36 ಇವ್ಣೆ ವಳ್ಯಜಾ಼ತಥಾತೆ ವಾಟೆ ಪಾಣಿನಿ ಝ಼ಗೋಕನ ಆಯ. ಅಜು಼ ಅದಿಕಾರಿನೆ, ಹಂದೇಕ್ ಪಾಣಿ ಹೈರು ಮೇ ಬ್ಯಾಪ್ತಿಸ್ಮ ಲ್ಯಾವಾನ ಅಡ್ಡಿಶಾತ್? ಕರಿ ಬೋಲ್ಯೊ.
ಮೇತೊ ಮನ್ ಫರಾವನ ತುಮೂನ ಪಾಣಿಥಿ ಬ್ಯಾಪ್ತಿಸ್ಮ ಕರವ್ಕರುಸ್. ಕತೋಬಿ ಮಾರ ಬಾದ್ಮ ಆವವಾಳೊ ಮಾರೇಥಿಬಿ ಶಕತ್ವಾಳೊ. ಇನಿ ಖೋಖ್ಹ್ಡಾನ ಢೋವಾನಾಬಿ ಮೇ ಲ್ಹಾಯೇಕ್ಕೊಯ್ನಿ; ಯೊ ಪವಿತ್ರಾತ್ಮಥಿಬಿ ಆಗ್ಥೀಬಿ ತುಮೂನ ಬ್ಯಾಪ್ತಿಸ್ಮ ಕರಾವ್ಶೆ.
ಇವ್ಣು-ಇವ್ಣು ಪಾಪ್ನ ಕಬೂಲಿಲೀನ್, ಯೊರ್ದನ್ ನದ್ದಿಮ ಯೋಹಾನಥಿ ಬ್ಯಾಪ್ತಿಸ್ಮ ಕರೈಲೆವ್ಕರ್ತುಥು.
ಯೋಹಾನಾಬಿ ಸಲೀಮ್ ಗಾಮ್ನ ಖನ್ನೆ ಥೂತೆ ಐನೋನ್ಕನ ಬ್ಯಾಪ್ತಿಸ್ಮ ದೆವ಼್ಕರ್ತೋಥೊ. ಶನಕತೊ ಹಿಜ್ಜಾ಼ ಘಣು ಪಾಣಿ ಥೂ; ಅದ್ಮಿಖ್ಹಾರು ಹಿಜ಼್ಜಾಐನ್, ಬ್ಯಾಪ್ತಿಸ್ಮ ಕರೈಲೆವ್ ಕರ್ತುಥು.
ಇಮ್ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಏಕ್ ಅದ್ಮಿ ಪಾಣಿಥೀಬಿ, ಆತ್ಮಥಿ ಪೈದಾ ನಾ ಹುಯೂತೊ, ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ.
ತದೆ ಪೇತ್ರನೆ ವಾತೆ ಬೋಲ್ತೊಹುಯಿನ್, “ಆ ಅದ್ಮಿಬಿ ಪವಿತ್ರಾತ್ಮಥಿ ಭರಾಯು ಅವ್ಣುನ ಪಾಣಿಮ ಬ್ಯಾಪ್ತಿಸ್ಮ ಕರಾವನ ಶನೀಬಿ ಅಡ್ಡಿಕೊಯ್ನಿ?” ಕರಿ ಬೋಲ್ಯೊ.
ತದೆ ಫಿಲಿಪ್ಪನೆ ಇನ “ತೂ ಖ್ಹಾಚ ದಿಲ್ಥಿ ವಿಶ್ವಾಸ್ ಕರಾವಾಳೊ ಉಷೇತೊ ಅಡ್ಡಿಕೊಯ್ನಿ” ಕರಿ ಬೋಲ್ಯೊ. ತದೆ ಅದಿಕಾರಿನೆ, “ಯೇಸುಕ್ರಿಸ್ತಾಸ್ ದೇವ್ನೊ ಛಿಯ್ಯೊಕರಿ ವಿಶ್ವಾಸ್ ಕರುಸ್” ಕರಿ ಬೋಲ್ಯೊ.
ಪ್ರಭು ಯೇಸುಸ್ ಪಾಣಿಥಿ ಅಜು಼ ಲ್ಹೋಯಿಥಿ ಆಯಿರ್ಹೋಸ್. ಖಾಲಿ ಪಾಣಿಥೀಸ್ ಕಾಹೆ, ಕತೋಬಿ ಪಾಣಿಥೀಬಿ ಲ್ಹೋಯಿಥಿಸ್ ಆಯಿರ್ಹೊಸ್ತೆ. ಅನ ಪವಿತ್ರಾತ್ಮಸ್ ಸಾಕ್ಷಿ. ಶನಕತೊ ಪವಿತ್ರಾತ್ಮಸ್ ಖ್ಹಾಚೊ಼ ಹುಯಿರೋಸ್.