18 ಯೋ ವೇಳ್ಮಾಸ್ ಸೌಲನ ಡೋಳೇಥಿ ಪಡದ್ನಿಘೋಣಿ ಶಾತ್ಕಿ ಹೇಟ್ ನಿಕ್ಳಿ ಪಡೀನ್ ಇನೊ ಡೋಳ ಪಾಛು಼ ದೆಖಾವಲಗ್ಯು. ಯೋ ಉಠೀನ್ ಬ್ಯಾಪ್ತಿಸ್ಮ ಲಿದೊ.
ಪೇತ್ರನೆ ಇವ್ಣುನ ತುಮಾರಮ ಹರೇಕ್ಜ಼ಣುಬಿ ತುಮಾರ ಪಾಪ್ನಖ್ಹಾಜೆ ಪಶ್ಚತ್ತಾಪ್ ಕರೀನ್ ದೇವ್ಭಣಿ ಫರಿನ್ ಯೇಸು ಕ್ರಿಸ್ತನ ನಾಮ್ಪರ್ ಬ್ಯಾಪ್ತಿಸ್ಮ ಲೇವೊ. ತದೆ ದೇವ್ ತುಮಾರಿ ಪಾಪ್ನ ಅಖ್ಖು ಕ್ಷಮಾ ಕರ್ಶೆ, ತದೆ ತುಮೆ ಪವಿತ್ರಾತ್ಮ ದಾನ್ನ ಲೀಲಿಶು.
ಇನೆ ಬೋಲ್ಯೊತೆ ಖ್ಹಮ್ಜಿನ್ ಬ್ಯಾಪ್ತಿಸ್ಮ ಲೀಲಿದು. ಯೋ ದನ್ ಕಮ್ಶಿಕಮ್ ತೀನ್ ಹಜಾ಼ರ್ ಅದ್ಮಿಖ್ಹಾರು ವಿಶ್ವಾಸಿನ ಟೋಳ್ಮ ಮಳೀಗು.
ಇನೆ, ‘ಮಾರೊ ಭೈ ಸೌಲ, ತುನ ಡೋಳ ದೆಖವಾದೆ’ ಕರಿ ಬೋಲ್ಯೊ. ತದ್ನು ತದೇಸ್ ಮನ ಡೋಳಾನಿ ಜೋ಼ತ್ ಆಯಿನ್ ಮನ ದೇಖವಲಗ್ಯು. ಮೇ ಇನ ದೇಖ್ಯೊ.
ತೂ ಹಮ್ಕೆ ಶನ ಖ್ಹೊಪ್ರ್ಹೇಸ್ ಉಟ್? ಪ್ರಭುನ ನಾಮ್ನ ಬೋಲವಾಳೊಹುಯಿನ್, ಬ್ಯಾಪ್ತಿಸ್ಮ ಕರೈಲೀನ್ ತಾರ ಪಾಪ್ನ ದ್ಹೋಯಿಲೆ ಅಜು಼ ತು ಇನಖ್ಹಾಜೆ ಪ್ರಾರ್ಥನೆ ಕರ್ ಕರಿ ಬೋಲ್ಯೊ.
ತದೆ ಅನನೀಯ ಚಾ಼ಲ್ತೊ ಯೊ ಘರ್ಮ ಜೈ಼ನ್ ಇನಾಪರ್ ಇನೊ ಹಾತ್ ಮ್ಹೇಲಿನ್, “ಮಾರೊ ಭೈ ಸೌಲ, ತೂ ಆವಾನಿ ವಾಟ್ಮ ತುನ ದೆಖಾಯೊತೆ ಪ್ರಭು ಯೇಸು ತುನ ಪಾಛು಼ ಡೋಳೊ ದೆಖಾವಾನಿಘೊಣಿಬಿ, ತು ಪವಿತ್ರಾತ್ಮಾಥಿ ಭರಾವ್ಣು ಕರೀಬಿ ಮನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯೊ.
ಇನಕೇಡೆಥು ಖಾಣು ಖಾವಖ್ಹತರ್ ಇನ ಶಕತ್ ಆಯು. ಸೌಲ ಥೋಡದನ್ಲಗು ದಮಸ್ಕಮ ಸುವಾರ್ತೆನ ಬೋಲ್ಯೊ. ಅಜು಼ ವಿಶ್ವಾಸಿನಿ ಜೋ಼ಡ್ಮ ಥೊ.
ಸೌಲ ಜ಼ಮೀನ್ಪರ್ಥೊ ಉಠೀನ್ ಡೋಳ ಪಾಡಮ ಶಾತ್ಬಿ ಕೋ ದೆಖಾಯುನಿ. ಇನಖ್ಹಾಜೆ ಇವ್ಣೆ ಇನ ಹಾತ್ಧರೀನ್ ದಮಸ್ಕಮ ಬುಲೈಲಿನ್ ಗಯ.
ಕತೋಬಿ ಇವ್ಣಿ ಬುದ್ಧಿ ಮಂಕ್ ಹುಯಿರ್ಹಿಥೀತೆ ಇನಾಖ್ಹಾಜೆ ಇವ್ಣೆ ಮಾಲುಮ್ ಕರೀಲಿದುಕೊಯ್ನಿ. ಇವ್ಣೆ ಜೂ಼ನು ಒಪ್ಪಂದಾನನ ಪಢಾನಿ ವಖ್ಹ್ತೆ ಯೋಸ್ ಘುಮ್ಟೊ ಇವ್ಣ ದಿಲ್ಪರ್ ಢಪೈಜಾ಼ಸ್. ಶನಕತೊ ಖಲಿ ಕ್ರಿಸ್ತಥಿಸ್ ಯೋ ನಿಕ್ಳೈಜಾ಼ಶೆತೆ.
“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್ ಮ್ಹೇಲಾದೆ” ಕರಿ ದೇವ್ನೆ ಏಕ್ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.