ಅಪೊಸ್ತಲರ್‌ನು ಕಾಮ್‌ಖ್ಹಾರು 8:22 - ದೇವ್ನಿ ಖ್ಹಾಚಿ ವಚನ್

²² ಇನಖ್ಹಾಜೇಥಿ ಆ ತಾರ ಖರಾಬ್ ಕಾಮ್ನ ಮ್ಹೆಂದಿನ್ ದೇವ್‌ಭಣಿ ಫರಿಜೈನ್, ಅಜು಼ ಪ್ರಾರ್ಥನೆ ಕರೀಲೆ. ಪ್ರಭು ತಾರ ದಿಲ್ನಿ ಖ್ಹಯಾಲ್ನ ಮಾಪ್‌ಕರ್ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:22 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:30

ಗಯೂತೆ ಹಗಾಮ್ಮ ಅದ್ಮಿಖ್ಹಾರು ದೇವ್ನ ಮಾಲುಮ್ ಕರ‍್ಯುಕೊಯ್ನಿ. ಕತೋಬಿ ದೇವ್ನೆ ಯೊ ಶಾತ್ಬಿ ಕರ‍್ಯೊಕೊಯ್ನಿ. ಹಮ್ಕೆತೋಬಿ ಜಗತ್ನಿ ಅಖ್ಖಿಬಾಜು಼ಮ ರ‍್ಹವಾಳು ಅದ್ಮಿಖ್ಹಾರು ಖರಾಬ್ ಮಾರಗ್‌ನ ಮ್ಹೇಲಿನ್ ಇನಾಭಣಿ ಫರ್‌ನುಕರಿ ಹುಕುಮ್ ದೆವುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:38

ಪೇತ್ರನೆ ಇವ್ಣುನ ತುಮಾರಮ ಹರೇಕ್‍ಜ಼ಣುಬಿ ತುಮಾರ ಪಾಪ್ನಖ್ಹಾಜೆ ಪಶ್ಚತ್ತಾಪ್ ಕರೀನ್ ದೇವ್‌ಭಣಿ ಫರಿನ್ ಯೇಸು ಕ್ರಿಸ್ತನ ನಾಮ್‍ಪರ್ ಬ್ಯಾಪ್ತಿಸ್ಮ ಲೇವೊ. ತದೆ ದೇವ್ ತುಮಾರಿ ಪಾಪ್ನ ಅಖ್ಖು ಕ್ಷಮಾ ಕರ್ಶೆ, ತದೆ ತುಮೆ ಪವಿತ್ರಾತ್ಮ ದಾನ್ನ ಲೀಲಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:20

ಕತೋಬಿ ಪೇತ್ರನೆ ಇನ “ತಾರ ಪೈಶ ತಾರಿಜೋ಼ಡ್ಮ ನಾಶಹುಯಿಜಾ಼ವಾದೆ. ದೇವ್ನಿ ವರಾನ ಪೈಶಾನ ಲಿಯೆಜಾ಼ಯ್ ಕರಿ ಲಾಝ್ಯೊಕಿ ಶು?” ಕರಿ ಜ಼ವಾಬ್ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:11

ಪ್ರಭುನೆ ಅನನೀಯನ, “ತೂ ಉಠೀನ್ ಖ್ಹತ್ತಡ್‍ ಗಲ್ಲಿಕರಿ ಬೋಲಾನು ನಾಮ್ನಿ ಗಲ್ಲಿಮ ಜಾ಼. ಹಿಜ್ಜಛಾ಼ತೆ ಯೂದನ ಘರ್‌ಮ ದೇಖಿನ್ ತಾರ್ಸಸ್‍ ಖ್ಹಯೇರ‍್ನು ಸೌಲನಿ ಬಾರೇಮ ಪೂಛಾ಼ವ್ ಯೊ ಹಮ್ಕೆ ಪ್ರಾರ್ಥನೆ ಕರುಕರಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:4

ಇನಿ ಘಣಿ ದಯಾಬಿ, ಖ್ಹಮಾಳಿಲ್ಯವಾನು ಅಜು಼ ಹಮೇಶಾನಿ ಶಾಂತಿ ಅನಖ್ಹಾರು ತೂ ಝಿಟ್ಕಾರಸ್ಕಿ ಶು? ದೇವ್ನಿ ಅಛ್ಛಿಗುಣ್‍ ತುನ ದಿಲ್‌ ಫರೈಲ್ಯಾವಭಣಿ ಚ಼ಲಾವ್‍ಶೆಕರಿ ಬೋಲಾನು ತುನ ಮಾಲುಮ್ ಕೊಯ್ನಿಕಿ ಶು?

ಇಬ್ರಿ 4:12

ದೇವ್ನಿ ವಚನ್ ಜಿವ್ತಜಾನ್ನು, ಕಾಮ್ ಕರ್ತುರ‍್ಯವಾನುಬಿ ಅಜು಼ ಖಿವಿ ಬೇಮ್ಹೋಡಾನಿ ತಲ್ವಾರ್‌ಥೀಬಿ ಚಾ಼ಲ್ತು ರ‍್ಹೀನ್, ಜಾನ್ನಬಿ ಆತ್ಮಾನ, ಕೀಲ್ ಬಿಶ್ಶಾನಾಬಿ ಅಲಕ್‍ ಕರಾಯೆತ್ರೆ ಪರಕ್ಮ ಪೇಶಿ ನಿಕ್‌ಳ ಎತ್ರೆಬಿ, ದಿಲ್ನಿಖ್ಹೂಜ್‍ನಾಬಿ ಸೋಚ್ ಸಮಜ್‌ನಾಬಿ ಪರ್ಖಾನು ಹುಯಿರ‍್ಹುಸ್.

ಪ್ರಕಾಶಿತ್ 2:21

ಯೊ ಹೈರಿತೆನ ವ್ಯಬಿಚಾರ್‌ನ ಮ್ಹೇಲಿನ್ ಮನ್‌ಫರೈನ್ ದೇವ್‌ಭಣಿ ಫರಾನ ಮೇ ಯೋ ತಯೇಡಾನ ಗಡುದಿದೊ ತೋಬಿ ದೇವ್‌ಭಣಿ ಫರಾನ ಇನ ಮನ್ ಕೊಆಯುನಿ.