ಅಪೊಸ್ತಲರ್‌ನು ಕಾಮ್‌ಖ್ಹಾರು 8:5 - ದೇವ್ನಿ ಖ್ಹಾಚಿ ವಚನ್

⁵ ಫಿಲಿಪ್ ಸಮಾರ್ಯಕರಿ ಮುಖ್ಯ ಖ್ಹಯೇರ‍್ನ ಅದ್ಮಿವೊನ ಜೈ಼ನ್ ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:5 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:8

ಕತೋಬಿ ಪವಿತ್ರಾತ್ಮ ತುಮಾರಪರ್ ಆಯಿಗೋತೊ, ತುಮೆ ಶಕತ್‍ಲೀನ್ ಯೆರೂಸಲೇಮ್ಮಾಬಿ ಯೂದಾಯಮಬಿ, ಸಮಾರ್ಯ ತಬರ್‌ಖಾಮಾಬಿ ಅಜು಼ ಜಗತ್ನ ಕಡೆಷಿ ಲಗೂಬಿ ಮನ ಸಾಕ್ಷಿಹುಯಿರಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:8

ಇನವ್ಹಾಣೆ ನಿಕ್ಳಿ ಕೈಸರೈನು ಖ್ಹಯೇರ‍್ನ ಆಯ. ಹಿಜ್ಜಾ಼ ಹಮೆ ಫಿಲಿಪ್ಪನ ಘರ್‌ಮ ರ‍್ಹಯ. ಸುವಾರ್ತೆ ಖ್ಹಮ್‍ಜಾ಼ಡನೂಸ್ ಫಿಲಿಪ್ಪನು ಕಾಮ್ ಹುಯಿರ‍್ಹುಥು. ಹೈರೋತೆ ಸೆಜರೇಯಮ ಮದತ್ ಕರಾವಾಳ ಖ್ಹಾತ್‍ಜ಼ಣಾಮ ಆಬಿ ಏಕ್‍ಜ಼ಣೊ ಹುಯಿರೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:42

ಇವ್ಣೆ, ಅದ್ಮಿಮ ಬೋಧನೆ ಕರಾನು ಭೀರಾಖ್ಯಕೊಯ್ನಿ. ಯೇಸುಸ್ ಕ್ರಿಸ್ತಕರಿ ಅದ್ಮಿನ ಸುವಾರ್ತೆ ಶಿಕಾಡನ ಶುರುಕರ‍್ಯ. ಇವ್ಣೆ ಹರ್‌ರೋಜ಼್ ದೇವ್ನ ಮಂದಿರ್‌ಮಾಬಿ, ಘರೂಮಾಬಿ ಬೋಧನೆ ಫೈಲಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:5

ಆ ವಾತೆ ಅಖ್ಖಾಸ್ ಝೂ಼ಂಡ್‌‍ವಾಳಾನೆ ಅಛ್ಛು಼ಕರಿ ಸೋಚ್ಯು. ಇವ್ಣೆ ಪವಿತ್ರಾತ್ಮಥಿ ಭರಾಯೊಹುಯೊ. ಘಣು ವಿಶ್ವಾಸ್‌ವಾಳೊ ಹುಯಿರ‍್ಹೋತೆ. ಸ್ತೆಫನನಾಬಿ, ಫಿಲಿಪ್, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ, ಯೆಹೂದ್ಯರ್‌ನಿ ಜಾ಼ತ್‌ಮ ಮಳಿರ‍್ಹೋತೆ, ಅಂತಿಯೋಕ್ಯ ಗಾಮ್‌ವಾಳೊ ನಿಕೊಲಾಯ ಕರಿ ಅವ್ಣುನ ಚೂ಼ಣಿನ್ ಅಪೊಸ್ತಲರ‍್ನ ಖ್ಹಾಮ್ಣೆ ಭಿರಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:1

ಸ್ತೆಫನನ ಮಾರಿನಾಖನ ಸೌಲನ ಒಪ್ಪಿಕೆಥು. ಯೊ ದನ್ಮ ಯೆರೂಸಲೇಮಥೂತೆ ಸಬೆವಾಳನ ಮೋಟಿ ಖ್ಹತಾಪ್ಣಿ ಪಡ್ಯು. ಅಪೊಸ್ತಲರ್ ನಾಹುಯಿನ್ ಖ್ಹಾರೂಸ್, ಯೂದಾಯ ಸಮಾರ್ಯ ತಬರ್‌ಖಾಮ ಛಿಡ್‍ಕೈಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:26

