ಕೊಲೊಸ್ಸೆ 1:2 - ದೇವ್ನಿ ಖ್ಹಾಚಿ ವಚನ್

² ಕೊಲೊಸ್ಸೆಮ ಕ್ರಿಸ್ತಮಛಾ಼ತೆ ಪರಿಶುದ್ಧರ್‌ನ ಅಜು಼ ವಿಶ್ವಾಸ್‌ವಾಳ ಹುಯಿರ‍್ಹಾತೆ ಭೈಯೇವ್ನ ಅಪ್ಣೊ ಬಾ ದೇವ್‍ಥಿಬಿ ಪ್ರಭು ಯೇಸು ಕ್ರಿಸ್ತಥಿಬಿ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ.

ಕೊಲೊಸ್ಸೆ 1:2 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:13

ತದೆ ಅನನೀಯನೆ ಪ್ರಭು,ಯೆರೂಸಲೇಮ್‌ನು ತಾರ ದೇವ್ನಅದ್ಮಿ ಖ್ಹಾರಾನ ಕೆತ್ರೇಕ್ಕಿ ಖ್ಹತಾಪ್ಣಿನ ದಿದೂತೆ ಅನಿ ಬಾರೇಮ ಕೈಯೇಕ್‍ಜ಼ಣಾಥಿ ಖ್ಹಮ್‍ಜಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:7

ಅಜು಼ ಇಮ್ಮಸ್ ದೇವ್ ಪ್ಯಾರ್‌ಕರಾತೆ ಅಜು಼ ಇನು ಶೊಂತ್ ಅದ್ಮಿವೊ ಕರಿ ಹುಯಿರ‍್ಹುತೆ ರೋಮ್‌ವಾಳ ತುಮುನ ಲೀಖುಕರುತೆ‍ ಶಾತ್‌ಕತೊ: ಬಾ ಹುಯಿರ‍್ಹೋತೆ ದೇವ್‍ಥೀಬಿ ಪ್ರಭು ಯೇಸುಕ್ರಿಸ್ತಥೀಬಿ ತುಮೂನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ.

1 ಕೊರಿಂಥ 1:2

ಕ್ರಿಸ್ತ ಯೇಸುಮ ಪವಿತ್ರ ಕರಿ ಬಣೈರಾಖ್ಯೊತೆ ಕೊರಿಂಥನಿ ದೇವ್ನಿ ಸಬೆವಾಳನ ಆ ಚಿಟ್ಟಿ ಲೀಖುಕರುಸ್. ತುಮೆ ದೇವ್ನು ಪವಿತ್ರ ಅದ್ಮಿಹುವಾನಖ್ಹಾಜೆ ಸ್ವೀಕಾರ್ ಹುಯಿರುತೆ ಇವ್ಣುನ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್ಮ ವಿಶ್ವಾಸ್ ಕರಸ್ತೆ ಖ್ಹಾರಸ್ ಅದ್ಮಿನಿಜೋ಼ಡ್ಮ ತುಮೆ ಚೂ಼ಣೈರ‍್ಹಾಸ್. ಯೇಸುಕ್ರಿಸ್ತ ಇವ್ಣುನಾಬಿ ಅಪ್ಣುನಾಬಿ ಪ್ರಭು ಹುಯಿರ‍್ಹೊಸ್.

1 ಕೊರಿಂಥ 4:17

ಆ ಕಾರಣ್‍ಥಿ ಪ್ರಭುಮ ಮಾರ ಪ್ಯಾರ್‌ನೊ ಅಜು಼ ವಿಶ್ವಾಸ್‌ನೊ ಛಿಯ್ಯೊ ಹುಯಿರ‍್ಹವಾಳೊ ತಿಮೊಥೆನ ತುಮಾರಕನ ಮೋಕ್ಲಿರಾಖ್ಯೊಸ್. ಯೊ ತುಮೂನ ಕ್ರಿಸ್ತಯೇಸುಮ ಮಳಿರ‍್ಹವಾಮ ನವ ಜಿವ್ಣಮ ಅಜು಼ ಅಖ್ಖೀಸ್ ಬಾಜೂ಼ಮ ಮೇ ಹರೇಕ್ ಸಬೆಮಾಬಿ ಶಿಕಾಡನು ಚಾ಼ಲ್‍ಚ಼ಲಣ್‍ ಯೋ ತುಮಾರ ಖ್ಹಯಾಲ್ಮ ಲೀನ್‌ ಆವ್‌ಶೆ.

ಗಲಾತ್ಯ 1:3

ಬಾ ದೇವ್‌ಥಿಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತಥಿಬಿ ತುಮುನ ವಾರ್‌ಖ್ಹೊಬಿ ಶಾಂತಿ ಮಳಾದೆ.

ಗಲಾತ್ಯ 3:9

ಅಮ್‌ರ‍್ಹವಾಪರ್ ಕೋಣ್ ಕ್ರಿಸ್ತಾನ ನಂಬಾಸ್ಕಿ, ಇವ್ಣೆ ವಿಶ್ವಾಸ್‌ ರಾಖಿಮ್ಹೇಲ್ಯೊತೆ ಅಬ್ರಹಾಮ್‌ನ ಜೋ಼ಡೆ ಆಶೀರ್ವಾದ್‌ ಲಿಶೆ.

