ಅಪೊಸ್ತಲರ್‌ನು ಕಾಮ್‌ಖ್ಹಾರು 8:9 - ದೇವ್ನಿ ಖ್ಹಾಚಿ ವಚನ್

⁹ ಕತೋಬಿ ಥೋಡ ದನ್‍ಥೂ ಯೋ ಖ್ಹಯೇರ್‌ಮ ಸೀಮೋನ್‍ಕರಿ ಏಕ್‍ಜ಼ಣೊ ಥೊ. ಯೋ ಇನ ಜಾ಼ದುಜ಼ಮ್ಕರ್‌ಥಿ ಸಮಾರ್ಯನ ಅದ್ಮಿನ ಆಶ್ಚರ್ಯ ಕರಾಯೊ. ಸಿಮೋನ್ ಇನು ಯೋಸ್ ಮಹಾತ್ಮಕರಿ ಬೋಲಿಲೇತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:9 ပူးပေါင်းရင်းမြစ်များ

ಯೋಹಾನ 7:18

ಕೋಣ್ ಇನುಯೋಸ್ ವಾತೆಬೋಲಿಲೇಸ್ಕಿ ಇನಿ ಶೊಂತ್ ಇಜ಼್ಜತ್‌ನ ಢೂಂಡಸ್. ಇನುಯೋಸ್ ಖ್ಹಾಚ಼ನ ಲೀಲಾವನ ಕೋಶಿಶ್ ಕರಾಸ್, ಕತೋಬಿ ಕೋಣ್‌ಇನ ಮೋಕ್‌ಲ್ಯೊತೆ ಇನಿ ಇಜ್ಜತ್‍ನ ಢೂಂಡಾವಾಳೊ ಅದ್ಮಿಸ್‌ ಖ್ಹಾಚೊ಼; ಇನಾಮ ಶನೀಶ್ ಗಲತ್‌ ಕೊ ರ‍್ಹೇಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:6

ಇವ್ಣೆ ಯೋ ಟಾಪಾನಿ ಅಖ್ಖಿಬಾಜು಼ ಜಾ಼ತಹುಯಿನ್ ಪಾಫೋಸ್ ಕರಿ ಗಾಮ್‌ನಗಯ. ಇವ್ಣೆ ಜಾ಼ದುಜ಼ಮ್‌ಕರ್‌ ಕರಾವಾಳ ಏಕ್‌ ಯೆಹೂದ್ಯವಾಳನ ಪಾಫೋಸ್ಮ ದೇಖ್ಯ. ಇನು ನಾಮ್ ‘ಬಾರ್‌ಯೇಸು’ ಯೋ ಏಕ್‌ ಝೂ಼ಟುಪ್ರವಾದಿ ಹುಯಿರ‍್ಹೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:8

ಕತೋಬಿ ಯೊ ಮಂತ್ರವಾದಿ ಹುಯಿರೋತೆ ಎಲುಮ (ಎಲುಮಕರಿ ನಾಮ್ನೊ ಮಂತ್ರವಾದಿ) ವಿರೋದ್ ಹುಯಿರ‍್ಹೋಥೊ. ರಾಜ್ಯಪಾಲ್‌ನೆ ಕ್ರಿಸ್ತಮ ವಿಶ್ವಾಸ್ ನಾ ಕರ್ನುತೆ ತಿಮ್ ಎಲಿಮನೆ ಕೋಶಿಶ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:36

ಅನೇಥಿ ಅಗಾಡಿ ಥೈದಕರಿ ಏಕ್‌ಜ಼ಣಾನೆ ಮೇ ಮೋಟೊ ಅದ್ಮಿಕರಿ ಬೋಲಿಲೀದೊ. ಇನಿ ಜೋ಼ಡ್ಮ ಖ್ಹುಮಾರ್ ಚಾರ್ ಖ್ಹೋ ಅದ್ಮಿ ಮಳಿರ‍್ಹುಥು. ತ್ಯೋಬಿ ಯೋ ಮರೈಗಯೊ. ಅಜು಼ ಇನ ನಂಬಿಹುಯು ಅಖ್ಖೂಸ್ ಎಕ್ಕೋಸ್ಏಕ್‌ ಮಿಲೈಗು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:11

ಘಣಾದನ್‌ಥೂಬಿ ಸೀಮೋನ್ನಿ ಜಾ಼ದುಜಮ್‍ಕರ್‌ಥಿ ಅದ್ಮಿಖ್ಹಾರು ಆಶ್ಚರ್ಯಥಿ ಇನಿ ವಾತ್ನ ಖ್ಹಮಜ್‍ತೂಥು.