ಪ್ರಭುನ ದೂತನೆ ಫಿಲಿಪ್ಪನ ತೂ ಉಠೀನ್ ದಕ್ಷಿಣ್ ರುಕ್‍ಮ ಯೆರೂಸಲೇಮ್‍ಥು ಗಾಜ ಗಾಮ್‌ನ ಜಾ಼ವಾನಿ ಜ಼ಂಗಳ್‌ನಿ ವಾಟೆ ಜಾ಼ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:30

ಫಿಲಿಪ್ಪ ನಾಶಿಜೈ಼ನ್ ಯೋ ಅದ್ಮಿ ಯೆಶಾಯ ಪ್ರವಾದಿನು ದಪ್ತರ್‌ನ ಪಢುಕರಾತೆ ಖ್ಹಮ್‌ಜಿನ್‌, ‘ತೂ ಪಢುಕರಾತೆ ತುನ ಮಾಲುಮ್ ಪಡುಕರಸ್ಕಿ ಶು’? ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:40

ಅನಕೇಡೆಥು ಫಿಲಿಪ್ಪ ಅಜೋತ್‍ಕರಿ ಖ್ಹಯೇರ್‌ಥು ದೆಖೈನ್ ಹಿಜ್ಜಾ಼ಥು ಕೈಸರೈಕರಿ ಖ್ಹಯೇರ್‌ಲಗು ಅಖ್ಖಾಸ್ ಗಾಮ್ಮ ಸುವಾರ್ತೆ ಬೋಲ್ತೊ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:6

ಝೂ಼ಂಡ್‌ಥಿ ಭರಾಯಹುಯ ಅದ್ಮಿಖ್ಹಾರು ಫಿಲಿಪ್ಫನಿ ವಾತ್ನ ಏಕ್‍ ಮನ್‌ಥಿ ಖ್ಹಮ್‌ಜ್ಯು. ಅಜು಼ ಇನೆ ಕರ‍್ಯೊತೆ ಖ್ಹಣೇದ್ನ ಅಖ್ಖಾ ಕಾಮ್ನ ದೇಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:20

ಪೌಲ ತದ್ನುತದೇಸ್, “ಯೇಸು ದೇವ್‌ನೊ ಛಿಯ್ಯೊ” ಕರಿ ಸಭೆ ಮಳಾನಿ ಝ಼ಗೋಮ ಬೋಲಾನ ಶುರು ಕರ‍್ಯೊ.

1 ಕೊರಿಂಥ 1:23

ಅಪ್ಣೆತೋಬಿ ಶಿಲ್‌ಬೇಪರ್ ಮರೈಗಯೋತೆ ಕ್ರಿಸ್ತನಿ ಬಾರೇಮ ಬೋಲಿಯೇಸ್. ಆ ಹೈರುತೆ ಯೆಹೂದ್ಯರ್‌ನ ಅಡ್ಡಿ ಹುಯಿರ‍್ಹೂಸ್. ಯೆಹೂದ್ಯರ್‌ಕಾಹೆತೆ ಅದ್ಮಿನ ಘೈಲಾನಿತರ ದೇಖಾವಸ್.

1 ಕೊರಿಂಥ 2:2

ಶನಕತೊ ಮೇ ಶಿಲ್‌ಬೇಪರ್ ಮರಾಯೋತೆ ಯೇಸು ಕ್ರಿಸ್ತನಾಸ್ ಪಣ್ಕಿ ಬಿಜು಼ ಶನಾಬಿ ತುಮಾರಮ ಮಾಲುಮ್ ಕರಾವವಾಳೊ ಕೊ ಹುಯಿರ‍್ಹಿಶ್‌ನಿ ಕರಿ ತೀರ್ಮಾನ್ ಕರಿರಾಖ್ಯೊಸ್.

1 ಕೊರಿಂಥ 3:11

ಶನಕತೊ ದೇವ್ ಯೇಸುಕ್ರಿಸ್ತನ ತದೇಸ್‌ ಏಕ್‌ನಿಏಕ್‌ ಹದಿಪಾಯ ಕರಿ ಬಣೈರಾಖ್ಯೊಸ್. ಅಜು಼ ಬಿಜು಼ ಖಿವು ಹದಿಪಾಯನ ನಾಖನ ಕೋಉಷೇನಿ.