ಅಪೊಸ್ತಲರ್‌ನು ಕಾಮ್‌ಖ್ಹಾರು 9:38 - ದೇವ್ನಿ ಖ್ಹಾಚಿ ವಚನ್

³⁸ ಆ ‘ಲುದ್ದ’ ಯೊಪ್ಪ ಖ್ಹಯೇರ‍್ನ ಖನ್ನೆಸ್‌ ರ‍್ಹವಾಮ ಪೇತ್ರ ಹಿಜ್ಜಾ಼ ರ‍್ಹವಾನು ಶಿಷ್ಯರ‍್ನೆ ಖ್ಹಮ್‌ಜಿನ್‌ “ದಯಾ ಕರೀನ್ ಒಗ್ಗಿಸ್‌ಮ ಹಮಾರ ಗಮ್ಮ ಆವ್ಣು” ಕರಿ ಬೇಜ಼ಣಾನ ಬೋಲಿ ಮೋಕ್‌ಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:38 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:36

ಯೊಪ್ಪ ಖ್ಹಯೇರ್‌ಮ ತಬಿಥಾಬಿ ಯೇಸುನಿ ಏಕ್‌ ಶಿಷ್ಯೇ ಥಿ. ಗ್ರೀಕ್‍ನಿ ಬೋಲಿಮ ಇನು ನಾಮ್ ‘ದೊರ್ಕ’ ಇನಿ ಮತ್‌ಲಬ್ ‘ಚೀತಳ್‌ಕರಿ’ ಯೋ ಕದೇಬಿ ಅಛ಼್ಛುಕಾಮ್ ಕರಾವಳಿ ಅಜು಼ ದಾನಧರಮ್‍ ದ್ಯವಾಳಿ ಹುಯಿರ‍್ಹಿಥಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:26

ಬಾರ್ನಬನೆ ಸೌಲಾನ ಹಿಜ್ಜಾ಼ ದೇಖಿನ್ ಇನ ಅಂತಿಯೋಕ್ಯನ ಬುಲೈಲಿನ್ ಆಯೊ. ಸೌಲಾಬಿ ಅಜು಼ ಬಾರ್ನಬನೆ ಅಂತಿಯೋಕ್ಯಮ ಏಕ್‌ ವರಖ್ಹ್‌ಅಖ್ಖು ಸಬೆನ ಜೋ಼ಡ್ಮಾಸ್ ರ‍್ಹೀನ್ ಕೈಏಕ್ ಜ಼ಣಾನ ಶಿಕಾಡ್ಯ. ಆ ವಿಶ್ವಾಸಿನ ಪಹಿಲಿಬಾರ್ “ಕ್ರೈಸ್ತರ್” ಕರಿ ನಾಮ್ ಆಯುತೆ ಅಂತಿಯೋಕ್ಯಮಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:32

ಯೆರೂಸಲೇಮ್‌ನು ಅಶ್‌ಪಿಶ್‍ಥೂತೆ ಖ್ಹಾರ ಗಾಮ್ಮ ಪೇತ್ರ ಫರ್ತೊಜಾ಼ವಾನಿ ವಖ್ಹ್‌ತೆ ಲುದ್ದಕರಿ ಗಮ್ಮರ‍್ಹವಾಳ ದೇವ್ನ ಅದ್ಮಿಖ್ಹಾರಾನ ಮಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:19

ಇನಕೇಡೆಥು ಖಾಣು ಖಾವಖ್ಹತರ್ ಇನ ಶಕತ್ ಆಯು. ಸೌಲ ಥೋಡದನ್‍ಲಗು ದಮಸ್ಕಮ ಸುವಾರ್ತೆನ ಬೋಲ್ಯೊ. ಅಜು಼ ವಿಶ್ವಾಸಿನಿ ಜೋ಼ಡ್ಮ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:42

ಯೊಪ್ಪಮ ಹರೇಕ್ ಬಾಜು಼ಮ ಥೂತೆ ಅದ್ಮಿವೋನ ಆ ವಾತೆ ಮಾಲುಮ್ ಪಡ್ಯು. ಯೊ ಅದ್ಮಿಖ್ಹಾರಾಮ ಕೆತ್ರೂಕಿ ಜ಼ಣು ಪ್ರಭುನ ವಿಶ್ವಾಸ್ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:43

ಪೇತ್ರನೆ ಯೊಪ್ಪಮ ಚಾ಼ಂಬ್ಡಾನು ಕಾಮ್‍ಕರವಾಳೊ ಸೀಮೋನ್ನ ಘರ್‌ಮ ಘಣ ದನ್‌ಲಗು ರ‍್ಹಿಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:5

ಹಮ್ಕೆ ತೂ ಥೋಡು ಜ಼ಣಾನ ಯೊಪ್ಪನ ಮೋಕ್ಲಿನ್, ಪೇತ್ರಕರಿ ಬೋಲೈಲ್ಯವಾಳೊ ಸೀಮೋನನ ಬುಲಾವ್ಣು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:8

ಇವ್ಣುನ ಕೊರ್ನೆಲ್ಯನೆ, ಆ ಚಾ಼ಲ್ಯುತೆ ಅಖ್ಖೂಸ್ ಇವ್ಣುನ ಬೋಲಿನ್ ಯೊಪ್ಪನ ಮೋಕ್‌ಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:5

ಪೇತ್ರನೆ ಇವ್ಣುನ, ಮೆ ಯೊಪ್ಪ ಖ್ಹಯೇರ್‌ಮ ಪ್ರಾರ್ಥನೆ ಕರಾನಿ ವಖ್ಹ್‌ತೆ “ಮನ ಏಕ್‌ ದರ್ಶನ್ ದೆಖಾಯು. ಯೋ ಶಾತ್‌ಕತೊ ಆಕಾಶ್‍ಥು ಚಾರ್ ಕೋಣಾನ ಶಿಂದ್ರೂ ಭಂದೈನ್ ಉತ್ರಿ ವಳ್ಯಾವ್ತು ಥೂತೆ ಝೋ಼ಳಿನಿತರಾನು ಏಕ್‌ ಜಿನಖ್ಹ್‌, ಮಾರಕನಾಸ್ ಉತ್ರಿ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:13

ತದೆ ಇನೆ ದೇವ್‌ನೊ ದೂತ ಮಾರ ಘರ್‌ಮ ಭಿಯೊಥೋತೆ ಇನ ಬಾರೇಮ ಮನ ಬೋಲ್ಯೊ. ಯೊ ದೇವ್‌ನೊ ದೂತನೆ ಕೊರ್ನೆಲ್ಯನ, ತೂ ಥೋಡ ಜ಼ಣಾನ ಯೊಪ್ಪನ ಮೋಕ್ಲಿನ್ ಪೇತ್ರಕರಿ ಬೋಲೈಲ್ಯವಾಳೊ ಸೀಮೋನನ ಬುಲೈಲೆ.