ಅಪೊಸ್ತಲರ್‌ನು ಕಾಮ್‌ಖ್ಹಾರು 8:32 - ದೇವ್ನಿ ಖ್ಹಾಚಿ ವಚನ್

³² ಯೊ ಫಡುಕರ್ತೊ ಥೋತೆ ಪವಿತ್ರ್‌ ದಪ್ತರ್‌ಮ ವಚನ್ನುಭಾಗ್‌ ಖೆವುಕತೊ ‘ಕತ್ರಾನ ಲೀಜಾ಼ಯಿತೆ ಮೇಂಢಾನ ಚೆಲ್ಕನಿತರ ಇನ ಲೀನ್‌ಗಯು; ಅಜು಼ ಮೇಂಢು ರುಯಿ ಕತ್ರಾವಾಳನ ಖ್ಹಾಮ್ಣೆ ಖ್ಹೊಪ್‍ರ‍್ಹವಾನಿತರ ಇನೆ ಮ್ಹೋಡು ಮ್ಹೆಲ್ಯೊಸ್‍ ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:32 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:34

ತದೆ ಯೇಸುನೆ, “ಬಾ, ಅವ್ಣುನ ಮಾಪ್‌ಕರ್‌! ಅವ್ಣೆ ಶಾತ್‌ ಕರುಕರಸ್ ಕರಿ ಅವ್ಣುನಾಸ್‌ ಮಾಲುಮ್‌ ಕೊಯ್ನಿ” ಕರಿ ಬೋಲ್ಯೊ. ಸಿಪಾಯಿಖ್ಹಾರು ಚೀಟಿ ನಾಖಿನ್, ಯೇಸುನ ಲುಂಗ್ಡಾವ್‍ನ ಇವ್ಣ-ಇವ್ಣಾಮಸ್ ವಾಟ ಪಾಡಿಲಿದು.

ಯೋಹಾನ 1:29

ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:31

ಇನೆ, ಕೋಣ್‌ತೋಬಿ ಮನ ಬರಬರ್ ನಾ ಖ್ಹಮ್‍ಜಾ಼ಡ್ಯುತೊ ಯೋ ಮನ ಕಿಮ್ ಅರ್ಥಪಡ್‍ಶೆ ಕರಿ ಬೋಲಿನ್ ತೂ ರಥ್ ಛ಼ಡಿನ್ ಮಾರಾಕನ ಬೇಶಿಜಾ಼ ಕರಿ ಫಿಲಿಪ್ಪನ ಬೋಲಿಲಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:36

ಆ ಖ್ಹಾರು ಪರಿಶುದ್ ದಪ್ತರ್‌ಮ ಲೀಖೈರುತೆ ಇಮ್ಮಸ್ ಛಾ಼, “ತಾರಾಖ್ಹಾಜೆ ಹಮೆ ಅಖ್ಖೋದನ್ ಮರಣ್‍ಮ ಛಿಯ್ಯೆ಼; ರ‍್ಹೇಖ್ಹಾವನ ಆಯೂತೆ ಮೇಂಢವ್‌ನಿ ತರ ಹಮೆ ರ‍್ಹೇಖ್ಹಾವನಿತರಾಬಿ ಹುಯಿರ‍್ಹಿಯೇಸ್.

1 ಕೊರಿಂಥ 15:3

ಶನಕತೊ ಮೇಬಿ ಜಿನು ಶಿಕ್ಯೋತೆ ಪಹಿಲಿ ವಾತೆಮಾಥು ಮುಖ್ಯ ವಾತ್ನಸ್ ತುಮೂನ ಖ್ಹಮ್‌ಜಾ಼ಡ್ ರಾಖ್ಯೋಸ್. ಯೋ ಶಾತ್‍ಕತೊ ಧರ್ಮಶಾಸ್ತ್ರಮ ಖ್ಹಮ್‍ಜಾ಼ಡಿರಾಖ್ಯೊತೆ ತಿಮ್ ಕ್ರಿಸ್ತ ಅಪ್ಣ ಪಾಪ್ನಖ್ಹಾಜೆ ಮರ‍್ಯೊ.

1 ಪೇತ್ರ 1:19

ಯೇಸು ಕ್ರಿಸ್ತಕರಿ ಬೋಲಾನು ಶನು ದೋಷ್‍ಕೊಂತೆ, ಶುದ್ದ ಹುಯಿರ‍್ಹುತೆ ಮೇಂಢಾನ ಚೆಲ್ಕಾನು ಕಿಮ್ಮತ್ನ ಲ್ಹೋಯಿಥೀಸ್‍ಕರಿ ತುಮುನ ಮಾಲುಮ್‍ಛಾ಼ನಿ.