ಎಫೆಸ 1:1

ದೇವ್ನಿ ಗಳ್‌ಜೋ಼ಡ್ಮ ಕ್ರಿಸ್ತ ಯೇಸುಮ ಅಪೊಸ್ತಲ ಹುಯಿರ‍್ಹೋಸ್ತೆ ಪೌಲ, ಎಫೆಸಮ ಛೇತೆ ದೇವ್ನ ಅದ್ಮಿನಾಬಿ, ವಿಶ್ವಾಸ್‌ವಾಳನಾಬಿ ಲಿಖಾನು ಶಾತ್‍ಕತೊ,

ಎಫೆಸ 6:21

ಮಾರಿ ಬಾರೇಮ ಮಾರು ಕಾಮ್ ಖ್ಹಾರು ತುಮುನ ಮಾಲುಮ್ ಹೋಣುಕರಿ ಪ್ಯಾರ್‌ನೊ ಭೈಬಿ ಪ್ರಭುಮ ವಿಶ್ವಾಸ್‌ವಾಳೊ ಸೇವೆಮ ಛಾ಼ತೆ ತುಖಿಕ ತುಮುನ ಅಖ್ಖು ಬೋಲಿದಿಶೆ.

ಫಿಲಿಪ್ಪಿ 1:1

ಕ್ರಿಸ್ತ ಯೇಸುನ ದಾಸ ಹುಯಿರಾತೆ ಪೌಲಬಿ ತಿಮೊಥೆ, ಫಿಲಿಪ್ಪಿ ಖ್ಹಯೇರ‍್ನ ವಿಶ್ವಾಸಿಖ್ಹಾರಾನ ಅಜು಼ ಇವ್ಣ ಜೋ಼ಡೆ ರ‍್ಹವಾಳನ ಸಬೇನ ಮೋಟಾನ ಅಜು಼ ಮದತ್ ಕರವಾಳನ ಲೀಖಾನು ಶಾತ್‌ಕತೊ,

1 ಪೇತ್ರ 1:2

ಪವಿತ್ರಾತ್ಮಥಿ ಅಭಿಷೇಕ್ ಕರೈಲಿದಹುಯಿನ್ ವಿಧೇಯ ಹುವಾನಖ್ಹಾಜೆ, ಯೇಸು ಕ್ರಿಸ್ತನ ಲ್ಹೋಯಿಥಿ ಛಿಡ್‍ಕೈನ್, ಬಾ ಹುಯಿರ‍್ಹೋತೆ ದೇವ್ನಿ ಭವಿಶ್ಯನಿ ಗ್ಯಾನ್‌ಥಿ ಚೂ಼ಣೈಗಯಹುಯಾನ ಲೀಖಾನು ಶಾತ್‍ಕತೊ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಘಣು ಮಳಾದೆ.

2 ಪೇತ್ರ 1:2

ದೇವ್ ತುಮುನ ಪರಿಶುದ್ ಕರಾನಖ್ಹಾಜೆ ಘಣಾದನ್ನ ಅಗ್ಗಳಸ್ ವಿಚಾರ್‌ ಕರಿರಾಖ್ಯೊಸ್. ದೇವ್ನಿ ಬಾರೇಮಾಬಿ ಅಜು಼ ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸುನಿ ಬಾರೇಮಾನಿ ಛಾ಼ತೆ ಗ್ಯಾನ್‌ಥಿ, ತುಮೂನ ವಾರ್‌ಖ್ಹೊ ಅಜು಼ ಶಾಂತಿ ಘಣೇಥಿ ಘಣು ಮಳಾದೆ.

ಯೂದನೆ ಲೀಖ್ಯೋತೆ ಚಿಟ್ಟಿ 1:2

ತುಮೂನ ಗೋರ್‌ಬಿ, ಶಾಂತಿ, ಪ್ಯಾರ್ ಘಣೇಥಿ ಮಳಾದೆ.

ಪ್ರಕಾಶಿತ್ 1:4

ಯೋಹಾನನೆ ಏಷ್ಯಾ ತಬರ್‌ಖಾಮ ರ‍್ಹವಾಳಿ ಖ್ಹಾತ್ ಸಬೆನ ಶಾತ್‌ ಲೀಖುಕರಾಸ್‌ಕತೊ, ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ, ಖ್ಹಾಮ್ಣೆ ಆವವಾಳೊ, ಇನೇಥಿ ಅಜು಼ ಇನು ಸಿಂಹಾಸನ್ನ ಖ್ಹಾಮ್ಣೆಛಾ಼ತೆ ಖ್ಹಾತ್ ಆತ್ಮಥಿ ಅಜು಼ ಯೇಸು ಕ್ರಿಸ್ತಥಿ ವಾರ್‌ಖ್ಹೊಬಿ ಸಮಾಧಾನ್‍ಬಿ ಮಳಾದೆ.