ಹೂಸ್, ಇವ್ಣೆ ಇವ್ಣಿ ಕಠೋರ್ ದಿಲ್‌ಥೀಬಿ ಅಜು಼ ಇವ್ಣಾಮ ಅಕ್ಕಲ್‌ಕೊಂತೆ ಖ್ಹಾಜೇಥಿಬಿ ದೇವ್ ದೇಸ್ತೆ ಜಾನ್‌ಥಿ ದೂರ್ ಹುಯಿರ‍್ಹೂಸ್.

ಯಾಕೋಬ 4:4

ವಿಶ್ವಾಸ್‌ಕೊಂತೆ ಅದ್ಮಿವೊ, ಜಗತ್ನಿ ಜೋ಼ಡ್ಮ ದೋಸ್ತಿಕರಾನು ದೇವ್ನ ವಹೇರ್‌ ಕರಾನು ಕರಿ ತುಮುನ ಮಾಲುಮ್ ಕೊಯ್ನಿಕಿ ಶು? ಇನಖ್ಹಾಜೆ ಜಗತ್ನ ದೋಸ್ತಿಹುಯಿರ‍್ಹೆವುಸ್‌ ಕರಿ ಬೋಲಿಲ್ಯಾವಾಳೊ ಇನುಯೋಸ್ ದೇವ್ನ ವಿರೋದಿ ಬಣೈಲೆಸ್.