ಕೊಲೊಸ್ಸೆ 1:15 - ದೇವ್ನಿ ಖ್ಹಾಚಿ ವಚನ್

¹⁵ ಕ್ರಿಸ್ತ ದೇಖಾವಕೊಂತೆ ದೇವ್‌ನೊ ರೂಪ್, ಖ್ಹಾರೀಸ್‍ ಉಬ್‍ಜಾ಼ವ್ಣಿಮ ಫೈಲೋಟೋ ಛಿಯ್ಯೋಬಿ ಹುಯಿರ‍್ಹೋಸ್.

ಕೊಲೊಸ್ಸೆ 1:15 ပူးပေါင်းရင်းမြစ်များ

ಯೋಹಾನ 1:1

ಶುರುವಾತ್ನ ಪಹಿಲೆ ವಚನ್ ಥು; ಯೋ ವಚನ್‌ ದೇವ್‌ಕನ ಥು; ಯೋ ವಚನ್ ದೇವ್ ಹುಯಿರುಥು.

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 14:9

ಯೇಸುನೆ ಜ಼ವಾಬ್ ದೇತೊ ಹುಯಿನ್, “ಫಿಲಿಪ್ಪ, ಮೇ ಅತ್ರಾದನ್‌ ತುಮಾರ ಜೋ಼ಡೆ ರ‍್ಹಯೊತೋಬಿ, ತುನೆ ಮನ ಮಾಲುಮ್‌ ಕರಿಲಿದೊಕೊಯ್ನಿಕಿ ಶು? ಕೋಣ್ ಮನ ದೇಖ್ಯುಕಿ, ಇವ್ಣೆ ಬಾನಾಬಿ ದೇಖಿರಾಖ್ಯುಸ್‌. ಅಮ್ ರ‍್ಹವಾಪರ್, ತೂ, “ಹಮೂನ ಬಾನ ವತಾಳ್” ಕರಿ ಪುಛಾ಼ವಸ್ತೆ ಶನ?

ಯೋಹಾನ 15:24

ಏಕ್‍ ವಖ್ಹತ್ ಖ್ಹಾರಕಾಮ್ನ ಮೇ ಇವ್ಣಾಮ ನಾಕರ‍್ಯೊಹೋತ್ತೊ, ಇವ್ಣಾಪರ್ ಪಾಪ್ ಕೋ ರ‍್ಹಯುಹೋತ್ನಿ, ಕತೋಬಿ ಹಮ್ಕೆ ಇವ್ಣೆ ದೇಖಿರಾಖ್ಯೂಸ್‌, ತೋಬಿ ಮಾರಪರ್‌ಬಿ ಮಾರ ಬಾಪರ್‌ಬಿ ವಹೇರ್‌ ಕರಾಸ್.

ಯೋಹಾನ 3:16

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:29

ಕಿನ ದೇವ್ನೆ ತದೇಸ್‌ ಚೂ಼ಣಿಲಿದೊಕಿ. ಇನೆ ಇವ್ಣುನ ಇನ ಛಿಯ್ಯಾನಿಘೋಣಿ ಹುವಾನ ಎಕ್ಟು ಕರಿರಾಖ್ಯೋಸ್.ಅಮ್ ಇನೊಛಿಯ್ಯೊ ಕೈಏಕ್ ಭೈಯೇ ಭೇನೆವ್‌ನ ಬೀಚ್ಮ ಫೈಲೊಟೊ ಛಿಯ್ಯೊಕರಿ ಬೋಲಾವನಿತರ ಕರಿರಾಖ್ಯೊಸ್.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

ಫಿಲಿಪ್ಪಿ 2:6

ಯೋ ದೇವ್‌ನೊ ರೂಪ್‌ವಾಳೊ ಹುಯೊ, ಕತೋಬಿ ದೇವ್ನಿ ಸ್ವರೂಪ್ನ ಬರೋಬರ್ ರ‍್ಹಯುತೋಬಿ ಮಹಾನ್ ಪದವಿನ ಮ್ಹೇಲುಕೊಯ್ನಿಕರಿ ಬೋಲಿನ್,

ಕೊಲೊಸ್ಸೆ 1:13

ದೇವ್ನೆ ಅಪ್ಣುನ ಅಂಧಕಾರ‍್ನಿ ಅದಿಕಾರ್‌ಮಾಥು ಛೋ಼ಡೈನ್ ಇನ ಪ್ಯಾರ್‌ನ ಛಿಯ್ಯಾನಿ ರಾಜ್ಯಮ ಮಳೈಲಿದೊ.