2 ಥೆಸ 2:4

ಖಿವು ದೇವ್‌ನು ಹುಯಿರ‍್ಹುಸ್ ನತರ್ ಆರಾದನೆನ ಯೋಗ್ಯಹುಯಿರ‍್ಹಾವನು ಹುಯಿರ‍್ಹುಸ್ಕಿ, ಯೋ ಖ್ಹಾರಾನ ನಾಶ್ ಕರ್ಷೆ. ಇನು ಯೋಸ್ ಖ್ಹಾರೇಥಿಬಿ ಭಡೈಲೀನ್, ದೇವ್ನಿ ಮಂದಿರ್‌ಮ ಬೇಶಿನ್‌ ಯೋಸ್ ದೇವ್‌ಕರಿ ಬೋಲಿಲಿಶೆ.

2 ತಿಮೊ 3:2

ಅದ್ಮಿಖ್ಹಾರು ಖಲಿ ಇನಿಬಾರೇಮ ಯೊ ಸೋಚವಾಳು, ಪೈಶಾನಿಲಾಲಚ಼್‌ವಾಳು, ಬಡೈಮಾರಿಲೆವಾಳು, ಹಂಕಾರ್‌ಭರ್‍ಯು, ಮಶ್ಲ ಮಾರವಾಳು ಹುಯಿರ‍್ಹಿಶೆ. ಅಜು಼ ಆಯ-ಬಾನ ಚಾ಼ವ್‌ಣ್ಯ ಕಾಡವಾಳೊ ಅಪವಿತ್ರ ಹುಯಿರ‍್ಹೋಸ್. ದೇವ್‌ನೊ ಡರ್‌ಕೊಂತೆ,

2 ತಿಮೊ 3:5

ಯೊ ಅದ್ಮಿಖ್ಹಾರು ಅಪ್ಣ ಪದತ್ತಿ ಕಾಮ್ನಾಸ್ ಧರಿರಾಖಾಸ್ ಕತೋಬಿ ಇನ ಮಹಿನು ಖ್ಹಾಚಿನಿ ಶಕತ್ನ ಮ್ಹೇಲಿದೇಸ್ ಅಥ್ರಾನವಾಳೇಥಿ ದೂರ್ ರ‍್ಹೆ.

2 ಪೇತ್ರ 2:18

ಗಲತ್‌ ವಾಟ್‌ಪರ್ ಚಾ಼ಲವಾಳನಿ ಖ್ಹಂಗ್‌ಥಿ ಛು಼ಕಿಜಾ಼ವಳ ನವ ಅದ್ಮಿನಿ ಜೋ಼ಡ್ಮ ಅವ್ಣೆ ಫಾಯಿದೊಕೊಂತೆ ಪೋಲಿ ವಾತೆನ ಬೋಲಿನ್, ಶರೀರ್‌ನಿ ಖರಾಬ್ ಆಖ್ಹ್‌ಮ ನಾಖಿನ್ ಘಣಿ ಢೊಂಗಿನಿ ಬುದ್ಧಿಥಿ ಇವ್ಣುನ ಮಂಕ್‍ಕರ‍್ನಖಾಸ್.

ಪ್ರಕಾಶಿತ್ 22:15

ಕತೋಬಿ ಕುತ್‌ರ‍್ಯಾವ್‌ನಿತರ ರ‍್ಹವಾಳುಬಿ, ಜಾ಼ದು ಕರವಾಳುಬಿ, ವ್ಯಬಿಚಾರ್ ಕರವಾಳುಬಿ, ಖೂನಿಖ್ಹಾರುಬಿ, ಮೂರತ್ನ ಖ್ಹಲಾಮ್ ಕರಾವಳುಬಿ, ಝೂ಼ಟಾನ ಪ್ಯಾರ್‌ಕರೀನ್ ಚಾ಼ಲವಾಳು ಅಜು಼ ಬೋಲವಾಳು ಯೊ ಖ್ಹಯೇರ‍್ನ ಭಾರ್‌ ರ‍್ಹಿಶೆಕರಿ ಬೋಲ್ಯೊ.