1 ತಿಮೊ 1:17

ಅಖ್ಖ ಜ಼ಮಾನಾನೊ ರಾಜ಼ಬಿ, ಕದೇಬಿ ರ‍್ಹವಾಳೊಬಿ ದೆಖಾವಕೊಂತೆ ಹುಯಿರೋತೆ ಎಕ್ಕಸ್ ದೇವ್ನ ಇಜ಼್ಜತ್‌ಬಿ ಮಹಿಮೆಬಿ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ. ಆಮೆನ್.

1 ತಿಮೊ 6:16

ಇನ ಎಕ್ಕಸ್ ಜ಼ಣಾನ ಮರಣ್‌ಕೊಂತೆ. ಕೋಣ್‌ಬಿ ಖನ್ನೆ ಜಾ಼ವಾನ ಕೋ ಹುವ್ವಾನಿತೆ ಉಜಾ಼ಳಾಮ ರ‍್ಹವಾಳೊ ಹುಯಿರ‍್ಹೋಸ್; ಹಂಕೆತೋಡಿ ಕೋಣ್‌ಬಿ ಇನ ದೇಖಿರಾಖ್ಯುಕೊಯ್ನಿ; ದೇಖಾನ ಉಶೇಬಿ ಕೊಯ್ನಿ.ಇನು ಇಜ಼್ಜತ್ ಅಜು಼ ಮಟಾನುಕೊಂತೆ ಶಕತ್ ಕೆದೇಬಿ ಇನಾಸ್ ರ‍್ಹವಾದೆ! ಆಮೆನ್.

ಇಬ್ರಿ 1:3

ಯೋಸ್ ದೇವ್ನು ಮಹಿಮೆನು ಉಜಾ಼ಖ್ಹ್‌ಬಿ, ದೇವ್ನಿ ಪ್ರತಿರೂಪ್‌ಬಿ, ಇನಿ ವಚನ್ ಶಕಥ್ಥಿ ಅಖ್ಖಾಸ್ನ ಆಧಾರ್ ಹುಯಿನ್ ಯೋಸ್ ಅದಮ್‍ಜ಼ಮಾನನಿ ಪಾಪ್ನ ಶುದ್ದಿಕರಿನ್ ಸೊರ್ಗಾಮ ಮಹಾನ್ ದೇವ್ನು ಖಾವಿಬಾಜು಼ಮ ಬೇಶಿಗಯೊ.

ಇಬ್ರಿ 1:6

“ಆ ಕಾಹೆತೆ ದೇವ್ ಇನ ಫೈಲೋಟ ಛಿಯ್ಯಾನ ಧರ್ತಿಪರ್ ಪಾಛು಼ ಮೋಕ್ಲಾನಿ ವಖ್ಹ್‌ತೆ, ದೇವ್ನ ದೂತರ್‌ಖ್ಹಾರು ಇನ ಆರಾದನೆ ಕರ್ನುಕರಿ ಹುಕುಮ್ ಕರಿರಾಖ್ಯೋಸ್”.

ಇಬ್ರಿ 11:27

ವಿಶ್ವಾಸ್‌ಥೀಸ್ ಇನೆ ರಾಜಾ಼ನ ಇರಾದನ ಡರ‍್ಯೊಕೊಂತೆ ಈಜಿಪ್ಟ್ ದೇಖ್ಹ್‌ನ ಮ್ಹೇಲಿನ್ ಗಯೊ. ಶನಕತೊ ಇನೆ ದೇಖವಾಳೊ ಕಾಹೆತೆಯಿನ ದೇಖಾನಿಘೋಣಿ ಘಟ್ ದಿಲ್‌ವಾಳೊ ಹುಯೊ.

ಪ್ರಕಾಶಿತ್ 3:14

ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ‍್ಹವಾಳೊ ಶಾತ್‌ ಬೋಲಸ್‍ಕತೊ,